(خیال اثر)
شہر کے تعمیری ذہن رکھنے والے ترقی پسند تعلیم یافتہ نوجوانوں کی تنظیم مالیگاؤں ڈیولپمنٹ فرنٹ نے بروز منگل 8 ستمبر 2020 کو ڈپٹی کمشنر نتین کاپڑنیس کی آفس کے اندر شام پانچ بجے سے رات ساڑھے آٹھ بجے تک زمین پربیٹھ کردھرنا دیا.
مالیگاؤں ڈیولپمنٹ فرنٹ کی جانب سے شہر کی سڑکوں کی مرمت, پیچ ورک, گھڑوں اور تعمیر نو کو لیکر گزشتہ ایک ماہ سے کل چھ مطالباتی مکتوب کمشنر ٹی ڈی کا سار اور ڈپٹی کمشنر کو دیئے گئے تھے. لیکن مسلسل نظر انداز کرنے کی صورت میں ایم ڈی ایف ٹیم کے نوجوانوں نے ڈپٹی کمشنر سے جواب طلب کرنے گئے تو ڈپٹی کمشنر ناراض ہوگئے اپنا موبائل ٹیبل پر پٹھک دیا اور غصے میں آکر پولس اہلکاروں کو بلوا کر دھرنے کو روکا دیا.
احتشام بیکری والا (صدر) نے جب ڈپٹی کمشنر نے التماس کیا کہ ہمارے ساتھ ملکر شہر کا دورہ کرو تو ڈپٹی کمشنر صاحب صفائی پیش کرنے لگے کہ شہر میں ترقیاتی کاموں کیلئے فنڈ نہیں ہے. انھوں نے کہا کہ شہر کے مسائل کو مہا سبھا میں جاکر اٹھاؤ. ان کے بات کرنے کے طریقے سے صاف ظاہر ہورہا تھا کہ انھیں عوام کی کوئی پرواہ نہیں نیز شہر کے بنیادی مسائل, ترقیاتی کاموں اور بدعنوانیوں پر خاموش اختیار کرو یعنی کاروریشن صرف عوام سے ٹیکس وصول کرے گی لیکن کام کے بارے میں سوال پوچھنا عوام کا کوئی حق نہیں ہے.
عمران راشد نے بطور جرنلسٹ سوالات کئے تو جناب برا مان گئے. میڈیا والوں کو تصویر و ویڈیو نکالنے سے منع اور انھیں بار جانے کو کہا. بعد ازاں عمران راشد نے بڑے ہی ادب اور صلیقہ سے کہا کہ دیکھو ایم ڈی ایف اعلی تعلیم یافتہ نوجوانوں کی تنظیم ہے جو شہر کی ترقی کیلئے کوشاں ہیں لیکن اس کے برخلاف ڈپٹی کمشنر غیر زمہ دار اور غیر اخلاقی طریقہ سے پیش آئے.
اسی طرح سے اسامہ اعظمی(ترجمان) اور دیگر اراکین نے ڈپٹی کمشنر سے گزارش کی کہ شہر کی سڑکوں کی مرمت کیوں نہیں ہورہی ہے تو اس پر ڈپٹی کمشنر نے طرح طرح کے جوابات دئیے.
ڈپٹی کمشنر کے مطابق شہر مالیگاؤں کی تمام سڑکوں کا تعمیری کام ہوچکا ہے. انھوں نے لفظی جواب دیا کہ بارش کے بعد کام شروع کیا جائے گا. کبھی یہ کہا کہ آپ ٹھیکیدار اور وارڈ کے کارپوریٹر سے بات کرو. ایک بار یہ کہا کہ شہر کی سڑکوں پر گڑھے ہی نہیں ہے اگر ہے تو ثبوت پیش کرو. جس پر ایم ڈی ایف بطور ثبوت چند فوٹو پیش کئے. انھوں نے سڑکوں کی مرمت و تعمیر نو کو لیکر بھی صاف الفاظ میں ڈپلومیٹک باتیں پیش کی. پہلے کہا کہ اس کا بجٹ پاس اور کام بھی ہوا ہے. بعد میں یہ بھی کہنے لگے کہ کارپوریشن کے پاس سڑکوں کی مرمت کیلئے کوئی فنڈ نہیں ہے. نیز سو سے زائد لفظی طور پر بغیر سراور پیر کی باتیں کہیں لیکن ایک حملہ بھی تحریری طور پر نہیں دیا.
ایم ڈی ایف کے اراکین باربار ڈپٹی کمشنر سے تحریری جواب کی مانگ کرتے رہے یہاں تک کے شام پانچ بجے سے رات ساڑھے آٹھ بج گئے لیکن کمشنر ٹس سے مس نہیں ہوا.
جلدہی ایم ڈی ایف کے ہمراہ کمشنر و ڈپٹی کمشنر کو شہر کا دورہ کرایا جائے گا. اس دھرنا میں احتشام بیکری والا (کمپیوٹر انجینئر), عمران راشد (ایم اے, ڈی ٹی ایڈ, ماس میڈیا), اظہر رفیق (ایم بی اے, سیفٹی انجینئر), پروفیسر حبیب الرحمن (ایم ٹیک, پی ایچ ڈی), پروفیسر ایس این انصاری (ایم ایس سی, ریسرچ اسکالر), اسامہ اعظمی (ترجمان), ابوذر غفاری (میکانیکل انجنئیر), وسیم بیگ (ایم ایس سی,بی ایڈ), محمد مدثر (میکنیکل انجینئر), شخاوت لیاقت (بی اے, بی ایڈ), ببو ماسٹر, ندیم پلمبر, رئیس عثمانی, افضال پرویز, زید اختر اور دیگر فعال نوجوانوں نے شامل رہے.