Connect with us
Friday,23-May-2025
تازہ خبریں

جرم

ممبئی میں مریضوں کی تعداد ۲۵۵۰۰؍ کے ساتھ مہاراشٹر میں۴۱؍ہزار۶۴۲؍ مریض کرونا سے متاثر پائے گئے:وزیر صحت

Published

on

virus

(محمد یوسف رانا)
ملک میں چوتھے مرحلے کے لئے ۳۱؍ مئی تک لاک ڈاون کا اعلان کیا گیا اس سے پہلے ریاست کے وزیر اعلی نے تمام ڈیوزنل کمشنروں اور ضلع کلکٹروں سے ویڈیو کانفرنسنگ کے ذریعہ میٹنگ کرتے ہوئے انہیں ۳۱؍ مئی تک مہاراشٹر کے تمام ریڈ زون والے علاقوں کو گرین زون میں لانے کے لئے منصوبہ بندی اور ضروری اقدامات کی ہدایات دی تھی لیکن مہاراشٹر دن بہ دن کرونا کے مریضوں کی تعداد تشویشناک حد تک بڑھتی ہی جا رہی ہے ہندوستان میں کرونا سے متاثرین مریضوں کا ایک تہائی حصہ صرف مہاراشٹر میں پایا جا رہا ہے۔آج ریاست کے وزیر صحت راجیش ٹوپے اطلاع دیتے ہوئے بتایا کہ مہاراشٹر میں ۲۳۴۵؍نئے مریضوں کا اضافہ ہوا ہے جس کی وجہ سے ریاست میں کرونا سے متاثرہ مریضوں کی تعداد ۴۱؍ہزار ۶۴۲؍ ہوگئی ہے۔ وہیں آج ریاست میں۱۴۰۸؍ افراد کرونا کےخلاف جنگ لڑتے ہوئے اس مہلک بیماری کو شکست دے کر مکمل طو رپر صحتیاب ہو کر اپنے گھروں کو روانہ ہوگئے ہیں۔
انہوں نے مزید بتایا کہ ریاست میں اب تک ۱۱؍ہزار۷۲۶؍ کرونا کے مریض صحت یاب ہوچکے ہیں۔ موجودہ وقت میں۲۸؍ہزار ۴۵۴؍مریض زیر علاج ہیں۔ آج ریاست میں ۶۴؍افراد کی کرونا کی وجہ سے موت واقع ہوئی۳۶؍مرد اور۲۸؍ خواتین ہیں مرنے والوں میںممبئی کے ۴۱؍، مالیگاوں۹؍، پونہ۷؍، اورنگ آباد۳؍، نئی ممبئی۲؍، پمپری چنچوڑ، شولا پور میں ایک ایک افراد شامل ہیں اسی طرح اب تک کل۱۴۵۴؍ لوگوں کی اموات واقع ہوچکی ہیں۔
ٹوپے نے مزید بتایا کہ ریاست میں اب تک ۳؍لاکھ۱۹؍ہزار ۷۱۰؍ افراد کے سوئب نمونے جانچ کے لئے بھیجے گئے ہیں۔ جن میں ۲؍لاکھ۷۸؍ہزار ۶۸؍ افراد کے نمونے منفی پائے گئے ہیں جبکہ ۴۱؍ہزار۶۴۲؍افراد کی رپورپ مثبت آئی ہے۔ ریاست میں۴؍لاکھ ۳۷؍ہزار۳۰۴؍ لوگوں کو گھریلو قرنطینہ میں رکھا گیا ہے۔ اسی طرح سرکاری قرنطینہ میں۲۶؍ہزار۸۶۵؍ لوگوں کو رکھا گیا ہے۔ریاستی سطح پر کرونا مریضوں کی تعداد اگر دیکھی جائے تو ممبئی میں۲۵۵۰۰؍ کرونا سے متاثر ہیں وہیں ۸۸۲؍افراد اب تک موت واقع ہوچکی ہے۔تھانہ اور مضافات۲۳۸۶؍ افراد، نئی ممبئی۱۶۶۸؍، کلیان ڈومبولی۶۴۱؍، الہاس نگر کارپوریشن۱۳۱؍، بھیونڈی نظام پور۸۰؍، میرابھائیندر۳۶۲؍،پالگھر ۱۰۲؍، وسئی ویرا۴۲۵؍،رائے گڑھ۲۸۵؍، پنویل۲۷۱؍،ناسک ۱۱۳؍، مالیگاوں۷۱۰؍، احمد نگر۶۷،دھولیہ۹۵؍، جلگاوں ۳۳۱؍،نندوربار ۲۶؍،۴۴۶۲؍، پونہ، شولاپور۵۲۲؍، ستارہ ۱۸۴؍، کولہاپور۱۶۱؍، سانگلی۶۳؍، سندھودرگ ۱۰؍،رتناگیری ۱۲۳؍، اورنگ آباد ۱۱۲۶؍، جالنہ ۴۳؍، ہنگولی ۱۱۰؍، پربھنی ۱۸؍،لاتور۵۴؍، عثمان آباد ۱۹؍، بیڑ ۱۳؍، ناندیڑ۹۲؍، آکولہ۳۴۴؍، امراوتی۱۴۰؍، ایوت محل ۱۱۹؍، بلڈھانہ ۳۸؍، واشم۸؍، ناگپور۴۳۷؍، وردھا ۳؍،بھنڈارہ۹؍، گوندیا ۳؍،چندرپور۱۵؍، گڈچرولی۷؍

جرم

کریٹ سومیا پر کیس درج کرنے کے لیے مسلم تنظیموں کی قانونی چارہ جوئی

Published

on

Kreet Soumya

ممبئی : ممبئی بی جے پی لیڈر و سابق رکن پارلیمان کریٹ سومیا کیخلاف مسلم تنیظموں نے اب قانونی چارہ جوئی شروع کردی ہے۔ ممبئی امن کمیٹی میں مسلم عمائدین شہر و علماء کرام کی ایک اہم میٹنگ میں یہ فیصلہ لیا گیا کہ ممبئی شہر میں فرقہ وارانہ ہم آہنگی کو مکدرکرنے، دو فرقوں میں دشمنی پیدا کرنے، مذہبی منافرت پھیلانے کی پاداش میں کریٹ سومیا پر کیس درج کروایا جائے, شہر کے مختلف پولیس اسٹیشنوں میں کریٹ سومیا پر کیس درج کرنے کی درخواست داخل کی جائے۔ ان تمام قانونی چارہ جوئی کے باوجود اگر پولیس کریٹ سومیا پر کیس درج کرنے سے قاصر ہے, تو اس کیخلاف عدالت سے رجوع کیا جائے۔ مسلم تنظیموں نے کیس نہ درج کئے جانے کی صورت میں عدالت کا دروازہ کھٹکھٹانے کا بھی فیصلہ لیا ہے۔

ممبئی امن کمیٹی کے صدر فرید شیخ نے کہا کہ بی جے پی لیڈر کریٹ سومیا کی اشتعال انگیزی اور مسجدوں کے خلاف لاؤڈ اسپیکر ہٹاؤ مہم سے شہر کا ماحول خراب ہوا ہے۔ ایسے میں فرقہ وارانہ تشدد اور مذہبی منافرت کا خطرہ بھی لاحق ہے۔ اس سے ہندوؤں اور مسلمانوں میں خلیج بھی پیدا ہوئی ہے, اس لئے کریٹ سومیا کیخلاف ممبئی پولیس سے کیس درج کرنے کی درخواست کی گئی ہے۔ ساتھ ہی ہم نے وزیر اعلی دیویندر فڑنویس سے بھی مطالبہ کیا ہے کہ وہ شرپسند لیڈران پر کارروائی کرے, کیونکہ اس سے مہاراشٹر کا ماحول خراب ہورہا ہے۔

ہانڈی والا مسجد کے خطیب و امام مولانا اعجاز احمد کشمیری نے کہا کہ ممبئی شہر میں مسجدوں سے لاؤڈ اسپیکر ہٹانے کے معاملہ میں کریٹ سومیا کی اشتعال انگیزی فرقہ وارانہ تناؤ کا باعث بن چکی ہے, اور ایسی صورتحال میں مہاراشٹر اور ممبئی میں نظم ونسق کا مسئلہ پیدا ہوگیا ہے۔ انہوں نے کہا کہ مسجدوں کے لاؤڈ اسپیکر کے مسئلہ سمیت کریٹ سومیا کی اشتعال انگیزی پر قانون چارہ جوئی کے معاملہ میں یہ میٹنگ منعقد کی گئی تھی, جس میں یہ فیصلہ لیا گیا کہ کریٹ سومیا پر کیس درج کرنے کیلئے این جی اوز اور تنظیمیں پولیس اسٹیشنوں سے رجوع ہوکر درخواست کریگی, اگر ان تمام درخواستوں کے باوجود کیس درج نہیں کیا گیا تو جلد ہی عدالت سے رجوع کیا جائے۔ انہوں نے کہا کہ ممبئی شہر میں پرامن فضا کو برقرار رکھنے کیلئے کریٹ سومیا جیسے لیڈران پر روک لگانا انتہائی ضروری ہے کریٹ سومیا نے لاؤڈ اسپیکرسے پاک ممبئی ایک مہم شروع کر رکھی ہے۔ جس کے سبب وہ مسجدوں کے حدود میں پولیس اسٹیشنوں کا دورہ کر کے پولیس افسران پر دباؤ بنانے کی کوشش کرتا ہے۔ جس کے سبب یہاں نظم ونسق کا مسئلہ پیدا ہوتا ہے ان تمام حالات میں ممبئی میں کشیدگی پیدا ہونے کا خطرہ لاحق ہے اس لئے ہمارا سرکار سے بھی مطالبہ ہے کہ وہ کریٹ سومیا جیسے لیڈران پر کارروائی کرے اور ممبئی شہر میں امن وامان کی بقاء کیلئے کوششیں کرے۔ اس میٹنگ میں مولانا انیس اشرفی، نعیم شیخ، شاکر شیخ،اے پی سی آر کے سر براہ اسلم غازی، ایڈوکیٹ عبدالکریم پٹھان بھی شریک تھے

Continue Reading

جرم

منشیات سمگلنگ کا بڑا ریکیٹ بے نقاب… بارہ کروڑ روپے کے 2 کلو 183 گرام ہیروئن برآمد، اس کارروائی میں 5 سمگلروں کو گرفتار کیا گیا۔

Published

on

Arrest

سری گنگا نگر : راجستھان میں جاری اسمگلنگ پر پولس انتظامیہ کی گہری نظر ہے۔ اسی سلسلے میں، منگل کو سری گنگا نگر ضلع میں پولیس نے منشیات کی اسمگلنگ کے ایک بڑے ریکیٹ کا پردہ فاش کیا اور ڈرگ مافیا کو سخت جھٹکا دیا۔ پولیس نے امرتسر اور ملوٹ سے اسمگل کی گئی 2 کلو 183 گرام غیر قانونی ہیروئن برآمد کی ہے, جس کی بین الاقوامی مارکیٹ میں مالیت تقریباً 12 کروڑ روپے ہے۔ اس سنسنی خیز کارروائی میں 5 سمگلروں کو گرفتار کیا گیا جن کے قبضے سے 7 پستول (6 گلوک غیر ملکی پستول، 1 زیگانہ پستول)، 13 میگزین، 32 زندہ کارتوس برآمد ہوئے۔ اس کے علاوہ ایک کار اور ایک موٹر سائیکل بھی پولیس نے قبضے میں لے لی۔

ایس پی اور ڈی آئی جی گورو یادو نے پریس کانفرنس میں بتایا کہ یہ کارروائی ڈسٹرکٹ اسپیشل ٹیم (ڈی ایس ٹی) کی انٹیلی جنس اور فوری کارروائی کا نتیجہ ہے۔ یہ آپریشن آئی پی ایس بی نے کیا تھا۔ یہ آدتیہ اور ڈی ایس ٹی انچارج رام ولاس بشنوئی کی قیادت میں انجام دیا گیا۔ اس مشن میں ڈی ایس ٹی کے اشونی کا رول سب سے اہم تھا، جن کی درست معلومات اور حکمت عملی نے اسمگلروں کے منصوبوں کو ناکام بنا دیا۔ پولیس ذرائع کے مطابق گرفتار اسمگلر پنجاب کے امرتسر اور ملوٹ سے ہیروئن لا کر راجستھان میں سپلائی کرتے تھے۔ برآمد ہونے والے غیر ملکی ہتھیاروں سے واضح ہے کہ یہ گینگ صرف منشیات فروشی تک محدود نہیں تھا بلکہ منظم جرائم میں بھی ملوث تھا۔ پولیس اب اس نیٹ ورک کے پیچھے ماسٹر مائنڈ اور دیگر مشتبہ افراد کی تلاش کر رہی ہے۔

یہ کارروائی منشیات کی اسمگلنگ اور غیر قانونی ہتھیاروں کے خلاف سری گنگا نگر پولیس کی زیرو ٹالرنس پالیسی کی عکاسی کرتی ہے۔ ڈی آئی جی گورو یادو نے کہا، ‘ہمارا مقصد منشیات فروشوں کو جڑ سے اکھاڑ پھینکنا ہے۔ نوجوانوں کو منشیات کی دلدل سے بچانے کے لیے ایسے اقدامات مستقبل میں بھی جاری رہیں گے۔ پولیس نے اس ریکیٹ کے بین الاقوامی رابطوں اور مقامی نیٹ ورک کا پتہ لگانے کے لیے گرفتار سمگلروں سے پوچھ گچھ شروع کر دی ہے۔ اس کارروائی سے ضلع کے اسمگلروں میں خوف و ہراس پھیل گیا ہے۔

Continue Reading

جرم

مہو میں ایک ریٹائرڈ بریگیڈیئر کو جعلی شیئر ٹریڈنگ ایپ کے ذریعے 1.26 کروڑ روپے کا دھوکہ، دو ملزمان گرفتار

Published

on

fake-share-trading-app

اندور : مہو میں ایک چونکا دینے والا واقعہ سامنے آیا ہے۔ لالچ کی وجہ سے ایک ریٹائرڈ بریگیڈیئر کو 1.26 کروڑ روپے کا نقصان ہوا۔ یہ فراڈ ایک جعلی شیئر ٹریڈنگ ایپ کے ذریعے ہوا۔ پولیس نے اس معاملے میں دو ملزمان کو گرفتار کیا ہے۔ مرکزی ملزم تاحال مفرور ہے۔ ملزمان نے ریٹائرڈ بریگیڈیئر کو بھاری کمائی کا لالچ دیا تھا۔ جعلسازوں نے بریگیڈیئر کو جعلی ایپ کے ذریعے سرمایہ کاری پر آمادہ کیا۔ جب بریگیڈیئر نے منافع واپس لینے کی کوشش کی تو اسے فراڈ کا پتہ چلا۔ پولیس نے فوری کارروائی کرتے ہوئے 6.50 لاکھ روپے منجمد اور 3.5 لاکھ روپے نقد برآمد کر لیے۔

Continue Reading
Advertisement

رجحان

WP2Social Auto Publish Powered By : XYZScripts.com