Connect with us
Sunday,22-November-2026

ممبئی پریس خصوصی خبر

بلا طبی ڈگری بغیر لائسنس غیر قانونی مطب چلانے والے 10 جھولا چھاپ ڈاکٹروں پر کرائم برانچ کی کاروائی

Published

on

ممبئی میں بھانڈپ، مانخورد، کرلا، جوگیشوری، بوریولی اور دہیسر علاقے میں فرضی ڈاکٹر کے خلاف کارروائی کرتے ہوئے پولس نے پایا کہ ان کے پاس طبی شعبے میں کسی بھی شاخ کی ڈگری نہ ہونے کے باوجود وہ کلینک چلا رہے ہیں اور مریضوں کے پوشیدہ امراض کے علاج کا دعوی بھی کرتے ہیں۔ مریضوں کی بیماریوں پر ایلوپیتھی اور آیورویدک، یونانی ادویات معالجہ کر ان کی صحت و زندگی کو خطرے میں ڈال کر ان سے خطیر فیس وصول کر شہریوں کے ساتھ دھوکہ دہی کرتے ہیں۔ ممبئی کرائم برانچ کے یونٹ ۷ کو قابل اعتماد معلومات حاصل ہوئی۔ حاصل معلومات کے سلسلے میں یونٹ ۷ کی پولیس ٹیم نے مختلف دنوں میں طبی افسر، ممبئی مہانگر پالیکا، ممبئی کے ساتھ ممبئی میں 1) ‘سنتوش ہیلتھ کلینک’ بھانڈپ، 2) ‘وینائک ہیلتھ کلینک’ بھانڈپ، 3) ‘صدف دواخانہ’ جوگیشوری، 4) ‘کوہ نوردواخانہ’ جوگیشوری، 5) ‘انکش آیورویدک دواخانہ’ بوریولی، 6) دیپک ہربل ہیلتھ کیئر کلینک، دہیسر 7) ‘سمر آیورویدک دواخانہ’ مانخورد (مذکورہ کارروائی کرائم برانچ یونٹ 6 کے ذریعے) ان 7 کلینک میں چھاپہ مار کر، وہاں پریکٹس کر رہے 10 جعلی ڈاکٹر ان کے پاس طبی شعبے میں ڈگری نہ ہوتے ہوئے یا مہاراشٹر میڈیکل میں رجسٹریشن نہ ہوتے ہوئے ڈاکٹر ظاہر کرکے غیر قانونی طور پر پوشیدہ بیماری جیسی مختلف بیماریوں کے مریضوں پر ایلوپیتھی اور آیورویدک، یونانی ادویات کا معالجہ کرتے ہوئے ملے۔ نیز کچھ کلینک میں جعلی ڈاکٹر غیر قانونی طور پر لائی گئی یونانی اور آیورویدک ادویات فروخت کرتے ہوئے بھی پائے گئے ان پر کارروائی کی گئی۔ مذکورہ کارروائی میں ان کے قبضے سے تقریباً 2,20,000/- روپے قیمت کی مختلف قسم کی دوائیوں کی بوتلیں، سرنج، اینٹی بائیوٹک ٹیبلیٹس ایسی مختلف قسم کی دوائیں اور طبی سامان ضبط کیا گیا۔ مذکورہ جعلی ڈاکٹروں کے خلاف بھانڈپ پولیس میں دفعہ 33, 36 مہاراشٹر میڈیکل پریکٹشنرز ایکٹ 1961 کے تحت جرم درج کر کے مذکورہ جرم کی تفتیش کرائم برانچ یونٹ 7، گھاٹکوپر کے ذریعے جاری ہے۔

جن ڈسپنسری پر کارروائی کی گئی ہے ان میں جو ڈاکٹر ادویات فراہم کرتے تھے ان میں 1) ‘سنتوش ہیلتھ کلینک’، بھانڈپ، ممبئی 1) شیخ محمد انور محمد اسلم، رہائشی بھانڈپ مغرب، 2) منبی حسین فرید شیخ، رہائشی ممبرا، تھانے۔ 2) ‘وینائک ہیلتھ کلینک’، بھانڈپ، ممبئی 3) عمران عبدالجبار خان، رہائشی بھانڈپ مغرب، ممبئی 3) ‘ثناء دواخانہ’، جوگیشوری، ممبئی۔ 4) دیاشانکر ہبلال سنگھ، رہائشی ملاڈ (مشرق)، ممبئی 5) جنید حشمت اللہ صدیقی، رہائشی جوگیشوری (مغرب)، ممبئی
4) ‘کوہ نور دواخانہ’، جوگیشوری، ممبئی۔ 6) شہاب الدین نظام الدین شیخ، رہائشی جوگیشوری (مغرب)، ممبئی 5) ‘انکش آیورویدک دواخانہ’، بوریولی، ممبئی 7) ڈاکٹر ناوید زاہد خان، رہائشی میرا روڈ (مشرق)، ضلع تھانے۔ 8) ڈاکٹر راشد حسین بیگ، رہائشی بوریولی (مغرب)، ممبئی۔6) دیپک ہربل ہیلتھ کیئر کلینک، دہیسر، ممبئی۔ 9) راشد حسین افضل حسین شیخ رہائشی ممبرا، ضلع تھانے۔ 7) ‘سمر آیورویدک دواخانہ’، مانخورد، ممبئی 10) نہال عرفات حسین شیخ رہائشی نالاسوپارا، ضلع پالگھر شامل ہے۔

مذکورہ کارروائی ممبئی پولس کمشنر دیوین بھارتی، جوائنٹ پولس کرائم انل کنبھارے، ایڈیشنل پولس کمشنر کرشنا کانت اپادھیائے، ڈی سی پی نوناتھ ڈھولے، پولیس اہلکاروں کی ٹیم نے انجام دی ہے۔

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading

ممبئی پریس خصوصی خبر

کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

Published

on

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔

Continue Reading

ممبئی پریس خصوصی خبر

ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

Published

on

high-crout

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔

Continue Reading
Advertisement

رجحان