Connect with us
Thursday,23-October-2025
تازہ خبریں

سیاست

گرم،دولیڈران کرسی کی خاطر عوام کو گمراہ کرنے میں مصروف

Published

on

mufti

مالیگاؤں:سابق رکن اسمبلی مفتی محمد اسماعیل قاسمی قرآن و حدیث کی روشنی میں بات کرنے والے خود اپنی ہی باتوں پر کیوں نہیں جمے رہتے ہیں؟یہ دور سوشل میڈیا کا دور ہے جلسے گاہ میں آج جو بیان بازی اور تقریر کریں گے آئندہ پانچ سال بعد سوشل میڈیا پر وائر ل ہونے میں وقت نہیں لگے لگا۔ اپوزیشن جماعت اس کام کو بہت ہی خوبصورت انداز میں شارٹ کلپ کے ذریعے وائرل کرتی ہے۔ جس طرح تیسرا محاذ سے عوام نے بھرپور تائید مفتی اسماعیل کو دی تھی کیونکہ کوئی سیاسی بدنما داغ دامن میں نہیں تھا۔تیسرا محاذ سے جیت درج کرانے کے بعد سیاسی پلیٹ فارم سے خود کی حمایت حاصل کرنےکے لیے فتویٰ جاری کیاتھا کہ این سی پی کو ووٹ دینا حرام ہے۔ ہر بات کی طرح عوام نے اس بات کو بھی تسلیم کرلیا تھا کہ این سی پی کو ووٹ دے کر حرام کام میں ملوث نہیں ہوں گے۔ لیکن اپنی چھتری میں کوّا بھی حلال والی پالیسی اپنا کر این سی پی میں شمولیت اختیار کرلی تھی۔ کیونکہ سابق ایم ایل اے کو پتہ تھا کہ میری اندھی عقیدت میں مبتلا شہر کی اکثریت میرا ہی ساتھ دیں گی۔لیکن سیاسی حربہ استعمال کرنے میں ناکام ہوگئے ، سیاسی تڑ جوڑ کا تجربہ نہ ہونے کی بناء پر کانگریس و این سی پی کا اتحاد ہونے پر رولنگ ایم ایل اے شیخ آصف کو ٹکٹ ملنا طے تھا۔ اتحاد کی بناء پر این سی پی کو بھی کانگریس کا سپورٹ کرنا پڑتا تھا ،بات کرسی کی تھی، لڑائی کرسی کی تھی اس لیے بہانہ بازی کا صحیح موقع تین طلاق کا مل گیا اور پارٹی کو نازک وقت میں چھوڑ کر علٰحیدہ ہوگئے۔ جب این سی پی میں تھے تب مجلس اتحادالمسلمین کو فرقہ پرست پارٹی کا لقب بھی دے دیا تھا، ان کے باپ دادا کی تاریخ بھی مختصر میں بیان کردی تھی ۔ مزید کہا تھا کہ میرے پاس وقت نہیں ہے ورنہ بہت لمبی کہانی ہے۔
جو اکبرالدین اویسی کو ،اسدالدین اویسی کو ،صلاح الدین اویسی کو اور عبدالواحد اویسی تک کو فرقہ پرست بول دے پھر بھی انہیں ٹکٹ دے دیا جائے، تو مجلس کوایم ایل اے بڑھانے کی خاطر باپ داداؤں کو برا بولنے والے شخص کو بھی ٹکٹ دینا درست ہے؟ایک طرف اعجاز خان نے ایک چھوٹی سی ویڈیو سوشل میڈیا پر وائرل کردی تو اسے ٹکٹ نہیں دیا گیالیکن ہزاروںکے مجمع میں مفتی محمد اسماعیل قاسمی اویسی برادران او ر ان کے باپ داداؤں کی کہانیاں منظر عام پر لانے کی کوشش بھی کریں تو انہیں ٹکٹ دے دیا جاتا ہے ۔ مجلس اتحادالمسلمین نے ٹکٹ کے معاملہ میں انصاف کیا؟کیا یہ سب حرکتیں عوام کو گمراہ کرنے کی نہیں ہیں؟عوام اس چیز کو بھی مان لیتی ہے کہ مفتی محمد اسماعیل قاسمی پہلے جمعیۃ علماء مالیگاؤں کے صدر ہیں بڑے عہدے پر فائزہیں بعد میں سیاسی شخصیت ہیں ،مجلس کو فرقہ پرستی کا خطاب دینا جمعیۃ علماء کا موقف ہے۔ جمعیۃ علماء ہند اس بات کو تسلیم کرتی ہے کہ وہ کوئی بھی فرقہ پرست پارٹی کو حمایت نہیں دیتی ہےچاہیے وہ مسلم فرقہ پرست پارٹی ہی کیوں نہ ہو اسی بنیاد پر مجلس اتحادالمسلمین کی حمایت جمعیۃ علماء نہیں کرتی ہے۔ جمعیۃ علماء مہاراشٹر کے صدر گلزار اعظمی نے چند روز قبل شیخ آصف کی حمایت میں بات کی گلزار اعظمی چاہتےہیں کہ شیخ آصف ایم ایل اے بنے،لیکن کیوں؟ مفتی محمد اسماعیل قاسمی میں سیاسی سمجھ بوجھ کم ہے؟وہ صحیح کام کرنے کی صلاحیت نہیں رکھتے ہیں؟سیاسی صلاحیت شیخ آصف میں زیادہ ہے؟ مفتی محمد اسماعیل قاسمی فرقہ پرست پارٹی سے جڑے ہیں؟پانچ سال عوام نے دیاتھا تو کیا کام کرے تھے؟عوام کو بیوقوف بنانے میں یا ٹھیکیداروں کو خوش کرنے میں مصروف تھے؟یا سیاسی دلالوں کا دائرہ وسیع کرنے کی محنت میں وقت ضائع کرتے رہے تھے؟ عوام سے کام کی بنیاد پر ووٹ مانگیں ،بیوقوف بناکر نہیں ۔حالیہ ایم ایل اے شیخ آصف اورسابق ایم ایل اے شیخ رشید کانگریس کے دور میں ۲۰؍ سال تک شہر کے خزانے پر امت کی امانت کا کتنا خیال رکھا؟ ۲۰؍ سالوں میں کتنا کام کیاجاسکتا تھا؟ کارپوریشن میں سب بڑے بڑے عہدوں پر گھر کے لوگوں کو بٹھایا گیا۔ شہر میں بنیادی سہولیات کا فقدان ہے۔ کام کے معاملہ میں بات ہی نہ کروپھر سالانہ پانچ سو کروڑ روپئےمیں سے اخراجات کہاں کہاں کئےجارہے ہیں؟کانگریس نے ریزرویشن نہیں دیا تو بھی کانگریس کا ساتھ کیوں نہیں چھوڑا؟ کانگریس سے فائد ہ ملے تو امت کو پستی میں ڈھکیل دیا جاتا ہے کیا؟کانگریس کے دور میں شہرمالیگاؤں کے بے گناہوں کو جیلوں میں ٹھونسا گیا تھا تو شیخ آصف نے بے گناہ ثابت ہونے والےمظلومین کے حق میں کانگریسیوں سے معافی کیوں نہیں منگوائی ؟جن فرقہ پرست ذہنیت کے پولس افسران نے مل کر بے گناہوں کو بلاسٹ کے معاملہ میں پھنسایا ان کو کانگریس نے ملازمت سے معطل کیوں نہیں کروایا؟ بلکہ ان کا پرومشن ہوگیا تو کیاکانگریس مسلم دشمنی میں ملوث تھی؟مسلم کانگریسی ایم ایل ایز و کارپوریٹرس کانگریسی قدآور لیڈران کی ایسی قدر کرتے ہیں جیسی قطب ،ابدال کی قدر کی جاتی ہے۔ کانگریس کے دور اقتدار میں مرکزی حکومت میں سابق وزیر رہ چکے سلمان خرشید نے کہا کہ کانگریس کے ہاتھوں پر مسلمانوں کے خون کے دھبے ہیں۔ مختار عباس نقوی نے کہا کہ سلمان خرشید نے اعتراف کیا ہے کہ کانگریس نے مسلمانوں کے ساتھ براسلوک کیا۔
مسلمانوں کے ساتھ خون کی ہولی کھیلنے والی پارٹی سے شیخ آصف نے کیوں ٹکٹ لیا؟ کانگریس سے استعفیٰ کیوں نہیں دیا؟ مالیگاؤں کے بے قصور قیدیوں کے ساتھ ناانصافی نہیں ہے کہ جس پارٹی نے انہیں دس سال بغیر کسی ظلم کے سلاخوں کے پیچھے سڑایا ہےاور ان کی جوانی کے ایام برباد کریں ہیں پھر بھی ان ظالم پارٹی سے استعفیٰ نہیں دیا؟ ملک میں بہت سی پارٹیاں ہیں لیکن کانگریس ہی کیوں؟ زیادہ بدعنوانی کرنے کا موقع دیتی ہے؟بڑے گھوٹالے کی اجازت آسانی سے ملتی ہے؟ کوئی حساب کتاب لینے والاموجود نہیں ہے؟شیخ آصف کے حامیوں کی تعداد بہت ہی کم ہے؟آزادامیدوار انتخابات کے میدان میں جیتا نہیں جاسکتا؟آپ کے حلقہ کی بغل میں دھولیہ شہر اسمبلی حلقہ ہے ،وہاں انیل اننا گوٹے، راج وردھن کدم بانڈے، ڈاکٹر مادھوری بافنا، رنجیت راجے جیسے قدآور لیڈران آزاد امیدواری کررہے ہیں اور ان چار میں سے ہی ایک ایم ایل اے بننے والاہے۔دھولیہ کی طرز پر مالیگاؤں میں انتخابات نہیں ہوسکتے ؟ ایک امیدوار نے منافرت پھیلانے والی مذہبی نعرہ بازی کی پارٹی کا دامن پکڑ لیا تو دوسرا امیدوارکو مسلمانوں کو دیمک کی طرح کھانے والی پارٹی کا سہارا لینا پڑا۔ آخر کیوں دونوں امیدوار آزاد انتخاب میں حصہ لینے پر اپنی سیاسی طاقت کا مظاہرہ نہیں کررہے ہیں؟ پارٹی فنڈکے چکر میں؟ منتخب ہونے کے بعد پانچ سال تک مزہ لینے کے لیے ؟ عوام کو کیوں نہیں بتایا جاتا ہے کہ مالیگاؤں شہر میں روزانہ پینے کا پانی مہیا کرایا جائے گا؟اقلیتی کالجس کا قیام عمل میں لایا جائے گا۔شہر میں روزگار دستیاب کرایا جائے گا۔راستوں کی مرمت کی جائے گی، آمدورفت کی سہولیات کے لیے سسٹین ایبل ڈیولپمنٹ کا طریقہ اپنایا جائے گا۔ کیا یہ دونوں سیاسی لیڈران کے مشیر چاہتے ہیں کہ پڑھی لکھی عوام انہیں سیاسی دلال کا لیبل نہ لگا دیں؟روزگار میسر ہونے کے بعد ان کی ورکری کون کرے گا؟ ان کی آفس کون ڈالے گا؟ ایک چائے کے لیے ان کی خوشامد کون کریں گا؟ ورکری کے نام پر چلر کون دے گا؟ اپنی جھوٹی شہر ت اور انا کے خاطر لاکھوں افراد کے مستقبل کے ساتھ کھلواڑ کیا جارہا ہے۔ جہاں ایم ایل اے مسلم ، میئر مسلم، اسٹینڈنگ کمیٹی کا صدر مسلم ،نائب مئیر مسلم ،ہاؤس لیڈر مسلم وہ شہر کیسا ہونا چاہیے؟ اگر عوام ان کی پراپرٹی پر نظر دالیں تو حقیقت سامنے آجائے گی عوام کی محنت کے روپئے کیسے ان کی تجوری میں جاتے ہیں اور لیڈران کیسی مستی میں ملوث ہوتے ہیں۔ مالیگاؤں شہر ملک کے مسلمانوں کے لیے باعث فخر ہیں کہ میناروں کے اس شہر میں تعلیم یافتہ افراد اپنی صلاحیتوں کا لوہا منوانے میں کامیاب ہوئے ہیں۔
ملکی سطح پر اعلیٰ مقام تک پہنچے والے افراد کی اہم ذمہ داری ہے کہ ایم ایل اے و سابق ایم ایل اے کے نئے پرانے فتنوں سے اہلیان شہر کو نجات دلانے میں اہم رول ادا کریں۔خود شہر کی ترقی کے لیے قربانی پیش کرکے سیاست میں قدم رکھیں انہیں آخری موقع دیں بعد میں دونوں سیاستداں کے لیے مثال بنے کہ مالیگاؤں شہر بھی سنگاپور بن سکتا ہے اگر شہر کاخزانہ دیانتدار اعلیٰ تعلیم یافتہ فرد کے ہاتھوں میں آجائے۔ ٹھیکہ پر کام دے کر کمیشن کھانے والوں کا کاروبار ختم ہونا چاہیے ۔ پہلے تو کام نہیں کرتے ہیں دوسری بات اگر کام کریں گے بھی تو بہت زیادہ کمیشن پر کام کرنے سے کام کی کوالیٹی اثرانداز ہوجاتی ہے۔ اس انتخاب میں عوام ان سے کہہ کہ کون سال بھر کا گوشوارہ عوام کے سامنے پیش کرنے کے لیے تیار ہیں ؟ دونوں میں سے جو بھی فرد تیار ہو اسے ووٹ دیں یا کام کی بنیاد پر ووٹ دینے کو اولیت دی جائے۔ دونوں ایک دوسرے کی مخالفت میں اسٹیج لگاکر تنقید کا نشانہ بنارہے ہیں ان سے کہو اسٹیج پر کام کی بات کریں اگر آپ کو علم ہے کہ وہ بدعنوانی میں ملوث ہے تو پولس اسٹیشن میں جاکر ان کے خلاف ایف آئی آر درج کراؤ اور ایف آئی آر کی کاپی جلسہ میں تقسیم کرو۔ اگر ایسا نہیں کرسکے تو سمجھ لو یہ دونوں مل کر عوام کو الو بنارہے ہیںاور گنگا دھر ہی شکتی مان ہے ۔اگر ان دھوکے باز کے دھوکے سے باہر نہیں نکلے گے تو پورا ملک سدھر جائے گا لیکن مالیگاؤں سدھر نہیں سکتا ہے۔

بین الاقوامی خبریں

ٹرمپ کی حمایت سے پاکستان بھارت کو معاشی نقصان پہنچانے کی تیاری کر رہا ہے! بھارت کی معیشت کو نشانہ بنانے کی تیاری، کیا منیر کا آخری اقدام ہے؟

Published

on

Trump-&-Munir

اسلام آباد / نئی دہلی : ٹماٹر کی قیمت 700 روپے فی کلو ہے، بجلی کے بل آسمان پر ہیں، گیس سلنڈر عام لوگوں کی پہنچ سے باہر ہیں، آٹا تقریباً 150 روپے فی کلو، دال تقریباً 600 روپے فی کلو ہے… یہ ہے پاکستان کی ریٹ لسٹ۔ ذرا تصور کریں کہ اگر آپ کسی دکان پر گئے اور اس طرح کی ریٹ لسٹ دیکھیں تو آپ کی کیا حالت ہوگی۔ یہی حال پاکستان کا ہے۔ یہ روزمرہ کی حقیقت ہے جس کا پاکستانیوں کو ہر روز سامنا کرنا پڑتا ہے۔ لیکن جب پاکستانی حکومت کی جیبیں خالی ہیں، تب بھی وہ بارود اگل رہی ہے۔

جب کسی ریاست کے لوگ خوراک، روزگار اور توانائی کی قلت سے نبردآزما ہوتے ہیں تو فوجی لیڈروں کی چیخ و پکار اور دھمکیاں درحقیقت گھریلو عدم اطمینان کو دبانے کا ایک نقاب ہوتا ہے۔ پاکستان کا معاشی بحران، اس کی بگڑتی ہوئی معیشت اور بلوچستان سے خیبرپختونخوا تک مسلسل دہشت گردانہ حملے اندرونی بدامنی کو جنم دے رہے ہیں اور اس بدامنی کا آسان حل بھارت سے دشمنی ہے۔ 22 اپریل کو پہلگام میں دہشت گردانہ حملہ بھی پاکستان کی اسی پالیسی کا حصہ تھا۔ اگر کسی ملک کو اندرونی انتشار کا سامنا ہے تو وہ اپنے پڑوسی پر الزام لگا کر اپنے شہریوں کی توجہ ہٹاتا ہے اور پاکستان یہی کر رہا ہے۔

ماہرین سے بات کرتے ہوئے، ریٹائرڈ بھارتی لیفٹیننٹ جنرل سنجے کلکرنی، جو بھارتی فوج میں انفنٹری کے ڈائریکٹر جنرل بھی رہ چکے ہیں، نے عاصم منیر کے جوہری خطرے اور بھارت کے خلاف ان کی زہریلی سوچ کے بارے میں خصوصی بات کی۔ انہوں نے واضح طور پر کہا کہ پاکستان ہمارا اعلانیہ دشمن ہے لیکن انہوں نے چین اور پاکستان کو دشمن بھی قرار دیا، یعنی وہ اپنے مفادات کے پیش نظر کبھی دوست اور کبھی دشمن جیسا برتاؤ کرتے ہیں۔ تاہم انہوں نے مزید کہا کہ پاکستان اپنی جغرافیائی حیثیت کی وجہ سے چین اور امریکہ دونوں کے لیے اہم ہے۔

بھارتی ماہرین کا خیال ہے کہ پاکستان اب براہ راست فوجی حملہ کرنے کے بجائے بھارت کی معیشت کو نشانہ بنانے کی تیاری کر رہا ہے۔ دی پرنٹ میں لکھتے ہوئے، سینئر جیو پولیٹیکل صحافی آر جگناتھن نے بھی نوٹ کیا کہ پاکستان ہندوستان کی معیشت کو نشانہ بنانے کا ارادہ رکھتا ہے۔ انہوں نے نوٹ کیا کہ ہندوستان کے سیکورٹی اور دفاعی محکمے مسلسل پاکستان کے اگلے حملے کا اندازہ لگانے کی کوشش کر رہے ہیں۔ چونکہ آپریشن سندور کے دوران پاکستان کی روایتی حکمت عملی ناکام ہو گئی تھی، اس لیے بڑے اقتصادی اہداف پر حملہ کرنا اب زیادہ آسان اور موثر آپشن ہو سکتا ہے۔

گجرات کی بڑی ریفائنری اور بندرگاہیں، جیسے ریلائنس ریفائنری، نیارا انرجی، اور اڈانی گروپ کی بندرگاہیں، ہندوستان کے اقتصادی بنیادی ڈھانچے کے کلیدی ستون ہیں۔ ان پر حملہ کرکے پاکستان نہ صرف انہیں نقصان پہنچانا چاہتا ہے بلکہ سرمایہ کاروں اور عوام کے اعتماد کو بھی ٹھیس پہنچاتا ہے۔ پاکستان کے فیلڈ مارشل عاصم منیر بھارت کو مسلسل دھمکیاں دے رہے ہیں۔ حال ہی میں، امریکہ میں تقریر کرتے ہوئے، انہوں نے ہندوستان کو "مرسڈیز بینز” اور پاکستان کو "بجری سے لدا بھاری ٹرک” کہا۔ انہوں نے گجرات کی بڑی صنعتوں اور بندرگاہوں کا بھی ذکر کیا، جس سے یہ اشارہ ملتا ہے کہ پاکستان اب اقتصادی حملے کی کوشش کر سکتا ہے۔ یہ گجرات پر حملہ کرنے کی کوشش کر سکتا ہے۔

بھارت نے اس خطرے کو تسلیم کرتے ہوئے سخت پیغامات جاری کیے ہیں۔ وزیر دفاع راج ناتھ سنگھ نے بھج میں کہا کہ اگر پاکستان نے سر کریک کے علاقے میں کچھ کرنے کی کوشش کی تو اسے اس قدر شدید ردعمل کا سامنا کرنا پڑے گا کہ وہ تاریخ اور جغرافیہ دونوں کو بدل سکتا ہے۔ اس کے بعد آرمی چیف جنرل اوپیندر دویدی نے راجستھان میں بیان دیا کہ آپریشن سندور جیسی مزید کوئی رعایت نہیں دی جائے گی اور پاکستان کو دہشت گردی کی حمایت بند کرنی ہوگی۔ یہ دونوں بیانات بھارت کی مکمل تیاری کی نشاندہی کرتے ہیں اور پاکستان کو اپنی سرگرمیاں بند کرنی چاہئیں۔ معاشی حملوں کا امکان بھی بڑھ جاتا ہے کیونکہ امریکہ اور چین کے بعض مفادات پاکستان کو بالواسطہ مدد فراہم کر سکتے ہیں۔ امریکہ پاکستان کو عسکری اور اقتصادی طور پر مضبوط کر رہا ہے جبکہ چین تکنیکی اور میدان جنگ کی معلومات فراہم کر رہا ہے۔ اس سے یہ واضح ہوتا ہے کہ اگر پاکستان گجرات میں کسی ریفائنری یا بندرگاہ کو نشانہ بناتا ہے تو بھارت کو اسے روکنے کے لیے اقتصادی اور فوجی دونوں طرح کی تیاریوں کو مضبوط کرنا ہو گا۔ یہ نہ صرف سرحدی تنازعہ ہوگا، بلکہ ایک اقتصادی جنگ بھی ہوگی، جو سرمایہ کاروں کے اعتماد اور ملک کے معاشی استحکام کو متاثر کرے گی۔

آپریشن سندور کے بعد پاکستان نے امریکا کے ساتھ تعلقات بہتر کرنے اور اقتصادی و عسکری تعلقات استوار کرنے میں کوئی وقت ضائع نہیں کیا اور لگتا ہے کہ امریکی صدر ڈونلڈ ٹرمپ بھی اس کے لیے تیار ہیں۔ اس سے یہ خدشہ بڑھتا ہے کہ تصادم کا اگلا دور زیادہ دور نہیں ہے۔ بھارت کو شاید ہی زیادہ دیر تک جنگ بندی برداشت کرنی پڑے گی، شاید زیادہ سے زیادہ چند ہفتے یا مہینے… اس کے بعد، ایک اور دور ناگزیر لگتا ہے۔ اگر پاکستان گجرات میں ریفائنریز اور انفراسٹرکچر کو نشانہ بناتا ہے تو امریکہ کو اس پر اعتراض نہیں ہوگا۔ اس کی کئی وجوہات ہیں۔ سنجے کلکرنی نے نوبھارت ٹائمز کو بتایا کہ امریکہ ایک بار پھر چین پر قابو پانے کے لیے پاکستان پر شرط لگا رہا ہے۔ ڈونلڈ ٹرمپ کے یقیناً معاشی مفادات ہیں۔ امریکہ پاکستان کے ذریعے ایران، چین، بھارت، روس اور افغانستان پر نظر رکھنا چاہتا ہے۔ امریکہ کئی دہائیوں سے ایسا کر رہا ہے۔ دریں اثنا، پاکستان کی ذہنیت "گھاس کھانے لیکن بم بنانے” والی رہی ہے۔ آج بھی وہ اس ذہنیت سے آزاد نہیں ہو سکا۔

آر جگناتھن دی پرنٹ میں لکھتے ہیں کہ امریکہ اور یورپ پہلے ہی یہ سمجھتے ہیں کہ بھارت روس سے سستے خام تیل کی خریداری سے فائدہ اٹھاتا ہے، اور یورپ کو فروخت ہونے والی ریفائنڈ مصنوعات سے بھی اچھی آمدنی حاصل کرتا ہے۔ اگر پاکستان نے روسی کمپنی روزنیفٹ (جو یورپی پابندیوں کے تحت ہے) کی ملکیت نیارا ریفائنری کو نشانہ بنایا تو امریکہ کو اعتراض نہیں ہوگا۔ اگر امریکہ اور یورپ نے نارڈ سٹریم پائپ لائنوں کو تباہ کرنے میں کوئی ہچکچاہٹ محسوس نہیں کی تو وہ بھارت پر ایسا کرنے کا الزام پاکستان پر ڈالنے میں کیوں ہچکچاتے ہیں؟

دوسری وجہ یہ ہے کہ گجرات نہ صرف ہندوستان کے دو امیر ترین تاجروں مکیش امبانی اور گوتم اڈانی کا گھر ہے بلکہ ملک کے دو طاقتور ترین سیاست دانوں وزیر اعظم نریندر مودی اور وزیر داخلہ امیت شاہ کا سیاسی اڈہ بھی ہے۔ ایسا لگتا ہے کہ امریکہ کا ماننا ہے کہ ان دونوں تاجروں کو کمزور کرنے سے مودی حکومت کمزور ہو سکتی ہے۔ تیسرا، ہندوستانی فضائیہ اس وقت اپنے کمزور ترین دور سے گزر رہی ہے، اور پرانے مگ طیاروں کی ریٹائرمنٹ نے سکواڈرن کی کل تعداد 31 سے کم کر دی ہے (تقریباً پاکستانی فضائیہ کے برابر)۔ پاکستان اسے حقیقی نقصان پہنچانے کے موقع کے طور پر دیکھ سکتا ہے، یہ جانتے ہوئے کہ اگر اس نے مزید چند سال انتظار کیا تو ہندوستانی فضائیہ کے پاس ایک بار پھر لڑاکا طیاروں کی کمی ہوگی۔

اس صورتحال میں ماہرین کا خیال ہے کہ بھارت کو تین قدم تیزی سے اٹھانے ہوں گے۔ سب سے پہلے، اسے اپنی معاشی طاقت کو مضبوط کرنا ہوگا۔ پرائیویٹ انٹرپرائز، سرمایہ کاری اور صنعت کو تیزی سے فروغ دینا ہوگا۔ دوسرا، اسے فوجی اور دفاعی پیداوار میں تیزی لانی چاہیے، جیسے ڈرون، میزائل، ریڈار، اور ہتھیاروں کی پیداوار میں اضافہ، اور فوج کے مجموعی کام کاج کو بہتر بنانا۔ تیسرا، اسے داخلی سلامتی اور سیاسی ہم آہنگی کو بڑھانا چاہیے تاکہ کوئی بھی اندرونی احتجاج یا معمولی حملے معیشت اور سلامتی پر اثر انداز نہ ہوں۔ اگر یہ سب کچھ بروقت کیا گیا تو پاکستان کی ہر کوشش ناکام ہو جائے گی۔

Continue Reading

بین الاقوامی خبریں

امریکی ریاست فلوریڈا میں خوفناک سڑک حادثہ… ایک بھارتی ٹرک ڈرائیور نے شراب کے نشے میں گاڑی چلاتے ہوئے تین افراد پر چڑھ دوڑا اور ہنگامہ برپا کر دیا۔

Published

on

Truck-Driver

واشنگٹن : امریکا میں غیر قانونی طور پر مقیم ایک ہندوستانی پر سڑک حادثے میں تین افراد کی ہلاکت کا الزام عائد کیا گیا ہے۔ 21 سالہ ہندوستانی شخص پر الزام ہے کہ اس نے جنوبی کیلیفورنیا میں اپنے ٹرک کو روکے بغیر ایک خوفناک حادثہ پیش کیا۔ حادثے میں تین افراد کی موت ہو گئی۔ جسن پریت سنگھ کو سان برنارڈینو کاؤنٹی فری وے پر اپنے ٹرک کو گاڑیوں میں ڈالنے کے بعد گرفتار کیا گیا تھا۔ مبینہ طور پر حادثے کے وقت وہ نشے میں تھا۔ غیر قانونی امیگریشن کے حوالے سے ڈونلڈ ٹرمپ انتظامیہ کے سخت رویے کے پیش نظر یہ واقعہ امریکا میں ایک نیا ہنگامہ کھڑا کر سکتا ہے۔ این ڈی ٹی وی کی رپورٹ کے مطابق سنگھ غیر قانونی طور پر امریکہ میں رہ رہے تھے۔ اس نے 2022 میں جنوبی امریکی سرحد کو عبور کیا اور مارچ 2022 میں کیلیفورنیا کے ایل سینٹرو سیکٹر میں بارڈر پیٹرول ایجنٹوں سے اس کا سامنا ہوا۔ بائیڈن انتظامیہ نے اسے حراستی کے متبادل پالیسی کے تحت ملک کے اندرونی علاقوں میں رہا کر دیا، جہاں غیر قانونی تارکین وطن کو زیر التواء مقدمے میں رکھا جاتا ہے۔

امریکی حکام کا کہنا ہے کہ جسن پریت سنگھ نے نشے کی حالت میں اپنا ٹرک جنوبی کیلیفورنیا میں سان برنارڈینو کاؤنٹی فری وے پر چلا دیا۔ اس کے بعد اسے سڑک حادثہ میں قتل کرنے کے الزام میں گرفتار کیا گیا ہے۔ حادثے کا ایک ویڈیو سوشل میڈیا پر وائرل ہو رہا ہے، جس سے سنگھ کے اقدامات پر سوال اٹھ رہے ہیں۔ پورا حادثہ جسن پریت سنگھ کے ٹرک میں نصب ڈیش کیم پر قید کیا گیا تھا۔ اس میں اس کے ٹرک نے کئی گاڑیوں کو کچلتے ہوئے دکھایا ہے۔ حادثے میں ہلاک ہونے والے تین افراد کی تاحال عوامی سطح پر شناخت نہیں ہو سکی ہے۔ ٹائر بدلنے والا مکینک بھی زخمی ہوگیا۔ امریکی پولیس نے کہا کہ سنگھ آگے ٹریفک جام ہونے کے باوجود بریک لگانے میں ناکام رہا کیونکہ وہ نشے میں تھا۔ امریکی محکمہ ہوم لینڈ سیکیورٹی نے کہا کہ جسن پریت سنگھ کے پاس امریکہ میں رہنے کے لیے کوئی قانونی دستاویزات نہیں ہیں۔

Continue Reading

جرم

دبئی سے ہندوستان میں ڈرگس فروشی کا ریکیٹ بے نقاب، تین عالمی ڈرگس اسمگلر ممبئی کرائم برانچ کی گرفت میں، سلیم سہیل شیخ کی حوالگی

Published

on

ARREST

ممبئی ؛ ممبئی کرائم برانچ نے دبئی سے منشیات کی فیکٹری چلانے والے سرغنہ کو دبئی سے حوالگی کے بعد گرفتار کرنے کا دعوی کیا ہے دبئی میں مفرور ملزم سلیم سہیل شیخ ایم ڈی ڈرگس کی فیکٹری چلاتا تھا. تفصیلات کے مطابق ۱۶ فروری ۲۰۲۴ کو ممبئی کرائم برانچ یونٹ 7 نے جال بچھا کر پروین بانو غلام کو سی ایس ٹی روڈ چمبور سانتا کروز کرلا ممبئی سے 641 گرام میفیڈون کے ساتھ گرفتار کیا تھا جس کی کل مالیت عالمی بازار میں ۱۲ لاکھ سے زائد بتائی جاتی ہے ملزمہ یہاں دبئی میں منشیات سازی کے فیکٹری دبئی میں براہ راست رابطے میں تھی اور یہاں سے ہی منشیات اسمگلنگ کیا کرتی تھی اس کے ساتھ ہی دبئی میں رابطہ رکھنے والا ساجد محمد آصف ۲۵ سالہ سے منشیات خریدا کرتی تھی اس کے بعد پولیس نے ساجد شیخ عرف ڈیبز کو گرفتار کیا اور میرا روڈ میں اس کے گھر پر چھاپہ مار کر 3 کلو گرام وزن ایم ڈی برآمد کیا جس کی قیمت عالمی بازار میں 3 کروڑ سے زائد بتائی جاتی ہے یہ ملزم دبئی میں منشیات کی فیکٹری چلانے والے کے رابطہ میں تھا یہ ملزم اسے ایم ڈی کے لیے خام مال کی سپلائی کیا کرتا تھا اس کے بعد یہاں دو منشیات اسمگلروں کو بھی پولس نے گرفتار کیا تھا اس معاملہ میں پولس نے 25 مارچ 2024 کو سانگلی ضلع میں چھاپہ مار کر یہاں سے میفیڈ ون ایم ڈی کی فیکٹری بے نقاب کی اور 245 کروڑ کی منشیات سازی کا سامان ضبط کیا اس کیس میں منشیات کی خریداری حوالہ آپریٹر کے معرفت کے جاتی تھی اسے بھی گرفتار کیا گیا اس میں رابطہ کار اور منشیات فروشی کا سرغنہ طاہر سلیم ڈولا عرف مصطفی محمد قبا والا کی حوالگی کو پولس نے یقینی بنایا اور اسے دبئی سے بھارت حوالگی کے معرفت لایا گیا اس معاملہ میں مفرور ملزم سلیم سہیل شیخ کے خلاف بھی ریڈ کارنر نوٹس جاری کیا گیا تھا اس کےبعد کرائم برانچ نے اس معاملہ میں کارروائی کی اور یواے ای دبئی سے اس کی حوالگی کو مکمل کیا اور اب اسے گرفتار کر لیا گیا ہے اسے عدالت میں پیش کیا گیا اور اس کا ۳۰ اکتوبر تک ریمانڈ لیا گیا ہے۔ یہ کارروائی ممبئی پولس کمشنر دیوین بھارتی کی ایما پر جوائنٹ پولس کمشنر لکمی گوتم اور ڈی سی پی ڈٹیکشن ون وشال ٹھاکر نے انجام دی ہے۔ اس معاملہ میں پولس نے اب تک ایک خاتون سمیت کل 15 ملزمین کو گرفتار کر نے کا دعوی کیا ہے اور منشیات کے گروہ کو زبردست جھٹکا دیا ہے۔

Continue Reading
Advertisement

رجحان

WP2Social Auto Publish Powered By : XYZScripts.com