‎ممبئی این سی بی نے ایک بڑی کارروائی میں منشیات فروشوں کےریکیٹ کو بےنقاب کیا ہے ۔ عمل انٹیلی جنس کی بنیاد پر، این سی بی ممبئی نے 18/19 ستمبر کو پونے میں ایک شخص کو زیر حراست لیا گیا تھا جس سے 502 گرام میفیڈرون ضبط کیا گیا تھا۔ فوری پیروی کے دوران، ممبئی میں واقع کنگ پن سرغنہ اور مافیاسرغنہ داؤد ابراہیم کا متعمد خاص ڈرگس اسمگلر دانش چکنا کو گوا سے گرفتارکرنے کا دعوی کیا ہے اور اس کی اہلیہ کے گھر مزید ایک منشیات فروش کے قبضے سے 839 گرام میفیڈرون ضبط کیا گیا۔ تفتیش کے دوران، کنگ پین اور اس کی بیوی کی نشاندہی کی گئی کہ وہ منشیات کا سنڈیکیٹ چلا رہے تھے اور تب سے وہ فرار تھے اور نقل و حرکت سے بچنے کے لیے متعدد ریاستوں کا سفر کیا۔ تاہم، سخت تعاقب کے بعد وہ گوا میں ایک ہولی ڈے ریزورٹ میں روپوش تھے۔ 25 اکتوبر کو، این سی بی کی ٹیم نے کنگ پن اور اس کی بیوی کو گوا کے ریزورٹ سے زیر حراست لیا اور اسکے بعد انہیں گرفتار کر لیا گیا۔ کنگ پین ایک عادی منشیات کا مجرم ہے جس کے خلاف این سی بی اور راجستھان پولیس نے اس کے خلاف 03 این ڈی پی ایس کیس درج کیے ہیں۔ اس کے خلاف ممبئی پولیس کے ذریعہ 07 مجرمانہ مقدمات درج ہیں۔ اسے پولیس نے تڑی پاربھی قرار دیا ہے، جس کے بعد اس کی شہر بدری کا حکم بھی پولس نے جاری کیا تھا ۔ یہ ضبطی این سی بی کی صحت عامہ کے تحفظ اور منشیات کے منظم سنڈیکیٹس کے خلاف سختی سے عمل درآمد کو یقینی بنانے میں پرعزم کوششوں کو اجاگر کرتی ہے۔ نارکوٹکس کنٹرول بیورو 2047 تک نشا مکت بھارت کے ویژن کو حاصل کرنے کے لیے منشیات کی اسمگلنگ اور اس سے منسلک مجرمانہ سرگرمیوں کو روکنے کے اپنے عزم کا اعادہ کرتا ہے۔
‎منشیات کی اسمگلنگ کے خلاف لڑنے کے لیے، این سی بی شہریوں کا فعال تعاون چاہتا ہے۔ کوئی بھی شخص ماناس- نیشنل نارکوٹکس ہیلپ لائن ٹول فری نمبر – 1933 پر کال کرکے منشیات کی فروخت سے متعلق معلومات شیئر کرسکتا ہے۔ اطلاع دینے والے کی شناخت خفیہ رکھی جاتی ہے۔

ممبئی : ممبئی پولیس نے غیر قانونی طریقے سے ممبئی شہر میں مقیم 6 افغانی باشندوں کو گرفتار کر نے کا دعوی کیا ہے ممبئی پولیس کی کرائم برانچ یونٹ ایک کو اطلاع ملی تھی کہ یہاں افغانی باشندے غیر قانونی طریقے سے مقیم ہے جس پر یونٹ ایک اور یونٹ پانچ نے مشترکہ ٹیم تیار کی اور ممبئی کے فورٹ، دھاراوی قلابہ علاقہ میں چھاپہ مار کارروائی انجام دیتے ہوئے 6 غیر افغانی باشندوں کو گرفتار کر لیا ہے جن کی شناخت محمد رسول نشازیہ خان24 سالہ، محمد جعفر نبی اللہ 47 سالہ، محمد رسول نشازیہ خان 24 سالہ، اختر محمد جمال الدین 47 سالہ، ضیا الحق غوثیہ خان 47 سالہ، عبدالمنان خان 36 اور اسد شمش الدین خان 36 سالہ کے طور پر ہوئی ہے یونٹ ایک اور پانچ نے ٹیکنیکل بنیادوں پر آپریشن کو انجام دیا یہ افغانی شہری 2015,2016,2017 ء ویزا حاصل کر کے ہندوستان میں سکونت اختیار کی تھی اسی دوران ان افغانی شہریوں نے فرضی دستاویزات تیار کر کے ہندوستان میں قیام کیا ان تمام نے ہندوستان میں فرضی ناموں کے ساتھ اپنی شناخت بھی چھپائی تھی ان کا اصل نام عبدالصمد قندھار، محمد رسول قمر الدین قندھار،عمیل اللہ جھابل، ضیاالحق احمد کابل، محمد ابراہیم غزنوی کابل، اسد خان کابل تھا ہندوستانی دستاویزات تیار کر نے کیلئے ان تمام نے اپنے فرضی دستاویزات تیار کئے تھے اور پھر انہوں نے ہندوستانی دستاویزات تیار کر لئے اس معاملہ میں کرائم برانچ نے بڑے پیمانے پر افغانی کے خلاف کارروائی کرتے ہوئے افغانی غیر قانونی باشندوں کو گرفتار کر لیا ہے ان کے خلاف پولیس نے کیس درج کر کے تفتیش شروع کردی ہے یہ کارروائی ممبئی پولیس کمشنر دیوین بھارتی کی ہدایت پر جوائنٹ پولیس کمشنر کرائم لکمی گوتم اور ڈی سی پی راج تلک روشن نے انجام دی ہے۔ ان کے خلاف عرضی دستاویزات تیار کر نے کا معاملہ درج کر لیا گیا ہے ساتھ ہی پاسپورٹ ایکٹ کے تحت بھی کیس درج کیا گیاہے۔

ممبئی : اردو زبان سے محبت کے لئے مشہور بھیونڈی شہر کے عوام کے اردو گھر کا خواب شرمندۂ تعبیر ہونے جا رہا ہے. بھیونڈی (مشرق) سے سماج وادی پارٹی کے رکن اسمبلی رئیس شیخ کی پانچ سال کی انتھک جدوجہد رنگ لائی اور حکومت مہاراشٹر نے بھیونڈی شہر میں اردو گھر کی تعمیر کی تجویز کو ہری جھنڈی دکھا دی ہے. خاص بات یہ ہے کہ اردو گھر کی تعمیر کے لئے جتنے بھی تکنیکی اور قانونی مسائل تھے ان کو دور کر کے رئیس شیخ نے بھیونڈی کے محبان اردو کے لئے ایک بڑی کامیابی حاصل کی ہے.

قابل غور بات یہ ہے کہ بھیونڈی شہر میں محبان اردو کی اکثریت کے باوجود اسے حکومت کی طرف سے بار بار نظرانداز کیا گیا اور اردو گھر کا جو خواب اہلیان بھیونڈی نے دیکھا تھا، اس کی کوئی امید نظر نہیں آ رہی تھی لیکن سن ٢٠٢١ میں رکن اسمبلی رئیس شیخ نے اہلیان بھیونڈی کے اردو گھر کے دیرینہ خواب کو حقیقت میں بدلنے کی جدوجہد شروع کی حالانکہ اس دوران انہیں کئی تکینکی اور قانونی مسائل کا سامنا کرنا پڑا لیکن رئیس شیخ نے ہار نہیں تسلیم کی اور اردو گھر کی تعمیر کے لئے مسلسل جدوجہد کرتے رہے اور اب پانچ سال کی طویل محنتوں اور کوششوں کے بعد حکومت نے بھیونڈی شہر میں اردو گھر بنانے کی تجویز کو منظوری دے دی ہے.

رئیس شیخ نے بتایا کہ ریاست مہاراشٹر میں ممبئی کے قریب واقع مسلم اکثریتی شہر بھیونڈی، محنت کش مزدوروں کا شہر ہے. یہ شہر ملک بھر میں اپنی ٹیکسٹائل صنعت کی وجہ سے ‘مانچسٹر’ کہلاتا ہے. یہاں اردو زبان میں پڑھنے لکھنے والوں کی اکثریت ہے. بھیونڈی میں کثیر تعداد میں سرکاری اور نجی اردو اسکولیں ہیں جس میں ہزاروں بچے تعلیم حاصل کر رہے ہیں. اس کے ساتھ ہی یہاں کے بچے یشونت راؤ چوہان یونیورسٹی، مولانا آزاد یونیورسٹی اور دیگر تعلیمی اداروں سے اعلی تعلیم حاصل کر رہے ہیں. اس ضمن میں ہم نے سن ٢٠٢١ میں بھیونڈی شہر میں اردو گھر کی تعمیر کے لئے آواز بلند کی اور اس وقت کے اقلیتی محکمے کے وزیر نواب ملک سے ملاقات کر کے تحریری طور پر بھیونڈی شہر میں اردو گھر کی تعمیر کے لئے ایک مکتوب دیا. رئیس شیخ نے بتایا کہ اردو گھر کی تعمیر میں کئی رکاوٹیں حائل تھیں، حکومت کی شرائط کے مطابق اردو گھر کی تعمیر کے لئے اقلیتی محکمے کے پاس خود کی ٢٥٠٠ اسکوائر میٹر کی قطعہ اراضی ہونا لازمی تھا جس کے لئے ہم نے کوشش کی اور بھونڈی شہر میں واقع اسکول نمبر ٢٢ – ٦٢ کے سامنے واقع گروپ گرام پنچایت سمیتی کی زمین کو حاصل کیا گیا اور اب اس سلسلے میں حکومت کی طرف سے اردو گھر کی تعمیر کے لئے زمین الاٹ کر دی گئی ہے اور ہمیں امید ہے کہ بہت جلد بھیونڈی میں اردو گھر کی تعمیر کا خواب پورا ہوگا. رئیس شیخ نے کہا کہ اس سلسلے میں ہم نے ریاست کے نائب وزیر اعلی اجیت دادا پوار کو ایک مکتوب لکھا ہے اور ان کی صدارت میں متعلقہ محکمے کے ساتھ ایک میٹنگ طلب کرنے کی گزارش کی ہے. ہمیں توقع ہے کہ بہت جلد نائب وزیر اعلی کی طرف سے یہ میٹنگ طلب کی جائے گی.