ممبئی:مانخوردزشیواجی نگر اسمبلی حلقہ میں سرکاری اراضی پر غیر قانونی طور پر جاری کرلا سکریپ، صابن اور تیل کے کارخانوں کو انتظامیہ کی جانب سے ہٹائے جانے کے بعد، اس خالی اراضی کے عوامی استعمال کا مطالبہ تیز ہو گیا ہے۔ مقامی ایم ایل ابوعاصم اعظمی نے وزیرمحصولات چندر شیکھر باونکولے کی صدارت میں منعقدہ ایک اعلیٰ سطحی میٹنگ میں اس مسئلے کو سختی سے اٹھایا۔ میٹنگ میں ایم ایل اے اعظمی نے پرزور مطالبہ کیا کہ اس خالی زمین پر جیل یا فلم انڈسٹری قائم کرنے کی حکومت کی تجویز کے بجائے مانخوردشیواجی نگر اور گوونڈی کے شہریوں کی ترقی کے لیے ایک ڈگری کالج، ایک ٹیکنیکل کالج اور ایک اسپورٹس کمپلیکس تعمیر کیا جائے۔لڑکیوں کی تعلیم اور اردو گھر پر خصوصی زور۔ علاقے کی سماجی صورتحال پر روشنی ڈالتے ہوئے ایم ایل اے نے کہا کہ ہمارے علاقے میں اقلیتی آبادی بہت زیادہ ہے، بہت سی لڑکیاں برقع پہننے کی وجہ سے اعلیٰ تعلیم کے لیے دور دراز علاقوں میں نہیں جا پاتی ہیں، اس لیے اس خالی زمین پر خواتین کا خصوصی کالج اور بچوں کے لیے ایک جدید لائبریری بنائی جانی چاہیے۔” انہوں نے اردو زبان و ادب کے فروغ کے لیے طویل عرصے سے زیر التوا ’اردو گھر‘ کی تعمیر کا بھی مطالبہ کیا۔ مہاراشٹر اسٹیٹ حج کمیٹی کے لیے مستقل دفتر کی وکالت، میٹنگ کے دوران ایک اور اہم مسئلہ کو اٹھاتے ہوئے انہوں نے کہا کہ مہاراشٹر اسٹیٹ حج کمیٹی کا فی الحال کوئی مستقل دفتر نہیں ہے اور وہ مختلف عارضی مقامات سے کام کر رہی ہے۔ چونکہ عازمین حج پورے مہاراشٹر سے ممبئی آتے ہیں اور مانخوردشیواجی نگر علاقہ ریل، سڑک، ایسٹرن فری وے اور ہائی ویز سے اچھی طرح سے جڑا ہوا ہے، اس لیے اس خالی زمین پر مہاراشٹر اسٹیٹ حج کمیٹی کا مرکزی دفتر تعمیر کیا جانا چاہیے۔ اعظمی نے واضح کیا کہ تعلیم اور کھیلوں کی سہولیات کو ترجیح دینا خطے کے نوجوانوں اور اقلیتوں کو بااختیار بنانے کے لیے بہت ضروری ہے۔ وزیر ریونیو نے ان مطالبات کو سنجیدگی سے سنا اور مثبت کارروائی کا یقین دلایا۔

ممبئی جمعرات (2 جولائی، 2026) کی سہ پہر، جب ممبئی میونسپل کارپوریشن کا سیوریج آپریشن ڈپارٹمنٹ کرلا ساکی ناکہ میں خیرانی مارگ کے ساتھ ایک مین ہول پر ’حفاظتی جال‘ لگانے کا کام جاری تگا، متعلقہ مین ہول میں گرنے سے ایک شخص کی موت ہو گئی۔ اس واقعہ کا سنجیدگی سے نوٹس لیتے ہوئے میونسپل کمشنر اشونی بھیڈے نے ‘ایل’ ڈویژن کے اسسٹنٹ کمشنردھنجی ہرلیکر اسسٹنٹ/سیکنڈری انجینئر (مینٹیننس، ایل ڈویژن) دیپک چوگولے، جونیئر انجینئر (مینٹیننس، ایل ڈویژن) ابھیجیت چوگولے، اسسٹنٹ انجینئر (سیوریج آپریشنز) اتم پاٹل کو زیر التواء تحقیقات تک معطل کرنے کی ہدایت جاری کی ۔

اس کے علاوہ کمشنر نے حفاظتی اصولوں کے حوالے سے کام میں غفلت برتنے پر متعلقہ ٹھیکیدار کو بلیک لسٹ کرنے کا حکم دیا ہے۔ اس ناخوشگوار واقعہ کی مکمل تحقیقات کرنے اور میونسپل حدودمیں ایسے واقعات کو دوبارہ رونما ہونے سے روکنے کے لیے ایڈیشنل میونسپل کمشنر (ویسٹرن سبربس) کی سربراہی میں ایک اعلیٰ سطحی انکوائری تشکیل دی گئی ہےممبئی میونسپل کارپوریشن کے ‘ایل’ ڈویژن کے علاقے میں، کرلا ساکی ناکہ میں خیرانی مارگ کے ساتھ سیوریج آپریشن ڈیپارٹمنٹ پر ‘مین ہول پروٹیکٹیو نیٹ’ لگانے کا عمل جاری تھا۔ جب یہ عمل جاری تھا تو دیکھا گیا کہ ٹھیکیدار نے حفاظت کا کوئی خیال نہیں رکھا۔ اس وقت اسلم اسحاق شیخ (عمر 55 سال) اپنے موبائل فون پر بات کرتے ہوئے سڑک پر چل رہے تھے۔ شیخ جب مین ہول کے قریب پہنچے تو مین ہول کے پاس کھڑے لوگوں نے شور مچاتے ہوئے انہیں روکنے کی کوشش کی۔ تاہم، بدقسمتی سے، شیخ اپنا توازن کھو بیٹھے اور ‘مین ہول’ میں گر گئے۔ ممبئی میونسپل کارپوریشن، ممبئی فائر ڈپارٹمنٹ اور ملازمین موقع پر پہنچے اور اسے بچانے کی پوری کوشش کی۔ تاہم، بدقسمتی سے، شخص کی جان تلف ہو گئی اس واقعہ کا سنجیدگی سے نوٹس لیتے ہوئے میونسپل کمشنر اشونی بھیڈے نے تحقیقات کا حکم دیا ہے۔ اس کے علاوہ ایل ڈپارٹمنٹ کے اسسٹنٹ کمشنر دھنجی ہرلیکر، اسسٹنٹ/سیکنڈری انجینئر مسٹر دیپک چوگولے، جونیئر انجینئر مسٹر ابھیجیت چوگولے، اسسٹنٹ انجینئر مسٹر اتم پاٹل کو انکوائری تک معطل کر دیا گیا ہے۔ کمشنر نے حفاظت میں غفلت برتنے والے متعلقہ ٹھیکیدار کو بلیک لسٹ کرنے کا بھی حکم دیا ہے۔ میئرریتو تاوڑے نے ۱۰ لاکھ روپے کی مالی امداد کا اعلان کیا ہے

ایڈیشنل میونسپل کمشنر (مغربی مضافات) کی صدارت میں ایک اعلیٰ سطحی انکوائری کمیٹی کا تقرر کیا گیا ہے تاکہ اس واقعہ کی وجہ کی مکمل تحقیقات کی جاسکے اور ممبئی میونسپل کارپوریشن کے علاقے میں اس طرح کے واقعات کو دوبارہ رونما ہونے سے روکنے کے اقدامات تجویز کئے جاسکیں۔ کمیٹی میں ڈپٹی کمشنر (جنرل ایڈمنسٹریشن)، ڈپٹی کمشنر (زون 7)، ڈپٹی کمشنر (انفراسٹرکچر) شامل ہیں۔ انکوائری کمیٹی کو سات روز میں رپورٹ پیش کرنے کا حکم دیا گیا ہے۔ اس کے ساتھ ہی حفاظتی اقدام کے طور پر ایک بار پھر ہدایات دی گئی ہیں کہ انسانوں کے داخلے کا کام کرتے ہوئے چاروں اطراف رکاوٹیں لگائی جائیں۔ اس کے علاوہ میونسپل ایریا میں سروے مین ہولز کا 100 فیصد معائنہ اگلے آٹھ دنوں میں کیا جائے۔ ان کی حفاظت کو یقینی بنایا جائے۔ تمام ایڈیشنل میونسپل کمشنرز، ساتوں زونز کے ڈپٹی کمشنرز، 26 انتظامی ڈویژنوں کے اسسٹنٹ کمشنرز کو اس سلسلے میں رپورٹ تیار کرنے کی ہدایات دی گئی ہیں۔ تاہم، مانسون سے پہلے کی تیاریوں کے ایک حصے کے طور پر، میونسپل کمشنر، ایڈیشنل میونسپل کمشنر نے مارچ 2026 سے میونسپل کارپوریشن کے افسران کی متواتر میٹنگیں کیں اور تمام محکموں کو مین ہول جال لگانے کا حکم دیا۔

ممبئی مہاراشٹر قانون سازاسمبلی میں اسوقت ہنگامہ آرائی شروع ہوگئی جب کانگریس لیڈراور آکولہ سے رکن اسمبلی ساجد خان پٹھان کو ایک مرتبہ پھر بشنوئی گینگ کی دھمکی ملی انہوں نے اس کی اطلاع ایوان اسمبلی کو دی جس دوران کانگریس لیڈر نانا پٹولے اور وجئے وڈیتوار نے رکن اسمبلی کو سیکورٹی فراہم کر نے کا مطالبہ کیا ہے اور کہا ہے کہ انتہائی حساس معاملہ ہے ایک رکن اسمبلی کو بارہا دھمکی موصول ہوئی ہے اور سرکار نے اس پر بیان بھی جاری کیا تھا اور ایوان میں ایک روز قبل ہی وزیر اعلی دیویندر فڑنویس نے بشنوئی گینگ سے متعلق اپنا موقف واضح کر تے ہوئے اس کا بندوبست کرنے کی بات کہی تھی دوسرے روز ہی رکن اسمبلی کو دھمکی موصول ہوتی ہے یہ سرکار کیلئے انتہائی تشویشاک ہے۔ اس پر قانون سازاسمبلی میں وزیر نتیش رانے نے کہا کہ کسی کو بھی بخشا نہیں جائے گا بشنوئی گینگ سے متعلق سرکار کا موقف واضح ہے موصوف رکن اسمبلی اس کی تفصیلات پولیس کو فراہم کرے ایوان میں تفصیلات فراہم کے ساتھ پولیس کو بھی اس معاملہ سے مطلع کیا جائے نتیش رانے نے کہا کہ سرکار سبھی کے تحفظ کی ضامن ہے۔

ایوان اسمبلی میں آکولہ کے رکن اسمبلی ساجد خان پٹھان نے کہا کہ وہ بشنوئی گینگ سے دھمکیوں سے نہیں ڈرتے کیونکہ موت برحق ہے اگر موت شبھم لونکر کے ہاتھوں لکھی ہے تو کوئی نہیں بچا سکتا جبکہ یہ سرکار کیلئے تشویشناک عمل ہے کیونکہ ایک روز قبل ہی وزیر اعلی دعوی کرتے ہیں اور دوسرے روز دھمکی موصول ہوتی ہے اس سے قبل بھی مجھے بشنوئی گینگ کی دھمکی ملی تو وزیر اعلی نے سیکورٹی فراہم کرنے کی یقین دہانی کروائی تھی لیکن اب تک اس معاملہ میں کسی کو گرفتار نہیں کیا گیا ہے انہوں نے کہا کہ اگر میری موت واقع ہوتی ہے تو میرے حلقہ میں ایک عظیم الشان مندر تعمیر کی جائے میں فرقہ وارانہ ہم آہنگی برقرار رکھنے میں ہمیشہ سرگرم رہتا ہوں اس لئے مجھے نشانہ بنایا جارہا ہے میں کوئی کاروباری نہیں ہوں تو مجھ سے تاوان یا ہفتہ طلب کرنے کا کیا سوال اٹھتا ہے۔اس پر اسپیکرراہل نارویکر نے ایوان میں اس معاملہ میں خصوصی توجہ دینے کی ہدایت جاری ہے۔