ممبئی : گستاخ رسول, نازیہ الہی کے خلاف سخت کارروائی کی جائے, کیونکہ اس سے نظم و نسق کا خطرہ ہے, ایسے حالات میں ریاست میں بدامنی پیدا ہونے کا اندیشہ ہے۔ اس لئے توہین رسالت اور اہم شخصیات کی شان میں گستاخی کا ارتکاب کرنے والوں کے خلاف دس سال سے زائد کی سزا تجویز کرنے کے ساتھ قانون سازی کی جائے۔ یہ مطالبہ آج یہاں ممبئی مہاراشٹر سماجوادی پارٹی لیڈر اور رکن اسمبلی ابوعاصم اعظمی نے کیا ہے۔ انہوں نے وزیر اعلیٰ دیویندر فڑنویس سے مطالبہ کیا ہے کہ ریاست بھر میں نازیہ الٰہی کے خلاف ایف آئی آر درج کرنے کے لیے مسلمان پولس اسٹیشنوں کا رخ کر رہے ہیں, لیکن اب تک گستاخ ملعونہ پر کوئی کارروائی نہیں کی گئی ہے جس سے مسلمانوں میں ناراضگی ہے۔ آج سماج وادی پارٹی ممبئی/ مہاراشٹر کے ریاستی صدر اور ایم ایل اے ابو عاصم اعظمی نے کہا کہ بی جے پی اقلیتی رہنما نازیہ الٰہی کے سوشل میڈیا پر پیغمبر اسلام اور اسلام کے خلاف اشتعال انگیز بیانات نے مسلمانوں کے جذبات مجروج ہوئے ہیں, اس لیے ملک اور ریاست میں بے چینی و اضطراب لہر ہے اور اس سے امن و امان کے لیے خطرہ ہیں۔ اس لیے مہاراشٹر کے وزیر اعلی دیویندر فڑنویس سے درخواست کی کہ وہ ایف آئی آر درج کر کے اسے گرفتار کرے۔

ممبئی : مہاراشٹر قانون ساز اسمبلی میں رکن اسمبلی اور ایس پی لیڈ ابوعاصم اعظمی کے گوونڈی شیواجی نگر میں ایس ایم ایس کمپنی بند کرنے کے مطالبہ کی پیروی کو آج اس وقت کامیابی ملی, جب یہاں ایوان اسمبلی میں وزیر ماحولیات پنکجہ منڈے بتایا کہ ایس ایم ایس کپ کمپنی بند کرنے سے متعلق تفصیل بتاتے ہوئے کہاُ کہ کمپنی کو بند کرنے کا حکم جاری کیا گیا ہے, اس کی ایم آئی ڈی سی میں منتقلی کا عمل بھی جاری ہے۔ منتقلی تک انتظار کرنا ہوگا اگر اس دوران بھی کمپنی سے اصول و ضوابط کی خلاف ورزی ہوتی ہے تو اس پر سخت کارروائی ہو گی۔ انہوں نے کہا کہ ایس ایم ایس کمپنی کی منتقلی تک صبر کرنا ہوگا, یہاں سے یہ کمپنی منتقل ہو گی۔ ابوعاصم اعظمی نے ایوان میں بتایا کہ ایس ایم ایس کمپنی سے متعلق سابقہ سرکار کے وزیر ادیتہ ٹھاکرے نے ۲۰۲۲ میں کمپنی بند کرنے کا دعویٰ کیا تھا لیکن اب تک یہ کمپنی یہاں موجود ہے۔ اس سے عوام کی صحت پر مضر اثرات مرتب ہوتے ہیں۔ ایس ایم ایس کمپنی ہی نہیں یہاں چار آر ایم سی پلانٹ بھی ہے, اس کے ساتھ ہی شہر کا کوڑا کچرا بھی یہاں پھینکا جاتا ہے۔ اعظمی نے کہا کہ سرکار کی چشم پوشی کا شکار گوونڈی شیواجی نگر علاقہ ہے, جب اجیت پوار اس علاقہ میں تشریف لائے تھے تو انہوں نے گوونڈی مانخورد کی پسماندگی اور بدحالی پر حیرت کا اظہار کرتے ہوئے یہ کہا تھا کہ ممبئی میں اتنا پسماندہ علاقہ مانخورد شیواجی نگر ہے, اس کے بعد انہوں نے فنڈ فراہمی کا بھی یقین دلایا تھا لیکن آج وہ ہمارے درمیان نہیں ہے۔ ایوان میں اسمبلی کی کامیاب پیروی کا نتیجہ ہے کہ ایس ایم ایس کمپنی منتقلی کو یقینی بنایا گیا ہے اور جلد ہی فضلا اور فضائی آلودگی کی ذمہ دار ایس ایم ایس کمپنی بند ہو گی۔

ممبئی مانسون کی تیاریوں کے ایک حصے کے طور پر ممبئی میونسپل کارپوریشن نے ممبئی میں سب سے خطرناک و مخدوش تباہ حال درختوں کا سروے اور کٹائی کی ہے۔ تاہم میونسپل کارپوریشن کے پارکس ڈپارٹمنٹ نے اہلیان ممبئی سے اپیل کی ہے کہ وہ بارش کے دوران درختوں کے نیچے کھڑے نہ ہوں اور نہ ہی ان کے نیچے گاڑیاں کھڑی کریں۔ مانسون کے موسم میں ممکنہ خطرات کو ذہن میں رکھتے ہوئے میونسپل کارپوریشن کے پارکس ڈیپارٹمنٹ نے ممبئی میں سب سے خطرناک درختوں کی سائنسی طریقے سے کٹائی کی ہے۔ اس بات کو مدنظر رکھتے ہوئے تیز ہواؤں کے دوران درختوں یا شاخوں کے گرنے کے امکان کو رد نہیں کیا جا سکتا, لہٰذا شہری بارش کے دوران درختوں کے نیچے کھڑے ہونے سے گریز کریں۔ تیز ہواؤں اور بارشوں کے دوران درختوں کے گرنے یا شاخوں کے ٹوٹنے کا بہت زیادہ امکان ہوتا ہے۔ اس لیے محکمہ پارکس نے شہریوں سے اپیل کی ہے کہ بارش سے بچتے ہوئے درختوں کے نیچے کھڑے ہونے سے حتی الامکان گریز کریں۔ اس سلسلے میں محکمہ پارکس نے ممبئی شہر، مشرقی اور مغربی مضافاتی علاقوں میں مختلف مقامات پر معلوماتی کتابچے آویزاں کر کے بیداری پیدا کی ہے۔ ممبئی میں خطرناک درخت سے متعلق پارکس سپرنٹنڈنٹ جتیندر پردیشی نے کہا کہ اہلیان ممبئی کو چاہئے کہ وہ محکمہ کے دفتر (وارڈ) میں پارکس ڈپارٹمنٹ سے رابطہ کریں یا سول سروس نمبر 1916 پر رابطہ کریں جو عمارتوں اور ہاؤسنگ سوسائٹیوں کے احاطے میں، آس پاس اور سڑکوں کے آس پاس خطرناک معلوم ہوتے ہیں۔ انہوں نے ممبئی کے باشندوں سے بھی اپیل کی ہے کہ وہ اپنی عمارتوں اور سوسائٹی کے احاطے میں خطرناک درختوں کی کٹائی کے لیے ضروری اجازت حاصل کریں اور ممکنہ خطرے سے بچیں۔