ممبئی ۱۴ نومبر کو خفیہ معلومات ملی کہ، آگری پاڑا، ممبئی یہاں ایک ٹھکانے پر ایک شخص بلا کسی لائسنس غیر قانونی طور پر آتشی اسلحہ و کارتوس لے کر آنے والا ہے۔ اس کے مطابق کرائم برانچ یونٹ ۲ پولیس ٹیم نے آج جال بچھا کر کے کے مارگ، آگری پاڑا، ممبئی کہ یہاں ایک ٹھکانے پر مشتبہ حرکات و سکنات پائے جانے پر ایک شخص کو زیر حراست لیا, اس کے پاس سے 02 دیشی ساخ کی پستول اور 19 زندہ کارتوس ملے۔ اس کے خلاف آگری پاڑا پولیس تھانہ میں جرم درج کیا گیا ہے اور مزید تفتیش ممبئی کرائم برانچ یونٹ ۲ کر رہی ہے۔ مذکورہ کامیاب کارروائی ممبئی پولس کمشنر دیوین بھارتی، جوائنٹ پولس کمشنر انیل کنبھارے اور ڈی سی پی راج تلک روشن کی رہنمائی میں انجام دی گئی۔

ممبئی ۲ نومبر کو رات 20:00 بجے بانگور نگر لنک روڈ پولیس تھانہ کے اے ٹی سی ٹیم کے افسر و اہلکار لنک روڈ، گورے گاؤں مغرب میں گشت کر رہے تھے اس دوران شیوم سوسائٹی کے سامنے، دکشن واہنی لنک روڈ، گورے گاؤں ممبئی یہاں راستے سے گزرنے والے ایک شخص فل چندر ایشور دیال کشیپ، عمر 38 سال، بے روزگار نہیں، رہائشی مدھ ولیج مالاڈ مغرب ممبئی، اصل رہائشی اترپردیش، اس کو شبہ کی بنیاد پر رکنے کے لیے کہا گیا اور اس کی تلاش لی۔ اس کی تلاش لینے کے دوران اس کے پاس سے 5.97 گرام وزن کا کوکین منشیات اندازے قیمت 2,98,500/- روپے کا مال ملنے سے مذکورہ مال پنچ نامہ کرکے قبضے میں لیا گیا۔

مذکورہ ملزم کے پاس زیادہ منشیات ہونے کے شبہ پر اس کے گھر کی گھر تلاشی لی گئی اس دوران، تاریخ ۳ نومبر کو صبح 03.02 بجے اس کے گھر مدھ ولیج ملاڈ ممبئی یہاں گھر کی تلاشی کے دوران کل 4221 گرام وزن کا کوکین منشیات اندازے قیمت 21,10,50,000/- روپے (اکیس کروڑ دس لاکھ پچاس ہزار روپے) گھر میں ملنے سے تفصیلی گھر تلاشی پنچ نامہ کرکے ضبط کیا گیا۔ اس پر مذکورہ شخص کے خلاف بانگور نگر پولیس تھانہ میں جرم نمبر1039/2026، قلم 8(ک)، 21(ک) 1985 این ڈی پی ایس کے تحت جرم درج کیا گیا۔ اس کی تفتیش کے دوران مذکورہ کے پاس ضبط کی گئی منشیات کے بارے میں پوچھ گچھ کی گئی تو، اس نے اس کا ساتھی مجاہد علی، رہائشی مدھیہ پردیش، اس کے ساتھ مل کر مذکورہ جرم کرنے کا نشاندہی کیا اس لیے پولیس ٹیم نے ملزم مجاہد علی کو جرم کی تفتیش میں گرفتار کیا ہے۔ مذکورہ جرم کی تفتیش میں اب تک کل 21,13,48,500/- روپے (اکیس کروڑ تیرہ لاکھ اڑتالیس ہزار پانچ سو روپے) قیمت کا کل 4226.97 گرام وزن کا کوکین منشیات ضبط کیا گیا ہے۔اس کے بعد مذکورہ دونوں ملزمان سے ضبط شدہ کوکین یہ منشیات کہاں سے لایا گیا اور یہ منشیات وہ کس کو دینے والے تھے اس بارے میں اور انہیں اس کام میں کس نے مدد کی ہے اس بارے میں مزید تفتیش جاری ہے۔ مذکورہ کارروائی پولس کمشنر دیوین بھارتی کی ایما پر ڈی سی پی پرشوتم کراڈ نے انجام دی ہے ۔

ممبئی کرلا ہلاؤ پل مکڈوالا کمپاؤنڈ میں فائرنگ اور قتل کے معاملہ میں پولس نے دو حملہ آوروں کو گرفتار کرنے کا دعویٰ کیا ہے اس میں ایک نابالغ بھی شامل ہے ملزم نیپال پوار نے اپنے ایک نابالغ دوست کے ہمراہ اس واردات کو انجام دیا تھا پولس نے دونوں کو پوائی علاقہ سے زیر حراست لیا تھا بعد ازاں انہیں گرفتار کر لیا گیا ہے تفتیشی افسر دیپالی کلکرنی نے اس کیس کے معاملہ میں تکنیکی تفتیش کے ساتھ اپنی ٹیم کی رہنمائی کی اور بالآخر ملزمین کو گرفتار کر لیا گیا ہے. اس کے علاوہ الہ قتل دیسی ساخت کا ہتھیار بھی برآمد کیا گیا ہے جسے ملزم نے فائرنگ کے بعد تھوڑ کر اس کے مختلف حصے مختلف جگہ پھینک دئیے تھے اسے بھی برآمد کیا گیا ہے پولس نے دعویٰ کیا ہے کہ یہ قتل ذاتی دشمنی کا شاخسانہ ہے اسلئے اسی زاویے پر پولس کی تفتیش مرکوز ہے فی الوقت پولس نے اس معاملہ میں دو کو گرفتار کر لیا ہے.

اس فائرنگ کی واردات کی انجام دہی میں کس نے معاونت کی تھی اور ہتھیار کہاں سے لائے گئے تھے کس نے اس کے لئے مدد کی اس کی تفتیش جاری ہے دونوں ملزمین کی گرفتاری کے بعد اب پولس نے اس کیس کو حل کرنے کا دعویٰ کیا ہے جبکہ اس فائرنگ کے بعد یہاں پولس اسٹیشن کے باہر غم و غصہ کا اظہار کرتے ہوئے احتجاج بھی کیا گیا تھا اور احتجاجی مظاہرہ کے دوران پولس سے یہ مطالبہ کیا گیا تھا کہ ملزمین کو فورا گرفتار کیا جائے پولس نے اس معاملہ کو حل کرنے کےلیے کئی ٹیمیں تشکیل دی اور بعدازاں اسے کامیابی میسر آئی ہے دن دہاڑے فائرنگ کے بعد جائے وقوع کا معائنہ ایڈیشنل کمشنر ایسٹ ریجن دھننجے کلکرنی اور ڈی سی پی گنیش شندے نے کیا اس کے ساتھ فارنسک ٹیم نے بھی ثبوت جمع کئے ایک ٹیم میدان میں فعال تھی جس کے سبب جلد ہی ملزمین کو گرفتار کر لیا گیا ۶ ماہ میں یہ دوسری فائرنگ کی واردات تھی اس نظم و نسق کا قیام بھی پولس کےلئے ایک چیلینج تھا اور پولیس نے یہ کر ثابت کردیا کہ اگر ٹھان لیا جائے تو کوئی کام مشکل نہیں ہوتا اس سے قبل بھی اس خاندان کے اس شخص پر فائرنگ کی گئی تھی ۶ ماہ میں ایک ہی خاندان کے دو افراد کے قتل کے بعد حالات کشیدہ ہو گئے تھے ۔