ممبئی : ممبئی شہر و مضافات میں موسلادھار بارش کے سبب عام شہری نظام مفلوج ہو کر رہ گیا۔ سڑکیں تالاب میں تبدیل ہو گئی, اندھیری سب وے پانی بھر جانے کے سبب بند کر دیا گیا۔ محکمہ موسمیات نے پیشگوئی کی ہے کہ بارش کا سلسلہ ہنوز جاری رہے گا اور اس لئے ممبئی شہر میں بی ایم سی اور پولیس نے ریڈ الرٹ جاری کیا ہے۔ ممبئی کے ماٹونگا سائن، دادر، وکرولی، چمبور، سمیت دیگر علاقوں میں پانی جمع ہونے کے سبب شہریوں کو پریشانی کا سامنا کرنا پڑا, اتنا ہی نہیں چمبور میں حادثہ ٹل گیا, کیونکہ یہاں سے مکینوں کو خالی کروایا گیا۔ ممبئی میں بارش کا قہر جاری ہے, ماٹونگا اور سائن کے علاقے میں کئی علاقے زیر آب آگئے۔ اس دوران پولس نے بارش سے متاثر اسکولی بچوں کو بحفاظت باہر نکالا اور انہیں اسکول بس میں گھر روانہ کیا۔ ممبئی پولس سڑکوں پر اہلیان ممبئی اور متاثرین کی امداد میں فعال نظر آئی۔ ممبئی پولس کمشنر نے شہریوں سے اپیل کی ہے کہ بلا ضرورت گھر سے باہر نہ نکلیں۔ ممبئی میں بارش کا سلسلہ بتدریج جاری ہے, حالات سیلابی کیفیت میں تبدیل ہو گئے ہیں۔ کرلا، لائپ روڈ، شیتل تالاب ساکی ناکہ اندھیری جیسے نشیبی علاقے زیر آب ہو گئے, ٹریفک نظام بھی درہم برہم ہو گیا۔ بی ایم سی کمشنر بھوشن گگرانی نے تمام وارڈ افسران کو الرٹ رہنے کا حکم جاری کیا ہے ڈیزاسٹر مینجمنٹ کو بھی الرٹ پر رکھا گیا ہے۔ ممبئی میں شدید بارش (ریڈ الرٹ) کی وارننگ کی وجہ سے طلباء کی حفاظت کو مدنظر رکھتے ہوئے، ممبئی کے تمام اسکولوں اور کالجوں میں آج بروز پیر، 18 اگست 2025 کو دوپہر کے سیشن کے لیے چھٹی تعطیل دیدی گئی۔ میونسپل کمشنر کی تمام نظام کو اچھی طرح سے لیس رکھنے کی ہدایت دی ہے, شہریوں سے اپیل ہے کہ ضرورت پڑنے پر ہی گھروں سے باہر نکلیں بلاوجہ گھر سے باہر نہ نکلیں

کسی بھی ضرورت کی صورت میں، یہ درخواست کی جاتی ہے کہ وہ مدد اور سرکاری معلومات کے لیے برہان ممبئی میونسپل کارپوریشن کے مرکزی کنٹرول روم کے ہیلپ لائن نمبر 1916 پر رابطہ کریں۔ ممبئی بی ایم سی نے بارش کا ریکارڈ پیش کیا ہے, جس میں سرفہرست 10 مقامات ایسے ہیں جہاں آج (18 اگست 2025) صبح 8 بجے سے دوپہر 12 بجے تک (4 گھنٹے) سب سے زیادہ بارش ریکارڈ کی گئی ہے۔

(بارش ملی میٹر میں ریکارڈ کی گئی) چیمبر فائر اسٹیشن – ملی میٹر 140.80
‎رین فال پائپ لائن ورکشاپ، دادر – 139.60ملی میٹر
‎بی نادکرنی پارک میونسپل اسکول، وڈالا – 133.20 ملی میٹر ورلی سی فیس میونسپل اسکول، ورلی ملی میٹر، 133.20
‎ساوتری بائی پھولے میونسپل اسکول، ورلی ناکہ – ملی میٹر 130.40
‎آدرش نگر اسکول، ورلی – 128.80 ملی میٹر
‎فروزبیری ریزروائر، ایف ساؤتھ آفس – 118.80 ملی میٹر

‎سٹی انسٹی ٹیوٹ آف ڈیزاسٹر مینجمنٹ، پریل – ملی میٹر 116.80، ڈسٹرکٹ کلکٹر کالونی میونسپل اسکول، چیمبور – ملی میٹر 116.80 ایف ساؤتھ وارڈ آفس، پریل – ملی میٹر 113.5 بارش درج کی گئی ہے۔ بی ایم سی نے بتایا ہے کہ ۲۰ اگست تک بارش کا سلسلہ بتدریج جاری رہنے کی پیشگوئی محکمہ موسمیات نے جاری کی ہے۔ بارش کے سبب عام شہری نظام ذرائع نقل وحمل بری طرح سے متاثر رہا۔ ممبئی کی لائف لائن کہی جانے والی ٹرینیں بھی تاخیر سے چلائی گئی اور مسافروں کو گھنٹوں ٹرینوں میں انتظار کرنا پڑا۔ پٹریوں پر پانی جمع ہونے کے سبب ٹرینوں کی رفتار پر بھی یریک لگ گیا اور تینوں لائنوں پر سروسیز متاثر رہی۔

ممبئی میں گزشتہ شب سے جاری بارش ممبئی میں ۳۷ ملی مٹر مضافات شمالی میں ۳۸ ملی میٹر نارتھ شمالی مضافات میں ۲۹ ملی میٹر اور مغربی مضافات میں ۲۹ ملی میٹر بارش درج کی گئی ہے۔

‎ممبئی شہر میں موسلادھار بارش نے اپنا قہر برپا کیا ہے۔ یہاں کوہ کے دامن میں مقیم ایک ہی کنبہ کے چار افراد پہاڑی کی چٹان کھسکنے کے سبب زخمی ہو گئے اور انہیں اسپتال لیجایا گیا, جہاں زخموں کی تاب نہ لاکر باپ بیٹی چل بسے۔ تفصیلات کے مطابق گزشتہ شب تین بجے کے قریب جن کلیان سوسائٹی، ورشا نگر، وکھرولی پارک سائٹ، وکھرولی (ڈبلیو) علاقہ میں پہاڑی چٹان کھسکنے کے بعد گھر ملبہ میں تبدیل ہو گیا۔

پہاڑی علاقے سے مٹی اور چٹان کھسک کر ایک جھونپڑی پر گر گیا جس کی وجہ سے 4 زخمی افراد کو راجا واڑی اسپتال بھیج دیا گیا۔فائر بریگیڈ اور پولس عملہ نے موقع پر پہنچ کر زخموں کو راجا واڑی اسپتال میں داخل کیا ڈاکٹر نکھل اے ایم او، راجواڑی ہسپتال سے ملی تفصیل کے مطابق زخمیوں میں سے 02 کی موت ہوئی اور 02 کی حالت مستحکم ہے۔ جن میں شالو مشرا ایف/19 سال، مردہ لایا گیا،سریش مشرا ایم /50 سالہ مردہ لایا گیا۔ آرتی مشرا ایف/45 سال، ٹراماوارڈ میں داخل، رتوراج مشرا ایم /20سالہ، ٹراما وارڈ میں داخل کیا ہے, دو کی موقع پر ہی موت ہو گئی تھی، یقیہ دو کی حالت مستحکم بتائی جاتی ہے۔ اس معاملہ میں بی ایم سی پر لاپروائی کا الزام عائد کیا جارہا ہے، جبکہ بی ایم سی کا کہنا ہے کہ کوہ کے دامن میں مقیم مکینوں کو پہلے ہی نوٹس ارسال کی جاتی ہے۔

ممبئی میں موسلادھار بارش کے سبب پولس اور بی ایم سی نے الرٹ جاری کیا ہے, اس کے ساتھ ہی بی ایم سی نے ۵ گھنٹے کی شدید بارش کے سبب ریڈ الرٹ جاری کیا ہے۔ نشیبی علاقوں میں گزشتہ پانچ گھنٹے کی بارش میں کئی علاقے زیر آب ہو گئے اور کے ساتھ ہی بی ایم سی کا عملہ بارش کے دوران سرگرم اور فعال ہے پانی کی نکاسی کا عمل بھی جاری ہے۔ وہ مقامات جہاں کل 15 اگست 2025 کی رات 11 بجے سے آج 16 اگست 2025 کی صبح 5 بجے تک سب سے زیادہ بارش ریکارڈ کی گئی (5 گھنٹے
‎(بارش ملی میٹر میں ریکارڈ کی گئی)
‎شہر
‎پرتکشا نگر میونسپل اسکول، شیو144
‎ورلی سیفیس میونسپل اسکول 137
‎دادر ورکشاپ 137
‎دادر فائر ڈیپارٹمنٹ 135
‎راوالی کیمپ 135

‎مغربی مضافات
‎مارول فائر ڈیپارٹمنٹ 216
‎ناریل واڑی اسکول، سانتا کروز 213
‎چکلا میونسپل اسکول، اندھیری 207
‎مالپا ڈونگری میونسپل اسکول، اندھیری – 204
‎کے ویسٹ ڈویژن آفس – 195
‎مشرقی مضافات
‎ٹیگور نگر میونسپل اسکول، وکرولی 21
‎بلڈنگ پروپوزل آفس، وکھرولی ویسٹ 211
‎این ڈویژن آفس 20
‎رمابائی میونسپل اسکول، گھاٹ کوپر204
‎ایم سی ایم سی آر، پوائی – 200

‎شہری ضروری احتیاطی تدابیر اختیار کریں اور محفوظ رہیں یہ اپیل بی ایم سی نے کی ہے بارش کے سبب عام شہری زندگی بھی متاثر ہوئی ہے۔
‎ہندوستان کے محکمہ موسمیات نے آج (16 اگست 2025) ممبئی میٹرو پولیٹن سٹی ممبئی کے لیے ریڈ الرٹ جاری کیا ہے۔
‎اس تناظر میں میونسپل کمشنر اور ایڈمنسٹریٹر منتظم بھوشن گگرانی نے جوائنٹ کمشنر، ڈپٹی کمشنر، میونسپل کارپوریشن کے تمام انتظامی محکموں (وارڈز) کے اسسٹنٹ کمشنر کے ساتھ ساتھ تمام متعلقہ افسران کو فوری طور پر اپنے متعلقہ دفاتر میں حاضر رہنے اور رابطہ قائم کرنے کی ہدایت دی ہے۔ نیز ضرورت کے مطابق مناسب ہنگامی اقدامات کئے جائیں۔ دوسری طرف موسلادھار بارش کے سبب ممبئی پولس بھی الرٹ پر ہے ممبئی پولس نے کہا ہے کہ بلا ضرورت گھر سے باہر نکلنے سے گریز کرے۔ ممبئی میں بارش کا پانی جمع ہونے اور دہی ہانڈی کے منڈپ اور شامیانہ کے سبب وکرولی میں بسوں کا روٹ بھی تبدیل کیا گیا ہے۔ موسلادھار بارش کا اثر ممبئی کے شہریوں کی لائف لائن ٹرین خدمات پر بھی ہوا ہے۔ تینوں لائنیں پر بارش کے سبب ٹرینیں تاخیر سے چلائی گئی۔ ممبئی میں رک رک کر بارش کا سلسلہ دراز ہے۔ بارش کی وجہ سے عام شہری زندگی بھی مفلوج ہو گئی اور مسافر بے حال ہے۔