ممبئی : ممبئی مہاراشٹر آئی پی ایس افسران کے بڑے پیمانے پر تبادلے کئے گئے وزارت داخلہ نے امراؤتی کے پولس کمشنر نوین چند ریڈی کا تبادلہ ناگپور کے جوائنٹ پولس کمشنر کے طور پر کیا ہے, جبکہ جوائنٹ پولس کمشنر ناگپور نثار تنبولی کو یہاں پر ناگپور ریزرو پولیس فورس میں منتقل کیا گیا ہے۔ ریلوے کمشنر رویندر ششوے کو تبادلہ جوائنٹ پولس کمشنر محکمہ خفیہ میں کیا گیا ہے۔ سپریا پاٹل کو ڈیپوٹیشن سے مہاراشٹر میں اسپیشل آئی جی انتظامیہ کے طور پر مقرر کیا گیا۔ راجیو جین کو ریزرو فورس سے اسپیشل آئی جی سمندری تحفظ مقرر کیا گیا۔ ابھیشیک تریمکھے کو ممبئی نارتھ زون سے اسپیشل آئی جی انتطامیہ مقرر کیا گیا ہے۔ یہ حکمنامہ وزارت داخلہ نے جاری کیا ہے اور اس حکمنامہ کے مطابق اب تمام افسران کا تبادلہ کیا گیا ہے۔

ممبئی : ممبئی ہندپاک سرحدی تنازع کے بعد اب ممبئی شہر میں ڈروان پیراگلائڈرس، پیرامورٹرس ریموٹ کنٹرول مائیکرولائٹ، ائیرکرافٹ ہائی ائیر بالون غبارے اور دیگر فلائنگ سرگرمی فضائی سرگرمیوں پر پابندی عائد کی گئی ہے۔ یہ حکمنامہ ممبئی پولس نے جاری کیا ہے۔ مذکورہ بالا حکمنامہ ممبئی پولس کے ڈی سی پی آپریشن اکبر پٹھان نے اپنی دستخط و مہر کے ساتھ جاری کیا ہے۔ اس کی تعمیل لازمی ہے, اگر کوئی اس کی خلاف ورزی کرتا ہے اس پر کارروائی ہوگی۔ ڈائریکٹر جنرل سول ایویشن ڈی جی سی اے نے ممبئی شہر میں ڈرون اور اس قسم کی تمام فضائی سرگرمیوں کو ریڈزون قرار دیا ہے, اس لئے ممبئی میں ڈراؤن اڑانے پر مکمل پابندی عائد کی گئی ہے۔ گزشتہ شب پوائی پولس اسٹیشن کی حدود میں غیر قانونی طریقے سے ڈرون اڑایا گیا تھا۔ اس بنیاد پر پولس نے ایک ۲۳ سالہ نوجوان کے خلاف کارروائی کی ہے, اور عوام سے اپیل کی ہیکہ وہ اس حکمنامہ کی تعمیل کرے, اگر کوئی اس کی خلاف ورزی کرتا ہے تو اس پر کارروائی ہوگی۔ اس لئے عوام سے بھی گزارش کی گئی ہے کہ وہ تعاون کرے, اور پولس اسٹیشن کی حدود میں کوئی ڈرون یا فضائی سرگرمی نظر آتی ہے, تو اس کی اطلاع پولس کو دے یا بھی کنٹرول روم سے رابطہ کرے, یہ اطلاع آج یہاں ڈی سی پی اکبر پٹھان نے دی ہے۔

نئی دہلی : بھارت نے مسئلہ کشمیر پر پاکستان اور بھارت کے درمیان ثالثی کی پیشکش کرنے والے ڈونلڈ ٹرمپ کو ٹھکرا دیا۔ ہندوستان کی وزارت خارجہ نے منگل کو کہا کہ یہ ہمارا دیرینہ قومی موقف رہا ہے کہ ہندوستانی مرکز کے زیر انتظام جموں و کشمیر سے متعلق کوئی بھی مسئلہ ہندوستان اور پاکستان کے درمیان دو طرفہ طور پر حل ہونا چاہئے۔ اس پالیسی میں کوئی تبدیلی نہیں ہوئی۔ زیر التواء معاملہ صرف پاکستان کے غیر قانونی طور پر قابض ہندوستانی علاقے کو خالی کرانے کا ہے۔ واضح رہے کہ حال ہی میں امریکی صدر ڈونلڈ ٹرمپ نے بھی کشمیر کے حوالے سے بیان دیتے ہوئے پاکستان اور بھارت کے درمیان جنگ بندی کرانے کا دعویٰ کیا تھا۔ ٹرمپ نے کہا تھا کہ وہ دونوں ممالک کے ساتھ مل کر مسئلہ کشمیر کا حل تلاش کرنے کی کوشش کریں گے۔ انہوں نے کہا تھا کہ شاید ایک ہزار سال بعد اس مسئلے کا کوئی حل نکل آئے۔

وزارت خارجہ کے ترجمان رندھیر جیسوال نے منگل کو ایک پریس کانفرنس کے دوران اس بات کا اعادہ کیا کہ ہندوستان اور پاکستان کے درمیان تنازعہ کے دوران تصفیہ کی کال پاکستان سے ہی آئی تھی۔ بھارت کی کارروائی کے بعد پاکستان کو کافی مشکلات کا سامنا تھا جس کے بعد پاکستان نے تنازعہ روکنے کے لیے سمجھوتے کی تجویز پیش کی۔ پاکستان کی تجویز کے بعد دونوں ممالک کے ڈی جی ایم اوز کے درمیان مذاکرات ہوئے۔ رندھیر جیسوال نے ڈونلڈ ٹرمپ کے اس دعوے پر تبصرہ کیا جس میں ٹرمپ نے کہا کہ انہوں نے دونوں ممالک کے درمیان تنازعہ روکنے کے لیے دونوں ممالک کے ساتھ تجارت بند کرنے کی دھمکی دی تھی۔ جیسوال نے کہا کہ ہندوستان اور امریکی لیڈروں کے درمیان 7 مئی کو آپریشن سندھ کے آغاز سے لے کر 10 مئی کو فائرنگ اور فوجی کارروائی کو روکنے کے معاہدے تک ابھرتی ہوئی فوجی صورتحال پر بات چیت ہوئی۔ رندھیر جیسوال نے مزید کہا کہ پاکستان کی یہ پرانی دھن ہے کہ وہ ہار کر بھی ڈھول پیٹتا رہتا ہے۔ وہ لوگ ہار کر بھی جیت کا ڈھول پیٹتے رہتے ہیں۔ 1965، 1971 یا 1999 کی کارگل جنگ، وہ ہمیشہ یہی کرتا رہا ہے۔