ممبئی پولس نے ایک ایسے کال سینٹر کو بے نقاب کیا ہے جہاں کورئیر کمپنی سمیت دیگر کمپنیوں فرنچائز کے نام پر لوگوں کو بے وقوف بنا کر دھوکہ دیا جاتا تھا پولس کو اطلاع ملی کہ کمرہ نمبر 90، کرار ’’انٹرنیٹ ٹرانسفر ویزا پرائیویٹ لمیٹڈ‘‘، ایکسس بینک موبائل کولنک روڈ، ملاڈ (ممبئی) میں واقع کال سینٹر چلایا جارہا ہے جس میں لوگوں سے دھوکہ دہی کی جاتی ہے اس پر پولس نے ۲۵ اگست سے ۲۶ اگست تک چھاپہ مار کارروائی کو انجام دیا ۔مذکورہ کال سینٹر میں موجود افراد مختلف کوریئر اور کامرس کمپنیوں کے نام استعمال کرکے، ممبئی اور مہاراشٹر کے شہریوں سے رابطہ کرتے تھے اور انہیں ایمیزون، فلپ کارٹ، منترہ، بلیو ڈارٹ، ڈی ٹی ڈی سی، وینا مارکیٹ وغیرہ جیسی معروف کوریئر اور کامرس کمپنیوں کے ساتھ کوریئر/فرنچائز دینے کا جھانسہ دے کر ان سے پیسے وصول کرتے تھے۔

مذکورہ کارروائی کے دوران کمرہ نمبر 90 کرار پولیس اسٹیشن، ممبئی کے مقدمہ نمبر 98/26 کے تحت تعزیراتِ ہند کی متعلقہ دفعات کے ساتھ ساتھ انفارمیشن ٹیکنالوجی ایکٹ کی متعلقہ دفعات کے تحت مقدمہ درج کیا گیا ہے۔مذکورہ جرم میں ملوث کمپنی کے ڈائریکٹر سمیت 09 افراد کو گرفتار کیا گیا ہے اور انہیں ۲۸ اگست تک پولیس کسٹڈی میں رکھنے کی اجازت حاصل کی گئی ہے۔مذکورہ کارروائی کے دوران10 ہائی ڈیسک ٹاپ کمپیوٹر، 22 لیپ ٹاپ،30 موبائل فون،5 ٹی وی،100 سے زائد فراڈ کے معاہدے (ایگریمنٹ)کل مالیت24,00,000/مذکورہ جرم کی مزید تفتیش کے دوران 20 سے زائد افراد کے ساتھ فراڈ کیے جانے کا انکشاف ہوا ہے، جبکہ مزید شکایات موصول ہو رہی ہیں۔

مذکورہ کمپنی کے ذریعے جن شہریوں کے ساتھ دھوکہ باری کی گئی ہے وہ پولس سے رابطہ کر کے شکایت درج کرواسکتے ہیں ۔ مذکورہ کارروائی پولیس کمشنر،دیون بھارتی، پولیس جوائنٹ کمشنر (کرائم)، انیل کنبھارے ،ایڈیشنل پولیس کمشنر (کرائم)، کرشن کانت اپدھیائے ، ڈی سی پی ونوناتھ ڈھولےنے انجام دی ہے ۔

ممبئی لال باغ پریل میں عید میلاد النبی صلی اللہ علیہ وسلم کے جلوس سے واپسی کے دوران گزشتہ نصف شب فرقہ وارانہ تشدد کے بعد پولیس نے فساد برپا کرنے کا کیس درج کر کے پانچ افراد کو زیر حراست لیا ہے اس کی تصدیق ممبئی پولیس کے ذرائع نے کی ہے۔ ملزمین کے خلاف بی این ایس کی دفعات 189(1), 189(2),191(1),195(1),118(1),121, مہاراشٹر پولیس ایکٹ کے تحت کیس درج کر لیا ہے۔

لال باغ پریل علاقہ میں اس وقت کشیدگی پھیل گئی جب یہاں دو فرقوں میں فرقہ وارانہ تشدد پھوٹ پڑا عید میلاد النبی صلی اللہ علیہ وسلم کے جلوس سے مسلم نوجوان اپنی موٹر سائیکلیوں سے لال باغ پریل کے راستہ سے گزر رہے تھے کہ اس وقت دوسرے فرقہ کے نوجوان جمع ہوگئے اور انہوں نے موٹرسائیکل کی آواز اور رش ڈرائیونگ پر اعتراض کیا اس دوران پولیس نے بھی سختی شروع کی کئی نوجوانوں کے خلاف کارروائی بھی کی گئی اسی دوران دوسرے فرقہ کے نوجوانوں نے مسلم نوجوانوں کے موٹر سائیکل پر موجود مذہبی جھنڈے کی توہین کی اور دونوں جانب سے نعرے بازی شروع ہوگئی اکثریتی فرقہ کے نوجوانوں نے پہلے ہی علاقہ میں پہرہ لگا رکھا تھا اور پولیس کے سامنے ہی ان نوجوانوں نے جب مسلم نوجوانوں پر حملہ کر نے کی کوشش کی تو حالات مزید خراب ہوگئے اور یہ معاملہ تشدد کی شکل اختیار کر گیا پولیس نے حالات کو قابو کر نے کیلئے ہلکا لاٹھی چارج کیا فی الوقت یہاں کشیدگی برقرار ہے لیکن امن قائم ہے۔

لال باغ پریل تنازع کو لے کر سوشل میڈیا پر بھی طرح طرح کی افواہیں گشت کر رہی ہے اس کے ساتھ ہی نفرتی عناصر شرپسند اسے مذہبی رنگ دے کر حالات مزید خراب کر نے کی کوشش کر رہے ہیں اسی لئے اب ممبئی پولیس نے سوشل میڈیا پر نظر رکھنا شروع کردی ہے اس کے ساتھ ہی سینکڑوں ایسے نفرتی ویڈیو انسٹاگرام اور فیس بک سمیت سوشل میڈیاذرائع پر وائرل کئے گئے ہیں جن میں نفرتی عناصر نے ایک فرقہ مخصوص کو نشانہ بنایا ہے اس معاملہ میں بھوئیواڑہ پولیس نے فساد برپا کر نے کا کیس درج کرلیا ہے اور تقریبا 5 ملزمین کو زیر حراست بھی لیا ہے اس کے ساتھ ہی پولیس دوسرے فریق سے بھی بات کر رہی اور اس متعلق کراس ایف آئی آر درج کرنے کا امکان ہے۔ ممبئی شہر میں جس طرح سے حالات خراب کر نے کی کوشش کی جارہی ہے اس کے بعد پولیس نے یہاں الرٹ جاری کر دیا ہے۔

عید میلاد النبی کے جلوس کے دوران واپسی کے وقت مسلم نوجوانوں پر حملہ کے بعد پولیس نے تشدد اور فساد برپا کرنے کا کیس درج کر لیا ہے اور سی سی ٹی وی فوٹیج کی بھی جانچ کر رہی ہے اس کے ساتھ ہی پولیس نے امن وامان برقرار رکھنے کی درخواست کی ہے اتنا ہی نہیں الرٹ جاری کیا گیا ہے سوشل میڈیا پر بھی نظر رکھی جارہی ہے۔ یہ فساد شرپسندوں کی شرانگیزی کے سبب وقوع پذیر ہوا اب سوشل میڈیا پر بھی اشتعال انگیزی عام ہوگئی ہے جس پر پولیس کارروائی کر سکتی ہے۔

ریاستہائے متحدہ نیپال میں ڈیزاسٹر رسپانس ایڈوائزر کو تعینات کر رہا ہے اور ملک کے ضلع رسووا میں تباہ کن سیلاب سے متعدد افراد کی ہلاکت اور بڑے پیمانے پر تباہی کے بعد ہنگامی امداد میں $500,000 فراہم کر رہا ہے۔ محکمہ خارجہ نے بدھ (مقامی وقت) کو امداد کا اعلان اس وقت کیا جب اقوام متحدہ نے نیپال کی حکومت کے زیر انتظام ردعمل کی حمایت کے لیے سامان اور عملے کو متحرک کیا۔

اسٹیٹ ڈپارٹمنٹ نے کہا، “امریکہ نیپال کے راسووا ضلع میں تباہ کن سیلاب میں جانیں گنوانے والوں کے خاندانوں اور پیاروں کے ساتھ اپنی گہری تعزیت کا اظہار کرتا ہے۔” “ہمارے خیالات اس آفت سے متاثر ہونے والے تمام لوگوں کے ساتھ ہیں۔” محکمہ نے کہا کہ وہ سیلاب زدہ علاقے میں حالات کی قریب سے نگرانی کر رہا ہے۔ ڈیزاسٹر ریسپانس ایڈوائزر زمین پر امدادی کارروائیوں میں معاونت کرے گا۔ $500,000 کی امداد کیتھولک ریلیف سروسز کے ساتھ اسٹیٹ ڈپارٹمنٹ کے عالمی ایوارڈ کے ذریعے فراہم کی جائے گی۔

فنڈنگ ​​ہنگامی پناہ گاہوں اور امدادی سامان کی تقسیم میں معاونت کرے گی۔ اس سے سیلاب سے متاثرہ کمیونٹیز کو پانی، صفائی اور حفظان صحت کی مدد فراہم کرنے میں بھی مدد ملے گی۔ محکمہ نے کہا کہ کھٹمنڈو میں امریکی سفارت خانہ مقامی حکام کے ساتھ مل کر متاثرہ علاقوں میں امریکی شہریوں کی تلاش اور مدد کر رہا ہے۔ متاثرہ علاقوں میں امریکیوں کو مقامی خبروں پر نظر رکھنے اور مقامی حکام کی طرف سے جاری کردہ ہدایات پر عمل کرنے کا بھی مشورہ دیا گیا ہے۔

دریں اثنا، اقوام متحدہ کے سیکرٹری جنرل انتونیو گوٹیرس نے نیپال اور چین میں شدید سیلاب پر افسوس کا اظہار کیا، جہاں اس آفت سے لوگ ہلاک ہوئے، دیگر لاپتہ ہوئے اور بڑے پیمانے پر نقصان پہنچا۔”سیکرٹری جنرل نیپال اور چین میں آنے والے شدید سیلاب سے غمزدہ ہیں، جس نے بہت سے لوگوں کی جانیں لے لی ہیں، لوگ لاپتہ ہوئے ہیں اور بڑے پیمانے پر تباہی مچا دی ہے،” ان کے ترجمان سٹیفن ڈوجارک نے نیویارک میں جاری ایک بیان میں کہا۔

بیان میں کہا گیا ہے کہ “وہ متاثرین کے اہل خانہ سے تعزیت کرتے ہیں اور زخمیوں کی جلد صحت یابی کی خواہش کرتے ہیں۔ وہ تمام متاثرہ افراد کے ساتھ اپنی یکجہتی کا اظہار کرتے ہیں”۔اقوام متحدہ نیپال کی حکومت کی مدد کر رہا ہے کیونکہ حکام آفت کے پیمانے کا اندازہ لگاتے ہیں اور فوری امداد فراہم کرتے ہیں۔ اقوام متحدہ کی ٹیمیں اور انسانی ہمدردی کے شراکت دار سیلاب سے متاثرہ کمیونٹیز کے لیے عملے اور سامان کو متحرک کر رہے ہیں۔

امریکہ اور اقوام متحدہ کے اعلانات میں پناہ گاہ، بنیادی امدادی سامان، محفوظ پانی، صفائی اور حفظان صحت پر فوری توجہ دی گئی۔ جواب میں نقصان کی حد کا تعین کرنے اور اس بات کا تعین کرنے کے لیے جائزے بھی شامل ہیں کہ متاثرہ کمیونٹیز کو مزید کس امداد کی ضرورت ہے۔ نیپال سالانہ مون سون کے موسم کے دوران سیلاب اور لینڈ سلائیڈنگ کا بہت زیادہ خطرہ ہے۔