ممبئی :ایک طرف تو ہر سیاسی لیڈر الیکشن کے آتے ہی اپنی واہ واہی کے گن گانے شروع کر دیتا ہے اور اپنے کئے گئے کاموں کی فہرست لے کر عوام کو یہ جتانے کی کوشش کرتا ہے کہ گویا اس نے اپنے وقت میں اپنے علاقے کو مورڈنائیز کر دیا ہےاور ڈیجیٹل علاقے میں تبدیل کر دیا ہے۔لیکن اپنی واہ واہی کے چکر میں وہ عوام کا کچھ نہ کچھ تو کر ہی دیتا ہے۔اگر بات کریں جنوبی ممبئی کی تو یہاں حالات کچھ اور ہیں یہاں لیڈر کی اور سرکاری دعوؤں کیقلعی کھل گئی ہے۔کبھی بارش میں علاقےمیں پانی بھرجانا کبھی بجلی گل ہو جانا ،خستہ حال عمارتوں کے گرنے کا ڈران سبھی تکلیفوں کے ساتھ علاقائی لیڈرکی بڑی بڑی باتوں کو جھیلتی معصوم عوام،جنوبی ممبئی کے ممبئی سینٹرل کی ایک شرمناک تصویر سامنے آئی ہے جہاں سرکاری اسکول کے معصوم بچےبوند بوند پانی کے لئے ترس رہے ہیں۔عالم یہ ہے کی بیت الخلاء جانے کے لئے بی ایم سی کے پیشاب خانہ میں پیسے دے کر بچوں کوپیشاب جانا پڑ رہا ہے۔مدن پورہ میونسپل اردو اسکول جو کہ بائیکلہ مدن پورہ میں واقع ہے پچھلے تین دنوں سے اس اسکول میں پانی نہیں آیا ہے۔ اس اسکول میں دو سیشن چلتے ہیں لگ بھگ ایک ہزار سے زیادہ بچے یہاں تعلیم حاصل کر رہے ہیں۔جب ممبئی پریس نے میونسپل کارکن سے بات کی تو پتہ چلا کی شارٹ سرکٹ کی وجہ سے پچھلے تین دنوں سے پانی کی موٹر نہیں چل رہی ہے اس لئے اس اسکول میں پانی نہیں آیا۔اسکول کے بچے قریب کے پیشاب خانہ میں پیسے دے کے باتھروم جا رہے ہیں۔ ٹیچرس صبح سے شام تک خود پر قابو رکھ کے چھٹی کا انتظار کرتے ہیں۔شرم کی بات تو یہ ہے کی اسکول کے اگلے فٹ پاتھ پر سماج وادی پارٹی کے نگر سیوک رئیس شیخ کا دفتر ہے اور کچھ ہی دوری پر ای وارڈ آفس کا دفتر ہے۔اگر دعوؤں کی بات کی جائے تو دو منزلہ اس عمارت پر نگر سیوک نے حال ہی میں کروڑوں روپئے خرچ کرکے اس اسکول کی عمارت کی تجدید (ری ڈیویلپمنٹ) کیا ہے اور اب وہ ایسی ہی تجدید کئی سارے اسکولوں میں کر رہے ہیں۔مطلب کئی سارے اسکولوں پر ایسا ہی سرکاری کروڑوں روپئے خرچ کر رہے ہیں۔ اس اسکول میں پڑھ رہے بچوں کےوالدین نے ممبئی پریس کو بتایا کی اسکول آ ج سے دس سال پہلےجیسی تھا آج بھی ویسا ہی ہے۔جگہ جگہ سے برسات کا پانی آتا ہےصاف صفائی بھی نہیں رہتی۔اب پانی نہ ہونے کی وجہ سے گندگی اور بڑھ گئی ہےکیونکہ یہاںغریب بچے پڑھتے ہیںاس لئے یہاں کوئی دھیا ن نہیں دیتاایک بچے کے والدین نے بتایا کے یہاں نگر سیوک رئیس شیخ صرف گارڈن اور سیلفی پوائنٹ جیسی جگہ پر کروڑوں پیسے لگا رہے ہیں اور اخباروں میں اپنی تصویرچھپوا کرکے واہ واہی بٹور رہے ہیںجبکہ زمینی حقیقت کچھ اور ہےاسی اسکول کے سامنے رئیس شیخ کا دفترہے اور اسکول میں تین دن سے پانی نہیں آ رہا ہے تو کیا ان کو کچھ نہیں کرنا چاہیے؟ایک والدین نے ہم سے سوال کر دیا۔اسکول کے دوسرے منزل پر پھر سے مرمت(ریپیرنگ) کا کام چالو ہے پھر مرمت(ریپیرنگ) کے نام پر کروڑوں روپئے خرچ کئے جا رہے ہیں۔سوال یہ اٹھتا ہے کے جب کچھ سال پہلے ہی کروڑوں روپئے خرچ کئے جاچکے ہیںاور اسکول کا حال جوں کے توں ہےتو پھر پیسے جاتے کہا ں ہیں؟۔ممبئی پریس نے جب اس کی جانکاری تعلیمی افسر سے مانگی تو ان کے پاس اس پر کوئی جانکاری نہیں تھی پھربھی انھوں نے یقین دہانی کرائی ہے کہ اسکول میں جلد پانی کی سہولت کو بحال کیا جائے گا۔