ممبئی : کانجور مارگ اور بھانڈوپ ریلوے لائن سگنل میں تکنیکی خرابی کے سبب سینٹرل اور ہاربر لائنوں کی ٹرینیں تاخیر سے چلائی جا رہی ہے جبکہ ٹرینوں کے سبب مسافروں کو کافی پریشانیوں کا سامنا ہے پلیٹ فارم پر مسافروں کی بھیڑ جمع ہونے کے سبب ٹرینوں میں چڑھنا محال ہے مسافر بے حال ہے جبکہ ریلوے سروسیز بری طرح سے متاثر و مفلوج ہو کر رہ گئی ہے تفصیلات کے مطابق 26 اکتوبر 2026 کو، تقریباً صبح 09:30 بجے، کانجورمارگ ل پر تمام لائنیں بندہو گئیں اور تمام سگنل غیر فعال ہو گئے۔ اس واقعے کی اطلاع ریلوے انتظامیہ کی جانب سے دی گئی۔ اس خرابی کے باعث، کانجورمارگ اور وکھرولی و بھانڈوپ کے درمیان سگنل غیر فعال ہو گئے۔ ٹرین آپریشنز کو متاثر ہونے کے بعد کے اے-بورڈ’ اتھارٹی (اے بورڈ اتھارٹی): کانجورمارگ اور وکھرولی و بھانڈوپ کے درمیان ٹرینیں ‘اے-بورڈ’ اتھارٹی کے تحت چلائی گئیں۔ بھانڈوپ وکھرولی بھانڈوپ کے درمیان 5ویں اور 6ویں لائن پر بھی ٹرینیں ‘اے-بورڈ’ اتھارٹی کے تحت چلائی گئیں۔

ایبسلوٹ بلاک ورکنگ وکھرولی اور بھانڈوپ کے درمیان ‘ڈاؤن لوکل لائن’ اور ‘ڈاؤن تھرو لائن’ کے لیے، نیز بھانڈوپ اور وکھرولی کے درمیان ‘اپ لوکل لائن’اور ‘اپ تھرو لائن’کے لیے نافذ کی گئی۔ ٹرین موومنٹ اتھارٹی: ٹرینوں کو ‘ٹی ڈی 912’ اتھارٹی کے تحت چلنے کی اجازت دی گئی۔ پہلی ٹرینیں ڈاؤن لوکل لائن (وکھرولی سے)ٹرین نمبر کے 39 ڈاؤن تھرو لائن (وکھرولی سے): ٹرین نمبر بی ایل 11 اپ لوکل لائن (بھانڈوپ سے) چلائی گئی۔ خرابی کی وجہ، بحالی کی صورتحال اور ٹرین سروسز کی معمول کے مطابق بحالی کی کوششیں جاری ہے جبکہ ٹرینوں کے اوقات سے سینٹرل لائن پر ٹرینیں ایک سے نصف گھنٹہ سے تاخیر سے چلائی جارہی ہے ریلوے انتظامیہ نے بتایا ہے کہ جنگی پیمانے پرکام جاری ہے تاحال ریلوے ٹرین پٹری اور معمولات پر نہیں لوٹی ہے اور کوششیں جاری ہے۔ پی آر او سوپنیل نیلا نے بتایا کہ خرابی کے سبب ٹرینیں تاخیر سے چلائی جارہی ہے ریلوے انتظامیہ جلد ہی ٹرینوں کی خدمات معمول پر بحال کرے گی۔

ممبئی : ملک بھر میں احتجاجات کا سلسلہ جاری ہے ایسے میں احتجاجات کے پر تشدد رخ اختیار کرنے کا خطرہ لاحق ہے ایسی صورتحال سے محفوظ رہنے کے لئے مسلم نوجوانوں کو احتجاجات میں شریک نہ ہونے کی اپیل کرنا مہاراشٹر کے مفتی چیف آف قاضی مفتی منظور ضیائی کے لئے مہنگا ثابت ہوا ہے مفتی منظور ضیائی کو جان سے مارنے کی دھمکی آمیز پیغام سوشل میڈیا پر موصول ہونے کے لئے میرا روڈ میں مفتی منظور ضیائی نے شکایت درج کروائی ہے پولیس نے این سی درج کر لیا ہے جبکہ اس معاملہ میں مفتی منظور ضیائی نے تحریری شکایت بھی کی ہے اور یہ بتایا ہے کہ کس طرح سے انہیں اور ان کے کنبہ کی جان کو خطرہ لاحق ہے اور پولیس و سرکار سے تحفظ کا مطالبہ کیا ہے۔

سوشل میڈیا پر مفتی منظور ضیائی کا ایک و یڈیو وائرل ہوا تھا جس میں انہوں نے نام نہاد مسلم قائدین کو نشانہ بناتے ہوئے کہا تھا کہ مسلم قائد و دانشور مسلم نوجوانوں سے اپیل کر تے ہیں کہ وہ اپنی شناخت کے ساتھ احتجاجات میں شریک ہو اس پر مفتی منظور ضیائی نے کہا کہ اگر اس احتجاجات میں شرکت کے سبب ان پر کیس درج ہوتا ہے تو کیا یہ قائدین ان کی رہائی کے لئے کوششیں کریں گے نوجوانوں کا مستقبل احتجاجات میں شریک ہونے کے بعد تباہ ہوسکتا ہے انہیں نوکریاں ملنے میں دشواریاں پیدا ہوگی اس کے بعد سوشل میڈیا پر مفتی منظور ضیائی کو جان سے مارنے کی دھمکی اور انہیں اور ان کے بچوں کو دہشت گرد قرار دیا گیا جس کے بعد ۲۶ اکتوبر کو میرا روڈ مفتی منظور ضیائی کی شکایت پر ۳۵۶(۲)،۳۵۱(۲)،۳۵۲ کے تحت این سی درج کی گئی ہے اس متعلق پولیس مزید تفتیش کر رہی ہے۔ مفتی منظور ضیائی نے اس واقعہ پر تشویش کا اظہار کرتے ہوئے تحفظ کا مطالبہ کیا ہے انہوں نے کہا کہ ان کا اکثر و بیشتر ملک میں دورہ ہوتا ہے جبکہ ان کے پاس سیکورٹی بھی میسر ہے اس کے ساتھ ہی سیکورٹی میں بھی اضافہ کا مطالبہ کیا ہے۔

ممبئی سمیت ملک بھر میں سی جے پی و اپوزیشن پارٹیوں کا دھرنا مورچہ اور احتجاجات جاری ہے ایسے میں مفتی منظور ضیائی نے نوجوانوں کواس سے دور رہنے کی اپیل کی تھی یہی وجہ ہے کہ انہیں دھمکی موصول ہوئی ہے اب پولیس اس معاملہ میں تفتیش کر رہی ہے۔ اس معاملے میں میرا بھائیندر کے پولیس کمشنر نکیت کوشک سے بھی مفتی منظور ضیائی نے ملاقات کر کے انہیں تمام تفصیلات سے آگاہ کیا ہے اس معاملے میں پولیس نے ضروری کارروائی کی انہیں یقین دہانی کروائی ہے جبکہ مفتی منظور ضیائی نے یہ واضح کیا ہے کہ وہ دھمکیوں سے ڈرنے والے نہیں ہے وہ اسی طرح سے اپنا فرائض انجام دیتے رہیں گے کیونکہ نوجوانوں کو ورغلا کر سماج دشمن عناصر فائدہ اٹھاتے ہیں اور اس سے ان کا مستقبل تباہ ہوجاتا ہے یہ ناقابل برداشت ہے۔

ممبئی : ٹائیگر شراف فائرنگ کے بعد تفتیش میں یہ انکشاف ہوا ہے کہ لارنس بشنوئی کے نشانے پر پونے میں ایک تاجر اور ممبئی میں ایک فلم اسٹارتھاگینگ کا مقصد فلم انڈسٹری اور تاجروں میں خوف پیدا کر کے ہفتہ وصولی یا تاوان وصولی کرنا ہے لارنس بشنوئی گینگ کا مقصد قتل نہیں بلکہ فلم انڈسٹری اور تاجروں میں خوف و دہشت پیدا کرنا ہے ۔ لارنس بشنوئی گینگ کے 56 کارندے ممبئی کی مختلف جیلوں میں بند ہیں اور انہوں نے گزشتہ 2-3 برسوں میں ممبئی پونے میں 10 سے زیادہ جرائم کی وارداتیں انجام دی ہیں ۔ بالی ووڈ کو نشانہ بنانا لارنس گینگ کا مقصد ہے اور تاجر برادری میں خو ف و دہشت پیدا کرنے کے لئے گینگ فلم اداکار کو نشانہ بنانے کی سازش میں ملوث ہے ۔

ٹائیگر شراف کیس میں آر اے کالونی جنگل میں شوٹروں نے فائرنگ کی تربیت حاصل کی تھی ایک چرواہے نے ان شوٹروں کو فائرنگ کرتے ہوتے دیکھا تھا وہ اس میں چشم دید گواہ کی حیثیت رکھتا ہے چرواہے کے مطابق تین سے چار افراد نے یہاں فائرنگ کی تربیت حاصل کی تھی اس نے ان شوٹروں کو گولی داغتے ہوئے دیکھا ہے ۔ ٹائیگر شراف سے متعلق کیس میں نت نئے خلاصے ہو رہے ہیں کرائم برانچ کی تفتیش میں کئی اہم پیش رفت بھی ہوئی ہے اس معاملہ میں اسلحہ جات کی برآمدگی بھی ہوئی ہے اس کے علاوہ پولس نے اس معاملہ میں جن شوٹروں کو گرفتار کیا ہے ان سے تفتیش میں لارنس بشنوئی گینگ کے انیل پنڈت سے متعلق بھی انکشاف ہوا ہے شوٹر انیل پنڈت کے رابطے میں تھے ۔