Connect with us
Thursday,14-August-2025
تازہ خبریں

سیاست

کسانوں کو غنڈہ کہنے والے وزیر کے خلاف ہو کاروائی:للو

Published

on

اترپردیش کانگریس کے صدر اجے کمار للو نے وزیر اعلی یوگی آدتیہ ناتھ سے کسانوں کے خلاف مبینہ طور سے قابل اعتراض تبصرہ کرنے والے ریاستی وزیر کے خلاف کاروائی کرنے کا مطالبہ کیا ہے۔
مسٹر للو نے ہفتہ کو میڈیا نمائندوں سے کہا کہ زرعی قانون کے خلاف سراپا احتجاج کسانوں کو یوگی حکومت میں ریاستی وزیر انل شرما نے غنڈہ کہتے ہیں۔ یہ ملک کو اناج دینے والے کسانوں کی توہین ہے جو اپنے حق کی لڑائی سڑکوں پر لڑرہے ہیں۔ بی جے پی حکومت صاف کر ے یہ وہ ایم ایس پی کے ساتھ ہے یا ان کے خلاف ہے۔ حکومت بتائے کہ زرعی قانون ارتکاذ کے خلاف ہے یا ساتھ۔
انہوں نے کہا کہ وزیر اعلی کو اپنے وزیر کے بیان کے لئے کسانوں سے معافی مانگنی پڑے گی اور کسانوں کی توہین کرنے والے وزیر کے خلاف کاروائی کرنے ہوگی۔ اگر وزیر اعلی نے معاف نہیں مانگی تو کانگریس اس معاملے کو لے کر عوام کے درمیان جائے گی۔

سیاست

یوم آزادی سے پہلے مرکزی حکومت نے مرکزی اور ریاستی فورسز کے 1,090 پولیس اہلکاروں کے لیے سروس میڈلز کا اعلان کیا

Published

on

india-boarder

نئی دہلی : مرکزی حکومت نے جمعرات کو 15 اگست سے پہلے مرکزی اور ریاستی افواج کے 1,090 پولیس اہلکاروں کے لیے سروس میڈلز کا اعلان کیا ہے۔ مرکزی وزارت داخلہ کے ایک بیان کے مطابق 233 اہلکاروں کو بہادری کے تمغے، 99 اہلکاروں کو صدر کا تمغہ برائے امتیازی خدمات اور 758 اہلکاروں کو میرٹوریس سروس میڈلز سے نوازا جائے گا۔ وزارت نے کہا کہ اس میں فائر بریگیڈ، ہوم گارڈز اور سول ڈیفنس اور اصلاحی خدمات کے اہلکاروں کے تمغے شامل ہیں۔ بہادری کے تمغوں میں سے زیادہ سے زیادہ 152 کا اعلان جموں و کشمیر میں آپریشنز میں شامل سیکورٹی اہلکاروں کے لیے کیا گیا ہے۔ اس کے بعد نکسل مخالف آپریشن میں تعینات فوجیوں کے لیے 54 تمغے، شمال مشرق میں ڈیوٹی کے لیے تین اور دیگر علاقوں میں 24 تمغے دیے جائیں گے۔

وزارت کے بیان کے مطابق فائر سروس کے چار اہلکاروں اور ایک ہوم گارڈ اور سول ڈیفنس آفیسر کو بھی تمغہ شجاعت سے نوازا جائے گا۔ بہادری کا تمغہ جان و مال کو بچانے یا جرائم کو روکنے یا مجرموں کو گرفتار کرنے میں بہادری کے نادر نمایاں عمل کی بنیاد پر دیا جاتا ہے۔ صدر کا تمغہ خدمت میں غیر معمولی طور پر ممتاز ریکارڈ کے لیے دیا جاتا ہے اور میرٹوریئس سروس میڈل قابل قدر خدمات جیسے فرض کی لگن کے لیے دیا جاتا ہے۔

Continue Reading

سیاست

ممبئی کبوتر خانہ تنازع اور ۱۵ اگست گوشت پر پابندی ناقابل قبول : راج ٹھاکرے

Published

on

Raj Thackeray

‎ممبئی مہاراشٹر سرکار پر ایم این ایس سربراہ نے سخت تنقید کرتے ہوئے کبوتر خانے تنازع اور گوشت کی پابندی پر سرکار سے سوال کیا کہ آخر سرکار کیا چاہتی ہے ریاستی وزیر منگل پربھات لوڈھا کو بھی ہدف تنقید بنایا اور کہا کہ لوڈھا وزیر ہیں کیا وہ عدالتی حکم سے لاعلم تھے۔ جین سماج کے پرتشدد احتجاج پر پولس نے کارروائی نہیں کی, لیکن جب مراٹھا سماج نے احتجاج کیا تو صحافیوں کو پیٹا گیا۔ انہوں نے کہا کہ ممبئی ہائی کورٹ نے ممبئی کے دادر میں کبوتر خانہ پر جاری تنازعہ پر فیصلہ صادر کیا ہے اس کی تعمیل لازمی ہے۔کبوتر خانہ میں دانا ڈالنے پر اگر عدالت نے پابندی عائد کردی ہے تو جین سماج کو بھی اس پر غور کرنا چاہیے۔ کئی ڈاکٹروں نے بتایا ہے کہ کبوتروں سے بیماریاں لاحق ہو سکتی ہیں, لیکن اگر کبوتروں کو دانا ڈالا جائے تو پولیس کو دانا ڈالنے والوں کے خلاف کارروائی کرنی چاہیے۔ حکومت کو کارروائی صرف اس وقت کرنی چاہیے تھی, جب عدالت کا حکم تھا, لیکن اس کے برخلاف احتجاج شروع ہوا۔ ریاستی وزیر منگل پربھات لودھا نے اس میں شرکت کی۔ کیا لودھا نہیں جانتے کہ عدالتی حکم کیا ہے؟ لوڈھا کو یہ نہیں بھولنا چاہیے کہ وہ ریاستی وزیر ہیں، کسی مذہب کے نہیں۔ کل جب مراٹھیوں نے احتجاج کیا تو انہیں گرفتار کر لیا گیا، صحافیوں کو مارا پیٹا گیا۔ مجھے نہیں معلوم کہ حکومت کیا کر رہی ہے اور کیا چاہتی ہے چونکہ الیکشن عنقریب ہے، وہ سماج میں تفریق و شگاف پیدا کرنے کی کوشش کر رہے ہیں۔ پہلے انہوں نے ہندی کو زبردستی لازمی قرار دینے کی کوشش کی، اب کبوتروں کا تنازع پیدا کردیا ہے, راج ٹھاکر نے کلیان ڈومبیولی میں گوشت پر پابندی پر بھی سوال اٹھائے ہیں۔ اسی طرح 15 اگست کو کلیان-ڈومبیولی میونسپل کارپوریشن نے مذبح بند کرنے اور گوشت کی فروخت پر روک لگانے کا حکم دیا ہے۔ میونسپل کارپوریشن کو یہ فیصلہ کرنے کا حق کس نے دیا کہ کسی کو کیا کھانا چاہیے؟ راج ٹھاکرے نے ایم این ایس کارکنان سے کہا ہے کہ وہ اس پابندی پر عمل نہ کریں۔ یہ کیسی بات ہے کہ 15 اگست کو یوم آزادی کے طور پر منایا جائے اور اس دن کھانے کی آزادی نہ ہو؟ راج ٹھاکرے کے مذبح پر پابندی کی مخالفت کرتے ہوئے اسے ناقابل قبول قرار دیا ہے۔ انہوں نے گوشت پر پابندی اور کبوتر خانے کے تنازع پر ریاستی سرکار کو آڑے ہاتھوں لیتے ہوئے کہا کہ دھرم دھرم کی بنیاد پرسرکار تفریق پیدا کرنے کی کوشش کررہی ہے۔

Continue Reading

سیاست

سماج وادی پارٹی کی مہاراشٹر یونٹ کے صدر ابو اعظمی نے کیا اعلان, ممبئی میونسپل کارپوریشن کے انتخابات ایس پی اکیلے ہی لڑے گی۔

Published

on

Abu-Asim-&-Akhilesh

ممبئی/ناگپور : مہاراشٹر کے اسمبلی انتخابات کے بعد، اکھلیش یادو کی قیادت والی سماج وادی پارٹی اب بی ایم سی الیکشن لڑنے جا رہی ہے۔ سماج وادی پارٹی کی مہاراشٹر یونٹ کے صدر ابو اعظمی نے اعلان کیا کہ ایس پی ممبئی میونسپل کارپوریشن کے انتخابات اکیلے ہی لڑے گی۔ ابو اعظمی کے بیان نے مہاراشٹر کی سیاست کو گرما دیا ہے۔ این سی پی شرد گروپ کے لیڈروں کا کہنا ہے کہ یہ اعلان صرف کارکنوں کو جوش دلانے کے لیے ہے۔ بی ایم سی انتخابات پر بحث ہوگی، پھر فیصلہ کیا جائے گا۔ این سی پی شرد پوار گروپ کی مہاراشٹر یونٹ کے صدر ششی کانت شندے نے کہا کہ اس موضوع پر تب ہی بات کی جائے گی, جب مہاراشٹر وکاس اگھاڑی کی پارٹیاں ایک ساتھ بیٹھیں گی۔ تاہم، این سی پی شرد گروپ نے سماج وادی پارٹی کو مہا وکاس اگھاڑی کے ساتھ اتحاد میں الیکشن لڑنے کی پیشکش بھی کی ہے۔ ششی کانت شندے نے کہا کہ اگر وہ (ایس پی) مہاراشٹر وکاس اگھاڑی کی جانب سے الیکشن لڑتے ہیں تو ان کا استقبال ہے۔

ابو اعظمی کے اعلان پر این سی پی شرد گروپ کے لیڈر روہت پوار نے کہا کہ ہر جگہ سبھی لیڈر کہیں گے کہ ہم اکیلے لڑیں گے، لیکن انتخابات پر بعد میں بات کی جائے گی اور پھر فیصلہ کیا جائے گا۔ پوار نے کہا کہ انتخابات قریب آنے پر کیا فیصلہ کیا جائے گا یہ اہم ہے۔ اس وقت قائدین کے بیانات ہی کارکنوں کا جوش بھرنے والے ہیں۔ دراصل سماج وادی پارٹی ‘انڈیا’ بلاک کا حصہ ہے۔ اس میں کانگریس، شیو سینا-یو بی ٹی اور شرد پوار بھی شامل ہیں۔ اس کے باوجود ایس پی نے اکیلے بی ایم سی الیکشن لڑنے کا اعلان کیا۔ سماج وادی پارٹی کی مہاراشٹر یونٹ کے صدر ابو اعظمی نے اعلان کیا کہ ایس پی ممبئی میونسپل کارپوریشن کے انتخابات 150 سیٹوں پر اکیلے لڑے گی۔ دہلی کے مہاراشٹرا سدن میں ایک پریس کانفرنس سے خطاب کرتے ہوئے ابو اعظمی نے واضح الفاظ میں کہا کہ ایس پی کانگریس کے ساتھ بی ایم سی الیکشن ہرگز نہیں لڑے گی۔ اس سے قبل، سماج وادی پارٹی نے 2024 کے مہاراشٹر اسمبلی انتخابات بھی اکیلے لڑے تھے، جس میں اس نے 9 میں سے 2 اسمبلی سیٹوں پر کامیابی حاصل کی تھی۔

Continue Reading
Advertisement

رجحان

WP2Social Auto Publish Powered By : XYZScripts.com