ممبئی : ممبئی کے دہیسر ایم ایس پی گنپت پاٹل نگر میں خونی تصادم کے سبب تین افراد کی موت واقع ہوگئی۔ پرانی رنجش کے سبب گپتا اور شیخ کنبہ میں گزشتہ شب خونی تصادم ہوا, جس میں 4 افراد شدید طور سے زخمی ہوگئے اور تین کی موت واقع ہوگئی۔ اس معاملہ میں پولیس نے دو افراد کو قتل کے الزام میں گرفتار کرنے کا دعوی کیا ہے۔ گزشتہ روز شام ساڑھے چار بجے شیخ کنبہ کے گپتا کنبہ کے ناریل اسٹال پر ان پر تیز دھار دار چاقو سے حملہ کر دیا اس حملہ کے سبب رام نول گپتا بزرگ اور اروند گپتا کی زخموں کی تاب نہ لا کر جائے وقوع پر ہی موقع ہوگئی اس خونی واردات سے علاقہ میں سنسنی پھیل گئی, جبکہ شیخ کنبہ کے ہارون شیخ کی بھی موت واقع ہوگئی اس تصادم کے بعد دونوں کنبہ کے خلاف کراس قتل کا کیس درج کر لیا گیا ہے۔ اس معاملہ میں دونوں کنبہ کے دو افراد بھی زخمی ہوگئے اس معاملہ میں شیخ کنبہ کے ایک نابالغ کو گرفتار کیا گیا ہے اور اسے چائلڈرن ہوم میں پیش کیا گیا ہے۔

ڈی سی پی آنند بھوئیٹے نے بتایا کہ یہ معاملہ پرانی رنجش کا تھا اور 2022 ء میں دونوں کنبہ میں تصادم بھی ہوا تھا اور اس معاملہ میں بھی مقدمہ درج ہے۔ انہوں نے بتایا کہ اس معاملہ میں کل تین افراد کی موت واقع ہوگئی ہے۔ اس معاملہ میں پولیس نے کیس درج کر لیا ہے اور مزید تفتیش جاری ہے, انہوں نے کہا کہ قتل کے بعد علاقہ میں نظم ونسق کی برقراری کے لئے اضافی بندوبست تعینات کیا گیا ہے انہوں نے کہا کہ گپتا کنبہ کے ایک فرد کو بھی گرفتار کیا گیا ہے۔ پولیس اس معاملہ کی تفتیش کر رہی ہے۔ ڈی سی پی نے بتایا کہ شیخ کنبہ کے ایک فرد کو 2022 ء میں تڑی پار بھی کیا گیا تھا۔ اس قتل کو ہندو مسلم رنگ دینے کی فرقہ پرست عناصر نے سوشل میڈیا پر کوشش شروع کر دی تھی۔ لیکن پولیس نے تفتیش میں یہ واضح کر دیا ہے کہ یہ پرانی رنجش کا شاخسانہ ہے اور اس میں ذاتی بھید بھاؤ نہیں تھا۔ ڈی سی پی نے بتایا کہ اس قتل کے بعد علاقہ میں کشیدگی ضرور ہے, لیکن امن وامان برقرار ہے اور پولیس نے گشت بھی بڑھا دیا ہے, اس کے علاوہ بندوبست بھی تعینات کیا گیا ہے۔

ممبئی کرلا ونوبا بھاوے نگر پولیس اسٹیشن نے دو جرائم پیشہ غنڈوں کو ممبئی سے متصلہ تھانہ کے جنگل سے گرفتار کرنے کا دعوی کیا ہے۔ 13 مئی رات ساڑھے 11 بجے شکایت کنندہ رکشہ والے کو پیسہ دے کر اپنے گھر کی جانب آرہا تھا, کہ جرائم پیشہ غنڈہ دتہ منگیش پاٹل عرف شیرو، مہیش کرشنا مہارانہ عرف پانڈا نے راستہ پر شکایت کنندہ کے ساتھ دھکا دے کر گالی گلوج شروع کردی, جب اس کا بہنوئی اور والد نے تنازع ختم کرنے کی کوشش کی تو شیرو نے بہنوئی پر چاپڑ سے وار کر دیا اور پانڈا نے شکایت کنندہ کے والد پر قاتلانہ حملہ کر کے قتل کی کوشش کی, اس معاملہ میں پولیس نے اقدام قتل سمیت دیگر دفعات کے تحت مقدمہ درج کرلیا۔

اس معاملہ میں زون 5 کے ڈی سی پی گنیش گاوڑے کی ہدایت پر دو ٹیمیں تشکیل دی گئی اور دونوں مفرور ملزمین کی تلاش شروع کر دی گئی۔ ٹیم کو اطلاع ملی کہ دونوں ملزمین تھانہ کے جنگل میں ہے, یہاں پولیس نے ملزم دتہ منگیش پاٹل عرف شیرو 30 سالہ اور منیش سناتن ساہو عرف چنٹو 24 سالہ کو گرفتار کر لیا, ان ملزمین کے خلاف کئی مقدمات بھی درج ہے۔ یہ کارروائی ممبئی پولیس کمشنر دیوین بھارتی، جوائنٹ پولیس کمشنر ستیہ نارائن چودھری اور ڈی سی پی گنیش گاوڑے کی سر براہی میں انجام دی گئی۔ سنیئر انسپکٹر رویندر سر ساگر نے بتایا کہ ملزمین کے خلاف کئی مقدمات درج ہے۔ پولیس نے مفرور ملزمین کی تلاش کے بعد اسے گرفتار کیا ہے, ان دونوں ملزمین نے علاقہ میں دہشت پیدا کرنے کی بھی کوشش کی تھی۔

ممبئی : مہاراشٹر اسمبلی انتخابات کے نتائج آنے کے بعد مہا وکاس اگھاڑی کیمپ میں مایوسی پھیل گئی۔ یہ اتحاد ٹوٹنے کی پیشگوئی کی جا رہی تھی۔ تاہم ایسی صورت حال کئی بار آئی لیکن ایسا نہیں ہوا۔ ہاں، ایسا ضرور ہوا کہ اتحاد کے کئی بڑے لیڈر پارٹی چھوڑ کر حکمران عظیم اتحاد کی جزوی جماعتوں میں شامل ہو گئے۔ اب کانگریس اتحاد کو بچانے کی جدوجہد کر رہی ہے۔ مہاراشٹر کانگریس کے صدر ہرش وردھن سپکل نے شرد پوار سے ملاقات کرکے یہ پہل کی۔ جمعہ کو وہ ماتوشری پہنچے، جہاں انہوں نے ادھو ٹھاکرے سے ملاقات کی۔ دراصل سپریم کورٹ نے ریاستی حکومت اور ریاستی الیکشن کمیشن کو میونسپل کارپوریشن، میونسپل کونسل، نگر پنچایت اور ضلع پنچایت کے انتخابات کرانے کی ہدایت دی ہے۔ بی جے پی اور شندے سینا کی طرف سے انتخابی تیاریوں کو لے کر مسلسل خبریں آرہی ہیں، لیکن مہا وکاس اگھاڑی، ادھو سینا، کانگریس اور شرد پوار کی این سی پی میں شامل پارٹیوں کی طرف سے انتخابی تیاریوں کو لے کر زیادہ بحث نہیں ہو رہی ہے۔ اس کے برعکس شرد پوار کی این سی پی اور اجیت پوار کی این سی پی کے انضمام کی خبریں زیر بحث ہیں۔ دوسری طرف ادھو سینا اور راج ٹھاکرے کی ایم این ایس کے ایک ساتھ آنے کی خبروں کو لے کر بحث شروع ہو گئی ہے۔ اس سب کے درمیان کانگریس کی کوئی خبر نہیں ہے۔

حال ہی میں، مہاراشٹر کانگریس کے صدر سپکل دہلی گئے، جہاں ان سے ریاست میں انڈی اتحادی جماعتوں کو متحد کرنے کے لیے کہا گیا۔ دہلی کی درخواست پر کانگریس کے ریاستی صدر این سی پی سربراہ شرد پوار کے گھر پہنچے۔ بتایا جاتا ہے کہ دونوں کے درمیان بلدیاتی انتخابات کے حوالے سے بات چیت ہوئی۔ پوار کا پیغام لے کر، کانگریس کے سپکل جمعہ کو ماتوشری پہنچے، جہاں انہوں نے ادھو ٹھاکرے کے ساتھ طویل بات چیت کی۔ بعد میں نامہ نگاروں سے بات کرتے ہوئے سپکل نے کہا، میں نے ادھو ٹھاکرے سے ہندوستانی اتحاد اور مہا وکاس اگھاڑی کے نمائندے کے طور پر ملاقات کی۔ ہماری اس کے ساتھ مثبت بات چیت ہوئی۔ سپکل نے کہا کہ انڈی اتحاد آئین کو بچانے کے لیے بنایا گیا تھا۔ ہم نے اتحاد کو مضبوط بنانے پر بھی بات کی۔ کانگریس صدر سے جب بلدیاتی انتخابات کے بارے میں پوچھا گیا تو انہوں نے کہا کہ ہم نے بلدیاتی انتخابات کے ساتھ ساتھ دیگر مسائل پر بھی بات کی ہے۔ انہوں نے کہا، میں واضح طور پر کہنا چاہتا ہوں کہ کانگریس اور ہندوستان کا اتحاد بی جے پی کو شکست دینے کے لیے پرعزم ہے۔