ممبئی : بھیونڈی ایسٹ سے سماج وادی پارٹی کے ایم ایل اے رئیس شیخ نے مطالبہ کیا ہے کہ یکساں سول کوڈ (یو سی سی) ایکٹ کا مسودہ تیار کرنے کے لیے جمعرات (9 تاریخ) کو وزیر اعلیٰ دیویندر فڑنویس نے قانون ساز اسمبلی میں جس کمیٹی کا اعلان کیا تھا اس میں تمام اقلیتی برادریوں کو مناسب نمائندگی نہیں دی گئی ہے اور اس کمیٹی میں مسلم برادری کو نمائندگی دی جانی چاہیے۔

اس سلسلے میں بات کرتے ہوئے ایم ایل اے رئیس شیخ نے کہا کہ مہاراشٹر میں اقلیتی برادری 20 فیصد ہے۔ اس میں چھ برادریاں شامل ہیں یعنی مسلمان، عیسائی، بدھسٹ، جین، سکھ اور پارسی۔ ان کمیونٹیز میں سب سے زیادہ تعداد صرف مسلم کمیونٹی کی ہے جو ریاست کی کل آبادی کا 11 فیصد ہے۔ وزیر اعلی دیویندر فڑنویس نے آج قانون ساز اسمبلی میں 7 رکنی کمیٹی کا اعلان کیا ہے۔ اس میں ایک بھی مسلم نمائندہ شامل نہیں کیا گیا ہے۔ یکساں سول کوڈ کا سب سے زیادہ گہرا تعلق مسلم کمیونٹی سے ہے۔ اس ضابطہ سے متعلق مسلم کمیونٹیز میں الجھن اور خوف ہے۔ اس لیے اس کمیٹی میں مسلم کمیونٹی کو نمائندگی دینے کی ضرورت ہے،ریاستی حکومت مسلم برادری یا مجموعی طور پر اقلیتی برادری کو اعتماد میں لیے بغیر یکساں سول کوڈ کو نافذ نہیں کرسکتی۔ حکومت اس قانون کے حوالے سے یکطرفہ فیصلہ نہ کرے۔ رئیس شیخ نے مطالبہ کیا کہ سابق جسٹس رنجنا دیسائی کی سربراہی میں 7 رکنی کمیٹی میں مسلم کمیونٹی کے ایک نمائندے کو شامل کرکے کمیٹی کی تشکیل نو کی جائے۔ ایم ایل اے رئیس شیخ نے بھی کہا کہ ہم اس سلسلے میں جلد ہی وزیر اعلیٰ دیویندر فڑنویس سے ملاقات کریں گے۔

ممبئی : مہاراشٹر سماجوادی پارٹی لیڈر وُرکن اسمبلی ابوعاصم اعظمی نے ایف ڈی اے کی دودھ بیوپاریوں اور طبیلے کے خلاف کارروائی اور کھلے دودھ کی فروخت پر پابندی کی مخالفت کرتے ہوئے آج اس کے خلاف ایوان اسمبلی کے باہر سیڑھیوں پر بینر پکڑ کر احتجاج کیا اور کہا کہ ایف ڈی اے کی کارروائی قابل ستائش ہے, لیکن جس طرح سے طبیلے کے دودھ کی فروخت پر پابندی عائد کر کے کھلے دودھ کی فروخت بند کرنے کا حکم جاری کیا گیا ہے, وہ ان طبیلے والوں کے ساتھ نا انصافی ہے اس سے بے روزگاری میں اضافہ ہو گیا۔ اعظمی نے اپنے ہاتھوں میں ایک بینر پکڑ رکھا جس پر تحریر تھا لاکھوں بے روزگار، ناکام سرکار، طبیلے والوں کے ساتھ ناانصافی بند ہو، اعظمی نے صحافیوں سے خطاب کرتے ہوئے کہا کہ طبیلے کے دودھ ڈیڑھ اور بند دودھ سے بہتر ہوتے ہیں۔ ہمارے گھر میں آرے کالونی سے دودھ فراہم ہوتا ہے۔ وہ ڈیری کے دودھ سے بہتر ہوتا ہے, جبکہ طبیلے سے دودھ کے لیے بھینس اور جانور کی پرورش کی جاتی ہے اور اس کا خالص دودھ فروخت کیا جاتا ہے۔ اگر کھلے دودھ پر پابندی عائد کرنی ہے تو اس سے متعلق رہنمایانہ اصول جاری کیے جائیں, اس کے ساتھ ہی اگر دودھ میں ملاؤٹ ہوتی ہے تو اس پر کارروائی ہو, لیکن اچانک طبیلے کے دودھ پر پابندی سے بیروزگاری میں اضافہ ہوگا اس پر سرکار کو غور کرنا چاہیے۔ اعظمی نے کہا کہ ملاؤٹ خوروں پر کارروائی ضروری ہے, کیونکہ سبزی سے لے کر ہر چیز میں ملاؤٹ اب عام ہے, لیکن اس کے ساتھ دودھ کے طبیلے والوں کو ۶ ماہ کا وقت فراہم کیا جائے اور انہیں رہنمایانہ اصول کے مطابق دودھ فراہمی کی اجازت دی جائے, یہ مطالبہ اعظمی نے کیا ہے۔ انہوں نے کہا کہ ایف ڈی اے کی کھلے دودھ سے متعلق بندش سے طبیلے مالکان سمیت اس سے وابستگان کے لیے روزی روٹی کا مسئلہ پیدا ہو گیا ہے۔

ایڈیشنل میونسپل کمشنر (سٹی) پراجکتا ورما لاونگارے نے ماتا رمابائی امبیڈکر میٹرنٹی ہوم اور کا اچانک معائنہ کیا۔ کل شام (7 جولائی 2026) چیمبور میں دیوالی بین مہتا (ایم اے) جنرل اسپتال کا دورہ کیا اور اسپتال کی طرف سے فراہم کردہ طبی سہولیات کا جائزہ لیا۔اسپتال مینجمنٹ انفارمیشن سسٹم (ایچ ایم آئی ایس) ٹھیک سے کام کر رہا ہے؟ کمپیوٹر پر اس کا معائنہ کیا گیا۔ اس کے علاوہ اسپتال انتظامیہ کو سسٹم کے استعمال کے حوالے سے اہم ہدایات دی گئیں۔ انہوں نے اسپتال کے احاطے میں خالی عملہ کی رہائش کی جگہ اور ملحقہ خالی پلاٹ کا معائنہ کیا۔ انہوں نے متعلقہ محکمے کو اس سلسلے میں اب تک کی گئی خط و کتابت کے بارے میں تفصیلی معلومات پیش کرنے کی بھی ہدایت کی۔ اس کے بعد ایڈیشنل میونسپل کمشنر (سٹی) نے اسپتال میں داخل مریضوں اور ایک ماہ کے اندر ہونے والی ڈیلیوری زچگی کے بارے میں تفصیلی معلومات لی۔ دیوالی بین مہتا (ایم اے) نے جنرل اسپتال میں ڈیوٹی پر موجود ڈاکٹروں اور عملے کی تعداد کے بارے میں تفصیلی جانکاری لی۔ اس کے ساتھ انہوں نے پورے اسپتال کا معائنہ کیا۔ انہوں نے متعلقہ افسران کو ہدایت کی کہ اسپتال کی مرمت اور دیکھ بھال کے کام کو فوری طور پر مکمل کیا جائے۔ ایڈیشنل میونسپل کمشنر (سٹی) نے متعلقہ میڈیکل افسران کو بھی ہدایت کی کہ علاج کے لیے داخل مریضوں کو صحت کی معیاری سہولیات فراہم کی جائیں اور انہیں بروقت ادویات فراہم کی جائیں۔ اس موقع پر ایگزیکٹیو ہیلتھ آفیسر ڈاکٹر دکشا شاہ، جوائنٹ ایگزیکٹیو ہیلتھ آفیسر ڈاکٹر سنتوش گائیکواڑ، جنرل اسپتال کے چیف میڈیکل سپرنٹنڈنٹ ڈاکٹر چندرکانت پوار اور متعلقہ افسران موجود تھے۔