Connect with us
Sunday,22-November-2026

ممبئی پریس خصوصی خبر

گڈچرولی : ماؤ نوازوں پر مارے گئے چھپائے میں دھماکہ خیز مواد اور آتشیں اسلحہ جات برآمد

Published

on

ممبئی : گڈچرولی ضلع میں ماؤ نواز سرگرمیاں مؤثر طریقے سے ختم ہو چکی ہیں اور خطے میں ماؤ نواز تحریک تقریباً دم توڑ چکی ہے۔ ماؤ نواز سیکیورٹی فورسز کو خطرے میں ڈالنے اور تخریبی کارروائیاں کرنے کے لیے مختلف اقسام کے ہتھیار اور دھماکہ خیز مواد استعمال کرتے تھے۔ ریاستی سرحد کے ساتھ واقع دور دراز جنگلاتی علاقے کا فائدہ اٹھاتے ہوئے، وہ یہ مواد تیار کرتے اور خفیہ طور پر جنگل میں زمین کے نیچے دبا دیتے تھے۔ ان ذخیروں کا مقصد ‘نکسل ہفتوں’ (نکسل ویکس) اور انتخابات جیسے مواقع پر سیکیورٹی فورسز پر گھات لگا کر حملہ کرنا تھا۔ اس کے خلاف مؤثر کارروائی کرتے ہوئے، گڈچرولی پولیس فورس نے کل، 6 اکتوبر 2026 کو ایک آپریشن کے دوران ماؤ نوازوں کی جانب سے زمین کے نیچے چھپایا گیا مواد کامیابی سے برآمد کر لیا۔ تفصیلات کے مطابق مہاراشٹر چھتیس گڑھ سرحد پر واقع کوپرشی (کوپارشی) جنگلاتی علاقے میں ماؤ نوازوں کی جانب سے آتشیں اسلحہ اور دھماکہ خیز مواد کا بڑا ذخیرہ چھپائے جانے کی خفیہ اطلاع پر کارروائی کرتے ہوئے، گڈچرولی پولیس فورس نے سرچ آپریشن کیا۔ گڈچرولی کے سپرنٹنڈنٹ آف پولیس (ایس پی) ایم رمیش کی ہدایت پر، پرانہِتا (پرن ہیتا) سے اسپیشل آپریشن اسکواڈ (ایس او ایس) کے پانچ یونٹس اور بی ڈی ڈی ایس (بم ڈٹیکشن اینڈ ڈسپوزل اسکواڈ) کی دو ٹیموں کو جنگلاتی علاقے میں تعینات کیا گیا۔ کل، 6 اکتوبر 2026 کو اسپیشل آپریشن اسکواڈز نے علاقے کا محاصرہ کیا اور بی ڈی ڈی ایس کے اہلکاروں نے مکمل تلاشی لی۔ موقع سے ماؤ نوازوں سے برآمد ہونے والے اسلحہ جات میں 1) ایک .303 رائفل، 2) دو سنگل شاٹ رائفلیں، 3) دیسی ساختہ دو پستول، 4) ایک بی جی ایل (بی جی ایل.) لانچر، 5) دس بی جی ایل شیل، 6) اکیس زندہ کارتوس، 7) سات ڈیٹونیٹرز، 8) 150 میٹر کیبل وائر، 9) دو میگزین، 10) دو پریشر ککر، 11) تین واکی ٹاکی، 12) تین واکی ٹاکی چارجرز، اور 13) دو واکی ٹاکی بیٹریاں؛ ماؤ نوازوں کا دیگر سامان شامل ہے سینئر افسران کی ہدایت پر موقع پر ہی تلف کر دیا گیا۔ یہ آپریشن اسپیشل آپریشن اسکواڈ (پرانہتا)، انٹیلی جنس سیل اور بی ڈی ڈی ایس (بی ڈی ڈی ایس.) ٹیم کے اہلکاروں نے کامیابی سے انجام دیا۔ یہ کارروائی گڈچیرولی کے سپرنٹنڈنٹ آف پولیس (ایس پی)ایم رمیش کے احکامات اور رہنمائی میں، اور ایڈیشنل ایس پی (آپریشنز) کارتک مدھیرا، ایڈیشنل ایس پی گوکل راج جی، ایڈیشنل ایس پی آہری (پرانہتا) ہرش وردھن بی جے، اور ڈپٹی ایس پی (آپریشنز) مسٹر سنیل اوئکے کی نگرانی میں عمل میں لائی گئی۔ رمیش نے اس آپریشن میں حصہ لینے والے جوانوں کی ستائش کی ہے۔

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading

ممبئی پریس خصوصی خبر

کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

Published

on

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔

Continue Reading

ممبئی پریس خصوصی خبر

ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

Published

on

high-crout

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔

Continue Reading
Advertisement

رجحان