(جنرل (عام
موجودہ حالات میں ظلم اور نا انصافی کے خلاف مالیگاؤں کل جماعتی تنظیم کا مشورتی اجلاس

(خیال اثر)
کل جماعتی تنظیم کے بینرتلے جو اتحاد دیکھنے کو ملا وہ کعبۃ اللہ کا طواف کرتے وقت کے منظر کو یاددلادیا۔جن کی نسل وعلاقہ اور زبان سب الگ پھر بھی بندگی کے نام پر سب ایک ساتھ۔ آج مالیگاٶں کل جماعتی تنظیم کے اراکین بھی متحد ہیں اس طرح کا اظہار شہر کے مشہور و معروف سرجن ڈاکٹر سعید احمد فیضی نے کیا۔
موصوف کل دوپہر تین بجے خوشبو پارک درےگاٶں میں محمد اطہر اشرفی کی پرتکلف ضیافت کے بعد اراکین کی مختصر مشورتی میٹنگ سے مخاطب تھے جس کی صدارت ڈاکٹر نے خود کی موصوف نے مزید کہا کہ موجودہ سنگین حالات میں ظلم ونا انصافی کے خلاف متحدہ آوازبلند کرنے کی سخت ضرورت ہے بم بلاسٹ کے موقع پر جوحالات جماعت اہل حدیث کے ساتھ پیش آۓ اس پر کل جماعتی تنظیم نے بڑا ساتھ دیا اس پر جماعت کے احباب کا شکریہ بھی ادا کیا۔ ابتداء میں شہر کے بزرگ عالم دین حضرت مولانا عبدالحمید ازہری نے کہا کہ ملک ہندوستان کے حالات بد سے بدتر ہوتے جارہے ہیں اب تو عدلیہ پر سے بھی لوگوں کا بھروسہ اٹھتا جارہا ہے بابری مسجد کوشہید کرنے والے ملزمین کی رہاٸ اس بات کا ثبوت ہے ملک سے انصاف کا گلہ گھونٹا جارہاہے ہم سب کو اسی طرح متحد رہ کر ظلم کے خلاف قانونی لڑائی جاری رکھنا ہے ہمیں اللہ کی ذات سے مایوس نہیں ہونا ہے ایک وقت ضرور آٸیگا کی حق اور انصاف کی جیت ہوگی۔کل جماعتی تنظیم کی لیگل ٹیم کے سرپرست جناب ایڈوکیٹ نیاز لودھی صاحب نے کہا کہ بم بلاسٹ کے موقع پر شہر مالیگاٶں میں کل جماعتی تنظیم کا قیام اورقانونی نقاط کے ساتھ مجرموں کے خلاف جد وجہد کرنااپنے آپ میں ایک کامیاب مثال ہے بعدہ محمد فیروز اعظمی صاحب نے کل جماعتی تنظیم کی کارکردگی پر روشنی ڈالتے ہوۓ کہا کہ شہر مالیگاٶں کے مساٸل کو پارلیمنٹ تک پہنچایا گیا اور الحمد للہ تنظیم کی باتوں کو نہ صرف یہ کہ سنا گیا بلکہ اس پر کاروائی بھی ہوئی مزید آپ نے تنظیم سے متعلق تجاویز کو تحریری طور پر پیش کرنے کی درخواست کی۔ اس پر فضا اور صحت افزا مقام پر تمام اراکین کیلۓ پرتکلف ضیافت کا نظم سنی اشرف اکیڈمی کے صدر حاجی اطہر حسین اشرفی کی جانب سے تھا اس موقع پر اشرفی نے اکابر علمإ کی خدمت میں شال اور حاضر اراکین کو خوشنما سفید ٹاویل کاتحفہ پیش کیا اور اشرفی صاحب نے اس بات پر زور دیا کہ اہلیان شہر کل جماعتی تنظیم سے بہت ساری امیدیں لگائی ہے شہر والوں کی بہتر خدمت اور ان کی نماٸندگی کل جماعتی تنظیم سے وابستہ ہے اور اللہ کی ذات سے امید ہے کہ یہ تنظیم آگے بھی اپنے مقصد میں ضرور کامیاب ہوگی
اس موقع پرمولانا شکیل احمد فیضی یوسف الیاس حافظ اشفاق احمد محمدی مولانا جمال عارف ندوی صوفی سعید سعدی اکبر سیٹھ اشرفی مولانا حسن ملی عبدالعظیم فلاحی حافظ عنایت اللہ محمدی نورالعین صابری آصف حسین بوہرہ ایڈوکیٹ نہال انصاری حافظ عبیدالرحمن ڈاکٹر اخلاق احمد مولانا انوارالرحمن محمد ی مولانا مصطفی جمالی نصیر احمد انصاری قاری طفیل شاہد فیمس عارف نوری سفیان جمالی عبدالماجد جمالی مولانا شفیق فلاحی صفی عبدالماجد قادری عرفان رضا حفظ الرحمن شاہد اقبال ایڈوکیٹ عبدالرحمن کے علاوہ نیوز چینل کے احباب بھی شریک تھے۔ مولانا جمال ناصرایوبی نے پروگرام کی کاروائی کو بحسن وخوبی انجام دیا اطہر اشرفی کے شکریہ اور مولانا سراج احمد قاسمی کی پرسوز دعاپر مجلس کا اختتام ہوا-
(جنرل (عام
سپریم کورٹ نے کہا کہ بہار میں ووٹر لسٹ پر نظرثانی کا عمل جاری رہے گا۔ عدالت نے ووٹر لسٹ میں آدھار کارڈ، ووٹر کارڈ اور راشن کارڈ کو شامل کرنے کو کہا ہے۔

نئی دہلی : بہار میں ووٹر لسٹ کی نظر ثانی کو لے کر بڑی خبر سامنے آئی ہے۔ سپریم کورٹ نے کہا ہے کہ ریاست میں ووٹر لسٹ پر نظر ثانی کا کام جاری ہے۔ اس کے ساتھ ہی سپریم کورٹ نے کہا کہ ووٹر لسٹ کی نظرثانی میں آدھار کارڈ، ووٹر کارڈ اور راشن کارڈ کو شامل کیا جائے۔ سپریم کورٹ نے کہا کہ آئینی ادارے کا کام نہیں روکا جا سکتا۔ سپریم کورٹ نے جمعرات کو بہار میں ووٹر لسٹ کی خصوصی مکمل نظر ثانی (ایس آئی آر) کرنے کے الیکشن کمیشن کے فیصلے کے خلاف دائر درخواستوں پر سماعت شروع کی۔ جسٹس سدھانشو دھولیا اور جسٹس جویمالیہ باغچی کی بنچ نے کیس کی سماعت کرتے ہوئے الیکشن کمیشن کو راحت دی۔ عدالت نے کہا کہ ووٹر لسٹ چیک کرنا جمہوری کام ہے۔ ہم اسے نہیں روک سکتے۔ سپریم کورٹ نے الیکشن کمیشن سے اس معاملے میں اپنا جواب داخل کرنے کو کہا ہے۔ سپریم کورٹ اب کیس کی اگلی سماعت 28 جولائی کو کرے گی۔
سپریم کورٹ کی سماعت کے اہم نکات
سپریم کورٹ نے الیکشن کمیشن سے کہا کہ وہ بہار میں ووٹر لسٹ کے لیے لوگوں کے آدھار کارڈ، ووٹر شناختی کارڈ اور راشن کارڈ پر غور کرے۔
سپریم کورٹ نے کہا کہ خصوصی گہری نظرثانی ایک اہم مسئلہ ہے جو ’’جمہوریت کی جڑ اور ووٹ کی طاقت‘‘ تک جاتا ہے۔
عدالت عظمیٰ نے الیکشن کمیشن سے تین مسائل پر جواب طلب کیا ہے – ووٹر لسٹ پر نظرثانی کا حق، اس کے لیے اپنایا گیا طریقہ کار اور عمل کا وقت۔
سپریم کورٹ نے ریاست میں شہریت ثابت کرنے کے لیے ضروری 11 درج دستاویزات میں آدھار کو شامل نہ کرنے پر تشویش کا اظہار کیا۔
اس معاملے کو لے کر سپریم کورٹ میں 10 سے زیادہ درخواستیں دائر کی گئی ہیں۔ ان میں اہم درخواست گزار غیر سرکاری تنظیم ‘ایسوسی ایشن فار ڈیموکریٹک ریفارمز’ ہے۔ آر جے ڈی کے رکن پارلیمنٹ منوج جھا اور ترنمول کانگریس کے رکن اسمبلی مہوا موئترا کے علاوہ کانگریس کے کے سی وینوگوپال، شرد پوار کی زیرقیادت این سی پی گروپ کی سپریا سولے، سی پی آئی کے ڈی راجہ، سماج وادی پارٹی کے ہریندر سنگھ ملک، شیو سینا (اُبتھا) کے اروند ساونت، جھارکھنڈ مکتی مورچہ کے سرفراز احمد اور سی پی آئی (سی پی آئی) بھاچاریہ کے مشترکہ طور پر رابطہ کر چکے ہیں۔ سپریم کورٹ سبھی لیڈروں نے بہار میں ووٹر لسٹ پر خصوصی نظر ثانی کے الیکشن کمیشن کے حکم کو چیلنج کیا ہے اور اسے منسوخ کرنے کی ہدایت دینے کی درخواست کی ہے۔
ممبئی پریس خصوصی خبر
ایوان اسمبلی میں رکن اسمبلی ابوعاصم اعظمی کا مانخورد شیواجی نگر میں ماحولیاتی آلودگی ایس ایم ایس کمپنی کو تلوجہ منتقلی کا پرزور مطالبہ

ممبئی مانخورد شیواجی نگر میں عام شہری سہولیات کا فقدان ہے۔ یہاں ایس ایم ایس کمپنی کے سبب ماحولیاتی آلودگی اور دیگر کچرا اور ڈمپنگ سے انسانی صحت متاثر ہونے کے ساتھ انسانی صحت پر اس سے مضر اثرات مرتب ہوتے ہیں, اس لئے ایس ایم ایس کمپنی کو فوری طور پر تلوجہ منتقل کیا جائے, اس کے ساتھ قبرستان جلد شروع کیا جائے, کیونکہ رفیع نگر قبرستان میں اب تدفین کی جگہ نہیں ہے اس کے قریب قبرستان تیار ہوگیا ہے اس لئے اس قبرستان کو شروع کیا جائے۔ یہ مطالبہ آج رکن اسمبلی اور سماجوادی پارٹی لیڈر اور رکن اسمبلی ابوعاصم اعظمی نے ایوان اسمبلی میں کیا ہے۔ انہوں نے مانخود شیواجی نگر گوونڈی کی ترقی کے لیے آج مانسون اجلاس میں خصوصی بجٹ کا مطالبہ بھی کیا ہے۔ انہوں نے کہا کہ ڈمپنگ گراؤنڈ، ایس ایم ایس کمپنی، بائیو ویسٹ انسینریٹر، سیمنٹ آر سی ایم پلانٹ اور جانوروں کی میت کو یہاں نذر آتش کرنے کی وجہ سے ماحولیات اور انسانی صحت متاثر ہے اور یہاں کے مکینوں کی عمر اوسطا ۳۹ سال ہوگئی ہے, یہ انتہائی تشویشناک ہے آلودگی کے سبب حالات بد سے بدتر ہوگئے ہیں اور علاقہ میں آلودگی ایک سنگین مسئلہ ہے اس کا اثر انسانی صحت پر بھی ہوتا ہے, اس لئے سرکار کو اس جانب توجہ دے کر آلودگی اور ماحولیات خراب کرنے والوں پر سخت کارروائی کرنے کی ضرورت ہے۔ انہوں نے کہا کہ حلقہ میں مانسون کے دوران سڑکوں، نالوں، سیوریج اور نکاسی کی صفائی کے حوالے سے ٹھیکیدار کی غفلت عوام کے لئے پریشانی کا باعث ہے, کیونکہ گٹروں اور نالوں میں بارش ہوتے ہی بارش کا پانی سڑکوں پر ابل پڑتا ہے۔ صفائی کے دوران گٹروں سے تر کچرا نکالا گیا اور وہاں اسے چھوڑ دیا گیا جس کے سبب یہ کچرا دوبارہ گٹر میں شامل ہو گیا اور حالت یہ ہے کہ تھوڑی سی بارش میں گوونڈی اور نشیبی علاقے میں پانی جمع ہو جاتا ہے اس لئے ایسے ٹھیکیداروں کے خلاف کارروائی ہو۔
اس کے ساتھ ہی علاقہ کی آبادی کے مناسبت سے قبرستان کی اراضی کی ضرورت کو مدنظر رکھتے ہوئے رفیع نگر قبرستان کے قریب الاٹ شدہ اراضی کی جلد صفائی کر کے کام شروع کرنے کا مطالبہ اعظمی نے کیا ہے انہوں نے کہا کہ نالا سوپارہ ایسٹ، سنتوش بھون علاقہ میں مسلم اور عیسائی قبرستان کے لیے حصار بندی تعمیر کی جائے تاکہ قبرستان کے قریب غیر قانونی پارکنگ اور نشہ خوروں پر قدغن لگے۔ اسی طرح جنوبی ممبئی میں واقع ‘حضرت مخدوم شاہ ماہی’ (جے جے فلائی اوور) کا سٹرکچرل آڈٹ کروا کر ٹریفک کے مسئلے کو حل کرنے کا مطالبہ بھی ایوان میں ابوعاصم اعظمی نے کیا ہے اور سرکار کی توجہ عام شہری مسائل پر مبذول کراتے ہوئے اسے فوری طور پر حل کرنے کا پرزور مطالبہ کیا ہے۔
ممبئی پریس خصوصی خبر
میرا روڈ مراٹھی مورچہ تنازعہ : پولس کمشنر مدھوکر پانڈے کا تبادلہ، اینٹی کرپشن بیورو کے اے ڈی جی نکیت کوشک کو ذمہ داری دی گئی۔

ممبئی میرارو ڈ مراٹھی اور ہندی تنازع کے بعد مراٹھی مورچہ کو اجازت نہ دینے کے بعد مراٹھی مانس میں ناراضگی اور غم و غصہ تھا پابندی کے باوجود مراٹھی مانس اور ایم این ایس نے میرابھائیندر میں مورچہ نکالا تھا, جس کے بعد آج ریاستی محکمہ وزارت داخلہ نے ایک حکمنامہ جاری کیا, جس میں آئی پی ایس افسر ایڈیشنل ڈی جی مدھوکر پانڈے کا تبادلہ بطور اے ڈی جی انتظامیہ میں کر دیا اور ان کا جانشین نکیت کوشک کو مقرر کیا ہے۔ نکیت کوشک پہلے انٹی کرپشن بیورو انسداد رشوت ستانی دستہ میں بطور اے ڈی جی تعینات تھے, اب انہیں میرا بھائیندر کا نیا کمشنر مقرر کیا گیا ہے۔ ذرائع سے ملی اطلاع کے مطابق مورچہ کی اجازت کو لے کر یہ تبادلہ کیا گیا ہے اس سے قبل میراروڈ میں گجراتی بیوپاریوں کا مورچہ نکالا گیا تھا, لیکن مراٹھی مورچہ کو اجازت نہیں دی گئی تھی۔ مراٹھی مورچہ کو اجازت نہ دینے پر اس پر سیاست بھی شروع ہو گئی تھی, یہی وجہ ہے کہ فوری طور پر میرابھائیندر کے کمشنر مدھوکر پانڈے کا تبادلہ کر دیا گیا ہے۔
-
سیاست9 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا