مالیگاؤں: (نامہ نگار) پورے ملک میں این پی آر کے متعلق غیر یقینی صورت حال قائم ہے، لوگ تذبذب کا شکار ہیں، کیا کریں ؟ کیا نہ کریں ؟ یہ سوال ہر زبان پر ہے.
قوم چاہتی ہے کہ اس معاملے میں متفقہ طور پر کوئی ایسا فیصلہ لیا جائے جس کا اثر حکومت پر بھی پڑے اور وہ اس معاملے میں شہریوں کی رائے کا احترام کرتے ہوئے فوری طور پر کوئی ایسا قدم اٹھائے جو سب کے لیے قابل قبول ہو.
اس عنوان پر جمعرات کو دفتر رضا اکیڈمی پر ایک انتہائی اہم میٹنگ کا انعقاد کیا گیا، جس میں کافی غور وخوص کے بعد اس بات پر اتفاق کیا گیا کہ موقع کی نزاکت کو دیکھتے ہوئے اس عنوان پر شہر کی تمام سیاسی جماعتوں اور مذہبی تنظیموں کے ساتھ مشاورت کی جائے اور پھر کوئی ایسا فیصلہ لیا جائے جس پر شہر بھر میں اس طرح عمل کیا جائے جس سے پوری ریاست کے این پی آر مخالف سیکولر شہریان کو بھی تحریک مل سکے. لیکن یہ اسی وقت ممکن ہے جب سیاسی، سماجی، مذہبی اور تعلیمی سطح پر خدمات انجام دینے والوں کو اس مسئلہ پر ایک پلیٹ فارم پر جمع کیا جائے، اور سبھی کو اعتماد میں لے کر کوئی قدم اٹھایا جائے.
ایک طرف این پی آر کے متعلق سرکاری سطح پر عملی کارروائی شروع ہوچکی ہے، اور دوسری جانب ہمارا حال یہ ہے کہ اب تک ہم اس نتیجے پر ہی نہیں پہنچ سکے ہیں کہ ہمیں کرنا کیا ہے ؟ ایسے حالات میں یہ بات انتہائی ضروری ہے کہ اب وقت ضائع کیے بغیر ایسے عملی اقدامات کئے جائیں جس سے ایک متفقہ رائے قائم ہو، اور حکومتی ایوانوں تک بھی واضح طور پر یہ پیغام پہنچ سکے کہ اگر این پی آر کا فارمیٹ سابقہ کی طرح نہ رہا اور اس کے نئے فارمیٹ میں ردو بدل نہیں کیا گیا تو عوام بھی ایک انچ پیچھے ہٹنے والی نہیں اور عوامی تعاؤن کے بغیر مردم شماری کاعمل جاری رہنا ناممکن ہے.
اس میٹنگ میں یہ بات بھی طے کی گئی کہ پہلے مرحلے میں اس مسئلہ پر شہر کی میئر طاہرہ شیخ رشید، سابق صدر بلدیہ ساجدہ نہال احمد، ایم ایل اے مفتی محمد اسماعیل قاسمی، سابق ایم ایل اے شیخ آصف، و سابق میئر شیخ رشید، سابق میئر عبدالمالک، سابق صدر بلدیہ شیخ یونس عیسی کے علاوہ شہر کی دیگر پچاس سے زائد اہم تعلیمی، سماجی اور مذہبی شخصیات سے رابطہ قائم کیا جائے اور اس ضمن میں مشترکہ طور پر کون سا لائحہء عمل ترتیب دیا جاسکتا ہے اس تعلق سے تبادلہ خیال کرتے ہوئے مشورہ طلب کیا جائے، مذکورہ سیاسی رہنماؤں کے علاوہ شہر کی جن اہم شخصیات سے اس ضمن میں رضا اکیڈمی کے اراکین رابطہ کریں گے ان کے اسمائے گرامی درج ذیل ہیں، قاری زین العابدین رضوی، پروفیسر عبدالمجید صدیقی، عبد الطیف انور، صوفی غلام رسول قادری، ڈاکٹر احمد ریاض، کلیم دانش، ڈاکٹر الیاس صدیقی، عبدالحلیم صدیقی، ڈاکٹر سعید فارانی، ڈاکٹر حامد اقبال، حاجی یوسف الیاس، جمیل کرانتی، حاجی ابراہیم سیٹھ نیشنل، نہال انصاری چیرمین، ڈاکٹر منظور ایوبی، محمد رضا انصاری سر، عبدالوہاب سر، حنیف صابر، رئیس سیٹھ (اے ٹی ٹی)، مستقیم ڈگنٹی، سلیم غازیانی، عتیق کمال، سمیع اللہ انصاری، یوسف بھائی ترجمان، کے ایف انصاری سر، ریاض الدین ربانی ماسٹر، مصطفیٰ آفندی سر، رضوان بیٹری والا، حاجی احمد رضا عبدالعزیز، حاجی عبدالمجید بکھار والے، غفران سر گے اسٹار، کارپوریٹر نبی احمد، حاجی زین العابدین ٹیکسٹائل والے، حاجی صدیق تابانی، ایڈوکیٹ فاروق میمن، ایڈوکیٹ خلیل انصاری، ایڈوکیٹ رفیق ربانی، ایڈوکیٹ نوید اختر، ایڈوکیٹ جمال ناصر شیخ، عارف نوری حفاظت گروپ، اشرف انجنئیر، عزیزالرحمن انجنئیر، ڈاکٹر اجمل گلزار، ڈاکٹر لئیق انصاری، شکیل جانی بیگ، حاجی شبیر خیرالدین، خلیل عباس، خیال اثر، خیال انصاری، مختار عدیل، ضیاء نشاط نیوز وغیرہ شامل ہیں