(وفا ناہید)
مالیگاؤں کارپوریشن کی جانب مالیگاؤں کے معذوروں کا مسلسل استحصال, زیادتی, لاپروائی, معذوروں کے مختص فنڈ میں بدعنوانی, معذوروں کے لئے تفریح کی جگہ کی دستیابی میں ٹال مٹول, گورنمنٹ کوٹہ میں ریزرو نوکری اور دیگر سہولیات سے محرومی کے خلاف دیویانگ سوسائٹی کے بینر تلے بے مدت مرن برت کا آغازیوم جمہوریہ سے سٹی کلکٹر آفس گیٹ پر شیشن کورٹ کے سامنے جاری ہے. معذوروں کے اس مرن برت کا آج دوسرا دن ہے مگر مالیگاؤں کارپوریشن کی ڈھٹائی اب بھی اپنے عروج پر ہیں. جسمانی طور پر یہ معذور ویسے ہی کمزور ہوتے ہیں. اس پر کارپوریشن کے ستم کے خلاف ان سرد اور ٹھٹھرتی راتوں میں کارپوریشن اور ارباب اقتدار کو جگانے کی سعئی ناکام کررہے ہیں. حیرت کی بات یہ ہے کہ مسلم اکثریتی یہ شہر جہاں کارپوریشن میں %80 مسلم کارپوریٹرس شہر کی نمائندگی کے لیے عوام نے چن کر دیئے. مسلم ایم ایل اے, مسلم میئر یہاں تک کہ کارپوریشن کے دیگر عہدے جیسے کہ اسٹینڈنگ چیئرمین, گٹ نیتا اور اپوزیشن لیڈر تک مسلم ہے. اس کے باوجود بے حسی کی انتہا نہیں ہے. مسجدوں میناروں کے یہ شہر آج معذوروں کو ان کا حق دینے سے قاصر ہے . ان معذوروں نے انتظامیہ اور ارباب اقتدار ٹولے کو جگانے کی ہر ممکن ہی کوشش کی مگر اس کے باوجود نہ کرپٹ افسران پر کاروائی ہوئی اور ناہی ان کے مسائل حل کئے گئے اور نا ان کے مطالبات پر نظر ثانی ہی کی گئی. یہی وجہ ہے کہ یہ جسمانی طور پر کمزور اور معذور افراد انتظامیہ اور ارباب اقتدار کے خلاف مرن برت رکھ کر ان سرد راتوں میں احتجاج کر رہے ہیں . اس کے باوجود کسی میں اتنی انسانیت نہیں ہے کہ وہ ان معذوروں کی تشہیر کے لئے ہی صیحیح خبر گری کرتا. یہاں کے
آج جب یہ مرن برت دوسرے دن میں داخل ہوچکا ہے. آزاد نگر کے ساکن محمد فیصل کی حالت نازک ہوگئی ہے. سرد راتوں میں ٹھٹھرتی ٹھنڈ نے اس شخص کو جو کارپوریشن اور مسلم لیڈر شپ کی مہربانیوں کے خلاف اپنا احتجاج درج کراکر ان سوئے ہوئے حکمرانوں کو جگانا چاہتا تھا. وقت ستم اور موسم کے تھپیڑوں کی مار برداشت نہیں کر پارہا ہے . اس کے باوجود اپنی بگڑتی حالت کے وہ اپنا احتجاج جاری رکھے ہوئے ہیں. کارپوریشن کے ایسے دلالوں کو شرم آنی چاہئے کہ ان کی بدعنوانی کہیں ان معذوروں کی جان نہ لے لیں. ان معذوروں کے. مطالبات ہے کہ میونسپل کارپوریشن, سول ہاسپٹل , , پرانت آفس اور سرکاری آفسوں میں ناتواں سلوک سے بے انتہا پریشان ہیں. اس کے سدباب باب کے لئے اس دھرنے کا آغاز کیا گیا ہے.
*میونسپل کارپوریشن کے مسائل : دیویانگ سوسائٹی کے لئے جگہ کے مطالبہ پر کاروائی نہ ہونے, سرکاری آفسوں میں ریمپ کا انتظام نہ ہونے سے رکاوٹ بنی ہے. میونسپل کارپوریشن کی معرفت 14 ہزار کھولیاں بنائی گئی ہیں. اس کے گراؤنڈ فلور پر %5 کے حساب سے کھولیاں ملیں اور ساتھ ہی %5 پینشن ملے. بے روزگار معذوروں سے ان کے لاپرواہی اور مستقبل پر غور نہیں کیا جاتا. نہ ہی میونسپل کارپوریشن کی معرفت شاپنگ گالے کرائے سے دیئے جاتے ہیں. معذوروں کے %5 کرایہ وصول کر کے اپنگ پینشن رقم بینک اکاؤنٹس میں ترتیب وار دی جائے. اسی طرح یہاں بڑے ملازمین معذوروں کا فون نہیں اٹھاتے ہے. * سول ہاسپٹل کے مسائل : سول ہاسپٹل کے سرجن ڈاکٹر کشور ڈانگے ریلوے پاس دینے میں ٹال مٹول کرتے ہیں اور معمولی بات بھی غیر اخلاقی سلوک کرتے ہیں. جس سے دوسرے ملازمین کے حوصلے بلند ہوگئے ہیں اور وہ بے ہودہ زبان استعمال کرکے واپس کردیتے ہیں. ریلوے پاس کے لئے 400 روپئے لینے کا خلاصہ ملے. یو ڈی آئی ڈی کارڈ کے لئے مراٹھی میں عریضے بھی قبول نہیں کرتے. معذوروں کے لئے بدھ اور جمعہ کو پورے دن کام کاج جاری رکھا جائے.
*اناج تقسیم کار آفیسر : جن معذوروں کے پاس کیسری کارڈ نہیں ہے. انہیں پیلا کارڈ بنانے دیا جائے. *معاون محکمہ آفیسر : معذوروں کو انکم سرٹیفکیٹ تاخیر کیوں دستیاب ہوتے ہیں ؟ اس طرح سنجے گاندھی, اندرا گاندھی, شراون ہاڑ, بیوہ کیوں تاخیر سے ملتے ہیں ؟ سرکاری آفسوں سے اس کا جواب نہیں دیا جاتا. تحصیل آفس, پرانے آفس و ضلع آفس اور دیگر آفسوں میں معذوروں کے لئے رہمپ کی سہولیت مہیا کی جائے.ہر آفسوں میں معذوروں کے لئے ایک آفیسر کو نامزد کیا جائے.
دیویانگ سوسائٹی کے مدثر رضا نے نمائندے کو بتایا کہ موجودہ رکن اسمبلی مفتی محمد اسمٰعیل قاسمی اور موجودہ میئر طاہرہ شیخ رشید نے کبھی معذوروں اور ان کے مسائل پر توجہ نہیں دی. انہوں نے کہا کہ دیویانگ سوسائٹی میں ہزاروں کی تعداد میں معذور مرد و خواتین ہیں اور ہمارا مطالبہ ہے کہ شہر میں معذوروں کے لئے دفتر کی فراہمی , پینشن, روزگار اور دیگر سرکاری سہولیات جلد از جلد فراہم کرے. ورنہ دیویانگ سوسائٹی ممبئی اور دہلی حاکر مالیگاؤں کارپوریشن کے خلاف اپنے جائز حقوق کے لیے احتجاج کرے گی. اگر معذوروں کے تمام مطالبات پر فوری کارروائی نہیں کی گئی تو آنے والے دنوں میں یہ معذور اسی طرح اپنا مرن برت جاری رکھیں گے.