سیاست
کیجریوال کو تشدد زدہ عوام کے ساتھ کھڑا ہونا چاہئے تھا۔ شاہین باغ خاتون مظاہرین
قومی شہریت (ترمیمی)قانون، این آر سی اور این پی آر کے خلا ف شاہین باغ خاتون مظاہرین نے دہلی کے تشدد کی سخت مذمت اوراس پر زبردست غصے کا اظہار کرتے ہوئے کہا کہ جب دہلی جل رہی تھی تو وزیر اعلی اروند کیجریوال کہیں سو رہے تھے۔
عام آدی پارٹی کے کنوینر اور وزیر اعلی اروند کیجریوال کے تئیں سخت غصے کا اظہار کرتے ہوئے کہاکہ جب عوام پر مصیبت کا وقت آیا تو وہ کہیں نظر نہیں آئے۔ انہوں نے کہا کہ حالات سنیچر کی رات سے خراب ہورہے تھے جب بی جے پی کے ایک لیڈر نے دھمکی دی تھی۔ انہوں نے کہاکہ دہلی کے عوام نے نفرت کو مسترد کرتے ہوئے امن کو منتخب کیا تھا لیکن تشدد کے دوران امن کے پیامبر کہیں نظر نہیں آئے اور دہلی جلتی رہی۔
انہوں نے کہا کہ عام آدمی پارٹی اور اس کے رہنما یہ کہکر ذمہ داری سے نہیں بچ سکتے کہ دہلی پولیس ان کے پاس نہیں ہے،دہلی کے ایک وزیر اعلی کی حیثیت سے یہاں کے عوام کے ساتھ کھڑا ہونا ان کی ذمہ داری ہے اوریہ ان کی ذمہ داری ہے کہ وہ پولیس کی بربریت کے خلاف آواز اٹھائیں۔انہوں نے کہاکہ مسٹر کیجریوال اور ان کے اراکین اسمبلی اگر سڑکوں پر اترتے تو پولیس اور انتظامیہ پر حالات کو کنٹرول کرنے کے کئے دباؤ پڑتا۔ انہوں نے دعوی کیا کہ اب جب کہ متعدد افراد اس تشدد کی بھینٹ چڑھ چکے ہیں، سیکڑوں زخمی ہیں۔ان سب کو بچایا جاسکتا تھا۔ انہوں نے کہاکہ اتوار کے روزسے ہی شرپسند عناصر سڑکوں پر ننگا ناچ رہے تھے اگر اس وقت حالات پر قابو کرلیا گیا ہوتا تو دہلی کی یہ حالت نہیں ہوتی۔
مظاہرین نے شاہین باغ مظاہرہ کو پرامن رکھنے کے عہد کا اعادہ کرتے ہوئے کہاکہ پورے ملک میں جاری مظاہرہ پرامن ہے اور ہر حال میں اسے پرامن رکھا جانا چاہئے کیوں کہ اس طرح کے حالات اس لئے پیدا کئے جارہے ہیں تاکہ اس کو بدنام کیا جاسکے اور حکومت اپنے مقصدمیں کامیاب ہوسکے۔ انہوں نے کہاکہ شاہین باغ خاتون مظاہرین پرامن طریقے سے اپنا مظاہرہ جاری رکھیں گی۔ تحمل اور صبر کے ساتھ اپنے مقصد کے حصول جاری رکھیں گی۔
جعفر آبادمیں خاتو ن مظاہرین نے تشدد پر ردعمل ظاہر کرتے ہوئے کہاکہ شرپسند اور فسطائی طاقتیں کچھ بھی کرلیں ہم لوگ اس وقت تک احتجاج سے پیچھے نہیں ہٹیں گے جب تک اس سیاہ قانون کو واپس نہیں لیا جاتا۔کل تشدد اور پتھراؤ پر بات کرتے ہوئے کہاکہ یہ ظلم و تشدد ہمیں اپنے عہد سے پیچھے نہیں ہٹاسکتا۔ ان میں سے کئی زخمی خاتون نے کہاکہ اپنے عزم کے تئیں اعادہ کرتے ہوئے کہاکہ ہم لوگ سڑکوں پراس قانون کوواپس لینے کے لئے بیٹھی ہیں۔ اس کی واپسی کے بغیر ہم لوگ نہیں اٹھیں گی۔ انہوں نے کہاکہ جس طرح پولیس اور فسطائی طاقتوں نے تشدد کو بڑھاوا دیا ہے وہ نہایت ہی افسوسناک اور ملک کی شبیہہ کو داغدار کرنے والا ہے۔
دریں اثنا ء دہلی کے حالات پر قابو پانے کے لئے وزیر داخلہ امت شاہ نے آج اعلی سطحی میٹنگ بلائی جس میں دہلی کے وزیر اعلی اروند کیجریوال، پولیس کمشنر امولیہ پٹائک، کانگریس کے لیڈر رسبھا ش چوپڑا اور بی جے پی کے لیڈر منوج تیواری اور رام ویر سنگھ ودھوڑی شامل تھے۔ مسٹر کیجریوال نے میٹنگ کے بعد میڈیا سے بات چیت میں مسٹر شاہ کی میٹنگ کو اچھا قدم بتاتے ہوئے کہا کہ ہر کوئی چاہتا ہے کہ دارالحکومت میں تشدد رکے۔میٹنگ میں یہ فیصلہ کیاگیا ہے کہ سبھی سیاسی پارٹیاں دہلی میں امن بحال کرنے میں تعاون کریں ۔
اس کے علاوہ جامعہ ملیہ اسلامیہ میں قومی شہریت (ترمیمی)قانون، این آر سی اور این پی آر کے خلاف طلبہ اور عام شہری احتجاج کررہے ہیں اور 24گھنٹے کا مظاہرہ جاری ہے جس میں اظہار یکجہتی کیلئے اہم لوگ آرہے ہیں۔دہلی میں تشدد کے بعد جامعہ ملیہ اسلامیہ میں مظاہرین نے سخت افسوس کااظہار کرتے ہوئے پولیس کے رویے کی مذمت کی ہے۔ اس کے علاوہ قومی شہریت (ترمیمی) قانون، این آر سی اور این پی آر کے خلاف دہلی میں ہی درجنوں جگہ پر خواتین مظاہرہ کر رہی ہیں۔ نظام الدین میں شیو مندر کے پاس خواتین کامظاہرہ جاری ہے۔ تغلق آباد میں خاتون نے مظاہرہ کرنے کی کوشش کی تھی لیکن پولیس نے طاقت کا استعمال کرتے ہوئے ان لوگوں کو وہاں سے بھگادیاتھا۔
خوریجی میں خاتون مظاہرین کا مظاہرہ جاری ہے۔ اسی کے ساتھ اس وقت دہلی میں حوض رانی، گاندھی پارک مالویہ نگر‘ سیلم پور جعفرآباد، ترکمان گیٹ،بلی ماران، لال کنواں،کھجوری، اندر لوک، شاہی عیدگاہ قریش نگر، مصطفی آباد، کردم پوری، نور الہی کالونی، شاشتری پارک،بیری والا باغ، نظام الدین،جامع مسجدسمیت دیگر جگہ پر مظاہرے ہورہے ہیں۔اس کے علاوہ چننئی میں سی اے اے کے خلاف مظاہر ہ جاری ہے۔حالانکہ حوض رانی میں بھی پولیس کی زیادتی کی خبر سامنے آئی ہے۔
راجستھان کے امروکا باغ میں قومی شہریت (ترمیمی)قانون، این آر سی اور این پی آر کے خلا ف جاری مظاہرہ23ویں دن میں داخل ہوگیا۔ اس قانون کے تئیں لوگوں میں بیداری پیدا ہورہی ہے۔ اس کے علاوہ نوجوانوں کی ٹولی ان لوگوں کو گھروں میں جاکر اس قانون کے بارے میں بیدار کر رہے ہیں۔ اسی کے ساتھ دوسری ریاستوں سے سماجی کارکنان اظہار یکجہتی کے لئے پہنچ رہے ہیں۔ کل مشہورسماجی کارکن شبنم ہاشمی سمیت متعدد لوگوں نے شرکت کرکے اظہار خیال کیا تھا۔
اس کے علاوہ راجستھان کے بھیلواڑہ کے گلن گری، کوٹہ، رام نواس باغ جے پور، جودھ پور’اودن پور اور دیگر مقامات پر،اسی طرح مدھیہ پردیش کے اندورمیں کئی جگہ مظاہرے ہور ہے ہیں۔ اندور میں کنور منڈلی میں خواتین کا زبردست مظاہرہ ہورہا ہے اور یہاں خواتین بہت ہی عزم کے ساتھ مظاہرہ کر رہی ہیں۔وہاں خواتین نے عزم کے ساتھ کہاکہ ہم اس وقت تک بیٹھیں گے جب تک حکومت اس سیاہ قانون کو واپس نہیں لیتی۔ اندور کے علاوہ مدھیہ پردیش کے بھوپال،اجین، دیواس، مندسور، کھنڈوا، جبل پور اور دیگر مقامات پر بھی خواتین کے مظاہرے ہورہے ہیں۔
اترپردیش قومی شہریت(ترمیمی) قانون، این آر سی، این پی آر کے خلاف مظاہرہ کرنے والوں کے لئے سب سے مخدوش جگہ بن کر ابھری ہے جہاں بھی خواتین مظاہرہ کرنے کی کوشش کر رہی ہیں وہاں پولیس طاقت کا استعمال کرتے ہوئے انہیں ہٹادیا جاتا ہے۔ وہاں 19دسمبر کے مظاہرہ کے دوران 22لوگوں کی ہلاکت ہوچکی ہے۔ خواتین گھنٹہ گھر میں مظاہرہ کر رہی ہیں ا ور ہزاروں کی تعداد میں خواتین نے اپنی موجودگی درج کروارہی ہیں۔ اترپردیش میں سب سے پہلے الہ آباد میں چند خواتین نے احتجاج شروع کیا تھااب ہزاروں میں ہیں۔خواتین نے روشن باغ کے منصور علی پارک میں مورچہ سنبھالا اور اپنی آواز بلند کر رہی ہیں۔ اس کے بعد کانپور کے چمن گنج میں محمد علی پارک میں خواتین مظاہرہ کررہی ہیں۔ اترپردیش کے ہی سنبھل میں پکا باغ، دیوبند عیدگاہ،سہارنپور، مبارک پور اعظم گڑھ،اسلامیہ انٹر کالج بریلی، شاہ جمال علی گڑھ، اور اترپردیش کے دیگر مقامات پر خواتین مظاہرہ کر رہی ہیں۔
شاہین باغ دہلی کے بعد سب سے زیادہ مظاہرے بہار میں ہورہے ہیں اور وہاں دلت، قبائلی سمیت ہندوؤں کی بڑی تعداد مظاہرے اور احتجاج میں شامل ہورہی ہے۔ ارریہ فاربس گنج کے دربھنگیہ ٹولہ عالم ٹولہ، جوگبنی میں خواتین مسلسل دھرنا دے رہی ہیں ایک دن کے لئے جگہ جگہ خواتین جمع ہوکر مظاہرہ کر رہی ہیں۔ اسی کے ساتھ مردوں کا مظاہرہ بھی مسلسل ہورہا ہے۔ کبیر پور بھاگلپور۔ گیا کے شانتی باغ میں گزشتہ 29دسمبر سے خواتین مظاہرہ کر رہی ہیں اس طرح یہ ملک کا تیسرا شاہین باغ ہے، دوسرا شاہین باغ خوریجی ہے۔سبزی باغ پٹنہ میں خواتین مسلسل مظاہرہ کر رہی ہیں۔ پٹنہ میں ہی ہارون نگر میں خواتین کا مظاہرہ جاری ہے۔ اس کے علاوہ بہار کھکڑیا کے مشکی پور میں، نرکٹیا گنج، مونگیر، مظفرپور، دربھنگہ، مدھوبنی میں ململ اور دیگر جگہ، ارریہ کے مولوی ٹولہ،سیوان، چھپرہ، کھگڑیا میں مشکی پور،بہار شریف، جہاں آباد،گوپال گنج، بھینساسر نالندہ، موگلاھار نوادہ، مغربی چمپارن، بیتیا، سمستی پور، تاج پور، کشن گنج کے چوڑی پٹی اور متعدد جگہ، بیگوسرائے کے لکھمنیا علاقے میں زبردست مظاہرے ہو ہے ہیں۔ بہار کے ہی ضلع سہرسہ کے سمری بختیارپورسب ڈویزن کے رانی باغ میں خواتین کا بڑا مظاہرہ ہورہا ہے۔
دہلی میں شاہین باغ،، جامعہ ملیہ اسلامیہ،آرام پارک خوریجی،حضرت نظام الدین، قریش نگر عیدگاہ، اندر لوک، نورالہی،سیلم پور فروٹ مارکیٹ، موج پوری،جامع مسجد،،ترکمان گیٹ،،ترکمان گیٹ، بلی ماران، شاشتری پارک، کردم پوری، مصطفی آباد، کھجوری، بیری والا باغ، وغیرہ،رانی باغ سمری بختیارپورضلع سہرسہ بہار،سبزی باغ پٹنہ،، ہارون نگر،پٹنہ’شانتی باغ گیا بہار، مظفرپور، ارریہ سیمانچل بہار،بیگوسرائے بہار،پکڑی برواں نوادہ بہار،مزار چوک،چوڑی پٹی کشن گنج‘ بہار،مگلا کھار‘ انصارنگر نوادہ بہار،مغربی چمپارن، مشرقی چمپارن، دربھنگہ میں تین جگہ، مدھوبنی،سیتامڑھی، سمستی پور‘ تاج پور، سیوان،گوپال گنج،کلکٹریٹ بتیا‘ہردیا چوک دیوراج، نرکٹیاگنج، رکسول، کبیر نگر بھاگلپور، رفیع گنج، مہارشٹر میں دھولیہ، ناندیڑ، ہنگولی،پرمانی، آکولہ، سلوڑ، پوسد،کونڈوا،۔پونہ،ستیہ نند ہاسپٹل، مالیگاؤں‘ جلگاؤں، نانڈیڑ، پونے، شولاپور، اور ممبئی میں مختلف مقامات، مغربی بنگال میں پارک سرکس کلکتہ‘ مٹیا برج، فیل خانہ، قاضی نذرل باغ، اسلام پور، مرشدآباد، مالدہ، شمالی دیناجپور، بیربھوم، داراجلنگ، پرولیا۔ علی پور دوار،اسلامیہ میدان الہ آبادیوپی،روشن باغ منصور علی پارک الہ آباد یوپی۔محمد علی پارک چمن گنج کانپوریوپی، گھنٹہ گھر لکھنو یوپی، البرٹ ہال رام نیواس باغ جئے پور راجستھان،کوٹہ، اودے پور، جودھپور، راجستھان،اقبال میدان بھوپال مدھیہ پردیش، جامع مسجد گراونڈ اندور،مانک باغ، امروکا،پراکی، اندور، اجین،دیواس، کھنڈوہ،مندسور، گجرات کے بڑودہ، احمد آباد، جوہاپورہ، بنگلورمیں بلال باغ، منگلور، شاہ گارڈن، میسور، پیربنگالی گرؤنڈ، یادگیر کرناٹک، آسام کے گوہاٹی، تین سکھیا۔ ڈبرو گڑھ، آمن گاؤں کامروپ۔ کریم گنج، تلنگانہ میں حیدرآباد، نظام آباد‘ عادل آباد۔ آصف آباد، شمس آباد، وقارآباد، محبوب آباد، محبوب نگر، کریم نگر، آندھرا پردیش میں وشاکھا پٹنم‘ اننت پور،سریکاکولم‘ کیرالہ میں کالی کٹ، ایرناکولم، اویڈوکی،، ہریانہ کے میوات اور یمنانگرفتح آباد،فریدآباد،جارکھنڈ کے رانچی، کڈرو،لوہر دگا، بوکارو اسٹیل سٹی، دھنباد کے واسع پور، جمشید پور وغیرہ میں بھی خواتین مظاہرہ کررہی ہیں۔
سیاست
بی جے پی کی عمران مسعود پر کرکٹ میں سیاست کرنے کے الزام میں تنقید، این سی پی-ایس پی کا ملا جلا ردعمل

نئی دہلی : کانگریس کے رکن پارلیمنٹ عمران مسعود کے اس الزام پر سیاسی تنازع کھڑا ہو گیا کہ کرکٹر محمد سراج کو نیوزی لینڈ کے خلاف پہلے ٹیسٹ میں ہندوستان کی پلیئنگ الیون سے ان کے مذہب کی وجہ سے باہر رکھا گیا تھا، بی جے پی کے کئی رہنماؤں نے ان پر کھیلوں کو فرقہ وارانہ بنانے کا الزام لگایا، جب کہ اپوزیشن رہنماؤں نے اقلیتوں کے ساتھ مبینہ امتیازی سلوک کے بارے میں اپنے خدشات کا دفاع کیا۔ میڈیا سے بات کرتے ہوئے بی جے پی کے قومی سکریٹری روہن گپتا نے مسعود کے ریمارکس پر تنقید کرتے ہوئے کہا کہ کرکٹ میں مذہب کو لانا نامناسب ہے اور یہ ہر معاملے کو خوش کرنے کی نظر سے دیکھنے کے رجحان کی عکاسی کرتا ہے۔ “اس سے زیادہ شرمناک بات اور کیا ہو سکتی ہے؟ ایک قومی سیاسی پارٹی اب کرکٹ میں مذہب کو بھی لانے کی کوشش کر رہی ہے۔ یہ ان کی ذہنیت کی عکاسی کرتا ہے۔ وہ ہر چیز کو مطمئن کرنے کی عینک سے دیکھنا چاہتے ہیں۔ کرکٹ ایک ایسا کھیل ہے جو پوری قوم کو اکٹھا کرتا ہے۔ یہاں کوئی مذہب کا مسئلہ کیسے اٹھا سکتا ہے؟ یہ وہ رویہ ہے جسے قوم نے مسترد کر دیا ہے،” گپتا نے کہا۔
بی جے پی کے ترجمان انیکیت نکم نے بھی کانگریس ایم پی کو نشانہ بنایا، ان پر زور دیا کہ وہ کسی کھلاڑی کے انتخاب کو مذہب یا ذات سے جوڑ کر سماج میں تقسیم نہ پیدا کریں۔ نکم نے کہا، “ہمارے ملک کے کھلاڑی ہمارے ترنگے کے نام پر کھیلتے ہیں۔ وہ ہمارے ملک کے نام پر کھیلتے ہیں، نہ کہ کسی برادری، مذہب یا ذات کے نام پر۔ نہ ہی ان کا انتخاب اس بنیاد پر ہوتا ہے کہ وہ کس برادری، ذات یا مذہب سے تعلق رکھتے ہیں۔ ان کا انتخاب اس بات پر ہوتا ہے کہ وہ اچھا کھیلتے ہیں یا نہیں،” نکم نے کہا۔ انہوں نے مزید کہا کہ کھیلوں پر تفریق پیدا کرنے کی کوششیں سماجی ترقی میں معاون نہیں ہوں گی اور عوام اسے قبول نہیں کریں گے۔ بی جے پی اقلیتی مورچہ ممبئی کے صدر وسیم خان نے مسعود کے بیان کو افسوس ناک قرار دیا اور ان کے الزام کی بنیاد پر سوال اٹھایا۔ انہوں نے کہا کہ کھیلوں کے اداروں میں انتخاب کا آزادانہ عمل ہوتا ہے اور کھلاڑیوں کا انتخاب ان کی کارکردگی کی بنیاد پر کیا جاتا ہے۔
خان نے کہا، “ہر ادارہ اپنے طریقے سے کھلاڑیوں کو منتخب کرنے کے لیے آزاد ہے۔ یہاں، اگر آپ کے پاس ٹیلنٹ ہے، تو آپ کے انتخاب کی ضمانت دی جاتی ہے۔” انہوں نے مسعود سے 2014 سے پہلے اور بعد میں ہندوستانی ٹیم کے لیے منتخب ہونے والے کرکٹرز کی تعداد کا موازنہ کرنے کو کہا، یہ دلیل دیتے ہوئے کہ انتخاب کے فیصلے قائم شدہ ادارہ جاتی عمل کے ذریعے لیے گئے تھے۔ بی جے پی ایم پی جگدمبیکا پال نے کہا کہ کانگریس کو مسعود کے ریمارکس پر معافی مانگنی چاہئے، یہ سوال کرتے ہوئے کہ کھیلوں میں فرقہ وارانہ زاویہ کیوں لایا جارہا ہے۔
پال نے کہا، “اگر عمران ایم پی ہیں، تو ان کی پارٹی کو اس کے لیے معافی مانگنی چاہیے۔ اسے سیاست میں حصہ لینا چاہیے، لیکن وہ اس طرح کے بیانات کے ذریعے کھیلوں میں کس قسم کی سیاست لا رہے ہیں؟ وہ کیا حاصل کرنا چاہتے ہیں؟ کھلاڑیوں کا انتخاب ایک الگ سلیکشن کمیٹی کرتی ہے،” پال نے کہا۔ تاہم، این سی پی (ایس پی) کے قومی ترجمان نسیم صدیقی نے مسعود کے خدشات کی حمایت کرتے ہوئے الزام لگایا کہ مسلمانوں کو انتظامیہ، کھیل، موسیقی اور تعلیمی اداروں سمیت مختلف شعبوں میں امتیازی سلوک کا سامنا ہے۔ صدیقی نے کہا کہ عمران مسعود جی نے جو تاثرات پیش کیے ہیں وہ بالکل درست ہیں۔ اس ملک میں خاص طور پر اقلیتوں کے ساتھ امتیازی سلوک ہو رہا ہے۔ انہوں نے الزام لگایا کہ مسلم پیشہ ور افراد اور عوامی شخصیات کو ان کی مذہبی شناخت کی وجہ سے رکاوٹوں کا سامنا کرنا پڑتا ہے، انہوں نے مزید کہا کہ مسلم نام کے حامل باصلاحیت کھلاڑی کو بھی انہیں روکنے کی کوششوں کا سامنا کرنا پڑ سکتا ہے۔
اس دوران کانگریس لیڈر راشد علوی نے کہا کہ مجھے اس بارے میں مکمل معلومات نہیں ہیں لیکن بھارتیہ جنتا پارٹی کا رویہ کسی سے ڈھکا چھپا نہیں ہے، میں بی جے پی کو مشورہ دوں گا کہ وہ کھیل کے میدان میں کسی بھی قسم کے فرقہ وارانہ زاویے کو سامنے نہ لائے۔ انہوں نے مزید کہا کہ کھلاڑیوں کی بلا لحاظ مذہب و ملت حوصلہ افزائی کی جانی چاہیے اور اس معاملے کو کسی بھی کھلاڑی کے موقف کے بجائے قومی اعزاز کے تناظر میں دیکھنا چاہیے۔ انہوں نے کہا کہ کھیلوں میں کوئی تنازعہ نہیں ہونا چاہیے، ہمارے کھلاڑی چاہے وہ کسی بھی مذہب سے تعلق رکھتے ہوں، ان کی حوصلہ افزائی کی جانی چاہیے۔ سوال ملک کی عزت کا ہے، کسی ایک کھلاڑی کی عزت کا نہیں، اس لیے اس معاملے میں کسی قسم کے فرقہ وارانہ جذبات نہیں ہونے چاہئیں۔ اس سے قبل جمعہ کو مسعود نے دعویٰ کیا تھا کہ سراج کو ان کی شناخت اور مذہب کی وجہ سے نیوزی لینڈ کے خلاف پہلے ٹیسٹ کے لیے ہندوستان کی پلیئنگ الیون میں شامل نہیں کیا گیا تھا۔ بی جے پی نے کانگریس ایم پی کے ریمارک کو ’’نفرت انگیز‘‘ قرار دیا۔
جرم
دہلی پولیس نے ملک گیر سائبر فراڈ نیٹ ورک کا پردہ فاش کر دیا، سات ملزمان گرفتار

نئی دہلی : دہلی پولیس نے پانچ ریاستوں میں سات لوگوں کو گرفتار کیا اور 67.78 لاکھ روپے کے سرمایہ کاری گھوٹالے میں ملوث پین انڈیا سائبر فراڈ نیٹ ورک کا پردہ فاش کیا، ایک اہلکار نے جمعہ کو بتایا۔ پولیس نے کہا کہ اسٹاک مارکیٹ اور آئی پی او سرمایہ کاری کے بہانے لوگوں کو دھوکہ دینے میں ملوث نیٹ ورک کے خلاف کارروائی نے ایک منظم سنڈیکیٹ کو بے نقاب کیا جو جعلی فرموں کے بینک اکاؤنٹس کو ترتیب دینے اور سپلائی کرنے میں مصروف تھا، جو دھوکہ دہی کی رقم وصول کرنے اور تیزی سے منتقل کرنے کے لیے استعمال کیے جاتے تھے۔ یہ آپریشن دہلی پولیس کے انٹیلی جنس فیوژن اینڈ اسٹریٹجک آپریشنز (آئی ایف ایس او) یونٹ نے کیا تھا کیونکہ یہ دہلی پولیس کا ایک خصوصی سائبر کرائم نافذ کرنے والا یونٹ ہے۔ گورو تیاگی، ڈپٹی کمشنر آف پولیس -آئی ، آئی ایف ایس او نے بتایا کہ آپریشن کے دوران سات موبائل فون ضبط کیے گئے۔
گرفتار ہونے والوں کی شناخت پون کمار، پریاگ راج کے رہنے والے کے طور پر کی گئی ہے۔ لکھنؤ کے رہنے والے محمد اذہان؛ کانپور کے رہائشی آرین کنوجیا؛ کانپور کے رہنے والے سانو کتھیریا عرف کارتک؛ کانپور کے رہنے والے سانو کتھیریا عرف کارتک؛ پولیس نے بتایا کہ دہلی کے رہنے والے اشبند کمار سنگھ عرف باس (45 سال) اور دہلی کے رہنے والے ہیمنت کمار شاہ عرف جتیندر۔ شکایت کنندہ، نندن سنگھ نیال، دوارکا کے رہنے والے، اپنے خاندان کے افراد کے ساتھ، “538 ایکشن پرائس لیب” اور “وکٹری پائنیئرز کیپٹل” کے ناموں سے کام کرنے والے جعلی واٹس ایپ گروپس کے ذریعے شیئرز اور آئی پی او میں سرمایہ کاری کرنے کے لیے آمادہ کیا گیا۔ جعلسازوں نے اسٹاک مارکیٹ کے ماہرین کا روپ دھارا اور من گھڑت منافع کے اسکرین شاٹس اور سرمایہ کاری کے مشورے گردش کر کے سرمایہ کاری کے حقیقی مواقع کا بھرم پیدا کیا۔
پولیس نے ایک بیان میں کہا کہ متاثرین کو بعد میں ایک دھوکہ دہی والے آن لائن پلیٹ فارم، آئیکیا ایمرجنگ ڈاٹ کام کے ذریعے سرمایہ کاری کرنے کی ہدایت کی گئی، جس میں سرمایہ کاری کے فرضی فوائد دکھائے گئے، پرکشش منافع اور آئی پی او الاٹمنٹ کا وعدہ کیا گیا۔ شکایت کنندہ اور اس کے اہل خانہ نے 22 ٹرانزیکشنز کے ذریعے مجموعی طور پر 67,78,000 روپے جعلسازوں کے ذریعہ فراہم کردہ بینک کھاتوں میں منتقل کئے۔ جب متاثرین نے اپنی سرمایہ کاری واپس لینے کی کوشش کی تو ہینڈلرز نے زیر التواء آرڈرز اور دیگر واجبات کی ادائیگی کے بہانے اضافی 1,10,75,424 روپے کا مطالبہ کیا۔ جب متاثرین نے دھوکہ دہی کا احساس کیا اور مزید ادائیگی کرنے سے انکار کر دیا تو دھوکہ بازوں نے جواب دینا بند کر دیا اور غائب ہو گئے۔ تحقیقات سے پتہ چلتا ہے کہ دھوکہ دہی کی رقم بوگس فرموں سے تعلق رکھنے والے متعدد بینک اکاؤنٹس کے ذریعے روٹ کی گئی تھی، جو ایک منظم خچر اکاؤنٹ نیٹ ورک کا حصہ بنتی تھی۔ سنڈیکیٹ نے مبینہ طور پر ہیرا پھیری یا ترتیب شدہ کے وائی سی دستاویزات کا استعمال کرتے ہوئے بینک اکاؤنٹس کو ترتیب دیا۔ پولیس نے کہا کہ تفتیش میں مزید انکشاف ہوا ہے کہ جرم کی رقم کو اے ٹی ایم اور بیئرر چیک کے ذریعے نکالا گیا یا کرپٹو کرنسی میں تبدیل کیا گیا۔
سیاست
بابا رام دیو کا آبادی کنٹرول قانون کا مطالبہ، دو سے زیادہ بچے والوں کی سرکاری سہولیات بند کرنے کی تجویز

گونڈہ : یوگا گرو بابا رام دیو نے جمعہ کے روز بھارت میں آبادی پر قابو پانے کا قانون جلد از جلد متعارف کرانے کا مطالبہ کرتے ہوئے کہا کہ دو سے زیادہ بچے پیدا کرنے والوں کو سرکاری فوائد سے محروم کر دیا جانا چاہیے۔ صحافیوں سے بات کرتے ہوئے رام دیو نے کہا، “بھارت میں آبادی پر قابو پانے کا قانون جلد از جلد متعارف کرایا جانا چاہیے۔ جن کے دو سے زیادہ بچے ہیں، ان کو تمام سرکاری فوائد سے محروم کر دینا چاہیے۔ جو بھی زیادہ بچے پیدا کرنا چاہتا ہے، اسے کم از کم اس کے نتائج پر غور کرنا چاہیے۔” ان کا مزید کہنا تھا کہ دنیا میں تقریباً 56 ممالک کو مسلم اکثریتی قوم سمجھا جاتا ہے جب کہ تقریباً 60 سے 70 ممالک میں مسلمانوں کی آبادی تیزی سے بڑھ رہی ہے۔
“دنیا میں تقریباً 56 ممالک ہیں جنہیں مسلم اکثریتی قوم سمجھا جاتا ہے، اور تقریباً 60-70 ممالک میں مسلمانوں کی آبادی تیزی سے بڑھ رہی ہے۔ تمام مسلمانوں کو ضرورت سے زیادہ آبادی پیدا کرنے سے بچنے کی ضرورت پر غور کرنا چاہیے اور اس کے بجائے ایسے بچوں کی پرورش کرنی چاہیے جو ذہین، عقلمند، خوش اخلاق، اخلاقی، خود مختار اور خود انحصار ہوں”۔ رام دیو نے یہ بھی دعویٰ کیا کہ ہندوستان میں تقریباً 99 فیصد مسلمان مذہب تبدیل کر چکے ہیں۔ انہوں نے کہا کہ ہندوستان میں تقریباً 99 فیصد مسلمان تبدیل شدہ مسلمان ہیں اور ان کے آباؤ اجداد مشترک ہیں۔ تمام مسلمانوں کو اس حقیقت پر فخر کرنا چاہیے کہ ان کے آباؤ اجداد بھی رام، کرشن، ہنومان، شیو، دیوی دیوتاؤں اور باباؤں سے جڑے ہوئے تھے۔ تمام مسلمانوں کو بھی ان کے راستے پر چلنا چاہیے۔ مذاہب مختلف ہو سکتے ہیں، لیکن ہمارے آباؤ اجداد، روایات، روایات، قدریں مختلف نہیں ہو سکتیں۔
اتر پردیش کے وزیر اعلی یوگی آدتیہ ناتھ کی والدہ ساوتری دیوی کے انتقال پر غم کا اظہار کرتے ہوئے رام دیو نے کہا کہ انہوں نے ایک ایسے نامور بیٹے کو جنم دیا جس نے سناتن دھرم اور قومی فرض کی شان کو عالمی سطح پر قائم کیا۔ انہوں نے کہا کہ ساوتری دیوی کا 91 سال کی عمر میں انتقال ہوگیا اور ان کی روح کی سلامتی اور ان کی نجات کے لیے دعا کی۔ لوک سبھا قائد حزب اختلاف راہول گاندھی کے ریمارکس پر ردعمل ظاہر کرتے ہوئے، رام دیو نے ہندوستان کی معیشت کو “مردہ معیشت” قرار دینے اور ملک کی خارجہ پالیسی پر سوال اٹھانے پر تنقید کی۔ “کبھی کبھی، وہ ہندوستان کی معیشت کو ‘مردہ معیشت’ کے طور پر بیان کرتے ہیں؛ دوسری بار، وہ ہندوستان کی خارجہ پالیسی کو کمتر کہتے ہیں،” انہوں نے کہا۔ انہوں نے الزام لگایا کہ “وہ ہندوستان کی بنیادی اقدار، صحیفوں اور الہی اوتاروں کے بارے میں بھی بے بنیاد اور جھوٹے تبصرے کرتے ہیں۔” انہوں نے کہا کہ یہ انتہائی شرمناک ہے۔ ایسے سیاسی رہنما ایسے کام کر رہے ہیں جسے صرف مذہبی، ثقافتی اور سیاسی گناہ قرار دیا جا سکتا ہے۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
جرم7 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست1 year agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
ممبئی پریس خصوصی خبر7 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
(جنرل (عام1 year agoمالیگاؤں دھماکہ کیس میں سادھوی پرگیہ ٹھاکر اور کرنل پروہت سمیت تمام 7 ملزمین بری، فیصلے کے بعد بی جے پی نے کانگریس کے خلاف کھول دیا محاذ
-
بین الاقوامی خبریں1 year agoچینی وزیر خارجہ وانگ یی 18-19 اگست 2025 کو آ رہے ہندوستان، ایس جے شنکر اور اجیت ڈوبھال سے ان مسائل پر ہوگی بات چیت
-
سیاست1 year agoملک میں سیاسی ماحول گرم ہو گیا ہے… الیکشن کمیشن کل کی پریس کانفرنس میں راہول گاندھی کے ووٹ چوری کے الزامات کا جواب دے سکتا ہے۔
