ممبئی : ممبئی شہر و مضافات پر مسجدوں سے لاؤڈاسپیکر نکالنے کا معاملہ اب طول پکڑ گیا ہے۔ لاؤڈاسپیکر اتروانے کیلئے پولیس نے اب ٹرسٹیوں پر دباؤ ڈالنا بھی شروع کردیا ہے, تو ہری مسجد میں پولیس نے مسجد سے جبرا لاؤڈاسپیکر نکالا ہے, جس کے سبب حالات کشیدہ ہے, جبکہ کریٹ سومیا کی مسجدوں اور لاؤڈاسپیکر کے خلاف زہر افشانی جاری ہے۔ بی جے پی لیڈر کریٹ سومیا بھونگا مکت ممبئی لاؤڈاسپیکر سے پاک ممبئی مہم کے تناظر میں اب تک کارروائی سے متعلق کریٹ سومیا نے ایکس پر تفصیلات بتاتے ہوئے یہ دعوی کیا ہے کہ ممبئی میں ایک بھی مسجد نے فروری 2025 ء میں لاؤڈاسپیکر کے استعمال کیلئے اجازت حاصل نہیں کی ہے, اس سے قبل برسہا برس سے کبھی بھی مسجدوں پر لاؤڈاسپیکر کے استعمال کی اجازت طلب نہیں کی تھی۔ گھاٹکوپر میں 33 مسجدوں ہیں, لیکن اس سے قبل ایک بھی مسجد نے پولیس سے اجازت طلب نہیں کی تھی۔ مانخورد شیواجی نگر میں 72 مسجد میں سے ایک بھی مسجد نے اس سے قبل اجازت نامہ حاصل نہیں کیا تھا۔ عدالت کے حکم کی تعمیل اور ہماری مہم سے اب تک 1500 مسجدوں سے لاؤڈاسیپکر نکالنے کی کارروائی مکمل کر لی گئی۔ اب صرف 800 مسجدوں کے ٹرسٹیوں نے 10 x5 باکس ٹائپ اسپیکر کی اجازت حاصل کی ہے۔ کریٹ سومیا نے مسجدوں کے خلاف اپنی شر انگیزی جاری رکھی ہے اور مسجدوں سے لاؤڈاسپیکر نکالنے کیلئے ممبئی پولیس پر دباؤ بنانے کے ساتھ پولیس اسٹیشنوں کا دورہ بھی کر رہے ہیں۔

ممبئی : محرم الحرام اور عاشورہ کے پیش نظر تھانہ میں پولس نے خصوصی انتظامات کرنے کا دعوی کیا ہے۔ تھانہ پولیس کمشنر آشوتوش ڈومبرے نے کہا کہ عاشورہ اور آشاڈی اکادشی بھی عاشورہ کے ساتھ ہی ایسے میں تعزیہ داری اور عزاداری کے جلوس کے ساتھ آشاڈی اکادشی کے بھی چھوٹے چھوٹے قافلے نکالتے ہیں, ایسی صورتحال میں دونوں جلوس میں تصادم نہ ہو اس لئے کئی مقامات پر روٹ میں بھی تبدیلی کی گئی ہے۔ انہوں نے کہا ہے کہ شیعہ سنی مسلکی تصادم کے پس منظر میں تعزیہ داری اور عزاداری کے روٹ بھی علیحدہ رکھے گئے ہیں۔ اس کے ساتھ ہی پولیس پوری طرح سے مستعد و الرٹ ہے۔

آشوتوش ڈومبرے نے خاص ملاقات میں کہا کہ محرم الحرام اور عاشورہ کے پیش نظر واغط مجالس منعقد کی جاتی ہے, ایسے میں متنازع تبصرے اور دیگر توہین آمیز پوسٹ و سوشل میڈیا پر بھی پولیس کی خاص نظر ہوگی۔ محرم اور آشاڈی اکادشی کے سبب تھانہ کمشنریٹ میں باضابطہ طور پر امن کمیٹیوں کی میٹنگ بھی منعقد کی گئی تھی۔

انہوں نے کہا کہ فرقہ وارانہ ہم آہنگی کے لئے تھانہ کمشنریٹ میں صرف تہواروں پر ہی کام نہیں ہوتا ہے, بلکہ سال بھر امن کمیٹی اور محلہ کمیٹی فعال ہوتی ہے اور شرپسندوں پر نظر رکھی جاتی ہے۔ انہوں نے کہا کہ بھائی چارگی اور فرقہ وارانہ ہم آہنگی کو تقویت پہنچانا پولیس کی ترجیحات میں ہے, ایسے میں پولیس اسٹیشن کی سطح پر فرقہ وارانہ ہم آہنگی کے قیام کیلئے میٹنگ کی جاتی ہے۔ آشوتوش ڈومبرے نے کہا کہ تھانہ میں عاشورہ کے پس منظر میں تمام حفاظتی انتظامات کے ساتھ روٹ پر بھی بندوبست کی تعینات کی گئی ہے, اتنا ہی نہیں تھانہ، ممبرا، رابوڑی، الہاس نگر، بھیونڈی، ڈومبیولی کلیان میں بڑے پیمانے پر جلوس تعزیہ داری اور عزاداری نکالے جاتے ہیں, ایسے میں ان کے روٹ پر خاص حفاظتی انتظامات کئے گئے ہیں۔ انہوں نے کہا کہ آشاڈی اکادشی کے پیش نظر اس بات کا پولیس نے خاص خیال رکھا ہے کہ محرم اور آشاڈی اکادشی کے جلوس میں کسی بھی قسم کا کوئی تصادم نہ ہو اور اس لئے ان کے روٹ سے متعلق روٹ میں تبدیلی بھی کی گئی ہے۔ پولیس پوری طرح سے الرٹ ہے, سوشل میڈیا پر بھی خاص نگرانی رکھی جارہی ہے تاکہ سوشل میڈیا پر اشتعال انگیزی یا نفرتی پیغام پھیلا کر ماحول خراب کرنے والوں پر کارروائی ہو پولیس اسٹیشن کی سطح پر ضروری ہدایات بھی جاری کی گئی ہے۔ ڈومبرے نے کہا کہ ماحول خراب کرنے والوں پر نظر رکھنے کے ساتھ ان کے خلاف کارروائی کا بھی حکم دیا گیا ہے, شرپسندوں کی شرپسندی برداشت نہیں کی جائے گی۔

ممبئی انٹی نارکوٹکس سیل اور ممبئی پولس نے مشترکہ طور پر نشہ مخالف بیداری مہم شروع کی ہے, اور آج یوم نشہ مخالف کے موقع پر مختلف تقریبات کا انعقاد کیا گیا, جس میں نشہ کے خلاف بیداری اور منشیات کے خلاف بینر بازی اور نکڑ ناٹک اور ڈرامہ بھی پیش کیا گیا ممبئی کے کاندیولی، بوریولی، کستوربا مارگ، سمتا نگر ڈنڈوشی میں نشہ کے خلاف ریلیاں نکالی گئیں۔ اس موقع پر شیلندر کالج کے این ایس ایس کے طلبا نے نشہ کے خلاف مہم میں حصہ لیا۔ اس کے ساتھ ہی گاڑیوں پر بینر پوسٹر لگا کر ریلیان نکالی گئی۔ اس میں ۱۵۰ سے ۲۰۰ طلبا نے حصہ لیا ممبئی میں نشہ کے خلاف بیداری مہم ممبئی کے ۷ مقامات پر منعقد کی گئی, جس میں ۴۵۰۰ طلبا نے شرکت کی اور ۴۰ اسکولوں اور کالجوں نے بھی اس میں حصہ لیا۔ ممبئی میں اہم مقامات ریلوے اسٹیشنوں اور شاہراہوں پر نشہ کے خلاف پوسٹر لگانے کے ساتھ بیداری مہم کا انعقاد کیا گیا۔ اس تقریب میں ممبئی ۱۵۲۰۰ ممبئی کر اہلیان ممبئی نے حصہ لیا, یہ مہم ممبئی پولس کمشنر دیوین بھارتی کی سربراہی میں جوائنٹ پولس کمشنر کرائم اور ڈی سی پی نے انجام دی ہے۔ ان ریلیوں کے ساتھ ہی طلبا اور ریلیوں میں شریک شرکاء نے منشیات سے دور رہنے اور سماج کو اس سے پاک کرنے کا عہد کیا۔