ممبئی : مھا ممبئی میٹرو آپریشن کارپوریشن لمیٹڈ (ایم ایم ایم او سی ایل) نے اپنی ٹیکنالوجی اپ گریڈیشن پروگرام کے تحت ممبئی مونوریل میں نئے کمیونیکیشن بیسڈ ٹرین کنٹرول (سی بی ٹی سی) سگنلنگ سسٹم کے جدید تجربات شروع کیے ہیں۔ یہ نظام پروجیکٹ کے مقررہ کنٹریکٹر میدھا ایس ایم ایچ ریل پرائیویٹ لمیٹڈ کے ذریعے نافذ کیا جا رہا ہے جس کا مقصد آپریشنل حفاظت، کارکردگی اور اعتماد کو مزید مضبوط بنانا ہے۔

اس سلسلے کے دوران معمول کے سگنلنگ ٹرائل میں ایک معمولی واقعہ پیش آیا جس پر فوری طور پر قابو پا لیا گیا اور کسی بھی اسٹاف یا عملے کو کوئی چوٹ نہیں پہنچی۔ آزمائش کے وقت دو تکنیکی اہلکار، جن میں مونوریل آپریٹر بھی شامل تھے، مکمل محفوظ ماحول میں تمام حفاظتی پروٹوکول کے ساتھ موجود تھے۔

ایم ایم ایم او سی ایل نے وضاحت کی کہ یہ ٹرائل بدترین ممکنہ حالات کی نقل کرتے ہوئے کیے جاتے ہیں تاکہ نظام کی مکمل تیاری کو یقینی بنایا جائے۔ ایسے کنٹرولڈ حالات ٹیسٹنگ کے معمول کا حصہ ہیں اور انہیں آپریشنل خرابی قرار نہ دیا جائے۔ شہریوں سے اپیل کی گئی ہے کہ کسی قسم کی بے چینی کا مظاہرہ نہ کریں کیونکہ تمام ٹرائل معمول کے مطابق جاری ہیں اور ان میں کوئی رکاوٹ نہیں آئی ہے۔

پروجیکٹ کی مقررہ مدت کو برقرار رکھنے اور مسافروں کو کم سے کم تکلیف پہنچانے کے لیے کچھ ٹرائل تعطیلات کے دوران بھی کیے جا رہے ہیں۔ ایم ایم ایم او سی ایل عالمی معیار کی سیکیورٹی اپروچ کے ساتھ ممبئی کے لیے ایک محفوظ، قابل اعتماد اور جدید ٹرانسپورٹ نظام فراہم کرنے کی پابند ہے۔

‎مہاراشٹر : ممبئی میں اے ٹی ایس کی کارروائی کے بعد مشتبہ افراد سے رابطہ رکھنے پر بے قصوروں کو ہراساں کیے جانے پر ابوعاصم اعظمی نے اے ٹی ایس سربراہ نول بجاج سے ملاقات کر کے مطالبہ کیا ہے کہ پونہ اے ٹی ایس یونٹ بے قصوروں کو ہراساں کرنا بند کرے. اے ٹی ایس گرفتار ملزمان کے موبائل فون پر رابطہ رکھنے والوں کو ہی اب ہراساں شروع کر دیا ہے, جس میں بچوں اور خواتین کو بھی ہراساں کرنے کی شکایت موصول ہوئی ہے, اس سے پونہ اور ریاست کے دیگر گوشوں میں بے چینی و اضطراب پایا جا رہا ہے۔مہاراشٹر کے مختلف اضلاع سمیت ریاست اور پونہ میں اے ٹی ایس کی چھاپہ مار کارروائی کے خلاف سماجوادی پارٹی لیڈر اور رکن اسمبلی ابو عاصم اعظمی نے کل جماعتی نمائندہ وفد کے ہمراہ مہاراشٹر اے ٹی ایس سربراہ نول بجاج سے ملاقات کر کے یہ واضح کیا ہے کہ کسی کو بھی اے ٹی ایس کی کارروائی پر اعتراض نہیں ہے, لیکن جس طرح سے کچھ ایسے مسلم کارکنان کو گرفتار کیا گیا جو اپنے حق کے لیے آواز بلند کر رہے تھے اور سماج میں ناانصافی کے خلاف متحرک و فعال تھے. ابوعاصم اعظمی نے اے ٹی ایس سربراہ کو ایک میمورنڈم بھی دیا ہے.

‎میمورنڈم میں اے ٹی ایس چیف نول بجاج کو کارروائی کی نوعیت سے متعلق باخبر کیا گیا ہے اعظمی نے بتایا کہ کسی بھی ملزم کے خلاف کارروائی کرنے پر اعتراض نہیں ہے، لیکن حالیہ دنوں میں کئی مسلم سماجی کارکن جو اپنے آئینی حقوق کا استعمال کر رہے ہیں، ناانصافی کے خلاف آواز اٹھا رہے ہیں اور سماج متحرک و فعال ہے انہیں پونے اے ٹی ایس کے ذریعے ہراساں کیا جا رہا ہے۔

‎ملزمان کے موبائل فون پر استعمال ہونے والے نمبروں سے رابطہ رکھنے والوں اور ان کے اہل خانہ کو گھنٹوں تھانوں میں زیر حراست رکھا جارہا ہے۔ خواتین اور بچوں کو بھی تفتیش کے نام پر ہراساں کیا جا رہا ہے اور کئی لوگوں پر جھوٹے الزامات لگائے جا رہے ہیں۔

‎اعظمی نے نول بجاج سے درخواست کی کہ تفتیشی عمل کے دوران پونے اے ٹی ایس یونٹ کو واضح ہدایات جاری کرے کہ وہ اس کیس میں ملوث افراد کے ساتھ منصفانہ سلوک کریں، تاکہ وہ پولیس اور اے ٹی ایس کی بھی مدد کرسکے۔

‎نول بجاج نے ایک مثبت یقین دہانی کرائی کہ وہ اس بات کو یقینی بنائیں گے کہ کسی بھی بے قصور کے ساتھ ناانصافی نہ ہو، اور خواتین اور بچوں کے بیانات ان کے گھروں پر ہی درج کئے جائیں گے۔

حیدرآباد، حیدرآباد کے ایک ڈاکٹر کو ایکسائز پولیس نے اس کے گھر سے منشیات برآمد ہونے کے بعد گرفتار کرلیا، حکام نے منگل کو بتایا۔ مخصوص اطلاع پر کارروائی کرتے ہوئے، پروہیبیشن اینڈ ایکسائز حکام اور این ٹی ایف (نارکوٹکس ٹاسک فورس) نے مشیر آباد کے علاقے میں ایک ڈاکٹر جان پال کے گھر کی تلاشی لی اور 3 لاکھ روپے مالیت کی منشیات برآمد کی۔ ملزم مبینہ طور پر اپنے کرائے کے مکان سے نشہ آور اشیاء فروخت کرتا تھا۔ وہ مبینہ طور پر دہلی اور بنگلورو میں تاجروں سے منشیات خرید رہا تھا۔ ایس ٹی ایف اہلکاروں کو ڈاکٹر کے احاطے سے او جی کش، ایم ڈی ایم اے، کوکین اور ہیش آئل ملا۔ ایکسائز پولیس نے کیس میں تین دیگر ملزمان کے خلاف مقدمہ درج کر لیا۔ جان پال مبینہ طور پر اپنے دوستوں پرمود، سندیپ اور شرت کے ساتھ مل کر یہ ریکٹ چلا رہے تھے۔ وہ اس کے گھر کو منشیات کا ذخیرہ کرنے اور فروخت کرنے کے لیے استعمال کر رہے تھے، بدلے میں اسے مفت منشیات کی پیشکش کر رہے تھے۔ تینوں فرار تھے، اور ایکسائز پولیس نے ان کی تلاش شروع کر دی ہے۔ دریں اثنا سائبرآباد پولیس نے 11 افراد کو گرفتار کیا جو منشیات کے غیر قانونی رکھنے، فروخت اور استعمال میں ملوث تھے۔ گچی بوولی پولیس اور اسپیشل آپریشنز ٹیم (ایس او ٹی)، سائبرآباد کے مادھا پور زون نے ایک ایس ایم لگژری گیسٹ روم کو-لیونگ پر چھاپہ مارا۔ پی جی ہاسٹل، ٹی این جی اوز کالونی، گچی باؤلی اور دو افراد کو گرفتار کیا۔ ان کے اعتراف کی بنیاد پر باقی ملزمان کو ہوٹل نائٹ آئی، مادھا پور سے گرفتار کیا گیا۔ بعد ازاں تفتیش میں صارفین کی بھی نشاندہی کی گئی، اور انہیں بھی حراست میں لے لیا گیا۔ چھاپے کے دوران ملزمان کے قبضے سے نشہ آور اشیاء برآمد ہوئی جسے وہ استعمال کر کے معلوم و نامعلوم افراد کو فروخت کر رہے تھے۔ ملزمان کے قبضے سے 32.14 گرام ایم ڈی ایم اے اور 4.67 گرام گانجہ برآمد ہوا۔ سات ملزمان جن میں دو نائجیرین باشندے بھی شامل ہیں، جو اس کیس کے مرکزی ملزم ہیں، مفرور ہیں۔ ملزمان میں سپلائی کرنے والے، تقسیم کار اور صارف شامل ہیں، پولیس کے مطابق، ان کا نیٹ ورک حیدرآباد اور تلنگانہ کے دیگر حصوں میں پھیلا ہوا ہے۔ ملزمان غیر قانونی ذرائع سے نشہ آور اشیاء منگواتے تھے اور مختلف علاقوں میں نوجوانوں اور طلباء کو فروخت کرتے تھے۔