ممبئی : ممبئی مہاراشٹر سماجوادی پارٹی لیڈر رکن اسمبلی نے وقف ایکٹ کے خلاف بتی گل احتجاج کی مسلمانوں سے اپیل کی ہے اور کہا ہے کہ آل انڈیا مسلم پرسنل لابورڈ نے درخواست کی ہے کہ بطور احتجاج بتی گل احتجاج میں شرکت کرتے ہوئے اپنے گھروں مکانات مسجدوں اور دیگر مقامات کی بتی بند رکھیں۔ یہ احتجاج ۹ بجکر۱۵ منٹ تک بتی بند رکھ کر احتجاج کرے, ابو عاصم اعظمی نے کہا کہ سرکار نے وقف املاک پر ناجائز قبضہ کرنے کے لئے یہ ایکٹ لایا ہے۔ اس ایکٹ کے خلاف مسلمانوں میں غم ؤغصہ و ناراضگی پائی جا رہی ہے۔ ۳۰ اپریل کو مسلمان سرکار کے اس ایکٹ کے خلاف اپنا احتجاج درج کروائیں۔

ممبئی : ممبئی پولیس نے میرا بھائیندر علاقہ میں ایم ڈی ڈرگس منشیات کی فیکٹری ضبط کر دومنشیات فروشوں کو گرفتار کرنے کا دعوی کیا ہے تفصیلات کے مطابق صادق سلیم شیخ 28 سالہ باندرہ راہل نگر ساکن کو 24 اپریل کو گرفتار کیا گیا تھا اس کے بعد سراج سلطان پنجاوانی 57 سالہ میرا روڈ کا ساکن کو گرفتار کیا گیا ان دونوں کے قبضے سے کل 8 کروڑ 15 لاکھ روپے کی منشیات ضبط کی گئی ہے۔ ساکی ناکہ پولیس نے 24 اپریل کو کاجو پاڑہ سے مشتبہ حالت میں سلیم شیخ 28 سالہ کو گرفتار کیا تھا اس کے قبضے سے منشیات ضبط کی گئی تھی۔

سراج سلطان پنچوانی میرا روڈ کے ساکن سے متعلق پولیس نے سراغ لگایا اور یہاں میرا بھائیندر کامن گاؤں میں ایک منشیات کی فیکٹری بھی ملی, یہاں فیکٹری میں چار کلو وزن کی ایم ڈی جھاڑی میں برآمد ہوئی۔ پولیس نے 60 گھنٹے کی تفتیش میں 2 ملزمین کو گرفتار کر کے کل 4 کلو 53 گرام وزنی ایم ڈی ضبط کی ہے جس کی کل مالیت 8 کروڑ روپے سے زائد منشیات برآمد کی ہے۔ پولیس اس معاملہ میں تفتیش کر رہی ہے اس کے ساتھ ہی ڈرگس کی فیکٹری سے متعلق بھی تفتیش جاری ہے یہ اطلاع آج یہاں ڈی سی پی سچن گنجال نے پریس کانفرنس میں دی ہے انہوں نے کہا کہ ساکی ناکہ نے منشیات کے ریکیٹ پر کام کرتے ہوئے یہ فیکٹری کو بے نقاب کیا ہے یہ بڑی کامیابی ہے اس سے قبل بھی پولیس نے کروڑوں روپے کی منشیات کی فیکٹری پر کارروائی کی تھی اور یوپی میں بھی فیکٹری کو بے نقاب کیا تھا اور 10 لاکھ کی منشیات اس وقت برآمد کی گئی تھی۔

ممبئی : ممبئی کے وکرولی ایسٹ پولیس نے جن 19 مبینہ بنگلہ دیشیوں کو زیر حراست لیا تھا وہ تمام ہندوستانی شہری ثابت ہوئے ہیں وکرولی مارکیٹ میں بنگلہ دیشیوں سے متعلق بی جے پی لیڈر کریٹ سومیا نے پولیس میں شکایت کی تھی۔ جس کی بنیاد پر پولیس نے کارروائی کرتے ہوئے مبینہ بنگلہ دیشیوں سے باز پرس کی تھی اور ان کے دستاویزات کی جانچ اور تفتیش کی گئی تو معلوم ہوا کہ یہ تمام ہندوستانی شہری ہے۔ اس میں پولیس نے کارروائی کرتے ہوئے شمشل ایوب شیخ 22 سالہ پھل فروش، محمد منرول شیخ، سائم ضیا الرحمن شیخ، نعیم ایوب شیخ، سمیت کل 19 افراد کو حراست میں لیا تھا, ان سے متعلق تفتیش کی گئی تو معلوم ہوا کہ تمام ہندوستانی شہری ہے۔ اس میں سے 11 صاحب گنج جھار کھنڈ کے مکین ہے, تو اس میں 7 مغربی بنگال مالدہ اور ایک اتر پردیش کا ساکن ہے۔ یہ اطلاع سنیئر پولیس انسپکٹر سوریہ کانت نائک واڑی نے دی ہے۔ وکرولی میں جس طرح سے آپریشن کو انجام دیا گیا اس کے بعد ان ہندوستانی مزدور اور شہریوں کو ہراساں کیا گیا۔ کیا اب اس معاملہ میں کریٹ سومیا معذرت طلب کریں گے, کیونکہ یہ تمام اب بنگلہ دیشی شہری نہیں بلکہ ہندوستانی شہری ثابت ہوئے ہیں اور اسکی تصدیق پولیس نے کی ہے۔