(وفا ناہید)
قاضی اہلسنت حضرت مولانا مفتی واجد علی یارعلوی صاحب قبلہ کی سرپرستی میں سنی کونسل کی اہم میٹنگ حسین سیٹھ کمپاؤنڈ میں منعقد ہوئی۔ خلیفہ قائد ملت علامہ سید محمود اشرفی الجیلانی کچھوچھہ شریف حضرت مولانا حافظ رفیق احمد اشرفی کی صدارت میں حافظ محمد اسماعیل اشرفی کی تلاوت اور اناؤنسر شہزاد عامر کی نعت پاک سے میٹنگ کا آغاز ہوا صوفی ملت صوفی غلام رسول قادری نے میٹنگ کی غرض وعایت بیان کرتے ہوئے سنی کونسل کے احتجاج میں شریک ہونے کی اپیل کی صدر سنی کونسل الحاج یوسف الیاس نے بتایا کہ 22 جنوری بروز بدھ سے شاہین باغ کی طرز پر خواتین کے احتجاجی دھرنے کا اعلان کیا گیا ہے اسے کامیاب کرنے کے لئے تمام علماء کرام، ائمہ مساجد، مدرسینِ مدارس، اور خانقاہوں کے مشائخین عظام کے ساتھ ساتھ ملی تنظیموں کی بھر پور حمایت بڑے پیمانے پر حاصل ہے لہذا انتظامات میں سب کا تعاون درکار ہے سنی کونسل کے ترجمان محمد عمران رضوی نے بتایا کہ یہ احتجاجی دھرنا بروز بدھ صبح دس بجے سے شروع ہوجائے گا اور دھرنا بے مدت ہوگا خواتین کا یہ دھرنا مسلسل رات و دن جاری رہے گا اور دھرنے میں شامل خواتین کا ہر طرح سے خیال رکھا جائے گا نیز جو خواتین کسی ضرورت کے تحت جانا چاہیں تو ان کی جگہ دوسری خواتین لے لیں گی اس کے علاوہ بھی دھرنے میں بیٹھی ہوئی خواتین کا حوصلہ بڑھانے کے لئے خواتین کے آنے جانے کا سلسلہ جاری رہے گا دارالعلوم حنفیہ سنیہ کے صدر مدرس خلیفہ حضور محدث کبیر و اشرف الفقہاء فاضل جامعہ ازہر حضرت علامہ مولانا مدثر حسین ازہری صاحب قبلہ نے خواتین کے اس دھرنے کو وقت کی اہم ضرورت قرار دیتے ہوئے فرمایا کہ اس دھرنے میں شریعت کا مکمل پاس و لحاظ رکھا جائے نیز رپورٹر حضرات وغیرہ انتظامیہ کی اجازت کے بغیر خواتین کا انٹرویو یا تصاویر نہ لیں اس کا خاص خیال کیا جائے دھرنے میں این آر سی اور سی اے اے کے خلاف تقاریر کے ساتھ علماء کرام خواتین کی تربیتی اور اصلاحی بیانات بھی کریں خانقاہ اشرفیہ کے ذمہ دار حاجی حنیف صابر نے کہا کہ حتی الامکان اس دھرنے میں غیر مسلم خواتین کو بھی شریک کرنے کی کوشش کی جائے _ نوری مشن روح رواں غلام مصطفیٰ رضوی نے نوری مشن کی جانب سے ہر طرح کے تعاون کا اعلان کیا اور خصوصی طور پر اخبارات کو رپورٹنگ کرنے اور میڈیا کے سوالات پر جواب دینے کے لئے قلمی تعاون کی پیشکش کی نظامیہ اشرفیہ فاونڈیشن کے صدر صادق حسین اشرفی، سنی تعزیہ کمیٹی کے صدر ریاض احمد عطر والے، انجمن سالکی فاونڈیشن کے صوفی عبدالودود سالکی، بزم اکمل کے جاوید اکمل ، مدرسہ امیر حمزہ کے عزیز سر ، دارالعلوم فیض القران کے ناظم اعلیٰ صوفی جمیل احمد قادری ٹیلر ، سنی حسینی مشن کے صدر ساجد حسین اشرفی صاحب، سی سی اے کے صدر پروفیسر عبدالمجید صدیقی مسجد اہلسنت کیمپ کے پیش امام مولانا یوسف چشتی , اناونسر شہزاد عامر، محمد فاروق اور خالد اختر وغیرہ نے اپنے قیمتی مشوروں سے نوازا . اخیر میں قاضی اہلسنت مفتی واجد علی یارعلوی صاحب قبلہ نے خطاب کرتے ہوئے فرمایا کہ انسان میں جذبہ ہو تو اللہ کی مدد حاصل ہوتی ہے اور الحمدللہ الحاج یوسف الیاس اور صوفی غلام رسول قادری کے ساتھ یہاں حاضر ہر شخص میں جذبہ ہے اسلام کی شہزادیوں میں بھی غضب کا جذبہ ہے اس لیے انشاءاللہ اللہ کی مدد ہوگی اور ہم اس ظالم حکومت کے سامنے ضرور کامیاب ہونگے صدارتی خطبے میں حضرت حافظ رفیق احمد اشرفی نے تمام سلسلے کے لوگوں کو یکجا کرنے پر سنی کونسل کا شکریہ ادا کیا اور کہا کہ یہ ہمارے بزرگوں کا طریقہ رہا ہے جسے تمام لوگوں کے اتحاد سے ہی آگے بڑھایا جاسکتا ہے الحمدللہ ہم سب نے یہاں حاضر ہوکر اتحاد کا ثبوت دیا ہے اور آگے بھی ہم لوگ متحد رہینگے تو کوئی طاقت ہمارا کچھ بگاڑ نہیں سکتی اس میٹنگ میں بڑی تعداد میں ذمہ داران شریک تھے درود و سلام اور دعا پر میٹنگ ختم ہوئی اور اخیر میں حافظ اسماعیل اشرفی صاحب نے حاضرین میٹنگ کا شکریہ ادا کیا .