Connect with us
Wednesday,09-July-2025
تازہ خبریں

سیاست

وزیر اعلی کو ودھان پریشد کی نامزدگی سے گورنر کو کون روک رہا ہے؟:سنجے راوت

Published

on

(محمد یوسف رانا)
شیوسینا کے شعلہ بیاں رکن پارلیمنٹ سنجے راوت نے ایک مرتبہ پھر مہاراشٹر کے گورنرکو اپنی تنقید کا نشانہ بناتے ہوئے سیاسی گلیاروں میں سنسنی پھیلا دی ہے۔ انہوں نے ٹی وی چینل کو ایک انٹرویو دیتے ہوئے کہا کہ مہاراشٹر کے وزیر اعلی ادھوٹھاکرے کو۶؍ مہینے کا عرصہ مئی میں مکمل ہو رہا ہے- اس دوران گورنر کوٹے سے ودھان پریشد میں شامل ہونے میں ہو رہی تاخیر کے بارے میں سنجے راوت نے گورنر پر تنقید کرتے ہوئے سوالاٹھایا کہ آخر وزیر اعلی کو ودھان پریشد کے لئے نامزد کرنے کی کابینی سفارش کو منظوری دینے سے گورنر کو کون روک رہا ہے؟ حالانکہ گورنر بھگت سنگھ کوشیاری کی بی جے پی نوازی کسی سے پوشیدہ نہیں ہے مگر سیاست کرنے کا یہ وقت نہیں ہے۔ گورنر بھگت سنگھ کوشیاری خود وزیر اعلی رہ چکے ہیں۔ انہیں پتہ ہے کہ اس طرح کے حالات سے کس طرح نپٹارا کیا جائے؟ سنجے راوت نے گورنر کو مشورہ دیتے ہوئے کہا کہ انہیں ایسے حالات میں وزیر اعلی ادھو ٹھاکرے کے تعلق سے مثبت قدم اٹھانا چاہئے۔
کرونا کے خلاف جنگ لڑنے والے وزیر اعلی ادھو ٹھاکرے کے ساتھ مضبوطی سے کھڑے رہنے کی ضرورت ہے کیونکہ یہ لڑائی ملک کی لڑائی ہے اس طرح کے خیالات کا اظہار کرتے ہوئے اخبار نویسوں سے گفتگو کرتے ہوئے سنجے راوت نے مزید کہا کہ اپوزیشن کو لگتا ہوگا کہ اس طرح کی سیاست کرنے سے سرکار گر جائے گی یہ ان کی خام خیالی ہے۔ لاک ڈاون ہونے کے باوجود ہم غافل نہیں ہے کوئی اگر اس طرح کے حالات میں سرکار گرانے کے لئے شطرنج کی بساط بچھارہا ہے تو بچھائےمگر مجھے یقین ہے کہ وزیر اعلی ادھو ٹھاکرے ہی مہاراشٹر کے وزیر اعلی رہیںگے۔
واضح رہے گزشتہ دنوںکابینہ کی جانب سے بھیجی گئی قانون ساز کونسل میں ادھو ٹھاکرے کی رکنیت کی سفارش کے متعلق کہا کہ کئی روز ہونے کے بعد بھی گورنر نے اس سفارش کو منظوری نہیں دی- مہاراشٹر کے راج بھون میں گورنر افسران کے ساتھ بات کرتے ہوئے حکومتی نظام چلاتے ہیں۔ وزیر اعلی کے احکامات مختلف ہوسکتے ہیں ساتھ ہی گورنر کے بھی احکامات مختلف ہوسکتے ہیں۔ اس لئے کوروناس کے خلاف جنگ میںالجھن پیدا ہونے کا اندیشہ ہے۔کچھ خبریں اور غلط فہمیاں پھیلنے کی وجہ سےراج بھون موضوع بحث بنا ہوا ہے۔ مہاراشٹر کے گورنر خود وزیر اعلی اور پارٹی کے سرگرم رکن رہ چکے ہیں ایسے مواقع پر کیسے کام کرنا چاہئے؟ انہیں ادھو ٹھاکرے کے پیچھے مضبوطی سے کھڑے ہونا چاہئے۔
سنجے راوت نے مزید کہا کہ کسی کو بھی سیاسی فائدہ اور نقصان کے تحت کام نہیں کرنا چاہئے۔ ادھو ٹھاکرے ہمیشہ کہتے ہیں کہ سیاست مت کرو،عوام الناس کی مدد کے لئے سب کوآگے آکر مل کر کام کرنا چاہئے۔ ان حالات میں بھی اگرکچھ لوگوں کی جانب سے سیاست ہو رہی ہے تو وہ یاد رکھیں کہ وہ لوگ دراصل ریاستی حکومت اور مرکزی حکومت کے خلاف کام کر رہے ہیں اور ایسے لوگوں کے خلاف قومی جرم کے تحت مقدمہ درج ہونا چاہئے۔
انہوں نے کہا کہ قانونی طور پر ٹھاکرے حکومت کوئی غلط کام نہیں کرے گی۔ کسی کا نام نہ لیتے ہوئے اپوزیشن پر تنقید کرتے ہوئے کہا کہ ماضی میں ایسے کئی واقعات ہوئے ہیں کہ ایک وزیر اعلی کی حیثیت صرف ایک ایم ایل اے کی رہ گئی ہے۔

ممبئی پریس خصوصی خبر

ایوان اسمبلی میں رکن اسمبلی ابوعاصم اعظمی کا مانخورد شیواجی نگر میں ماحولیاتی آلودگی ایس ایم ایس کمپنی کو تلوجہ منتقلی کا پرزور مطالبہ

Published

on

Abu-Asim-&-Fadnavis

‎ممبئی مانخورد شیواجی نگر میں عام شہری سہولیات کا فقدان ہے۔ یہاں ایس ایم ایس کمپنی کے سبب ماحولیاتی آلودگی اور دیگر کچرا اور ڈمپنگ سے انسانی صحت متاثر ہونے کے ساتھ انسانی صحت پر اس سے مضر اثرات مرتب ہوتے ہیں, اس لئے ایس ایم ایس کمپنی کو فوری طور پر تلوجہ منتقل کیا جائے, اس کے ساتھ قبرستان جلد شروع کیا جائے, کیونکہ رفیع نگر قبرستان میں اب تدفین کی جگہ نہیں ہے اس کے قریب قبرستان تیار ہوگیا ہے اس لئے اس قبرستان کو شروع کیا جائے۔ یہ مطالبہ آج رکن اسمبلی اور سماجوادی پارٹی لیڈر اور رکن اسمبلی ابوعاصم اعظمی نے ایوان اسمبلی میں کیا ہے۔ انہوں نے مانخود شیواجی نگر گوونڈی کی ترقی کے لیے آج مانسون اجلاس میں خصوصی بجٹ کا مطالبہ بھی کیا ہے۔ انہوں نے کہا کہ ڈمپنگ گراؤنڈ، ایس ایم ایس کمپنی، بائیو ویسٹ انسینریٹر، سیمنٹ آر سی ایم پلانٹ اور جانوروں کی میت کو یہاں نذر آتش کرنے کی وجہ سے ماحولیات اور انسانی صحت متاثر ہے اور یہاں کے مکینوں کی عمر اوسطا ۳۹ سال ہوگئی ہے, یہ انتہائی تشویشناک ہے آلودگی کے سبب حالات بد سے بدتر ہوگئے ہیں اور علاقہ میں آلودگی ایک سنگین مسئلہ ہے اس کا اثر انسانی صحت پر بھی ہوتا ہے, اس لئے سرکار کو اس جانب توجہ دے کر آلودگی اور ماحولیات خراب کرنے والوں پر سخت کارروائی کرنے کی ضرورت ہے۔ انہوں نے کہا کہ حلقہ میں مانسون کے دوران سڑکوں، نالوں، سیوریج اور نکاسی کی صفائی کے حوالے سے ٹھیکیدار کی غفلت عوام کے لئے پریشانی کا باعث ہے, کیونکہ گٹروں اور نالوں میں بارش ہوتے ہی بارش کا پانی سڑکوں پر ابل پڑتا ہے۔ صفائی کے دوران گٹروں سے تر کچرا نکالا گیا اور وہاں اسے چھوڑ دیا گیا جس کے سبب یہ کچرا دوبارہ گٹر میں شامل ہو گیا اور حالت یہ ہے کہ تھوڑی سی بارش میں گوونڈی اور نشیبی علاقے میں پانی جمع ہو جاتا ہے اس لئے ایسے ٹھیکیداروں کے خلاف کارروائی ہو۔

اس کے ساتھ ہی علاقہ کی آبادی کے مناسبت سے قبرستان کی اراضی کی ضرورت کو مدنظر رکھتے ہوئے رفیع نگر قبرستان کے قریب الاٹ شدہ اراضی کی جلد صفائی کر کے کام شروع کرنے کا مطالبہ اعظمی نے کیا ہے انہوں نے کہا کہ ‎نالا سوپارہ ایسٹ، سنتوش بھون علاقہ میں مسلم اور عیسائی قبرستان کے لیے حصار بندی تعمیر کی جائے تاکہ قبرستان کے قریب غیر قانونی پارکنگ اور نشہ خوروں پر قدغن لگے۔ اسی طرح جنوبی ممبئی میں واقع ‘حضرت مخدوم شاہ ماہی’ (جے جے فلائی اوور) کا سٹرکچرل آڈٹ کروا کر ٹریفک کے مسئلے کو حل کرنے کا مطالبہ بھی ایوان میں ابوعاصم اعظمی نے کیا ہے اور سرکار کی توجہ عام شہری مسائل پر مبذول کراتے ہوئے اسے فوری طور پر حل کرنے کا پرزور مطالبہ کیا ہے۔

Continue Reading

بین الاقوامی خبریں

نمیبیا نے وزیر اعظم نریندر مودی کو اعزاز سے نوازا، اس دورے کے دوران صدر کی جانب سے نمیبیا کا اعلیٰ ترین سول ایوارڈ دیا گیا۔

Published

on

modi

بدھ کے روز وزیر اعظم نریندر مودی کو نمیبیا کے اعلیٰ ترین شہری اعزاز ‘آرڈر آف دی موسٹ اینینٹ ویلوٹشیا میرابیلیس’ سے نوازا گیا۔ یہ ایوارڈ 1995 میں نمیبیا کی آزادی کے بعد قائم کیا گیا تھا۔ یہ ایوارڈ ممتاز خدمات اور قیادت کے لیے دیا جاتا ہے۔ پی ایم مودی نے نمیبیا کے دورے کے دوران یہ ایوارڈ حاصل کیا۔ اس دورے کے دوران دونوں ممالک کے درمیان کئی اہم امور پر تبادلہ خیال اور معاہدوں پر دستخط کیے گئے۔ نمیبیا نے 1990 میں آزادی حاصل کی اس کے بعد یہ ایوارڈ شروع کیا گیا۔ ‘Welwitschia mirabilis’ نمیبیا کا ایک خاص پودا ہے۔ یہ صحرا میں پایا جاتا ہے۔ یہ پودا مشکل حالات میں بھی زندہ رہتا ہے۔ اس لیے یہ نمیبیا کے لوگوں کی طاقت اور لمبی زندگی کی علامت ہے۔ پی ایم مودی کو یہ 27 واں بین الاقوامی ایوارڈ ملا ہے۔ اس دورے کے دوران انہیں یہ چوتھا ایوارڈ ملا ہے۔ اے این آئی نے ایک ویڈیو جاری کیا ہے جس میں نمیبیا کے صدر ڈاکٹر نیتمبو نندی-ندیتواہ پی ایم مودی کو ایوارڈ دے رہے ہیں۔

نمیبیا کے صدر ڈاکٹر نیتمبو نندی-ندیتواہ نے کہا، “نمیبیا کے آئین کی طرف سے مجھے دی گئی طاقت میں، میں ہندوستان کے وزیر اعظم نریندر مودی کو ‘Order of the most ancient Welwitschia Mirabilis’ عطا کرتا ہوں۔ انہوں نے سماجی و اقتصادی ترقی اور عالمی سطح پر امن اور انصاف کے فروغ میں اہم کردار ادا کیا ہے۔” اس سے پہلے پی ایم مودی نے نمیبیا کے صدر نیتمبو نندی-ندیتواہ سے بات چیت کی۔ انہوں نے ڈیجیٹل ٹیکنالوجی، دفاع، سیکورٹی، زراعت، صحت، تعلیم اور اہم معدنیات جیسے شعبوں میں دو طرفہ تعاون کو فروغ دینے کے طریقوں پر تبادلہ خیال کیا۔ دونوں رہنماؤں نے ہندوستان اور نمیبیا کے درمیان تعلقات کے تمام پہلوؤں کا جائزہ لیا۔

یہ پی ایم مودی کا نمیبیا کا پہلا دورہ ہے۔ یہ کسی ہندوستانی وزیر اعظم کا نمیبیا کا تیسرا دورہ ہے۔ اس دورے سے ہندوستان اور نمیبیا کے تعلقات مزید مضبوط ہوں گے۔ دونوں ممالک بہت سے شعبوں میں مل کر کام کریں گے۔ پی ایم مودی کو ملا یہ ایوارڈ دونوں ممالک کے درمیان دوستی کی علامت ہے۔ اس ایوارڈ سے ہندوستان اور نمیبیا کے تعلقات مزید مضبوط ہوں گے۔ دونوں ملک ترقی اور امن کے لیے مل کر کام کریں گے۔

Continue Reading

ممبئی پریس خصوصی خبر

میرا روڈ مراٹھی مورچہ تنازعہ : پولس کمشنر مدھوکر پانڈے کا تبادلہ، اینٹی کرپشن بیورو کے اے ڈی جی نکیت کوشک کو ذمہ داری دی گئی۔

Published

on

Police C.

ممبئی میرارو ڈ مراٹھی اور ہندی تنازع کے بعد مراٹھی مورچہ کو اجازت نہ دینے کے بعد مراٹھی مانس میں ناراضگی اور غم و غصہ تھا پابندی کے باوجود مراٹھی مانس اور ایم این ایس نے میرابھائیندر میں مورچہ نکالا تھا, جس کے بعد آج ریاستی محکمہ وزارت داخلہ نے ایک حکمنامہ جاری کیا, جس میں آئی پی ایس افسر ایڈیشنل ڈی جی مدھوکر پانڈے کا تبادلہ بطور اے ڈی جی انتظامیہ میں کر دیا اور ان کا جانشین نکیت کوشک کو مقرر کیا ہے۔ نکیت کوشک پہلے انٹی کرپشن بیورو انسداد رشوت ستانی دستہ میں بطور اے ڈی جی تعینات تھے, اب انہیں میرا بھائیندر کا نیا کمشنر مقرر کیا گیا ہے۔ ذرائع سے ملی اطلاع کے مطابق مورچہ کی اجازت کو لے کر یہ تبادلہ کیا گیا ہے اس سے قبل میراروڈ میں گجراتی بیوپاریوں کا مورچہ نکالا گیا تھا, لیکن مراٹھی مورچہ کو اجازت نہیں دی گئی تھی۔ مراٹھی مورچہ کو اجازت نہ دینے پر اس پر سیاست بھی شروع ہو گئی تھی, یہی وجہ ہے کہ فوری طور پر میرابھائیندر کے کمشنر مدھوکر پانڈے کا تبادلہ کر دیا گیا ہے۔

Continue Reading
Advertisement

رجحان

WP2Social Auto Publish Powered By : XYZScripts.com