سیاست
مہاراشٹر حکومت میں وزرا ٔ کے قلمدانوں کی تقسیم

کفر ٹوٹا خدا خدا کر کے کہ مترادف آج یہاں شیوسینا لیڈر ادھو ٹھاکرے کی قیادت والی مخلوط مہاوکاس اگھاڑی کے وزرا کے قلمدانوں کی تقسیم ہوئی جس کے تحت سابق وزیر اعلی دیویندر فرنویس کے ہمراہ نصف شب میں نائب وزیر اعلی کا حلف لینے والے اجیت پوار جنہوں نے بعد میں ڈرامائی انداز میں این سی پی میں واپس آ کر نائب وزیر اعلی کا عہدہ حاصل کرنے میں کامیابی حاصل کی آج انہیں وزیر مالیات پلاننگ جیسے اہم محکمہ دیئے گئے ہیں جبکہ وزیر داخلہ کا قلمدان این سی پی کے انل دشمکھ کو سونپا گیا ہے ۔ اسی طرح سے مسلم کابینی وزرا ٔ نواب ملک کومحکمہ اقلیت اور صنعتی ٹریننگ ، دیا گیا ہے جبکہ حسین مشرف کو دیہی ترقی کا محکمہ دیاگیا ہے جبکہ شیوسینا سے تعلق رکھنے والےواحد مسلم رکن اسمبلی عبدالستار شیخ کو ریاستی وزیر برائے محصول کی ذمہ داری دی گئی ہے ۔ واضح رہے کہ30دسمبر کو کانگریس ، این سی پی ، اور شیوسینا کے کل 41وزرا ٔ کی حلف برداری عمل میں آئی تھی لیکن قلمدانوں ی تقسیم کو لے کر تینوں پارٹیوں میں انتشار پایا جا رہا تھا جس کا خاتمہ آج عمل میں آیا جب وزیر اعلی ادھو ٹھاکرے نے وزرأ کو ان کے محکموں کی ذمہ داری دی ۔ ذیل میں وزرا ٔ کے نام اور ان کے محکمہ دیئے گئے ہیں ۔
مہاراشٹر میں وزرأ کے کونسل کی مکمل فہرست
1۔ادھوٹھاکرے (شیوسینا)وزیراعلی،جنرل ایڈمنسٹریشن ،رابطہ عامہ،قانون وعدلیہ،یا ایسے محکمےجو کسی وزیر کو نا دئیے گئے ہو
2۔ اجیت پوار (این سی پی) – نائب وزیر اعلی،مالیت،پلاننگ،
کابینہ کے وزراء
1۔ ایکناتھ شند ے (شیوسینا) – شہری ترقی،پی دبلیو ڈی
2۔ سبھاش دیسائی (شیوسینا) – صنعت ،مراٹھی زبان
3۔ جینت پاٹل (این سی پی) – آبی وسائل
4۔ چھگن چندرکانت بھجبل (این سی پی) -غذاواناج
5۔ بالاصاحب تھوراٹ (کانگریس) -محصول
6۔ نتن راوت (کانگریس) -بجلی توانائی
7۔ اشوک چوان (کانگریس)پی ڈبلیوڈی
8۔ دلیپ ولسے پاٹل (این سی پی)کامگار
9۔ دھننجے منڈے (این سی پی)سماجی انصاف
10۔ وجے واڈٹیواور (کانگریس)پسماندہ طبقات
11۔ انیل دیشمکھ (این سی پی)داخلہ
12۔ حسن مشریف (این سی پی)دہیی ترقی
13۔ ورشا گائیکواڈ (کانگریس)اسکولی تعلیم
14۔ راجندر شنگانے (این سی پی)اناج اور دوائیں
15۔ نواب ملک (این سی پی)اقلیت
16۔ راجیش ٹوپے (این سی پی)صحت عامہ
17۔ سنیل کیدار (کانگریس)دودھ ڈیری
18۔ سنجے راٹھوڑ (شیوسینا)جنگلات
19۔ گلاب راو پاٹل (شیوسینا)پانی و صفائی
20۔ امت دیشمکھ (کانگریس)میڈیکل ایجوکیشن
21۔ دادا بھوسے (شیوسینا)زراعت ،سابق فوجی
22۔ جتیندر اوہاد (این سی پی)ہاوسسنگ
23۔ سندیپن بھومرے (شیوسینا)روزگار
24۔ بالاصاحب پاٹل (این سی پی)کوپریٹیو
25۔ یشومتی ٹھاکر (کانگریس)خواتین واطفال
26۔ انیل پرب (شیوسینا)ٹرانسپوٹ
27۔ اودئے سامنت (شیوسینا)اعلی و تکنکی تعلیم
28۔ کے سی پڑوی (کانگریس)قبائلی فلاحی بہبود
29۔ شنکر راؤ گدالھ ، آزاد (شیوسینا کوٹہ)
30۔ اسلم شیخ (کانگریس)ٹیکسٹائل
31۔ آدتیہ ٹھاکرے (شیوسینا)صحت
وزرائے مملکت
32۔ عبد الستار (شیوسینا)محصول
33۔ ستیج پاٹل (کانگریس)محکمہ داخلہ شہری
شمبھوراج دیسائی (شیوسینا)محکمہ داخلہ دہیی
35۔ بچو کڈو ، آزاد (شیوسینا کوٹہ)آبی وسائل
36۔ وشوجیٹ کدم ، کانگریس کوپریٹیو
37۔ دتاترے بھرنے ، (این سی پی)پیڈبلیو ڈی
38۔ ادیتی سنیل تٹکرے (این سی پی)صنعت
39۔ سنجے بنسوڈے (این سی پی)ٹرانسپورٹ
40۔ پراجکت تنپورے (این سی پی)شہری ترقی
41۔ راجندر پاٹل یدراورکر آزاد (شیوسینا کوٹہ)صحت عامہ
ممبئی پریس خصوصی خبر
ایوان اسمبلی میں رکن اسمبلی ابوعاصم اعظمی کا مانخورد شیواجی نگر میں ماحولیاتی آلودگی ایس ایم ایس کمپنی کو تلوجہ منتقلی کا پرزور مطالبہ

ممبئی مانخورد شیواجی نگر میں عام شہری سہولیات کا فقدان ہے۔ یہاں ایس ایم ایس کمپنی کے سبب ماحولیاتی آلودگی اور دیگر کچرا اور ڈمپنگ سے انسانی صحت متاثر ہونے کے ساتھ انسانی صحت پر اس سے مضر اثرات مرتب ہوتے ہیں, اس لئے ایس ایم ایس کمپنی کو فوری طور پر تلوجہ منتقل کیا جائے, اس کے ساتھ قبرستان جلد شروع کیا جائے, کیونکہ رفیع نگر قبرستان میں اب تدفین کی جگہ نہیں ہے اس کے قریب قبرستان تیار ہوگیا ہے اس لئے اس قبرستان کو شروع کیا جائے۔ یہ مطالبہ آج رکن اسمبلی اور سماجوادی پارٹی لیڈر اور رکن اسمبلی ابوعاصم اعظمی نے ایوان اسمبلی میں کیا ہے۔ انہوں نے مانخود شیواجی نگر گوونڈی کی ترقی کے لیے آج مانسون اجلاس میں خصوصی بجٹ کا مطالبہ بھی کیا ہے۔ انہوں نے کہا کہ ڈمپنگ گراؤنڈ، ایس ایم ایس کمپنی، بائیو ویسٹ انسینریٹر، سیمنٹ آر سی ایم پلانٹ اور جانوروں کی میت کو یہاں نذر آتش کرنے کی وجہ سے ماحولیات اور انسانی صحت متاثر ہے اور یہاں کے مکینوں کی عمر اوسطا ۳۹ سال ہوگئی ہے, یہ انتہائی تشویشناک ہے آلودگی کے سبب حالات بد سے بدتر ہوگئے ہیں اور علاقہ میں آلودگی ایک سنگین مسئلہ ہے اس کا اثر انسانی صحت پر بھی ہوتا ہے, اس لئے سرکار کو اس جانب توجہ دے کر آلودگی اور ماحولیات خراب کرنے والوں پر سخت کارروائی کرنے کی ضرورت ہے۔ انہوں نے کہا کہ حلقہ میں مانسون کے دوران سڑکوں، نالوں، سیوریج اور نکاسی کی صفائی کے حوالے سے ٹھیکیدار کی غفلت عوام کے لئے پریشانی کا باعث ہے, کیونکہ گٹروں اور نالوں میں بارش ہوتے ہی بارش کا پانی سڑکوں پر ابل پڑتا ہے۔ صفائی کے دوران گٹروں سے تر کچرا نکالا گیا اور وہاں اسے چھوڑ دیا گیا جس کے سبب یہ کچرا دوبارہ گٹر میں شامل ہو گیا اور حالت یہ ہے کہ تھوڑی سی بارش میں گوونڈی اور نشیبی علاقے میں پانی جمع ہو جاتا ہے اس لئے ایسے ٹھیکیداروں کے خلاف کارروائی ہو۔
اس کے ساتھ ہی علاقہ کی آبادی کے مناسبت سے قبرستان کی اراضی کی ضرورت کو مدنظر رکھتے ہوئے رفیع نگر قبرستان کے قریب الاٹ شدہ اراضی کی جلد صفائی کر کے کام شروع کرنے کا مطالبہ اعظمی نے کیا ہے انہوں نے کہا کہ نالا سوپارہ ایسٹ، سنتوش بھون علاقہ میں مسلم اور عیسائی قبرستان کے لیے حصار بندی تعمیر کی جائے تاکہ قبرستان کے قریب غیر قانونی پارکنگ اور نشہ خوروں پر قدغن لگے۔ اسی طرح جنوبی ممبئی میں واقع ‘حضرت مخدوم شاہ ماہی’ (جے جے فلائی اوور) کا سٹرکچرل آڈٹ کروا کر ٹریفک کے مسئلے کو حل کرنے کا مطالبہ بھی ایوان میں ابوعاصم اعظمی نے کیا ہے اور سرکار کی توجہ عام شہری مسائل پر مبذول کراتے ہوئے اسے فوری طور پر حل کرنے کا پرزور مطالبہ کیا ہے۔
بین الاقوامی خبریں
نمیبیا نے وزیر اعظم نریندر مودی کو اعزاز سے نوازا، اس دورے کے دوران صدر کی جانب سے نمیبیا کا اعلیٰ ترین سول ایوارڈ دیا گیا۔

بدھ کے روز وزیر اعظم نریندر مودی کو نمیبیا کے اعلیٰ ترین شہری اعزاز ‘آرڈر آف دی موسٹ اینینٹ ویلوٹشیا میرابیلیس’ سے نوازا گیا۔ یہ ایوارڈ 1995 میں نمیبیا کی آزادی کے بعد قائم کیا گیا تھا۔ یہ ایوارڈ ممتاز خدمات اور قیادت کے لیے دیا جاتا ہے۔ پی ایم مودی نے نمیبیا کے دورے کے دوران یہ ایوارڈ حاصل کیا۔ اس دورے کے دوران دونوں ممالک کے درمیان کئی اہم امور پر تبادلہ خیال اور معاہدوں پر دستخط کیے گئے۔ نمیبیا نے 1990 میں آزادی حاصل کی اس کے بعد یہ ایوارڈ شروع کیا گیا۔ ‘Welwitschia mirabilis’ نمیبیا کا ایک خاص پودا ہے۔ یہ صحرا میں پایا جاتا ہے۔ یہ پودا مشکل حالات میں بھی زندہ رہتا ہے۔ اس لیے یہ نمیبیا کے لوگوں کی طاقت اور لمبی زندگی کی علامت ہے۔ پی ایم مودی کو یہ 27 واں بین الاقوامی ایوارڈ ملا ہے۔ اس دورے کے دوران انہیں یہ چوتھا ایوارڈ ملا ہے۔ اے این آئی نے ایک ویڈیو جاری کیا ہے جس میں نمیبیا کے صدر ڈاکٹر نیتمبو نندی-ندیتواہ پی ایم مودی کو ایوارڈ دے رہے ہیں۔
نمیبیا کے صدر ڈاکٹر نیتمبو نندی-ندیتواہ نے کہا، “نمیبیا کے آئین کی طرف سے مجھے دی گئی طاقت میں، میں ہندوستان کے وزیر اعظم نریندر مودی کو ‘Order of the most ancient Welwitschia Mirabilis’ عطا کرتا ہوں۔ انہوں نے سماجی و اقتصادی ترقی اور عالمی سطح پر امن اور انصاف کے فروغ میں اہم کردار ادا کیا ہے۔” اس سے پہلے پی ایم مودی نے نمیبیا کے صدر نیتمبو نندی-ندیتواہ سے بات چیت کی۔ انہوں نے ڈیجیٹل ٹیکنالوجی، دفاع، سیکورٹی، زراعت، صحت، تعلیم اور اہم معدنیات جیسے شعبوں میں دو طرفہ تعاون کو فروغ دینے کے طریقوں پر تبادلہ خیال کیا۔ دونوں رہنماؤں نے ہندوستان اور نمیبیا کے درمیان تعلقات کے تمام پہلوؤں کا جائزہ لیا۔
یہ پی ایم مودی کا نمیبیا کا پہلا دورہ ہے۔ یہ کسی ہندوستانی وزیر اعظم کا نمیبیا کا تیسرا دورہ ہے۔ اس دورے سے ہندوستان اور نمیبیا کے تعلقات مزید مضبوط ہوں گے۔ دونوں ممالک بہت سے شعبوں میں مل کر کام کریں گے۔ پی ایم مودی کو ملا یہ ایوارڈ دونوں ممالک کے درمیان دوستی کی علامت ہے۔ اس ایوارڈ سے ہندوستان اور نمیبیا کے تعلقات مزید مضبوط ہوں گے۔ دونوں ملک ترقی اور امن کے لیے مل کر کام کریں گے۔
ممبئی پریس خصوصی خبر
میرا روڈ مراٹھی مورچہ تنازعہ : پولس کمشنر مدھوکر پانڈے کا تبادلہ، اینٹی کرپشن بیورو کے اے ڈی جی نکیت کوشک کو ذمہ داری دی گئی۔

ممبئی میرارو ڈ مراٹھی اور ہندی تنازع کے بعد مراٹھی مورچہ کو اجازت نہ دینے کے بعد مراٹھی مانس میں ناراضگی اور غم و غصہ تھا پابندی کے باوجود مراٹھی مانس اور ایم این ایس نے میرابھائیندر میں مورچہ نکالا تھا, جس کے بعد آج ریاستی محکمہ وزارت داخلہ نے ایک حکمنامہ جاری کیا, جس میں آئی پی ایس افسر ایڈیشنل ڈی جی مدھوکر پانڈے کا تبادلہ بطور اے ڈی جی انتظامیہ میں کر دیا اور ان کا جانشین نکیت کوشک کو مقرر کیا ہے۔ نکیت کوشک پہلے انٹی کرپشن بیورو انسداد رشوت ستانی دستہ میں بطور اے ڈی جی تعینات تھے, اب انہیں میرا بھائیندر کا نیا کمشنر مقرر کیا گیا ہے۔ ذرائع سے ملی اطلاع کے مطابق مورچہ کی اجازت کو لے کر یہ تبادلہ کیا گیا ہے اس سے قبل میراروڈ میں گجراتی بیوپاریوں کا مورچہ نکالا گیا تھا, لیکن مراٹھی مورچہ کو اجازت نہیں دی گئی تھی۔ مراٹھی مورچہ کو اجازت نہ دینے پر اس پر سیاست بھی شروع ہو گئی تھی, یہی وجہ ہے کہ فوری طور پر میرابھائیندر کے کمشنر مدھوکر پانڈے کا تبادلہ کر دیا گیا ہے۔
-
سیاست9 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا