Connect with us
Sunday,22-November-2026

ممبئی پریس خصوصی خبر

مفتی اسماعیل کے ذریعہ مولانا ارشد مدنی کے نام سےمالیگاؤں میں سیاسی پروپیگنڈہ

Published

on

مالیگاؤں: سیاست گندگی ہے اس میں جو بھی جاتا ہے گندگی کا چھینٹا اپنے لباس پر لگاہی لیتا ہے۔ سیاست کرنے کے بہت طریقے ہوتے ہیں، لیکن شہر کی عوام کو بے وقوف بنانے کے لیے خالص دینی شخصیت کا سہارا غلط ڈھنگ سے لیا جارہا ہے۔ مالیگاؤں شہر میں ایک اخبار کی کٹنگ سوشل میڈیا پر چلائی جارہی ہیں، جس میں مولانا سیّد ارشد مدنی کا فوٹو ہے ساتھ میں لکھا گیا ہے کہ مولانا سید ارشد مدنی مفتی محمد اسماعیل قاسمی کی حمایت کر رہے ہیں، اور مجلس اتحادالمسلمین کی بھی حمایت کرتے ہوئے تحریر کیا گیا ہے۔ پروپیگنڈہ بھی ایسا استعمال کیا گیا ہے کہ عام لوگوں کو بھی ہضم نہ ہوسکے، خبر میں اتنا غلو کیا گیا ہے کہ مولانا سید ارشد مدنی خود اپیل کررہے ہیں، کہ مفتی محمد اسماعیل قاسمی کو بھاری اکثریت سے کامیاب کریں۔ جب کسی شخص نے مولانا سید ارشد مدنی سے فون پر گفتگو کر کے تصدیق کرنا چاہی تو مولانا سید ارشد مدنی نے لاعلمی ظاہر کرتے ہوئے کہا کہ مجھے اس کا علم نہیں ہے۔ اور ہم جمعیۃ کے پلیٹ فارم سے کسی سیاسی پارٹی اور شخصیت کی حمایت نہیں کرتے ہیں۔جمعیۃ علماء خالص دینی جماعت ہے، سیاست سے اس کا کوئی تعلق نہیں ہے، موصوف نے کہا کہ جو غلط بات کو پھیلا رہا ہے، اسے خدا کا خوف نہیں ہے۔ مولانا سے فون پر ہوئی بات چیت میں صاف سنائی دے رہا ہے کہ مولانا کے خلاف کس طرح کے پروپیگنڈہ کا استعمال کیا گیا ہے، تاکہ جھوٹ کے سہارے رکن اسمبلی کی کرسی مل سکے۔ حقیقت یہ ہے کہ جمعیۃ علماء ارشد مدنی کے ریاستی صدر گلزار عاظمی نے شیخ آصف کی حمایت کردی، اسی جمعیۃ میں مفتی محمد اسماعیل مالیگاؤں ضلع کے عہدیدار ہیں۔ گلزار اعظمی کی خبر سے شہر میں کھلبلی مچ گئی تھی، اور اسمبلی کی سیٹ ہاتھ سے جاتی نظر آرہی تھی۔ اس لیے مولانا سید ارشد مدنی کے نام کا غلط استعمال کر کے سیاسی فائدہ اٹھانے کی مذموم کوشش کی گئی ہے۔ حالانکہ جمعیۃ علماء کے پروٹو کال میں کسی بھی فرقہ پرست پارٹی کی حمایت کرنے والے افراد کو عہدوں سے دور رکھا جائے گا۔ فی الحال مسلم ووٹ بینک اپنے قبضے میں لینے کے لیے مجلس اتحاد المسلمین نے ملک میں رہنے والے دیگر افراد کے مطالبوں کو نظر انداز کر کے صرف مسلمانوں کی حمایت حاصل کرنے کی کوشش میں مصروف ہے۔ کچھ دانشوران کا کہنا ہے کہ مجلس اتحاد المسلمین مسلم فرقہ پرست پارٹی ہے، جمعیۃ علماء ہند ہر طرح کی فرقہ پرست پارٹی کی مخالفت کرتی رہی ہے۔ مجلس کے ٹکٹ کے امیدوار مفتی محمد اسماعیل قاسمی پر جمعیۃ علماء ہند کاروائی کریں گی؟ جمعیۃ علماء ہر طرح کے حالات میں اپنے موقف کا بے باکی سے اظہار کرتی ہے۔ مجلس اتحادالمسلمین کے متعلق جلد ہی کوئی نہ کوئی بیان جاری کئے جانے کا اندیشہ ہے۔ جمعیۃ علماء ہند کا کوئی بیان آنے سے قبل مفتی محمد اسماعیل قاسمی کو جلسہ گاہ میں مذمت کرنا چاہئے کہ ہمارے اکابرین کے ناموں کا غلط استعمال کرنے والے ہمارے ساتھی نہیں ہوسکتے ہیں۔ غلط بات منسوب کرنے والے افراد کی اگر کوئی حمایت کرتا ہے تو وہ بھی گناہ میں برابر کا شریک ہوگا۔ جب تک علم نہیں تھا تب تک ٹھیک تھا، لیکن اب تو مولانا ارشد مدنی نے خود بات کر کے کہا کہ اس طرح کی حرکت کرنے والوں کو اللہ کا خوف نہیں ہے۔ ظاہری مسلمان کے دل میں اللہ کا خوف نہیں رہے گا تو کیا وہ مسلمان کہلائے گا؟۔

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading

ممبئی پریس خصوصی خبر

کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

Published

on

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔

Continue Reading

ممبئی پریس خصوصی خبر

ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

Published

on

high-crout

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔

Continue Reading
Advertisement

رجحان