ممبئی انٹی نارکوٹکس سیل اے این سی نے ایم ڈی اسمگلنگ کرنے والے منشیات فروش کو گرفتار کرنےکا دعوی کیا ہے ۔ ، دفعہ8(سی) 22(سی) این-ڈی-پی-ایس کےتحت ملزم لو گرفتار کیا ہے۔ جوگیشوری سے کاروائی کے دوران ملزم مشتبہ حالت میں پایاگیا اسکے قبضے سے
1) کل 2.04 گرام وزنی 3 “ایم-ڈی-ایم-اے گولیاں” یہ منشیات (اندازہ قیمت روپے 88,000/-)
2) کل 417 گرام وزنی “ایم-ڈی” یہ منشیات (اندازہ قیمت روپے 01,25,10,000/-)
3) بھارتی کرنسی کے 500 روپے کے کل 50 نوٹ (کل نقد رقم روپے 25,000/-)
4) ایک استعمال شدہ ایپل کمپنی کا آئی فون 15 (اندازہ قیمت روپے 20,000/-)
*کل اندازہ قیمت روپے 01,26,43,000/-برآمد کیا گیا ہے ۔ کرائم برانچ کے اےاین سی دستے کی آزاد میدان یونٹ کی ٹیم ۱۱ ستمبر کو جوگیشوری احاطے میں گشت کر رہی تھی اس دوران ایک شخص اپنے رہائشی گھر سے منشیات کی فروخت کر رہا ہے اس بارے میں قابل اعتماد خبر حاصل ہوئی۔ اس کے مطابق اےاین سی دستے کی آزاد میدان یونٹ ٹیم نے مذکورہ شخص کے رہائشی گھر پر چھاپہ مارا تو مذکورہ کارروائی میں مندرجہ ذیل بیان کردہ مقدمے کا مال برآمد کیا گیا ہے۔
مذکورہ شخص کی جسمانی تلاشی میں برآمدہ مقدمے کا مال1) کل 2.04 گرام وزنی 3 “ایم-ڈی-ایم-اے گولیاں” یہ منشیات (اندازہ قیمت روپے 88,000/-)
2) 210 گرام وزنی “ایم-ڈی” یہ منشیات (اندازہ قیمت روپے 63,00,000/-)
3) ایک استعمال شدہ ایپل کمپنی کا آئی فون 15 (اندازہ قیمت 20,000/-)مذکورہ شخص کے گھر کی تلاشی میں برآمدہ مقدمے کا مال
4) 207 گرام وزنی “ایم ڈی” یہ منشیات (اندازہ قیمت روپے 62,10,000/-)
5) بھارتی کرنسی کے 500 روپے کے کل 50 نوٹ (کل نقد رقم روپے 25,000/-)

کل برآمدہ مقدمے کے مال کی اندازہ قیمت روپے 01,26,43,000/مذکورہ شخص کے خلاف اےاین سی دستہ، آزاد میدان یونٹ نے گناہ نمبر 85/2026، دفعہ 8(سی) 21(سی) این ڈی پی ایس قانون1985 کے تحت مقدمہ درج کرکے گرفتار کیا گیا ہے۔ مذکورہ کامیاب کارروائی دیوین بھارتی، پولیس کمشنرممبئی، انیل کنبھارے، پولیس جوائنٹ کمشنر (کرائم)،کرشن کانت اپادھیائے، ایڈیشنل پولیس کمشنر (کرائم)، پورنیما چوگلےشرنگی، پولیس ڈپٹی کمشنر، اےاین سی دستہ، کرائم برانچ نے انجام دی ہے ۔

ممبئی میں سائبر جرائم پر قدغن لگانے کےلیے کرائم برانچ نے اس کے خلاف سخت کارروائی شروع کررکھی ہے اسی مناسبت سے کرائم برانچ نے ایک ایسے گینگ کو بے نقاب کیا ہے جو موبائل سم کارڈ اور مختلف بینک اکاؤنٹس سے دھوکہ دہی کیا کرتی تھی ۔ ممبئی کرائم برانچ یونٹ-5 کو خفیہ معلومات ملی کہ، 03 مرد ملزمین نے خود نیز ان کے دیگر ساتھیوں سمیت خود کے اور دوسروں کے نام پر مختلف بینکوں میں بینک اکاؤنٹ کھول کر مذکورہ بینک اکاؤنٹس سے لنک کرنے کے لیے خود کے اور دوسروں کے نام پر مختلف سم کارڈ خریدےمذکورہ بینک اکاؤنٹ کھولنے کے بعد مذکورہ کھاتوں کی پاس بک، اے ٹی ایم کارڈ، چیک بک، سم کارڈ نیز متعلقہ بینک اکاؤنٹس سے منسلک دیگر ذرائع کا براہ راست قبضہ اور کنٹرول خود کے پاس رکھ کر مذکورہ اکاؤنٹس کا استعمال سائبر دھوکہ دہی کے لیے کیا جا رہا ہے۔ اس کے مطابق مذکورہ معلومات کی تفتیش کرکے مذکورہ 03 ملزمین کو حراست میں لے کر ان سے ابتدائی پوچھ تاچھ کی گئی تو، انہوں نے آن لائن سائبر دھوکہ دہی کرنے کا انکشاف کیا ۔ اس لحاظ سے مذکورہ 03 ملزمان کے خلاف ملاڈ پولیس اسٹیشن میں دفعہ 318(4), 61, 45, 3(5) بی این ایس دفعہ 66(ڈی) انفارمیشن ٹیکنالوجی ایکٹ 2000 کے تحت مقدمہ درج کیا گیا ہے اور مزید جانچ کرائم برانچ، یونٹ5 کر رہی ہے ۔ مذکورہ مقدمے میں مذکورہ تینوں ملزمان کو گرفتار کیا گیا ہے۔ ان کے پاس سے پنچنامہ کے تحت1) مختلف بینکوں کی 88 پاس بک، مختلف بینکوں کی 143 چیک بک، مختلف بینکوں کے 100 اے ٹی ایم کارڈ اور بینک کے دیگر کاغذات،2) مختلف کمپنیوں کے 24 موبائل فون،3) مختلف کمپنی کے 167 سم کارڈز،4) 2 لیپ ٹاپ5) دیگر سامان برآمد کیاگیا ہے۔ اب تک کی جانچ میں مذکورہ ملزمان نے صرف 10 بینک اکاؤنٹس پر روپے 24,00,00,000/- (چوبیس کروڑ روپے) کی سائبر دھوکہ دہی کرنے کا انکشاف کیا ہے۔ نیز مذکورہ اکاؤنٹس کے خلاف 1930 پورٹل پر 32 شکایات درج ہونے کی اطلاع ہے۔

نیز تکنیکی جانچ سے ملزمان نے 2898 سم کارڈ کا استعمال سائبر دھوکہ دہی کے لیے کرنے کا انکشاف ہوا ہےمذکورہ ملزمان کو م عدالت نے تاریخ ۱۹ ستمبر تک پولیس کسٹڈی ریمانڈ منظور کیا ہے۔ مذکورہ کامیاب کارروائی پولیس کمشنر،ممبئی، دیوین بھارتی، جناب پولیس جوائنٹ کمشنر (کرائم) ممبئی، انیل کنبھارے، ایڈیشنل پولیس کمشنر (کرائم) کرشن کانت اپادھیائے، پولیس ڈپٹی کمشنر راج تلک روشن، سدانند رانے کی رہنمائی میں یونٹ 5 کے پوتدار، رویندر تیلتومبڈے انجام دی گئی ۔ ممبئی کرائم برانچ کے ڈی سی پی راج تلک روشن نے پریس کانفرنس میں بتایا کہ جن ملزمین کو گرفتار کیا گیا ہے وہ دیگر کے اکاؤنٹس میں رسائی حاصل کر کے دھوکہ دہی کی رقومات اس میں منتقل کیا کرتے تھے ممبئی کرائم اس معاملہ میں مزید تفتیش کر رہی ہے اب تک ۲۴ کروڑ روپے کی دھوکہ کا انکشاف ہوا ہے ان کے بینک اکاؤنٹس بھی منجمد کر دیئے گئے ہیں جس میں دھوکہ دہی کی رقومات جمع کی گئی تھی ۔

ممبئی : پولس نے فلمی انداز میں انکم ٹیکس کا چھاپہ مار کر ہفتہ طلب کرنے والے فرضی افسر و گروہ کو بےنقاب کیا جو اسپشل ۲۶ فلم کے طرز پر ممبئی کے اندھیری میں انکم ٹیکس کا چھاپہ مار کر مالک وملازمین کو یرغمال بنا کر ان کے موبائل بھی چھین لئے تھےاور اسٹاف کو یرغمال بنایا تھا۔ انکم ٹیکس اور کرائم برانچ کے افسر بتاکر جعلی چھاپہ مار کر 1 کروڑ روپے کا ہفتہ طلب کرنے والی گینگ کو پولس نے بے نقاب کرنے کے ساتھ مفرور ملزمین کو بھی گرفتار کرنے کا دعویٰ کیا ہے۔ مذکورہ مقدمے کی مختصر تفصیلات کے مطابق شکایت کنندہ راجکمار کنڈاسامی، عمر 49 سال کے پاس پہلے ڈرائیور کے طور پر ملازم شخص سنتوش ادئے کھوپٹکر اور شکایت کنندہ کے درمیان جھگڑا ہوا تھا۔ اس وجہ سے شکایت کنندہ نے 06 مہینے کی تنخواہ نہ دیتے ہوئے سنتوش کھوپٹکر کو نوکری سے نکال دیا۔ اس بات سے ناراض سنتوش ادئے کھوپٹکر نے اس کے پاس موجود شکایت کنندہ کے متعلق معلومات کا استعمال کرکے اس کے شناسائی 06 مرد اور 3 خواتین کے ساتھ مل کر مجرمانہ سازش رچ کر انکم ٹیکس اور کرائم برانچ محکمہ کے سرکاری افسر و ملازم ہونے کا جھوٹا دعوی کرکے شکایت کنندہ کی ملکیت کے آفس میں زبردستی غیر قانونی طور پر داخل ہوئے۔ نیز جعلی سرکاری شناختی کارڈ دکھا کر شکایت کنندہ اور اس کی بیوی کا اغوا کرکے نیز شکایت کنندہ اور اس کی بیوی اور دفتر کے دیگر 10 ملازمین کے موبائل چھین کر انہیں دفتر کے باہر جانے سے غیر قانونی طور پر روک کر انکم ٹیکس محکمہ کی طرف سے قانونی کارروائی کرنے کی دھمکی دے کر گالی گلوچ کی۔ نیز کارروائی ٹالنے کے لیے 1 کروڑ روپے کا ہفتہ طلب کیااس لیے شکایت کنندہ نے مذکورہ نامعلوم اشخاص کے خلاف قانونی شکایت دینے پر ان کا تفصیلی بیان نوٹ کرکے 892/2026 دفعہ 61(2), 204, 205, 233, 140(2), 127(1), 351(2), 308(4) بھارتیہ نیائے سنہتا 2023 کے تحت مقدمہ درج کیا گیا۔مذکورہ مقدمے کے سلسلے میں ملزمان کو تکنیکی جانچ کی بنیاد پر گرفتار کیا گیا ہے۔

گرفتار کیے گئے ملزمین میں 1) سنتوش ادئے کھوپٹکر عمر 37 سال، 2) ونئے رمیش مورے عمر 37 سال، 3) پریم کسن سبنانی عمر 50 سال، 4) پرگیہ ہریش مائن عمر 27 سال، 5) ریشمہ شامراؤ وارنگ عمر 41 سال، 6) شبنیہ حفیظ شیخ عمر 48 سال, مذکورہ گرفتار ملزمان سے کی گئی پوچھ تاچھ میں مذکورہ ملزمین میں سے ملزم نمبر 7 اور 8 یہ انکم ٹیکس محکمہ میں بالترتیب انکم ٹیکس انسپکٹر اور ٹیکس اسسٹنٹ کے عہدے پر کام کر رہے ہیں اور مذکورہ ملزم یہ مذکورہ ملزم نمبر 02 سے 06 اور ملزم نمبر 09 اور 10 کے ساتھ شکایت کنندہ کے آفس میں جاکر مذکورہ مجرمانہ سازش میں شامل ہونے کی معلومات حاصل ہونے پر مذکورہ ملزمین کی تلاش لے کر انہیں موجودہ مقدمے میں تاریخ ۱۰ ستمبر کو گرفتار کیا گیا ہے۔ گرفتار ملزمین میں7) سریش مہاویر پرساد مشرا عمر 57 سال (انکم ٹیکس انسپکٹر)، 8) سنیل منوہر گورے عمر 59 سال (ٹیکس اسسٹنٹ)، 9) جتو عرف جتیندر نامدیو مورے عمر 52 سال 10) اشوک وٹھوبا شندے عمر 57 سال شامل ہے، یہ کارروائی ممبئی پولس کمشنر دیوین بھارتی کی سربراہی میں ڈی سی پی دتہ نلاوڑے نے انجام دی ہے اور ملزمین کو گرفتار کر کے اس گینگ کو بے نقاب کیا ہے۔ ڈی سی پی دتہ نلاوڑے نے بتایا کہ اس سے قبل بھی معاملہ میں ۶ ملزمین کو گرفتار کیا گیا تھا, لیکن اس میں انکم ٹیکس انسپکٹر اور اسسٹنٹ کی بھی شمولیت تھی جس کے بعد آج مزید مفرور ملزمین کو بھی گرفتار کر کے اس پورے گینگ پر ہی کریک ڈاؤن کیا گیا ہے۔