Connect with us
Thursday,21-August-2025
تازہ خبریں

(جنرل (عام

مالیگاؤں میں منصوبہ بند طریقے سے ریلیف تقسیم کی رضا اکیڈمی کی منفرد کوشش

Published

on

(خیال اثر)
کرونا وائرس سے پھیلنے والی بیماری نے جہاں رواں دواں زندگی کی رمق کو محدود کرکے دکھ دیا ہے وہیں کاروباری سرگرمیوں کے اچانک ٹھپ پڑنے سے نہ صرف محنت کش طبقہ بلکہ متوسط خاندانوں میں بھی تشویش کی صورت حال دکھائی دیتی ہے، ایسے حالات میں غیرت مند مستحقین کی تلاش اور ان کی خاموش خدمات رضا اکیڈمی کے ذریعہ جاری ہیں. رضا اکیڈمی سربراہ الحاج محمد سعید نوری نے مالیگاؤں میں ہورہے ریلیف کے منظم کام پر اطمینان کا اظہار کرتے ہوئے معاونین کے حق میں دعائیں دیں اور فرمایا کہ غریبوں کی مدد کے لیے اس وقت جو لوگ آگے بڑھ رہے ہیں ان کی خدمات ناقابل فراموش ہیں، طبّی میدان میں خدمات انجام دینے والی این جی او، ہوپس انڈیا ممبئی کے فاؤنڈر حاجی ریحان انور دھوراجی نے کہا کہ رضا اکیڈمی مالیگاؤں کے ساتھ مل کر ڈھائی ہزار غریبوں خاندانوں کی مدد کرنے کا جو موقع ہمیں اللہ تبارک و تعالیٰ نے دیا، ہم اس کے لیے اپنے رب کریم کا شکریہ ادا کرتے ہیں، برطانیہ سے اعلیٰ حضرت فاؤنڈیشن انٹر نیشنل کے روح رواں مولانا ارشد مصباحی نے مالیگاؤں میں رضا اکیڈمی کے ذریعے ہورہے ریلیف ورک پر خوشی کا اظہار کرتے ہوئے کہا کہ مستحقین تک ریلیف تقسیم کرنے کے لیے شہر میں چالیس سینٹرز بنا کر جو منصوبہ بندی رضا اکیڈمی نے کی ہے وہ قابل تعریف ہے، اس طریقہء کار سے اصل مستحقین کی شناخت اور خاموش مدد آسان ہوتی نظر آتی ہے. اللہ تبارک و تعالیٰ اس کارخیر کو قبول فرمائے اور کرونا وائرس کے خطرات کو ہندوستان سمیت پوری دنیا سے دور فرمائے تاکہ جلد از جلد زندگی دوبارہ رواں دواں ہو… مولانا نیاز احمد رضوی مالیگ نے کہا کہ کرونا وائرس سے پوری دنیا متاثر ہے، خاص طور پر محنت کش طبقات کے لیے یہ سخت آزمائش کا وقت ہے، ایسے وقت میں شہری سطح پر ریلیف تقسیم کرنے کے لیے جو جدوجہد رضا اکیڈمی نے کی ہے وہ متاثر کن ہے، اس موقع پر مولانا عبدالحئی نسیم القادری نے کہا کہ لاک ڈاؤن کی وجہ سے لوگوں کو جس پریشانی کا سامنا ہے اسے ہر درد مند دل محسوس کررہا ہے، ایسے وقت مستحقین کی مدد کے لیے رضا اکیڈمی کا اقدام قابل ستائش ہے، اللہ تعالیٰ اس خدمت کو اپنے حبیب کریم صلی اللہ علیہ وسلم کے صدقے وطفیل قبول فرمائے اور تمام معاونین و رضاکاروں کو جزائے خیر عطا فرمائے،
واضح رہے کہ لاک ڈاؤن شروع ہونے سے قبل شبِ معراج کی خصوصی نوری محفل دفتر رضا اکیڈمی پر منعقد ہوئی جس کے بعد کرونا وائرس سے پھیلے والی بیماری کو لے کر ملکی حالات پر اراکین اکیڈمی نے تبادلہء خیال کیا اور اس بات پر سبھی اراکین متفق ہوئے کہ مستقبل کے حالات اچھے نظر نہیں آتے اس لئے ہمیں ریلیف کے کاموں کی منصوبہ بندی کرلینی چاہیے، اس طرح کی معلومات دیتے ہوئے رضا اکیڈمی کے صدر ڈاکٹر رئیس احمد رضوی نے ابھی تک ہوئے ریلیف کے کاموں کی تفصیلات بیان کیں اور کہا کہ ایک طرف کرونا وائرس کی وبا سے ساری دنیا میں دہشت پھیلی ہوئی ہے تو دوسری طرف لاک ڈاون کی وجہ سے مزدور پیشہ محنت کش طبقات کے ساتھ متوسط طبقات کے گھروں میں بھی فاقہ کشی کی نوبت آپہنچی ہے، ایسے حالات میں بہت ضروری تھا کہ ان افراد کے گھروں میں چولہا جلانے کی کوشش جائے، اس وقت ہم نے پہلے مرحلے میں شہر کے مضافاتی بستیوں مساجد مدارس کے ذمہ داران اور سرکردہ افراد کے ذریعے بیوہ، یتیم اور محنت کش مستحقین کی لسٹ تیار کروائی اور اسی کے مطابق راشن کٹ کی تقسیم عمل میں آرہی ہے. صدیقی شہزاد اور محمد ابراہیم رضوی نے بتایا کہ رضا اکیڈمی اراکین کے مشورے کے بعد ایک بیگ میں ضرورت کی کُل 16 اشیاء شامل کی گئی ہیں، جن میں گیہوں، دالیں، چاول، مصالحے، شکر، سوجی، گھی، ڈرائے فروٹ وغیرہ اشیاء پر مشتمل تقریباً پندرہ کلو اشیاء شامل ہیں. حاجی افضل غازیانی اور رضوی سلیم شہزاد نے رضا اکیڈمی کے ذریعہ ریلیف ورک پر کہا کہ ہمیں امید ہے کہ ریلیف کی اس ایک کِٹ کے ذریعہ کم و بیش پندرہ دنوں کا راشن میسر ہوگا۔ دوسرے مرحلے میں بھی ہماری کوشش یہ ہو گی کہ بہت سارے ایسے افراد جو بہت پریشان تو ہیں لیکن کسی کے سامنے دست سوال دراز نہیں کرتے ایسے غیرت مند خاندانوں تک ان شاء اللہ ہم خاموشی کے ساتھ پہنچ کر ان کی خدمت کریں گے۔
واضح رہے کہ مالیگاؤں میں رضا اکیڈمی کے ذریعہ ریلیف تقسیم کے کاموں کی ابتدا مولانا عبدالحئی نسیم القادری صاحب کی دعا پر ہوئی، اس موقع پر اپنی وزٹ کے دوران مالیگاؤں میونسپل کارپوریشن کے اپوزیشن لیڈر عتیق کمال اور احباب نے رضا اکیڈمی دفتر پر وزٹ کی اور اکیڈمی کے منظم کاموں کی سراہنا کرتے ہوئے اس بات کا خصوصی ذکر کیا کہ شہر میں بہت سارے افراد اور تنظیمیں ضرورت مندوں کی امداد و اعانت کے کام کررہی ہیں لیکن رضا اکیڈمی کے ذریعہ جو منصوبہ بندی بتائی گئی وہ قابل تعریف بھی ہے اور قابل تقلید بھی. سابق نائب میئر جمیل سیٹھ زر والا نے بھی رضا اکیڈمی دفتر پہنچ کر اراکین کے ذریعہ ریلیف کاموں کا جائزہ لیا اور خوشی و مسرت کا اظہار کرتے ہوئے مفید مشوروں سے نوازا.
آل انڈیا سنی جمعیۃ العلماء کے سرپرست قاری زین العابدین نے رضا اکیڈمی کے ریلیف کاموں پر اطمینان کا اظہار کرتے ہوئے کہا کہ یہی وقت ہے کہ ہم اپنے مسلمان بھائی بہنوں، یتیموں اور بیواؤں کے لئے دو وقت کی روٹی کا انتظام کریں اور اللہ و رسول کی رضا و خوشنودی حاصل کریں. ڈاکٹر منظور حسن ایوبی چیئرمن سٹی زن کیمپس اور الحاج نہال احمد ہارون انصاری چیئرمن جے اے ٹی کیمپس نے رضا اکیڈمی کے ذریعہ شہر کے چالیس سینٹرس سے ریلیف کِٹ کی منصوبہ بند تقسیم کو اب تک کا تنظیمی و شہری سطح کا نمایاں کام قرار دیااور اپنی نیک خواہشات پیش کرتے ہوئے کہا کہ قوم و ملت کے لیے کام کرنے والوں کو اللہ تعالیٰ اپنی رحمتوں سے نوازتا ہے ، ماہر امراض اطفال ڈاکٹر حامد اقبال نے ریلیف کِٹ پیکنگ کے دوران دفتر رضا اکیڈمی پر وزٹ کی تو یہاں موجود نوجوانوں کی مخلصانہ خدمات پر ڈھیروں دعائیں دیں اور کہا کہ اللہ کے بندوں کی خدمت اور دو وقت کی روٹی کا انتظام بہت بڑی نیکی ہے جس کے لئے یہاں محنت کی جارہی ہے، اللہ رب العزت کی رحمت سے امید ہے کہ یہ نیکیاں آخرت کے لئے بڑا ذخیرہ ثابت ہوں گی. اور جو افراد اس میں معاونت کررہے ہیں وہ بڑے اجر کے مستحق ہیں. تفصیلات کے مطابق رضا اکیڈمی کے ذریعہ اب تک شہر کے ایک ہزار سے زائد خاندانوں تک ریلیف کٹ کی تقسیم عمل میں آچکی ہے. جبکہ صدر رضا اکیڈمی ڈاکٹر رئیس احمد رضوی اور سکریٹری غلام فرید کے مطابق دوسرے مرحلے میں مزید دیڑھ ہزار خاندانوں کی خدمات کا ارادہ و منصوبہ بندی رضا اکیڈمی کے ذریعہ جاری ہے. تعلیمی فیلڈ میں اپنی خدمات انجام دینے والے غفران انصاری سر اور سی اے اے کے روح رواں پروفیسر عبدالمجید صدیقی نے بھی دفتر رضا اکیڈمی پر پہنچ کر اراکین کی حوصلہ افزائی کی اور کہا کہ غریبوں کی امداد و اعانت کی اس تحریک سے یقینی طور پر سماج کے مستحقین کو فائدہ پہنچے گا ، حاجی عبداللہ انجنئیر، پروفیسر خورشید احمد عبدالصمد، صغیر سر، ڈاکٹر رضوان انصاری کے ایف، ڈاکٹر لئیق انصاری ، حنیف میمن موٹلانی ، ڈاکٹر فیروز ( سفینہ میڈیکل) ، خلیل عباس ( شامنامہ) حاجی زین العابدین ٹیکسٹائل والے، حاجی اسماعیل ابراہیم سردار، انیس احمد ( دانش آرٹ ) نے بھی رضا اکیڈمی کے دفتر پر پہنچ کر ریلیف کے کاموں کا جائزہ لیا اور اطمینان کا اظہار کیا.

سیاست

ممبئی بیسٹ الیکشن : راج اور ادھو کو جھٹکا، ششانک راؤ کو 14 نشستوں پر کامیابی، بی جے پی حامی بھی 7 نشستوں پر فتح یاب

Published

on

Shashank-Rao-wins

‎ممبئی : ممبئی بی ایم سی الیکشن سے قبل شرد راؤ کے فرزند ششانک راؤ نے بیسٹ کو آپریٹیو بینک یونین پر قبضہ کر لیا ہے۔ شیوسینا ادھو بالاصاحب ٹھاکرے اور مہاراشٹر نونرمان سینا بیسٹ بی ای ایس ٹی الیکشن میں مفاہمت ضرور کی تھی, لیکن انہیں کوئی کامیابی میسر نہیں آئی ہے۔ بیسٹ یونین کوآپریٹو الیکشن میں دونوں بھائیوں کا کھاتہ تک نہیں کھلا ہے۔ تاہم اس الیکشن میں ادھو ٹھاکرے اور راج ٹھاکرے کو بڑا جھٹکا لگا ہے۔ ایم این ایس ٹھاکرے گروپ اتحاد کا ایک بھی امیدوار نہیں جیت سکا۔ ششانک راؤ نے اس الیکشن میں شاندار کامیابی حاصل کی۔ ان کے پینل سے 14 امیدوار منتخب ہوئے ہیں۔ اس کے علاوہ پرساد لاڈ، نتیش رانے اور کرن پاوسکر کے سہکار سمردھی پینل کے 7 امیدوار منتخب ہوئے ہیں۔ الیکشن جیتتے ہی بی جے ‎ممبئی بی جے پی کے صدر آشیش شیلر نے کہا، ‘اب کردار واضح ہیں، ہم نے یہ الیکشن بی جے پی پارٹی کے طور پر نہیں لڑا تھا۔ یہ الیکشن مزدوروں کے لیے تھا، یہ ان ملازمین کے لیے تھا جو بیسٹ سے محبت کرتے ہیں۔ یو بی ٹی اور ایم این ایس نے اس پر سیاست کی۔ ہر چیز پر سیاست کرنے کا نتیجہ انہیں ملا اور ان کے ہاتھ میں کدو آگیا۔ میں نے پہلے کہا تھا کہ 0 + 0 صفر ہے۔ آج ممبئی جیت گئی، ممبئی والے جیت گئے، مراٹھی جیت گئے، کارکن جیت گئے اور بی جے پی جیت گئی۔

‎مزید بات کرتے ہوئے شیلار نے کہا، ممبئی بی جے پی کے صدر کے طور پر، میں آج اعلان کرتا ہوں کہ ممبئی میونسپل کارپوریشن کے اسٹار پرچارکوں کی ایک بڑی فہرست کا اعلان کیا جائے گا، لیکن میں ششانک راؤ اور پرساد لاڈ کے ناموں کا اعلان آج اسٹار پرچارک کے طور پر کر رہا ہوں۔ ان دونوں نے بیسٹ الیکشن میں دکھایا کہ ممبئی والوں کا آشیرواد ان دونوں بھائیوں کی پارٹی کے لیے کہاں ہے۔ میں ان دونوں پارٹیوں سے کہتا ہوں کہ پہلے ان دونوں سے نمٹیں اور پھر میرے اور دیویندر فڑنویس کے پاس آئیں۔

‎اس جیت کے بعد بات کرتے ہوئے پرساد لاڈ نے کہا، ‘بی ای ایس ٹی الیکشن میں ٹھاکرے برانڈ غائب ہو گیا، ٹھاکرے برانڈ کہیں نظر نہیں آیا۔ انہیں کدو ملا، ان کے پاس نہ تو کریڈٹ تھا اور نہ ہی نسب۔ میں نے پہلے ہی کہا تھا کہ ہارنے کے بعد بہانے ڈھونڈنے کا کام چل رہا ہے، سندیپ دیش پانڈے اور سنجے راوت اب بتائیں کہ وہ کیوں ہارے۔ سندیپ دیش پانڈے میرے دوست ہیں، لیکن اگر وہ دیویندر فڑنویس کے بارے میں بات کر رہے ہیں، تو میں ان سے کہنا چاہتا ہوں کہ انہیں اپنے حد میں رہنا چاہئے۔

‎بیسٹ کوآپریٹیو الیکشن میں شکست کے بعد ایم این ایس لیڈر سندیپ دیشپانڈے نے کہا، ‘میں ششانک راؤ کے پینل کو منتخب ہونے پر مبارکباد دیتا ہوں۔ 14 افراد منتخب ہوئے۔ مجھے امید ہے کہ وہ مستقبل میں بیسٹ کو آپریٹیو کا بہتر انداز میں کا کام سنبھالیں گے اور مزدوروں کو انصاف دیں گے۔

Continue Reading

ممبئی پریس خصوصی خبر

ممبئی منشیات فروشوں پر مکوکا کا پہلا کیس، ممبئی اے این سی کی پہلی کارروائی سرغنہ سمیت تین پر مکوکا کا اطلاق

Published

on

Mcoca-Case

ممبئی مہاراشٹر اسمبلی میں منشیات فروشوں کے خلاف انسداد منظم جرائم مکوکا کے تحت کارروائی کی بل منظوری کے بعد اب ممبئی پولس نے پہلا کیس میں مکوکا کا اطلاق کیا ہے۔ ممبئی انٹی نارکوٹکس سیل باندرہ یونٹ نے این ڈی پی ایس ایکٹ کے تحت ۷ جولائی اگست ۲۰۲۵ کو منشیات ضبطی کا کیس درج کیا تھا۔ اس کیس میں گینگ کے سرغنہ اور دو معاونین پر مکوکا کے تحت کیس درج کیا ہے۔ ان ملزمین کے خلاف منشیات فروشی کا کیس پہلے بھی درج تھا, جس کے بعد اس گروہ پر مکوکا کے تحت کارروائی کی گئی ہے۔ ۳۰ جولائی کو ریاستی سرکار نے ایسے جرائم پیشہ پر مکوکا کا اطلاق کا حکمنامہ جاری کیا تھا, جو منشیات کے معاملات میں گرفتار کئے گئے ہیں اور ان پر منشیات کے کیس درج ہیں۔ یہ کارروائی ممبئی پولس کمشنر دیوین بھارتی کی ایما پر کی گئی ہے۔ ڈی سی پی اے این سی نے اس کارروائی کو انجام دیا ہے۔

Continue Reading

ممبئی پریس خصوصی خبر

آزاد میدان فلسطین غزہ میں قتل عام بند ہو، سی پی آئی سمیت دیگر تنظیموں کا پرزور احتجاجی مظاہرہ

Published

on

protest

ممبئی کی سرزمین آزاد میدان فری فری فلسطین کے فلک شگاف نعروں سے گونج اٹھی۔ ممبئی پولس نے فلسطین اور غزہ میں مظلوموں کا قتل عام پر احتجاج کی اجازت دینے سے انکار کر دیا تھا, اس کے بعد ہائیکورٹ کی مشروط اجازت کے بعد آزاد میدان میں فلسطینوں کے حق میں یہاں احتجاجی مظاہرہ کرتے ہوئے اسرائیلی جارحیت پر احتجاج کا علم بلند کرتے ہوئے فلسطین اور غزہ میں قتل عام بند کرنے کا مطالبہ اقوام متحدہ سے کیا گیا۔ اسٹوڈنٹس اور سی پی آئی کارکنان نے احتجاجی مظاہرہ سے خطاب کرتے ہوئے اسرائیلی جارحیت کی پرزور مذمت کرتے ہوئے اسے انسانیت کے خلاف قرار دیا اور کہا کہ عالمی اقوام متحدہ کو فوری طور پر اسرائیلی جارحیت اور فلسطین پر حملے اور جنگ پر پابندی عائد کرنی چاہئے۔ انہوں نے کہا کہ اسرائیلی جارحیت اور شوریدگی کے سبب ۵۰ ہزار سے زائد بے قصوروں کا قتل عام ہو چکا ہے۔ فلسطین پوری طرح سے تباہ و برباد ہو چکا ہے۔ یہاں بچے، بوڑھے عام انسان پریشان حال ہے اور انہیں طبی امداد تک میسر نہیں ہے۔ راحت رسانی کے ساز وسامان بھی فراہمی سے سرحد پر باز رکھا جارہا ہے۔ راحتی امداد کو بھی واپس بھیجا جارہا ہے, اس لیے سی پی آئی اور دیگر تنظیموں نے باقاعدہ طور پر ہندوستان سے مطالبہ کیا ہے کہ وہ اسرائیل پر دباؤ بنا کر غزہ قتل عام پر فوری طور پر روک لگانے کی سفارش کرے۔ اس کے ساتھ ہی ہندوستان انسانیت کا علمبردار بھی رہا ہے اور فلسطین سے ہندوستان کا بہتر رشتہ بھی رہا ہے, لیکن گزشتہ چند برسوں میں ہندوستانی سفارتی تعلقات کا رجحان تبدیل ہوا ہے۔ مظاہرین نے مطالبہ کیا ہے کہ ہندوستانی کو اپنی سفارتی پالیسی واضح کرنے کے ساتھ غزہ اور فلسطین کی حمایت کرنی چاہئے۔ کیونکہ فلسطین مظلوم ہے اور یہاں اسرائیلی قتل عام جاری ہے, اس پر پابندی لگانے کی ضرورت ہے یہ انسانیت مخالف عمل ناقابل برداشت ہے۔ اس احتجاجی مظاہرہ میں جماعت اسلامی، سی پی آئی سماجواد ی پارٹی اور بائیں جماعتیں شریک تھیں۔ اس احتجاجی مظاہرہ سے کامریڈ لیڈران نے خطاب کیا, جس میں فیروز میٹھی بوروالا، سماجوادی پارٹی لیڈر معراج صدیقی سمیت دیگر شامل ہے۔

Continue Reading
Advertisement

رجحان

WP2Social Auto Publish Powered By : XYZScripts.com