Uncategorized
دھولیہ رکن اسمبلی کی کاوشوں سے جونا سول اسپتال کی نئی عمارت میں ۱۰۰ بیڈ پر مشتمل اسپتال شروع , شہر یوتھ صدر شہباز شاہ کا جونا سول اسپتال کا دورہ

دھولیہ (خیال اثر)
آج مورخہ ۲۹ دسمبر بروز منگل شہر دھولیہ کے سول اسپتال کے CA مانِک سانگڑے سر کی گزارش پر ہر دھولیہ رکن اسمبلی ڈاکٹر فاروق شاہ کی ہدایت سے دھولیہ مجلس اتحادالمسلمین کے شہر یوتھ صدر شہباز شاہ کی رہنمائی میں جونا سول اسپتال کی نئی عمارت میں ۱۰۰ بیڈ پر مشتمل تعمیر ہونے والے اسپتال کے کورونا وارڈ ، ڈلیوری وارڈ ، آپریشن ٹھیٹر ، مرد اور خواتین کے لئے دوا کا وارڈ اور چھوٹے بچوں کے وارڈ کا دورہ کیا گیا جہاں اسپتال میں رکن اسمبلی ڈاکٹر فاروق شاہ کی کاوشوں سے حاصل کی گئی ایکسرے مشین و دیگر جدید مشینری کا معائنہ کیا گیا ۔ یاد رہے شہر کا جونا سول اسپتال گزشتہ کچھ برس پہلے بند کرکے نیشنل ہائی وے پر چکر برڈی نامی مقام پر منتقل کر دیا گیا تھا ۔چونکہ چکر برڈی کا یہ مقام شہر سے قریب ۵ کلو میٹر کی دوری پر واقع ہے جس کی وجہ سے شہر کی عوام کو علاج و معالجہ کے لئے آمد و رفت میں بے انتہا تکلیفوں کا سامنا کرنا پڑھتا تھا ۔ آمد و رفت میں سواری پر سیکڑوں روپیہ خرچ کرنا پڑھتا تھا جو مالی طور پر کمزور طبقات کے لئے پریشانی کا سبب تھا جس کی شکایت شہر کی عوام کی جانب سے رکن اسمبلی سے کی گئی تھی اور بند پڑے جونا سول اسپتال کو عوام کے لئے دوبارہ شروع کرنے کا مطالبہ کیا گیا تھا عوامی مطالبے پر لبیک کہتے ہوئے رکن اسمبلی ڈاکٹر فاروق شاہ نے ریاستی وزیر برائے صحت راجیش ٹوپے سے منترالیہ ممبئی میں ملاقات کرکے دھولیہ شہر کے جونا سول اسپتال میں ۲۰۰ بیڈ کا اسپتال شروع کرنے کا مطالبہ کیا تھا ۔ رکن اسمبلی ڈاکٹر فاروق شاہ صاحب کے مطالبے پر ریاستی وزیر برائے صحت راجیش ٹوپے نے شہر کے جونا سول اسپتال میں ۲۰۰ بیڈ کے اسپتال شروع کرنے کا حکم ضلع کلکٹر کو دیا تھا ۔ ریاستی وزیر برائے صحت راجیش ٹوپے کے حکم کی تعمیل کرتے ہوئے ضلع کلکٹر نے پہلے مرحلے میں ۱۰۰ بیڈ پر مشتمل اسپتال کے تعمیری کام کی شروعات کی تھی جسے مکمل کر کے آج عوام کے لئے کھول دیا گیا ۔
آج جونا سول اسپتال کے دورے کے وقت دھولیہ مجلس اتحادالمسلمین کے شہر یوتھ صدر شہباز شاہ ، ضلع یوتھ صدر وسیم اکرم انصاری ، شوسل میڈیا ضلع صدر حلیم شمس الدین انصاری ، شہر یوتھ نائب صدر سعود عالم ، خواتین یونٹ کی صدر دیپا میڈم ، فاطمہ میڈم ، رفیق شاہ ، شاہد سر ، مجلس کے سرگرم رکن محمد شعبان انصاری ، سمیر شیخ اور زبیر شیخ کے علاوہ جونا سول اسپتال کے CA ڈاکٹر مانک سانگڑے ، مہیش بڑانگے اڈیشنل CA ، اشونی بھامرے میڈم صدر اومن ہوسپٹل ، ڈاکٹر سنجے سندے ACS ، بھامرے میڈم میڈکل سپرٹنڈن ، نیمونکر میڈم موجود تھے.
Uncategorized
ممبئی چار سالہ بچہ کا اغوا اور قتل شناسا گرفتار
ممبئی : ممبئی چار سالہ بچہ کو اغوا کر قتل کر نے کے الزام میں ممبئی پولیس نے ملزم اکشے اشوک گروڈ 25 سالہ کوگرفتار کر نے کا دعوی کیا ہے۔ ممبئی کے کاندیولی پولیس اسٹیشن کی حدود میں 4 سالہ بچہ کو اس کا ہی شناسا گروڈ نے پہلے تواغوا کیا اور اس کے بعد مغوی کا قتل کر دیا۔ ا س معاملہ میں کاندیولی پولیس میں 22 مارچ کو شکایت درج کی تھی۔ بچہ کی تلاش کیلئے پولیس نے ڈی سی پی آنند بھوئیٹے کی نگرانی میں 6 ٹیمیں تشکیل دی تھیں۔ اس نے کاندیولی،بوریولی، ملا ڈ، اندھیری، سانتا کروز ویرار اور سورت شہر کے 150 سے 200 سی سی ٹی وی فوٹیج کا معائنہ کیا۔ اس میں ملزم کاسراغ ملا اور مفرور ملزم سورت میں روپوش ہے اس کی اطلاع ملی جس کے بعد پولیس ٹیم نے اسے سورت گجرات سے گرفتار کر لیا ہے۔ یہ کارروائی ممبئی پولیس کمشنر وویک پھنسلکر کی ایما پر ایڈیشنل پولیس کمشنر نارتھ ریجن ابھیشک تریمکھے، اے سی پی نیتا پاڑوی، سنیر انسپکٹر رویندر اڈانے کی سر براہی میں انجام دی گئی اور ملزم کو گرفتار کر لیا گیا ہے ممبئی پولیس نے اس معاملہ میں مزیدتفتیش شروع کر دی ہے۔
ممبئی میں چار سالہ بچہ کے اغوا کے بعد قتل کی واردات سے سنسنی پھیل گئی تھی اس کے شناسا نے ہی اس کا قتل کیا۔بچہ کو رات کو اس وقت اغوا کیا گیا تھا جب اس کے والدین آرام فرما رہے تھے اس معاملہ میں پولیس نے قتل،اغواکاکیس در ج کر کے ملزم کو گرفتار کر لیا ہے اور اس سے تفتیش کی جارہی ہے کہ آیا اس نے یہ بچہ کو اغوا کر نے کے بعد کیوں قتل کیاہے
Uncategorized
باندرہ میں پولیس نے ایک نامعلوم موٹر سائیکل کے خلاف ایف آئی آر درج کی : ورلی سی لنک ٹول پلازہ پر سپروائزر پر گاڑی چڑھا دی
ممبئی : باندرہ میں پولیس نے ایک نامعلوم موٹرسائیکل کے خلاف ایف آئی آر درج کی ہے جس میں مبینہ طور پر باندرہ-ورلی سی لنک پر ٹول پلازہ پر سپروائزر میں گاڑی چڑھا دی گئی، اسے تقریباً 200 میٹر تک گھسیٹ لیا گیا، اور موقع سے فرار ہو گیا۔ یہ واقعہ پیر کو پیش آیا، جب ڈرائیور (لائسنس پلیٹ ایم ایچ 02 جی ایچ 0896) ورلی کی طرف جا رہا تھا۔ ڈرائیور نے ٹول ادا نہ کرنے پر سپروائزر نے گاڑی روکنے کی کوشش کی لیکن ڈرائیور اسے ٹکر مار کر فرار ہوگیا۔ متاثرہ سنیل کمار کپتان سنگھ (26) کو ایمبولینس میں بھابھا اسپتال، باندرہ (مغربی) لے جایا گیا۔ ابتدائی علاج کے بعد اسے سیون اسپتال منتقل کیا گیا۔ پولیس نے موٹر وہیکل ایکٹ 1988 کے سیکشنز کے ساتھ بھارتیہ نیا سنہیتا کی دفعہ 125، 125(a) (دوسروں کی جان یا ذاتی تحفظ کو خطرے میں ڈالنے والا عمل) اور 281 (عوامی راستے پر تیز گاڑی چلانا یا سواری) کے تحت مقدمہ درج کیا ہے۔ پولیس سی سی ٹی وی فوٹیج کا جائزہ لے رہی ہے اور ملزم کا پتہ لگانے کی کوشش کر رہی ہے۔
Uncategorized
ممبئی : مراٹھی نہ بولنے پر ورسووا ڈی مارٹ کے ملازم کی پٹائی

ورسووا : ممبئی کے اندھیری ویسٹ علاقے میں ورسووا کے ڈی مارٹ اسٹور میں ایک حیران کن واقعہ سامنے آیا ہے۔ مراٹھی زبان کو لے کر گاہکوں اور اسٹور ملازمین کے درمیان جھگڑا ہوا جو بعد میں تشدد میں بدل گیا۔ یہ سارا معاملہ اس وقت شروع ہوا جب ڈی مارٹ کے ایک ملازم نے ایک گاہک کو بتایا کہ وہ مراٹھی نہیں بول سکتا اور صرف ہندی میں بات کرے گا۔ اس سے ناراض گاہک اور ملازم کے درمیان گرما گرم بحث ہوئی۔ اس واقعے کی ویڈیو سوشل میڈیا پر وائرل ہوئی اور مہاراشٹر نونرمان سینا (ایم این ایس) کے کارکنوں تک پہنچ گئی۔ ویڈیو دیکھنے کے بعد،ایم این ایس ورسووا کے صدر سندیش دیسائی نے اپنے کچھ کارکنوں کے ساتھ ڈی مارٹ اسٹور کا دورہ کیا۔ وہاں پہنچنے کے بعد انہوں نے اس ملازم کی پٹائی کی جس نے مراٹھی بولنے سے انکار کر دیا تھا۔
ایم این ایس کارکنوں نے کہا کہ مہاراشٹر میں رہنے والے لوگوں کو مراٹھی زبان کا احترام کرنا چاہئے اور اسے بولنا جاننا چاہئے۔ یہ واقعہ مقامی لوگوں میں بحث کا موضوع بن گیا ہے۔ کچھ لوگوں کا خیال ہے کہ یہ زبان کے احترام کا مسئلہ ہے، جب کہ کچھ اسے غنڈہ گردی کا معاملہ قرار دے رہے ہیں۔ تاہم اس واقعہ کے بعد بھی پولیس میں کوئی باضابطہ شکایت درج نہیں کی گئی ہے۔ اس معاملے پر ڈی مارٹ انتظامیہ کی طرف سے ابھی تک کوئی سرکاری بیان سامنے نہیں آیا ہے۔ یہ پہلا موقع نہیں ہے جب ایم این ایس کے کارکنوں نے مراٹھی زبان کو لے کر ایسی کارروائی کی ہو۔ اس سے پہلے بھی کئی بار تنظیم کے اراکین کو زبان اور علاقائی شناخت کے معاملے پر جارحانہ موقف اختیار کرتے دیکھا گیا ہے۔ اس واقعے نے ایک بار پھر مراٹھی زبان اور باہر سے مہاراشٹر آنے والے لوگوں کے درمیان تناؤ کو اجاگر کیا ہے۔
-
سیاست6 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر5 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم4 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا