ممبئی : ممبئی حج ہاؤس کے باہر عازمین اور ان کے رشتہ دار کھلے آسمان کے نیچے چلچلاتی دھوپ و سڑک پر رہنے پر مجبور ہے ممبئی بین الاقوامی ہوائی اڈہ سے دیگر ریاستوں کے عازمین بھی سفر حج کے لئے روانہ ہوتے ہیں۔ مہاراشٹر اور ممبئی سے عازمین کے قافلوں کا آغاز ہو چکا ہے۔ عازمین کی فلائٹ ممبئی ائیر پورٹ سے ہوتی ہے اس لئے بیشتر عازمین حج ہاؤس کا رخ کرتے ہیں, لیکن ان عازمین کو یہاں پریشانیو ں کا سامنا ہے۔ چلچلاتی دھوپ میں بے سروسانی میں ممبئی حج ہاؤس گیٹ کے باہر عازمین قیام پر مجبور ہے یہاں ایم آر اے مارگ پولس اسٹیشن بھی واقع ہے عازمین کی بھیڑ بھاڑ کے سبب سڑک پر ٹریفک کا مسئلہ بھی پید ا ہو گیا ہے۔ عازمین کے سڑک پر قیام سے ان کو خطرہ لاحق ہے, فرقہ پرست عناصر ایسے میں عازمین کو بھی نقصان پہنچا سکتے ہیں۔ لیکن حج کمیٹی انتظامیہ بے جسی کا مظاہرہ کر رہی ہے, حج کمیٹی آف انڈیا نے عازمین کے قیام کے لئے کوئی خاطر خواہ انتظامات نہیں کئے ہیں۔ یہاں شامیانہ بھی تیار نہیں کئے گئے ہیں, اس کے ساتھ ہی عازمین کو کمرے کی بھی سہولت میسر نہیں ہے, جس کی وجہ سے عازمین اور ان کے رشتہ دار احاطہ کے باہر کھلے آسمان میں رہنے پر مجبور ہے۔

اس سلسلے میں جب ڈپٹی سی ای او صداقت علی سے استفسار کیا گیا تو انہوں نے کہاکہ حج ہاؤس میں عازمین کے قیام و طعام کا مکمل نظم ہے, اور یہ سہولت صرف عازمین کے لئے ہی ہے ایک عازم کے ساتھ دس رشتہ دار ہوتے ہیں۔ ایسے میں حج ہاؤس میں ان کا قیام مشکل ہے, اس کے علاوہ حج ہاؤس میں شامیانہ بھی تیار کئے گئے ہیں, اور کولر کا بھی نظم ہے انہوں نے کہا کہ عازمین کو ہرطرح کی سہولت بہم پہنچائی جارہی ہے۔ ممبئی ائیرپورٹ سے ۲۹ اپریل سے عازمین کا پہلا قافلہ روانہ ہو چکا ہے, اور اب یہاں سے عازمین کے قافلوں کی روانگی جاری ہے, عازمین کو کسی بھی قسم کی کوئی پریشانی نہیں ہے۔

ممبئی : وقف ایکٹ کے خلاف ممبئی شہر میں بتی گل احتجاجی مظاہرہ انتہائی کامیاب رہا, ملی تنظیموں اورمسلمانوں نے متحد ہوکر مجوزہ وقف ایکٹ کے خلاف بطور احتجاج رات 9 بجکر 15 منٹ تک اپنی بتی بند رکھی اور بتی گل احتجاج میں مسلم محلوں علاقوں اور گلیوں کی بتیاں بند رکھی گئیں۔ یہ احتجاج کامیابی سے ہمکنار آل انڈیا مسلم پرسنل لاء بورڈ کے کوآرڈینیٹر محمود دریابادی نے بھی اس احتجاج کو کامیاب قرار دیا اور کہا کہ تحریک اسوقت تک جاری رہے گی جب تک وقف ایکٹ واپس نہیں لیا جاتا۔

ممبئی کے قلابہ علاقہ میں رکن اسمبلی ابوعاصم اعظمی نے وقف ایکٹ کے خلاف احتجاجی مظاہرہ اور بتی گل میں حصہ لیتے ہوئے سرکار کے اس قانون کو مسلمانوں کے خلاف قرار دیتے ہوئے اسے واپس لینے کا مطالبہ کیا ہے۔ انہوں نے کہاکہ آل انڈیا مسلم پرسنل لاء بورڈ کی اپیل پر مسلمانوں نے بتی گل کا احتجاج کیا ہے جو کامیابی سے ہمکنار رہاانہوں نے کہاکہ جب تک ایکٹ واپس نہیں لیا جاتا احتجاج جاری رہے گا ابوعاصم اعظمی نے کہا کہ یہ ایکٹ وقف کی املاک کو ہڑپنے کیلئے لایا گیا ہے جو ناقابل قبوبل ہے۔

ممبئی کے مسلم اکثریتی علاقوں میں 9 بجتے ہی بتیاں گل ہوگئی, اور عام نظام 15 منٹ تک ٹھپ ہوگیا اس سے بجلی سپلائی بھی متاثر ہوئی کیونکہ اچانک 15 منٹ تک بجلی بند ہونے سے بجلی سپلائی پر بھی اثر ہوتاہے۔ ممبئی میں کرلا، اندھیری، ناگپاڑہ، ڈونگری، پائیدھونی سمیت مسلم اکثریتی علاقوں میں 9 بجے بتی گل ہونے پر اندھیرا چھا گیا اور اندھیرا اتنا کہ رات کی تاریکی مزید تاریک ہوگئی۔ ممبئی شہر میں بتی گل کے بعد شہر میں اندھیرا قائم ہوگیا۔ ممبئی کے مسلم اکثریتی علاقوں میں بتی گل مہم کو لے کر بیداری مہم بھی چلائی گئی تھی, جس کے سبب یہ مہم کامیابی سے ہمکنار ہوگئی۔ ممبئی میں مسلم پرسنل لاء بورڈ کے اراکین و ملی تنظیموں نے بتی گل احتجاج کو کامیاب قرار دیا ہے۔

ممبئی : ممبئی پولس کمشنر دیوین بھارتی نے اپنے ہم منصب وویک پھنسلکر کے ہاتھوں پولس کمشنر کے عہدہ کا چارج لیا۔ دیوین بھارتی اسپیشل کمشنر کے عہدہ پر فائز تھے, انہیں ریاستی سرکار نے اہم ذمہ داری عطا کی ہے چارچ لینے کے بعع دیوین بھارتی نے کہا کہ آخری آدمی تک مدد پہنچے, اور ان کے مسائل کا ازالہ ہو یہ پولس کی ترجیحات میں شامل ہے۔ اس کے ساتھ ہی سائبر جرائم کی وارداتوں پر قابو پانے کے لئے پولس محکمہ میں جدت پیدا کی گئی ہے اور سائبر جرائم پر قدغن لگانے کی کوشش کی پہل کے لئے سائبر لیب کا بھی افتتاح وزیر اعلی دیویندر فڑنویس نے حال ہی میں کیا ہے۔ دیوین بھارتی نے بتایا کہ ممبئی کی سیکورٹی اور خواتین کے تحفظات پر بھی خاص توجہ دی جائے گی, اس کے ساتھ ہی پولس غیر قانونی بنگلہ دیشی اور پاکستانیوں پر بھی کارروائی میں شدت پیدا کر چکی ہے بھارتی نےکہا کہ سوشل پلیٹ فارمز کا غلط استعمال بھی عام ہو گیا ہے اور سائبرٹھگی پر قابو پانے کے لئے سائبر پولس اسٹیشن کا قیام بھی عمل میں لایا گیا ہے سائبر محکمہ او ر سائبر پولس نے کئی کیس بھی حل کئے ہیں اور کئی بروقت شکایت پر کارروائی کرتے ہوئے دھوکہ دہی کی کروڑوں روپے بھی لوٹائے گئے ہیں اور مالی معاملات کے فرا ڈ میں گرفتاری بھی عمل میں لائئ گئی ہے۔