دھولیہ(اسٹاف رپورٹر) شہر دھولیہ میں سیاستداں اپنی ووٹ بینک بڑھانے کی خاطر عوام کو اتی کرمن میں بساتے ہیں، مسلم علاقوں میں اتی کرمن کرنے والوں نے 70 فٹ والے راستے کو 10 فٹ کردیا ہے۔ راستوں پر اتی کرمن کرنے کے بعد کوئی کاروائی نہ ہونے کی صورت میں شہر کے سب سے چوڑے نالے پر اتی کرمن کر کے کئی جگہوں سے نالے کو بہت ہی باریک کردیا گیا،اور کہیں تو انور نالے کو مکمل طریقے سے داداگیری کرکے بند کردیا گیا۔ روزنامہ ممبئی رابطہ سے متاثرین نے بات چیت کی تو بتایا کہ کچھ لوگوں کے اتی کرمن کرنے کی وجہ سے پورا شہر پریشان ہوجاتا ہے۔ لوک سنگرام کے زاہد حسین کرانہ والے کو جنتا سوسائٹی میں عوام نے بلاوایا جہاں گھٹنوں تک پانی جمع ہواگیاتھا۔ زاہد کرانہ والے نے کارپوریشن کے افسران وملازمین کو بلاکر جے سی بی کے ذریعہ نالے پر بنایا گوڈاؤن مہندم کردیا۔ گوڈاؤن توڑنے کے بعد گھروں میں گھسنے والے پانی کی سطح کم ہونے لگی۔ منگل کے روز پونے چار بجے رم جھم بارش 5 بجے موسلادھار بارش میں تبدیل ہوگئی۔ شام 5 بجے سے رات 8 بجے تک موسلادھار بارش سے اہلیان شہر میں افراتفری مچ گئی۔ شہر کے جنتا سوسائیٹی، مولوی گنج، اجمیرا نگر، پون نگر، ہزار کھولی، ہڑکو کالونی کے 70 سے زائد گھروں میں پانی گھس گیا تھا۔ امورخانہ داری کے لوازمات پانی میں بہہ کر برباد ہوگئے۔نالے پر اتی کرمن کے علاوہ گٹروں کی صاف صفائی نہ کرنے پر متاثرین نے کارپوریشن اور کارپوریٹرس کے خلاف غم وغصے کا اظہار کیا ہے۔ حکومت کے نعرہ بھی کھوکھلا ثابت ہوا ہے کہ پانی جھیروا پانی واچوا پرایک فیصد بھی عمل نہیں کیا جارہا ہے۔ زبردست بارش کے باوجود عوام کو ہراساں کرنے کا کام کارپوریشن کررہی ہے۔ منگل کو 3 گھنٹے موسلادھار بارش کے بعداکل پاڑا ڈیم سے 7000 کیوسک پانی چھوڑا گیا۔ پانی کی سطح بڑھنے کے بعد پانی کو بچانے کی بجائے ضائع کردیا جارہا ہے۔ بارش کے موسم میں بھی عوام کو 10 دنوں بعد پینے کا پانی مہیا کرایا جارہا ہے۔ ڈینگو کے اثرات شہرمیں پھیلنے کے بعد کارپوریشن سے کہا جارہا ہے کہ پانی کا ذخیرہ نہ کریں، لیکن روزانہ پانی مہیا کرانے کے متعلق کارپوریشن محکمہ پر کوئی اثر نہیں ہورہا ہے۔ جنتا سوسائٹی کے متاثرین اوران کے متعلقین نے مسلم کارپوریٹرس کی نااہلی اور کارپوریشن کے سوتیلے سلوک پر سوال اٹھایا ہے۔ انہوں نے کہا کہ ہمارے مسائل کو حل کرنے کےلیے کارپوریٹرس کو منتخب کریں ہیں لیکن یہ ہمارے مسائل کو حل کرنے کی بجائے مسائل کو مزید پیچیدہ کررہے ہیں۔ کارپوریشن محکمہ پر سوتیلا سوک کرنے پر کہا کہ ہمارے رشتہ داروں کے گھروں میں نالے کا گندا پانی گھس گیا، شہر کے پون نگر اور مغربی ہڑکوں میں برادران وطن کے گھروں میں بھی پانی گھس گیا۔ پون نگراور مغربی ہڑکوں میں طبی امداد اور طبی خادم کو دسیتاب کرایا گیا، لیکن ہمارے محلوں میں ایک بھی متاثرین کو طبی امداد مہیا نہیں کرائی گئی اور نہ ہی کوئی طبی خادم نظر آیا۔جنتا سوسائٹی کے ایک ساکن نے کہا کہ براداران وطن کے علاقوں میں متاثرین کے گھروں کے نقصانات کا پنچ نامہ کیا گیا لیکن جنتا سوسائٹی میں پنچ نامہ کے لیے کوئی نہیں آیا، اپنے آپ کو لیڈر کہنے والے مسلم سیاسی افراد نے متاثرین کی کوئی مدد نہیں کی۔جمعیۃ علماء مولانا محمود مدنی دھولیہ کی جانب سے متاثرین کے کھانے کا انتظام کیا گیا تھا۔ موسلادھار بارش کے دوران کاپڑنے میں واقع بھات ندی کے کنارے بسنے والوں کو الرٹ جاری کردیا گیا، نیز انہیں محفوظ مقامات پر منتقل کردیا گیا۔ بھات ندی میں طغیانی پیدا ہونے کے بعد سیلاب امڑ پڑاندی کنارے 15 گھروں کے سامان تباہ ہوگئے، خوش قسمتی سے انسانی جان نہیں گئی۔ سونگیر میں 2 گھنٹہ موسلادھار بارش ہوئی جس کے نتیجے میں کسانوں کی فصلیں برباد ہوگئی، باجری اور مکئی کی کاشت کو نقصان پہنچا ہے۔ سندھ کھیڑا میں ایک گھنٹہ موسلادھار بارش سے سندھ کھیڑا جل تھل ہوگیا۔ شہر کے واڑی بھوکڑ روڈ پر واقع اسٹیڈیم والے علاقوں میں بھی کچھ گھروں میں پانی گھس گیا، مثاثرین کو دوسری جگہوں پر منتقل کرنے کا کام شروع ہی کیا گیا تھا کہ بجلی گل ہوگئی تھی جس کے سبب پریشانی میں مزید اضافہ ہوگیا تھا۔