Connect with us
Sunday,22-November-2026

(جنرل (عام

ہوپس انڈیا ممبئی کے توسط سے رضا اکیڈمی مالیگاؤں کو ملی بڑی کامیابی

Published

on

(خیال اثر)
شہر میں جیسے ہی کرونا وائرس کی خبر عام ہوئی، رضا اکیڈمی اراکین نے فوری طور پر ایک میٹنگ کا انعقاد کیا، جس میں ڈاکٹر رئیس احمد رضوی نے کہا کہ شہر کے حالات انتہائی نازک موڑ کی جانب جارہے ہیں، اگر کرونا وائرس سے متاثر کسی مریض کی موت واقع ہوجاتی ہے تو قانون کے مطابق اس کی آخری رسومات فوری طور پر انجام دینا ضروری ہے، مالیگاؤں میں تو کرونا وائرس والی میت کی تجہیز و تدفین اور قبرستان میں استعمال کی جانے والی پروٹیکٹیو کٹیں موجود ہی نہیں ہیں، اور بغیر احتیاطی تدابیر کے ایسے اموات کی تجہیز و تدفین انتہا درجے کے خطرات سے پُر ہے. ممکن ہے تجہیز و تدفین میں شامل افراد کو بھی چودہ دنوں کے لئے کوارنٹائین کردیا جائے. لہذا اگر اس دوران کسی کرونا مریض کی موت واقع ہوتی ہے تو ایسی خطرناک صورت حال کا سامنا کرنے سے بہتر ہے کہ تجہیز و تدفین کرنے والے افراد کے لئے پروٹیکٹیو کٹس کا استعمال لازمی قرار دے دیا جائے. آپ نے مزید کہا کہ ہمارے شہر میں حفاظتی ماسک اور کٹس نہ ہونے کی وجہ سے دقتوں اور پریشانیوں کا سامنا نہ کرنا پڑے، اس لیے اس تعلق سے اقدام ضروری ہے……،
رضا اکیڈمی کے رضوی سلیم شہزاد نے کہا کہ اب جب کہ ہمارے شہر کو کرونا وائرس نے گھیر لیا ہے تو ڈاکٹرز بھی اپنے تحفظ کو لے کر کافی فکر مند ہوچکے ہیں، پی پی ای کٹس کے نہیں ہونے کے سبب ان کا پریکٹس کرنا خطرات سے خالی بھی نہیں ہے، اگر شہر کے ڈاکٹرز نے پریکٹس بند کردی تو پھر کیا کچھ ہو سکتا ہے وہ ناقابل بیان ہے…..؟
ان تمام خدشات کے پیش نظر میٹنگ میں یہ فیصلہ کیا گیا کہ جتنی جلد ممکن ہو، ڈاکٹرز کے تحفظ کے لیے استعمال کی جانے والی پی پی ای کٹس اور کرونا وائرس سے ہونے والی میت کی تجہیز و تدفین کے لیے حفاظتی لباس، پروٹیکٹیو کٹس رضا اکیڈمی کی جانب سے مالیگاؤں منگوائی جائے، تاکہ کرونا وائرس کے خطرات کا مقابلہ کیا جا سکے، اس تعلق سے فوری طور پر رضا اکیڈمی کے صدیقی شہزاد اور شکیل احمد سبحانی نے ہوپس انڈیا ممبئی کے سربراہ حاجی ریحان انور سے رابطہ قائم کیا، واضح رہے کہ ممبئی کے قبرستانوں کو پروٹیکٹیو کٹس اور گوونڈی، دھاراوی، کرلا اور ممبئی کے دیگر کرونا زدہ علاقوں میں ڈاکٹرز کو پی پی ای کٹس فراہم کرنے میں ہوپس انڈیا ممبئی نے انتہائی کلیدی کردار ادا کیا ہے، جب ہوپس انڈیا کے فاؤنڈ ر حاجی ریحان انور کو شہر کی صورت حال سے واقف کروایا گیا تو موصوف نے کہا کہ بلا تاخیر جو یہ قدم آپ لوگوں نے اٹھایا وہ کرونا وائرس سے متاثر ہوجانے کے بعد مالیگاؤں شہر کی سب سے اہم ضرورت ہے، موصوف نے یہ بات بھی بتائی کہ یہ دونوں چیزیں آسانی سے ممبئی میں بھی دستیاب نہیں ہیں، بلکہ ضرورت کے مطابق ہم اسے تیار کرواکر لوگوں کو فراہم کر رہے ہیں، موصوف نے اس کے لیے کچھ وقت طلب کیا، اور بتایا کہ کم ازکم 24 گھنٹے کا وقت ہمیں دیجیے تاکہ کٹس بنوانے کے آرڈر دیے جا سکیں اور اس کے لیے درکار ضروری اشیاء فراہم کروائی جاسکیں،
اس تعلق سے تفصیلات ظاہر کرتے ہوئے غلام فرید نے بتایا کہ اللہ کا شکر ہے کہ اس کام میں کامیابی نصیب ہوئی، انہوں نے بتایا کہ موجودہ صورت حال میں ممبئی میں ایک جگہ سے دوسری جگہ آنا جانا بھی بہت مشکل ہو چکا ہے، لیکن اس کے باوجود آج صبح آٹھ بجے ہوپس انڈیا ممبئی کی ایمبولینس سے یہ تمام ضروری سامان سائن پہنچائے گئے، جہاں سے فیس ماسک، ڈاکٹرز پروٹیکٹیو کٹس، اور قبرستان میں استعمال کی جانے والی پروٹیکٹیو کٹس پر مشتمل ایک بڑا پارسل مالیگاؤں کے لیے روانہ ہوچکا ہے، شام تک ان شاء اللہ یہ تمام چیزیں دفتر رضا اکیڈمی پر پہنچ جائیں گی، محمد ابراہیم راجو رضوی اور محمد افضل غازیانی نے کہا کہ ہماری کوشش ہوگی کہ مالیگاؤں کے علاوہ اطراف و جوانب کے شہروں اور علاقوں تک بھی ضرورت کے مطابق یہ تمام چیزیں پہنچائی جائیں، ان دونوں حضرات نے شہر کے ڈاکٹرز سے اپیل کی ہے کہ وہ پی پی ای کٹ کے لیے رضا اکیڈمی مالیگاؤں کے صدر ڈاکٹر رئیس احمد رضوی صاحب سے رابطہ قائم کریں تاکہ ضرورت کے مطابق ان کو درکار کٹس کے آرڈر دئے جاسکیں…اس کے علاوہ میت کی تجہیز و تدفین کے لئے شہر کے تمام قبرستانوں تک یہ کٹس رضا اکیڈمی مالیگاؤں اور ہوپس انڈیا ممبئی کی جانب سے فراہم کی جائیں گی.

(جنرل (عام

جنوبی کوریا کے وزیرِ تعلیم نے اے آئی سے نقل کے خدشات کے درمیان امتحانی بدنظمی پر استعفیٰ دے دیا

Published

on

سیئول : جنوبی کوریا کے وزیر تعلیم چوئی کیو جن نے اتوار کو اس وقت استعفیٰ دے دیا جب صدر لی جے میونگ نے گزشتہ ہفتے کے قومی کالج کے داخلے کے امتحان سے قبل مصنوعی ذہانت (اے آئی) کے ذریعے دھوکہ دہی کو روکنے کے لیے آخری منٹ کی اصولی تبدیلیوں کی وجہ سے پیدا ہونے والی الجھن پر مستعفی ہونے کی پیشکش قبول کر لی۔ چوئی نے کہا کہ سنیونگ سے ٹھیک پہلے کی گئی مختلف تبدیلیوں نے عوام کو تکلیف پہنچائی، بشمول ٹیسٹ لینے والے۔ سنیونگ، کالج سکالسٹک قابلیت ٹیسٹ (سی ایس اے ٹی) کا کورین مخفف ہے، جو ملک کا سالانہ کالج داخلہ امتحان ہے، جو گزشتہ جمعرات کو منعقد ہوا تھا۔

انہوں نے وزارت کی طرف سے جاری کردہ ایک بیان میں کہا، “انچارج وزیر کی حیثیت سے، مجھے یقین ہے کہ میں اس تنقید سے بچ نہیں سکتا کہ ہم پیشگی تیاری کرنے میں ناکام رہے۔” “اب جبکہ امتحان ختم ہو چکا ہے، میں ذمہ داری کا گہرا احساس محسوس کر رہا ہوں اور اپنا استعفیٰ پیش کر رہا ہوں۔” یونہاپ نیوز ایجنسی کی خبر کے مطابق، چیونگ وا ڈائی کے ترجمان کانگ یو جنگ نے پریس کو دیے گئے نوٹس میں کہا کہ وزیر کے مستعفی ہونے کے اپنے ارادے کے اعلان کے تقریباً ایک گھنٹے بعد لی نے چوئی کا استعفیٰ قبول کیا۔ کانگ نے کہا کہ چوئی کے جانشین کے لیے نامزدگی کا عمل مناسب طریقہ کار کے مطابق آگے بڑھے گا۔ وزارت تعلیم کو ٹیسٹ کے موقع تک نئے اینٹی اے آئی چیٹنگ قوانین کا عجلت میں اعلان کرنے پر تنقید کا نشانہ بنایا گیا، جس سے ٹیسٹ لینے والوں اور اساتذہ میں بڑے پیمانے پر الجھن پھیل گئی۔

آخری لمحات میں ہونے والی تبدیلیوں میں امتحان دینے والوں کو امتحانی کمروں میں صرف پنسل لانے کی اجازت اور چھوٹے کیمروں کو روکنے کے لیے اپنے کپڑوں پر اسٹیکرز سے ڈھانپنے والے بٹنوں کو شامل کرنا شامل تھا۔ حکام نے امتحان کے دوران ملک بھر میں موبائل فونز پر تین ایمرجنسی ڈیزاسٹر الرٹس بھی بھیجے تاکہ ان ٹیسٹ دینے والوں کی شناخت میں مدد کی جا سکے جو اپنے فون کو تبدیل کرنے میں ناکام رہے تھے۔ وزارت تعلیم نے جمعہ کو کہا کہ امتحان کے دوران الیکٹرانک آلات سے متعلق دھوکہ دہی کے کل 111 مشتبہ واقعات کا پتہ چلا۔ ان اقدامات نے امتحان لینے والوں اور اساتذہ کی طرف سے تنقید کی، جنہوں نے شکایت کی کہ آخری لمحات میں ہونے والی تبدیلیوں نے ہائی اسٹیک امتحان کے ارد گرد کی بے چینی میں اضافہ کیا۔ سی ایس اے ٹی کو جنوبی کوریا میں بڑے پیمانے پر زندگی کے ایک اہم واقعہ کے طور پر دیکھا جاتا ہے، جہاں یونیورسٹی میں داخلہ کیریئر کے امکانات کو بہت زیادہ متاثر کر سکتا ہے۔

چوئی نے سی ایس اے ٹی سے پہلے پارلیمنٹ میں اپنے ریمارکس پر بھی تنقید کی۔ ایک قانون ساز سے یہ پوچھے جانے پر کہ کیا انہیں 100 فیصد یقین ہے کہ اے آئی کی مدد سے دھوکہ دہی کا پتہ لگایا جا سکتا ہے، 72 سالہ نے جواب دیا، “مجھے نہیں لگتا کہ میں اپنی عمر کی وجہ سے کر سکتا ہوں۔” اس سال کے تصدیق شدہ ٹیکس اکاؤنٹنٹ امتحان میں ٹاپ سکور کرنے والے نے چھوٹے کیمرہ، اسمارٹ فون اور جنریٹیو اے آئی کا استعمال کرتے ہوئے دھوکہ دہی کا اعتراف کرنے کے بعد اے آئی کی مدد سے دھوکہ دہی پر بڑھتے ہوئے خدشات کے درمیان سی ایس اے ٹی کے اصول میں اچانک تبدیلیاں کی گئیں۔ ایک شخص جس نے اس سال کے لیگل ایجوکیشن اہلیت ٹیسٹ (ایل ای ای ٹی)، نیشنل لاء اسکول کے داخلے کے امتحان میں کامل اسکور حاصل کیا تھا، دھوکہ دہی کے الزامات کا سامنا کرنے کے بعد جمعرات کو مردہ پایا گیا۔ پولیس نے کہا ہے کہ وہ الزامات کی تحقیقات جاری رکھے گی۔

Continue Reading

(جنرل (عام

راجستھان میں گیس سلنڈر میں آگ لگنے سے 21 افراد جھلس گئے، 15 زخمیوں کو جے پور ریفر کر دیا گیا

Published

on

جے پور : راجستھان کے کوٹ پتلی-بہروڑ ضلع میں بانسور کے گاؤں بڈھ ملک پور (رسنالی) میں ہفتے کی صبح تعزیتی تقریب کے دوران گیس سلنڈر سے لیکیج کے باعث آگ لگ گئی، جس کے نتیجے میں کم از کم 21 افراد جھلس گئے۔ زخمیوں میں سے 15 افراد کو تشویشناک حالت میں جے پور منتقل کر دیا گیا ہے، جبکہ 6 افراد کوٹ پتلی ڈسٹرکٹ ہسپتال میں زیرِ علاج ہیں۔ یہ واقعہ صبح تقریباً 11 بجے پیش آیا جب اس گھر میں، جہاں تعزیتی تقریب جاری تھی، ایک خاتون نے چائے بنانے کے لیے گیس چولہا جلایا۔ بتایا گیا ہے کہ صحن میں رکھا ہوا گیس سلنڈر لیک ہو رہا تھا۔ جیسے ہی چولہا جلایا گیا، آگ تیزی سے پھیل گئی اور اس نے سلنڈر، خیمے اور صحن میں بچھائی گئی دریوں کو اپنی لپیٹ میں لے لیا۔

اس گھر میں تقریباً 50 مرد و خواتین جمع تھے جو بڈھ ملک پور کے رہائشی 80 سالہ جے رام کسانا کی تعزیتی تقریب میں شرکت کے لیے آئے تھے؛ جے رام کسانا کا جمعہ کے روز انتقال ہو گیا تھا۔ بھارتی کسان سنگھ کے کوٹ پتلی-بہروڑ ضلعی صدر اشوک کمار گھنگھل کے مطابق، اہل خانہ کو گیس لیک ہونے کا علم نہیں تھا۔ اچانک آگ بھڑک اٹھی جس کی زد میں آ کر تقریب میں شریک کئی افراد جھلس گئے۔ آس پاس کے دیہاتی فوری طور پر موقع پر پہنچے اور پانی ڈال کر آگ پر قابو پایا۔ زخمیوں کو ایمبولینسوں اور نجی گاڑیوں کے ذریعے ہسپتال پہنچایا گیا۔ واقعے کے بعد، بانسور کے ایس ڈی ایم (ایس ڈی ایم) نونیت کمار اور تحصیلدار صورتحال کا جائزہ لینے اور حادثے کی تفصیلات جاننے کے لیے سب ڈسٹرکٹ ہسپتال پہنچے۔

گھنگھل نے بتایا کہ زخمیوں کو ابتدائی طور پر کوٹ پتلی اور بانسور کے ہسپتالوں میں لے جایا گیا تھا۔ کوٹ پتلی لے جائے جانے والوں میں سے 12 افراد کو جے پور ریفر کر دیا گیا، جبکہ بانسور لے جائے جانے والوں میں سے 3 افراد کو بھی جے پور منتقل کیا گیا۔ بانسور سے 2 دیگر زخمیوں کو کوٹ پتلی منتقل کیا گیا۔ فی الحال، 6 زخمی افراد کوٹ پتلی ڈسٹرکٹ ہسپتال میں زیرِ علاج ہیں۔ کل 15 مریضوں کو خصوصی علاج کے لیے جے پور بھیجا گیا ہے۔ ایس ایم ایس (ایس ایم ایس) ہسپتال کے قائم مقام سپرنٹنڈنٹ ڈاکٹر راشم کٹاریا نے بتایا کہ زیادہ تر زخمیوں کے جسم کا 20 فیصد سے 40 فیصد حصہ جھلس گیا ہے، جبکہ کچھ مریضوں کے جسم کا 50 فیصد تک حصہ جل گیا ہے۔ ڈاکٹر تمام مریضوں کی حالت کا جائزہ لے رہے ہیں۔ زخمیوں کو برن آئی سی یو (برن آئی سی یو) میں داخل کر دیا گیا ہے اور ان کا علاج شروع ہو چکا ہے۔

Continue Reading

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading
Advertisement

رجحان