Connect with us
Sunday,22-November-2026

(جنرل (عام

بالآخر مالیگاؤں فلائی اوور بریج کا کام تیزی سے جاری!

Published

on

(نامہ نگار )
شہر کے اولین فلائی اوور برج کا کام بارش کے ایام میں بھی تیزی سے جاری ہے۔ واضح رہے کہ سابق رکن اسمبلی آصف شیخ رشید نے اپنی میعاد میں فرقہ پرست حکومت سے اپنی حکمتِ عملی کو بروئے کار لاتے ہوئے تقریباً 21,کروڑ روپیوں کے تخمینے سے جونے آگرہ روڈ پر نئے بس اسٹینڈ کے پاس جونے پاور ہاوس سے سخاوت ہوٹل تک شہر کے اولین فلائی اوور برج کی بنیاد ڈالی تھی جس کا آن لائن سنگ بنیاد خود اس وقت کے وزیراعلیٰ دیویندر پھڑنویس نے رکھا تھا۔ موجودہ مجلسی رکن اسمبلی نے پہلے تو اس کام کو اپنا بتلانے کی کوشش کی تھی لیکن جب آصف شیخ رشید اور کانگریس کے ذریعہ فلائی اوور برج کیلئے کئے گئے اقدامات اور کاغذات کی خانہ پری کے تمام تر حوالے عوامی عدالت میں پیش کئے گئے تب کبھی اتی کرمن اور ناجائز قبضہ جات کے نام پر مقامی کورٹ سے اسٹے حاصل کرنے، کبھی جونے آگرہ روڈ پر دھندہ کاروبار کرنیوالوں کی روزی روٹی کا سہارا لیکر تو کبھی پل کی تعمیر کیلئے لگائے گئے بیریکیٹ اور پتروں سے راہداری میں ہونے والی تکالیف کے نام پر عوام کو گمراہ کرتے ہوئے اس تعمیری کام کو روکنے کی مسلسل کوششیں جاری رہیں حتیٰ کہ اسمبلی الیکشن کے ایام میں فلائی اوور برج کی وجہ سے آگرہ روڈ کے گڑھوں کو دوزخ کا راستہ بتلانے کی بھرپور کوشش بھی کئی گئی جو آصف شیخ رشید کے اسمبلی الیکشن کی شکست کا ایک حصہ بھی بنا۔ اس ضمن میں کانگریس ترجمان صابر گوہر نے بتلایا کہ آگرہ روڈ پر شہر کے اولین فلائی اوور برج کی تعمیر کوکے دیکھ کر موجودہ مجلسی رکن اسمبلی کے پیٹ میں مروڈ ہوتا ہے یہ بات کسی سے ڈھکی چھپی نہیں ہے۔ یہی وجہ ہیکہ اسمبلی الیکشن میں کامیابی کے بعد انہیں یہ فلائی اوور برج پلیا نظر آنے لگا اور انہوں نے اس کی لمبائی بڑھانے کے نام پر ایک مرتبہ پھر اس تعمیری کام کو روک دینے کی کوشش کی اور اخبارات میں بیان داغ دیا کہ جب تک اس کی لمبائی نہیں بڑھائی جاتی کام کو روک دیا جائیگا لیکن ساتھ ہی یہ کھوکھلا دعویٰ بھی کر بیٹھے کہ دومہینوں کے اندر ہم خود اس پلیا کی لمبائی بڑھانے کی منظوری حاصل کرلیں گے لیکن معاملہ ٹائیں ٹائیں فش ہوگیا اور جونے آگرہ روڈ پر فیمس سویٹس سے آگے کے ناجائز قبضہ جات ہٹائے جانے کے بعد اس فلائی اوور برج کا کام تیزی سے جاری ہوگیا ہے۔
فی الحال نئے بس اسٹینڈ کے سامنے پلر کھڑا کرنے کیلئے گڑھا کھودنے کا کام تیزی سے جاری ہے علاوہ ازیں فیمس سویٹس سے آگے آگرہ آئل سینٹر تا حسین جوان کمپاؤنڈ تک آر سی سی طرز پر ڈرینیج سسٹم کا کام بھی کیا جارہا ہے۔ پل کی لمبائی بڑھانے کیلئے مجلسی ایم۔ایل۔اے۔ نے دومہینے کی مدت ٹھیکیدار اور انتظامیہ سے طلب کی تھی لیکن “نہ خنجر اٹھے گا نہ تلوار ان سے، یہ بازو میرے آزمائے ہوئے ہیں” کی مصداق معاملہ ٹائیں ٹائیں فش ہوگا اس بات قوی امکان ہے اس بات کا دعویٰ کرتے ہوئے کانگریس کے مقامی ترجمان نے مجلسی ایم۔ایل۔اے۔ اور متحدہ محاذ کے بھلکڑ لیڈران کو یاددہانی کرتے ہوئے مشورہ دیا کہ فلائی اوور برج کی لمبائی بڑھانے کیلئے اگر ایم۔ایل۔اے۔ فنڈ کا استعمال ممکن نہیں، اگر ایم۔آئی۔ایم۔ کے بینر کےذریعہ مہاوکاس اگھاڑی سے فنڈ کی حصولیابی کی حکمت اور طاقت نہیں، کارپوریشن میں دال نہیں گلتی تو جنتادل سیکولر نے ماضی میں جونے آگرہ روڈ پر”اسکائے واک” بنوانے کیلئے ہائی کورٹ میں پیٹیشن دائر کرکے اور کارپوریشن سے حق کی لڑائی لڑنے کا واویلا مچا کر اربی ٹریشن کے ذریعہ جس 16,کروڑ کے فنڈ کو محفوظ رکھنے کا بارہا پریس کانفرنس میں اعلان کیا اس محفوظ 16,کروڑ کی رقم سے سوپر مارکیٹ کیا نئی تاج ہوٹل تک پل کی لمبائی بڑھائی جاسکتی ہے۔ لیکن کیا مجلسی ایم۔ایل۔اے۔ اور جنتادل لیڈران یا متحدہ محاذ میں اتنا جذبہ اور خلوص ہے؟ یہ آنے والا وقت بتلائے گا یا پھر اسکائے واک کیلئے ہائی کورٹ اوراربی ٹریشن کی ہدایت پر کارپوریشن کے خزانہ میں رقم محفوظ ہے یا نہیں اس پر بھی جنتادل، مجلس اور متحدہ محاذ کے جھوٹ کی پول کھل جائیگی۔ مگر یہ ایک مسلم حقیقت ہیکہ پل کی لمبائی بڑھانے یا پل کی تعمیر سے انہیں کوئی لینا دینا نہیں ا ن کی صرف اتنی ہی کوشش ہیکہ اس فلائی اوور برج کی تعمیر سے کسی طرح آصف شیخ رشید کا نام حذف کیا جاسکے اور یہ پل آصف شیخ اور کانگریس سے معنون نہ ہو اس طرح کا اظہار خیال کانگریس ترجمان صابر گوہر نے کیا ہے

(جنرل (عام

راجستھان میں گیس سلنڈر میں آگ لگنے سے 21 افراد جھلس گئے، 15 زخمیوں کو جے پور ریفر کر دیا گیا

Published

on

جے پور : راجستھان کے کوٹ پتلی-بہروڑ ضلع میں بانسور کے گاؤں بڈھ ملک پور (رسنالی) میں ہفتے کی صبح تعزیتی تقریب کے دوران گیس سلنڈر سے لیکیج کے باعث آگ لگ گئی، جس کے نتیجے میں کم از کم 21 افراد جھلس گئے۔ زخمیوں میں سے 15 افراد کو تشویشناک حالت میں جے پور منتقل کر دیا گیا ہے، جبکہ 6 افراد کوٹ پتلی ڈسٹرکٹ ہسپتال میں زیرِ علاج ہیں۔ یہ واقعہ صبح تقریباً 11 بجے پیش آیا جب اس گھر میں، جہاں تعزیتی تقریب جاری تھی، ایک خاتون نے چائے بنانے کے لیے گیس چولہا جلایا۔ بتایا گیا ہے کہ صحن میں رکھا ہوا گیس سلنڈر لیک ہو رہا تھا۔ جیسے ہی چولہا جلایا گیا، آگ تیزی سے پھیل گئی اور اس نے سلنڈر، خیمے اور صحن میں بچھائی گئی دریوں کو اپنی لپیٹ میں لے لیا۔

اس گھر میں تقریباً 50 مرد و خواتین جمع تھے جو بڈھ ملک پور کے رہائشی 80 سالہ جے رام کسانا کی تعزیتی تقریب میں شرکت کے لیے آئے تھے؛ جے رام کسانا کا جمعہ کے روز انتقال ہو گیا تھا۔ بھارتی کسان سنگھ کے کوٹ پتلی-بہروڑ ضلعی صدر اشوک کمار گھنگھل کے مطابق، اہل خانہ کو گیس لیک ہونے کا علم نہیں تھا۔ اچانک آگ بھڑک اٹھی جس کی زد میں آ کر تقریب میں شریک کئی افراد جھلس گئے۔ آس پاس کے دیہاتی فوری طور پر موقع پر پہنچے اور پانی ڈال کر آگ پر قابو پایا۔ زخمیوں کو ایمبولینسوں اور نجی گاڑیوں کے ذریعے ہسپتال پہنچایا گیا۔ واقعے کے بعد، بانسور کے ایس ڈی ایم (ایس ڈی ایم) نونیت کمار اور تحصیلدار صورتحال کا جائزہ لینے اور حادثے کی تفصیلات جاننے کے لیے سب ڈسٹرکٹ ہسپتال پہنچے۔

گھنگھل نے بتایا کہ زخمیوں کو ابتدائی طور پر کوٹ پتلی اور بانسور کے ہسپتالوں میں لے جایا گیا تھا۔ کوٹ پتلی لے جائے جانے والوں میں سے 12 افراد کو جے پور ریفر کر دیا گیا، جبکہ بانسور لے جائے جانے والوں میں سے 3 افراد کو بھی جے پور منتقل کیا گیا۔ بانسور سے 2 دیگر زخمیوں کو کوٹ پتلی منتقل کیا گیا۔ فی الحال، 6 زخمی افراد کوٹ پتلی ڈسٹرکٹ ہسپتال میں زیرِ علاج ہیں۔ کل 15 مریضوں کو خصوصی علاج کے لیے جے پور بھیجا گیا ہے۔ ایس ایم ایس (ایس ایم ایس) ہسپتال کے قائم مقام سپرنٹنڈنٹ ڈاکٹر راشم کٹاریا نے بتایا کہ زیادہ تر زخمیوں کے جسم کا 20 فیصد سے 40 فیصد حصہ جھلس گیا ہے، جبکہ کچھ مریضوں کے جسم کا 50 فیصد تک حصہ جل گیا ہے۔ ڈاکٹر تمام مریضوں کی حالت کا جائزہ لے رہے ہیں۔ زخمیوں کو برن آئی سی یو (برن آئی سی یو) میں داخل کر دیا گیا ہے اور ان کا علاج شروع ہو چکا ہے۔

Continue Reading

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading

ممبئی پریس خصوصی خبر

کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

Published

on

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔

Continue Reading
Advertisement

رجحان