ممبئی : ممبئی کی مئیر ریتو تاؤ ڑے کی سوشل میڈیا کے اخراجات اور بجٹ پر ٹھاکرے گروپ برہم ہے۔ ٹھاکرے سینا نے ممبئی کے میئر کی سوشل میڈیا پر تشہیر کے حوالے سے جارحانہ موقف اپنایا ہے۔ ٹھاکرے سینا کی کشوری پیڈنیکر نے میئر تاوڑے اور بی جے پی پر سخت تنقید کی ہے۔ ٹھاکرے سینا ممبئی کے میئر کی سوشل میڈیا پر تشہیر پر برہم کشوری پیڈنیکر نے بی جے پی کو بے نقاب کیا ہے۔ ممبئی میونسپل کارپوریشن کے ایک فیصلے کی وجہ سے میئر ریتو تاوڑے تنازع کا شکار ہو گئی تھی ہے۔ دعویٰ کیا گیا ہے کہ ممبئی کے میئر تاوڑے کی سوشل میڈیا پبلسٹی پر 25 لاکھ روپے خرچ کیے جائیں گے۔ ٹھاکرے سینا اس اقدام پر برہم ہے۔ یہ الزام لگاتے ہوئے کہ یہ ممبئی والوں کا پیسہ لوٹنے کے مترادف ہے، ممبئی میونسپل کارپوریشن میں اپوزیشن لیڈر کشوری پیڈنیکر نے بی جے پی اور میئر ریتو تاوڑے پر تنقید کی ہے۔

ٹھاکرے گروپ کی کارپوریٹر کشوری پیڈنیکر نے میڈیا کرتے ہوئے کہا کہ میئر کے بارے میں مسلسل باتیں کرتے کرتے تھک گئی ہوں۔ اس کی حرکتیں ایسی ہیں کہ کوئی سوچتا ہے کہ کس چیز کو منظر عام پر لانا ہے اور کسے کو نظر انداز کرنا ہے۔ میرے پاس اسٹینڈنگ کمیٹی کی تجویز ہے جس میں کہا گیا ہے کہ میئر کے دفتر کے لیے سوشل میڈیا کو منظم کرنے کے لیے 25 لاکھ روپے خرچ کیے جائیں گے۔ اس سے پہلے، 10 لاکھ روپے سے زیادہ خرچ کیے جا چکے ہیں۔ اب، 2 لاکھ روپے خرچ کرنے کی تجویز ہے۔ تشہیر اور پبلسٹی سے متعلق اخراجات پر اپوزیشن برہم ہے قائدین کا کہنا ہے کہ عوام کا پیسہ کہاں جارہا ہے ٹیکس دہندگان کے پیسوں سے فضول خرچی ناقابل برداشت ہے۔ کشوری پیڈنیکر نے اس متعلق وضاحت طلب کی ہے انہوں نے کہا کہ پروجیکٹ کی منظوری کے دوران بھی خرد برد کا الزام کشوری پیڈنیکر نے عائد کیا ہے۔ کیوں ممبئی والوں کا پیسہ لوٹا جا رہا ہے؟ ایک کروڑ کے پروجیکٹ کی تجویز پیش کرتے ہوئے، وہ اس طرح کی قرارداریں عوام کے سامنے لاتے ہیں اس کے دستاویزات میرے پاس موجود ہے یہ میرا ذاتی کاغذ نہیں ہے، بلکہ میونسپل کارپوریشن کا ایک سرکاری دستاویز ہے کہ بی جے پی نے ایک نیا طریقہ وضع کیا ہے 5 لاکھ سے 75 لاکھ روپے کے درمیان لاگت کے کاموں کی تجاویز کو منظوری کے لیے لانا اور پھر اس میں تبدیلی کرنا اس قسم کی تنقید کشوری پیڈنیکر نے برسراقتدار بی جے پی شیوسینا پر کی ہے۔

ممبئی ؛ ممبئی انٹی مارکوٹکس سیل نے ایک بہاری رکشہ ڈرائیور ڈرگس اسمگلر کو گرفتار کرنے کا دعویٰ کیا ہے جو ممبئی میں منشیات فروشی کا نیٹ چلایا کرتا تھا ۳۱ سالہ بہاری رکشہ ڈرائیور سے متعلق انٹی نارکوٹکس سیل اے این سی کو اطلاع ملی تھی کہ ممبئی میں ایک ڈرگس اسمگلر یہاں منشیات کی خرید وفروخت کے لیے آنے والا ہے جس کی بنیاد پر اے این سی ورلی یونٹ نے جال بچھا کر باندرہ سے ایک مشتبہ شخص کو زیر حراست لیا جب اس کی تلاشی کی گئی تو اس کے قبضے سے ۱۰ کلوچرس برآمد ہوا جس کی کل مالیت ۱۰ کروڑ ایک لاکھ روپے بتائی جاتی ہے۔ مذکورہ بالا ملزم یہاں ممبئی میں ڈرگس فروخت کرنے کی غرض سے آیا تھا اس کی گرفتاری کے بعد اس کے ساتھیوں اور ڈرگس کے نیٹ ورک کا سراغ لگانے میں اے این سی سرگرداں ہو گئی ہے اس کے تین بچے بھی ہیں اور یہ بہار کا ساکن ہے اس لیے پولس اس کے بہار اور ممبئی کنکشن سے متعلق ہر پہلو پر جانچ کر رہی ہے یہ کارروائی ممبئی پولس کمشنر دیوین بھارتی کی ایما پر اے این سی کی ڈی سی پی پرنیما چوگلے نے انجام دی ہے۔

ممبئی : میرا بھائیندر فائرنگ کیس میں مطلوب ڈی کمپنی کا رکن اختر مرچنٹ کو ممبئی میرا بھائیندر پولس نے دلی اندرا گاندھی ائیرپورٹ سے گرفتار کرنے کا دعویٰ کیا ہے۔ اختر مرچنٹ، ایک بدنام زمانہ ہائی پروفائل ملزم اور گینگسٹر داؤد ابراہیم کے مبینہ سابق ساتھی بھی ہے۔ ویرار پولیس کرائم برانچ نے تقریباً تین سال تک مفرور رہنے کے بعد دہلی ہوائی اڈے پر گرفتار کر لیا۔ مرچنٹ، 60، انٹرپول کی ریڈ نوٹس لسٹ میں چھٹے نمبر پر تھا جو دنیا بھر میں قانون نافذ کرنے والے اداروں سے ایک درخواست ہے کہ وہ کسی ایسے شخص کو تلاش کرے اور اسے عارضی طور پر گرفتار کرے جو حوالگی، ہتھیار ڈالنے، یا اسی طرح کی قانونی کارروائی میں زیر التواء ہے۔ کاشی میرا کے علاقے میں انٹر نیشنل بیکری پر 2023 میں ہونے والی فائرنگ کے سلسلے میں مطلوب مرچنٹ کو بیرون ملک سے ہندوستان واپس آنے کے بعد گرفتار کیا گیا تھا۔ اختر مرچنٹ نے ایک اور بدنام زمانہ ملزم نثار احمد شیخ عرف ‘پپو پیجر’ کے ساتھ مل کر ایک گٹکا فروخت کرنے والے تاجر سے ہفتہ لینے کی مبینہ سازش کی جس کا نام بابو ہے۔ بابو ممبئی کے میرا روڈ کے کاشی میرا علاقے میں رہتا تھا۔ تاجر کو مبینہ طور پر دونوں نے فون پر دھمکیاں دیں اور ہفتہ کی رقم ادا کرنے کو کہا۔ جب بابو نے مبینہ طور پر ان کے مطالبات سے انکار کیا تو ملزم نے مبینہ طور پر 2023 میں بیکری میں ملازمین پر گولی چلانے کے لیے ایک بندوق بردار اکبر شیخ کی خدمات حاصل کی۔ اس واقعہ کے بعد کاشی میرا پولیس اسٹیشن نے ملزم کے خلاف ایف آئی آر نمبر 700/2023 درج کی ہے۔ قانون نافذ کرنے والے ادارہ نے تعزیرات ہند کی دفعہ 307، 384، 120(بی) اور 34 کے ساتھ ساتھ آرمز ایکٹ اور مہاراشٹر کنٹرول آف آرگنائزڈ کرائم ایکٹ (مکوکا) کی دفعات بھی شامل کیں۔ میرا بھائنیدر ویرار پولس کرائم برانچ کو انٹرپول کے ذریعے اطلاع ملی تھی کہ مرچنٹ بیرون ملک ہے، جس کے بعد انہوں نے دہلی ہوائی اڈے کی نگرانی شروع کی۔ ہندوستان میں داخل ہوتے ہی اسے گرفتار کرلیا۔