مہاراشٹر
بھیونڈی میں ابو عاصم اعظمی کیخلاف علمائے کرام کا غصہ پھوٹ پڑا,ابو عاصم اعظمی کا بیان شرمناک اور قابل مذمت ہے۔ تنظیم علماء اہلسنت بھیونڈی

بھیونڈی (پریس ریلیز )
ممبئی و بھیونڈی کی مشہور و معروف شخصیت حضرت مولانا معین میاں پر سماج وادی پارٹی کے سربراہ ابوعاصم اعظمی کے ایک تبصرہ پر بھیونڈی شہر کے علمائے کرام میں زبردست غصہ پھوٹ پڑا ہے۔ ان کا یہ تبصرہ بھیونڈی کے ایک ہندی اخبار میں شائع ہونے کے بعد علمائے اہلسنت نے آناً فاناً ایک مذمتی میٹنگ کا انعقاد کیا۔جس میں اظہار خیال کرتے ہوئے ابو عاصم اعظمی کی مذمت کی گئی کہ ہندی کے ایک مجھول اور غیر معروف اخبار میں ابوعاصم اعظمی کا یہ مطالبہ پڑھ کر بہت دکھ بھی ہوا اور حیرت بھی کہ منشیات کے سلسلے میں معین میاں کی بھی چانج کی جائے۔ابوعاصم کا یہ بیان اور مطالبہ انتہائی شرمناک ہے تنظیم علماء اہلسنت بھیونڈی کے علماء کی آج جمعہ بعد میٹنگ ہوئی جس میں علماء نے ابو عاصم کی اس حرکت کی سخت مذمت کی۔
مولانا محمد یوسف رضا قادری نے کہا کہ ابو عاصم کے اس مطالبے اور بیان سے ہمیں سخت صدمہ پہنچا ہے ابو عاصم اعظمی اس بات سے فورا معافی مانگے اور کہا کہ معین میاں کے بارے میں اس طرح کا بیان نا قابل برداشت ہے اور پورے ملک کے علماء معین میاں کے ساتھ ہیں معین میاں کی شخصیت تووہ ہے جنھوں نے ممبئی واطراف میں منشیات کے خلاف تحریک چلائی اور آج بھی وہ اس کام میں لگے ہیں جس کے نتیجے میں بے شمار نوجوان نشہ چھوڑ کر راہ راست پر آگئے ہیں۔۔ اسی شخصیت کے بارے میں ابوعاصم کا یہ مطالبہ کسی سازش کی طرف اشارہ کرتا ہے. مولانا اکرم اشرفی نے کہا معین میاں ایک مذہبی پیشوا ہیں اور ان کا تعلق ملک کی ایک بہت بڑی ور عظیم خانقاہ سے ہے اور بے شمار لوگ معین میاں اور ان والد گرامی کے مرید ہیں ۔اس لئے ان کے بارےمیں ابو عاصم کا یہ بیان انتہائی شرمناک ہے.
مولانا شمشاد نوری نے کہا ابوعاصم تو مسلمانوں کے ٹھیکیدار بنتے ہیں پھر کسی مسلمان اور عالم دین کو پھنسانے کا مطالبہ آخر وہ کیوں کررہے ہیں ۔۔اور پھر ملک کے موجودہ حالات سے کیا وہ واقف نہیں ہے کہ مسلمانوں کو کس طرح جھوٹے معاملات میں پھنسا یا جا رہا ہےان حالات میں ان کی یہ حرکت باعث حیرت ہے اور اب مسلمانوں کو ابوعاصم سے ہوشیار ہوجانا چاہئے۔۔یہ ہرگز لیڈر بننے کے لائق نہیں ہیں۔
مفتی عمر نے کہاعلماء اور مذہبی شخصیتوں سے توبے شمار لوگ ملتے ملاتے رہتے ہیں اب اگر کوئی کسی جرم میں ماخوذ ہوجائے توکیا ان شخصیتوں کی جانچ کا مطالبہ درست ہوگا جن سے وہ ملنا جلنا رکھتا تھا۔
مولانا علی حسین ہاشمی نے کہا کہ یہ بات بھی قابل غور ہے کہ جو شخص الیکشن کے وقت ووٹ کی خاطر لوگوں کو راضی کرنے کے لئے ہزاروں پاپڑ بیلتا ہے وہ اس طرح کا بیان دے کرلوگوں کو کیوں ناراض کررہا ہے ۔۔کچھ تو ہے جس کی پردہ داری ہے۔مولانا رفیق عالم نے کہا کہ ابو عاصم اعظمی کی اس حرکت کو صرف شرارت سے تعبیر کیا جاسکتا ہے وہ معافی نہ مانگے تو مسلمان ان کا بائیکاٹ کریں مولانا محمد علی مصباحی نے کہا کہ ہمیں بہت دکھ ہے کہ جو ذات منشیات کے خاتمے کے لئے تحریک چلا رہی ہو جدوجہد کر رہی ہو ابو عاصم اعظمی اسی ذات پر یہ گھٹیا شک کر رہے ہے یہ افسوس کی بات ہے
مولانا محمد یوسف رضا قادری، مولانا محمد اکرم اشرفی، مولانا شمشاد نوری، مولانا منظور عالم،مفتی محمد عمر، مولانا رفیق عالم، مولانا شمشیر عالم ،مولانا مصباحی،مولانا علی ہاشمی،مولانا عمادالدین، و دیگر علماءکرام میٹنگ میں شریک تھے
بزنس
ممبئی والوں کے لیے خوشخبری… جلد ہی میٹرو، لوکل ٹرینوں، بسوں کے لیے اسمارٹ کارڈ کیا جائے گا جاری اور 238 نئی ایئر کنڈیشنڈ لوکل ٹرینوں کی منظوری

ممبئی : مہاراشٹر کے وزیر اعلی دیویندر فڑنویس نے جمعہ کو ایک بڑا اعلان کیا۔ یہ اعلان ممبئی اور آس پاس کے علاقوں میں رہنے والے لوگوں کے لیے ہے۔ اب ممبئی میں پبلک ٹرانسپورٹ کے لیے ایک ہی سمارٹ کارڈ ‘ممبئی 1’ متعارف کرایا جائے گا۔ وزیر اعلیٰ فڑنویس نے مرکزی وزیر ریلوے اشونی ویشنو کے ساتھ ایک پریس کانفرنس میں یہ جانکاری دی۔ انہوں نے کہا کہ اس کارڈ سے میٹرو، مونو ریل، لوکل ٹرینوں اور بسوں میں آسانی سے سفر کیا جا سکتا ہے۔ فڑنویس نے کہا کہ کارڈ کے ڈیزائن کو ایک ماہ میں حتمی شکل دی جائے گی۔ ریلوے کے وزیر وشنو نے کہا کہ مہاراشٹر میں 1.73 لاکھ کروڑ روپے کے بنیادی ڈھانچے کا کام جاری ہے۔ اس کے علاوہ اس سال 23,778 کروڑ روپے کے نئے پروجیکٹوں کو منظوری دی گئی ہے۔ ممبئی لوکل ٹرینوں کے لیے 238 نئی ایئر کنڈیشنڈ ٹرینوں کو بھی منظوری دی گئی ہے۔ ان کی تعمیر جلد شروع ہو جائے گی۔ ممبئی میں ہونے والی سرمایہ کاری کے بارے میں بات کرتے ہوئے وشنو نے کہا کہ صرف ممبئی میں 17,000 کروڑ روپے کے پروجیکٹ چل رہے ہیں۔ اس سے شہر کا ریلوے نظام بہت جدید ہو جائے گا۔
فڈنویس نے یہ بھی بتایا کہ مشرقی مہاراشٹر میں گونڈیا-بلھارشاہ ریلوے لائن کو منظوری دے دی گئی ہے۔ اس پراجکٹ سے ودربھ، چھتیس گڑھ اور تلنگانہ کے درمیان رابطے میں بہتری آئے گی۔ مرکزی حکومت اس میں 4,019 کروڑ روپے کا حصہ ڈالے گی۔ سیاحت کو فروغ دینے کے لیے وزیر اعلیٰ نے چھترپتی شیواجی مہاراج سرکٹ ٹرین شروع کرنے کا بھی اعلان کیا۔ یہ ٹرین مسافروں کو مراٹھا بادشاہ سے جڑے تاریخی مقامات اور قلعوں کو دیکھنے کے قابل بنائے گی۔ ریلوے کے وزیر وشنو نے کہا کہ حکومت مہاراشٹر میں ریلوے کی ترقی کے لیے پوری طرح پابند عہد ہے۔ انہوں نے یہ بھی کہا کہ ممبئی کی لوکل ٹرینوں کو بہتر بنانے کے لیے بہت سے اقدامات کیے جا رہے ہیں۔ نئی ٹرینوں کی آمد سے مسافروں کو کافی سہولت ملے گی۔ فڑنویس نے کہا کہ ‘ممبئی 1’ کارڈ لوگوں کو الگ ٹکٹ خریدنے کی پریشانی سے بچائے گا۔
فڑنویس نے کہا کہ وہ ایک ہی کارڈ کے ساتھ تمام قسم کی پبلک ٹرانسپورٹ استعمال کر سکیں گے۔ اس سے وقت کی بچت ہوگی اور سفر بھی آسان ہوگا۔ اس طرح آنے والے دن ممبئی اور مہاراشٹر کے لوگوں کے لیے بہت آسان ہونے والے ہیں۔ حکومت مسلسل ترقیاتی کاموں میں مصروف ہے تاکہ عوام کی زندگیاں مزید بہتر ہو سکیں۔
ممبئی پریس خصوصی خبر
ناگپور تشدد میں شہید محمد عرفان انصاری کے ورثہ کو جمعیۃ علماء مہاراشٹر (ارشد مدنی) کی امداد

ناگپور 11؍ اپریل : اورنگزیب عالمگیر ؒ کی قبر کو ہٹانے کے مطالبے کو لے کرگزشتہ ماہ ناگپور میں دو فرقوں کے درمیان تشدد پھوٹ پڑا، جس میں اکثریتی طبقہ کے لوگوں نے مسلمانوں پر حملہ کیا اور ان کی املاک کو بھی نقصان پہونچایا۔ واضح رہے کہ 17؍ مارچ کو شہر ناگپور میں ہندوتو وادی تنظیموں کے احتجاج کے دوران قرآنی آیات پر مشتمل مقدس چادر کو نذر آتش کرنے کے بعد فرقہ وارانہ کشیدگی پیدا ہوگئی اور دونوں فرقوں کے درمیان معمولی جھڑپیں بھی ہوئیں۔ اس واقعہ میں محمد عرفان انصاری شدید زخمی ہوگئے،اور دوران علاج جاں بحق ہوگئے۔
مرحوم محمد عرفان انصاری مزدور طبقہ سے تعلق رکھنے والا اپنے گھر میں اکیلا کمانے والا تھا، پسماندگان میں ایک 16؍ سالہ بچی (طالبہ) اور بیوی ہیں۔ مرحوم کی یہ دلی خواہش تھی کہ ان کی بیٹی تعلیم کے میدان میں آگے بڑھے اور وہ ایک کامیاب ڈاکٹر بنے، لیکن یہ خواب زندگی میں شرمندہ تعبیر نہ ہوسکا۔
جمعیۃعلماء مہاراشٹر (ارشد مدنی) نے طالبہ کو تعلیم جاری رکھنے کے لئے ایک لاکھ روپئے کی مدد بذریعہ چیک دی۔ اس موقع پر مفتی محمد صابر اشاعتی (صدر جمعیۃ علماء ضلع ناگپور) حاجی اعجاز پٹیل (نائب صدر جمعیۃ علماء ضلع ناگپور) عتیق قریشی (جنرل سکریٹری جمعیۃ علماء ضلع ناگپور) شریف انصاری (خازن جمعیۃ علماء ضلع ناگپور) باری پٹیل، ماجد بھائی، حاجی صفی الرحمٰن، محمد اشفاق بابا، سلمان تجمل حسین خان، اطہر پرویز، جاوید عقیل، مفتی فضیل، محمد عابد، شعیب محمد، ارشد کمال، ڈاکٹر شکیل رحمانی، حاجی امتیاز احمد ،فیاض اختر کے علاوہ جمعیۃ علماء کے ممبران بڑی تعداد میں موجود تھے۔
ممبئی پریس خصوصی خبر
مسلم پرسنل لاء بورڈ کی ہدایت کے مطابق وقف بچاو ہفتے کا آغاز ـ مساجد میں بیانات، کالی پٹی کا اہتمام

ممبئی ۱۱ اپریل، آل انڈیا مسلم پرسنل لاء بورڈ کی ہدایت کے مطابق آج جمعہ ۱۱ اپریل سے تحفظ اوقاف ہفتے کا آغاز ہوا، اس کے تحت شہر کی بیشتر مساجد میں اوقاف کی اہمیت، ضرورت، اور افادیت پر علماء وائمہ کرام کے بیانات ہوئے، موجودہ وقف ترمیمی ایکٹ ۲۰۲۵ کی خرابیوں پر روشنی ڈالی گئی، یہ بتایا کہ اوقاف سلسلے میں حکومت کے اس نئے قانون سے ہندوستان میں ہمارے بزرگوں کی وقف کردہ ہزاروں ایکٹر زمین خطرے میں پڑسکتی ہے، اوقاف پر جن لوگوں نے ناجائز قبضے کررکھے ہیں اس قانون کے بعد وہ ناجائز قبضے بارہ سال بعدجائز کہلائیں گے، اسی طرح اس ایکٹ کی دیگر خطرناک باتوں کی نشاندھی کی گئی.
علماء کرام نے لوگوں سے کہا کہ آل انڈیا مسلم پرسنل لاء بورڈ کی ہدایات کی روشنی میں دستور وقانون میں دئے گئے بنیادی حقوق کے مطابق ہمیں یہ جد وجہد کرنی ہے، ہماری لڑائی کسی مذہب یا ذات کے خلاف نہیں بلکہ ہم اپنے چھینے ہوئے حق کی بازیابی کے لئے جدوجہد کررہے ہیں، اور ہم بغیر کسی طرح کا اشتعال قبول کئے ہوئے یہ جدوجہد آخر تک جاری رکھیں گے. تاخیر سے اطلاع پہونچنے کی وجہ سے کئی مساجد میں کالی پٹی کا پروگرام نہیں ہوسکا، تاہم بہت سی مساجد میں نمازیوں نے کالی پٹی باندھ کر اس ظالمانہ قانون کے خلاف آواز بلند کی ـ مختلف علاقوں کے ذمہ داران نے بتایا ہے کہ آئند جمعہ انشااللہ مکمل تیاری کے ساتھ کالی پٹی پروگرام مرتب کیا جائے گا.
بورڈ کی وقف بچاو مہم کے مہاراشٹراکنوینر مولانا محمود احمد خاں دریابادی نے بتایا ہے کہ اگرچہ وقف بچاو مہم کا پہلا مرحلہ 7 جولائی تک جاری رہے گا، تاکہ اس وقف بچاو ہفتے کے دوران ہی ایک بڑی پریس کانفرنس، اور غیر مسلم برادران کے ساتھ کئی نششتیں رکھی جائیں گی، شہر کے مختلف علاقوں میں پروگرام ہوں گے، پولیس اور انتظامیہ کو اعتماد میں لے انسانی زنجیر وغیرہ کا بھی اہتمام کیا جارہا ہے، حسب ضرورت گرفتاریاں بھی پیش کی جائیں گی ـ مولانا دریابادی نے مزید کہا کہ شہر کے کسی بڑے میدان میں موجودہ وقف قانون کے لئے بڑے پیمانے پر احتجاجی پروگرام کے لئے انتظامیہ کے اعلی عہدے داروں سے گفت وشنید بھی جاری ہے. ممبئی کے قرب وجوار کے علاقے ممبرا، بھیونڈی، میرا روڈ کے علاوہ مہاراشٹرا کے بیشتر علاقوں میں مساجد میں کالی پٹی کا اہتمام ہوا اور ائمہ مساجد کے بیانات بھی ہوئےــ.
-
سیاست6 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر5 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم4 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا