(جنرل (عام
مالیگاؤں میں سٹانہ روڑ سے اتی کرمن مہم کا آغاز
مالیگاؤں (وفا ناہید) کل بروز جمعہ سے شہر کی سیاسی، سماجی اور مذہبی تنظیموں کے مطالبے کے بعد مالیگاؤں کارپوریشن نیند سے بیدار ہوگئی اور ناجائز تجاوزات کے خلاف کمر کس کر میدان سنبھال لیا. مالیگاؤں کارپوریشن کا حال وہی ہے جیسے بیل گاڑی میں جوتے ہوئے بیلوں ایک لکڑی کی مدد سے بار بار ٹہوکا دیا جاتا ہے تب جاکر یہ بیل بیل آگے بڑھتے ہیں. واضح رہے کہ کارپوریشن نے اپنی اس مہم کا آغاز سٹانہ روڑ سے کیا. سٹانہ روڑ اور ایروما سنیما کے پاس کے 152 چھوٹے بڑے ناجائز قبضہ جات کو ہٹایا گیا. کارپوریشن کے اتی کرمن دستے نے مائیک کے ذریعے لوگوں سے اپیل کی کہ وہ خود اپنے ناجائز تجاوزات کو ہٹالے. کارپوریشن کے اس اعلان کو سن کر لوگوں نے نقصان سے بچنے کے لئے اپنے تجاوزات ہٹالئے. علاوہ ازیں بڑی تعداد میں کارپوریشن کے عملے نے ان تجاوزات کو زمین دوز کیا. 25 شاپنگ کمپلیکس کے اتی کرمن، پیون بلاک کو توڑا گیا. اس سے قبل میونسپل کمشنر کشور بوروڈے بے کہا تھا کہ پولس بندوبست نہ ملنے کی وجہ سے کارپوریشن اتی کرمن مہم شروع کرنے سے گریز کررہی تھی. کیونکہ ایڈیشنل ایس پی نے فیس ادا کرنے کے بعد پولس بندوبست دینے کی بات کہی تھی. مگر کل کارپوریشن نے بناء پولس بندوبست کے ناجائز تجاوزات ہٹانے کی مہم کا آغاز کردیا. سٹانہ روڑ پر ناجائز تجاوزات کے خاتمے کے بعد سڑکیں کشادہ ہوگئی ہیں. جس کی وجہ سے عوام کارپوریشن کی ممنون ومشکور دکھائی دیں. کارپوریشن کی ناجائز تجاوزات مخالف مہم میں اب تک کسی بھی سیاسی ہا سماجی تنظیم نے کسی طرح کی کوئی دخل اندازی نہیں کی. اس ضمن میں اتی کرمن محکمے کے راجو کھیرنار اب لگاتار جاری رہے گی تاکہ ان ناجائز تجاوزات کا خاتمہ ہوسکے. عوام جہاں اس اتی کرمن مہم کا خیر مقدم کررہی ہیں، وہیں ان کے دل میں ایک خدشہ بھی ہے کہ کہیں ہمیشہ کی طرح اس بار بھی یہ مہم فلاپ بہ ہوجائے. کیونکہ کارپوریشن کا عملہ تجاوزات کو ختم کرکے چلی جاتی ہے اور 5 -6 دنوں بعد یہ تجاوزات پھر اپنی جگہ پر قائم ہو جاتے ہیں. لہذا اب عوام کی جانب سے مستقل اتی کرمن دستے کی مانگ میں اضافہ ہو رہا ہے. 10 پولس نوجوانوں اور ایک پولس آفیسر کو کارپوریشن نے اپنی جانب سے اخراجات دے کر مستقل اتی کرمن مخالف دستے کے ساتھ رکھنے کی تجویز روانہ کی ہے. جب تک اتی کرمن مخالف دستہ قائم نہیں ہوگا. تب اسی طرح آتی کرمن ہوتا رہے گا. اس ضمن میں شہر کے ایم ایل اے مفتی محمد اسمٰعیل قاسمی نے بھی کمشنر کشور بوروڈے سے مل کر ناجائز تجاوزات کو ہٹانے اور بند راستوں کو کھولنے کا کہا ہے. مفتی صاحب نے کمشنر سے کہا کہ آپ 3 مہینے بعد اپنی ملازمت سے سبکدوش ہورہے ہیں. لہذا جاتے جاتے شہر کے لئے کچھ اچھا کام کر کے جائیے. تاکہ شہریان آپ کو یاد رکھے.
(جنرل (عام
راجستھان میں گیس سلنڈر میں آگ لگنے سے 21 افراد جھلس گئے، 15 زخمیوں کو جے پور ریفر کر دیا گیا

جے پور : راجستھان کے کوٹ پتلی-بہروڑ ضلع میں بانسور کے گاؤں بڈھ ملک پور (رسنالی) میں ہفتے کی صبح تعزیتی تقریب کے دوران گیس سلنڈر سے لیکیج کے باعث آگ لگ گئی، جس کے نتیجے میں کم از کم 21 افراد جھلس گئے۔ زخمیوں میں سے 15 افراد کو تشویشناک حالت میں جے پور منتقل کر دیا گیا ہے، جبکہ 6 افراد کوٹ پتلی ڈسٹرکٹ ہسپتال میں زیرِ علاج ہیں۔ یہ واقعہ صبح تقریباً 11 بجے پیش آیا جب اس گھر میں، جہاں تعزیتی تقریب جاری تھی، ایک خاتون نے چائے بنانے کے لیے گیس چولہا جلایا۔ بتایا گیا ہے کہ صحن میں رکھا ہوا گیس سلنڈر لیک ہو رہا تھا۔ جیسے ہی چولہا جلایا گیا، آگ تیزی سے پھیل گئی اور اس نے سلنڈر، خیمے اور صحن میں بچھائی گئی دریوں کو اپنی لپیٹ میں لے لیا۔
اس گھر میں تقریباً 50 مرد و خواتین جمع تھے جو بڈھ ملک پور کے رہائشی 80 سالہ جے رام کسانا کی تعزیتی تقریب میں شرکت کے لیے آئے تھے؛ جے رام کسانا کا جمعہ کے روز انتقال ہو گیا تھا۔ بھارتی کسان سنگھ کے کوٹ پتلی-بہروڑ ضلعی صدر اشوک کمار گھنگھل کے مطابق، اہل خانہ کو گیس لیک ہونے کا علم نہیں تھا۔ اچانک آگ بھڑک اٹھی جس کی زد میں آ کر تقریب میں شریک کئی افراد جھلس گئے۔ آس پاس کے دیہاتی فوری طور پر موقع پر پہنچے اور پانی ڈال کر آگ پر قابو پایا۔ زخمیوں کو ایمبولینسوں اور نجی گاڑیوں کے ذریعے ہسپتال پہنچایا گیا۔ واقعے کے بعد، بانسور کے ایس ڈی ایم (ایس ڈی ایم) نونیت کمار اور تحصیلدار صورتحال کا جائزہ لینے اور حادثے کی تفصیلات جاننے کے لیے سب ڈسٹرکٹ ہسپتال پہنچے۔
گھنگھل نے بتایا کہ زخمیوں کو ابتدائی طور پر کوٹ پتلی اور بانسور کے ہسپتالوں میں لے جایا گیا تھا۔ کوٹ پتلی لے جائے جانے والوں میں سے 12 افراد کو جے پور ریفر کر دیا گیا، جبکہ بانسور لے جائے جانے والوں میں سے 3 افراد کو بھی جے پور منتقل کیا گیا۔ بانسور سے 2 دیگر زخمیوں کو کوٹ پتلی منتقل کیا گیا۔ فی الحال، 6 زخمی افراد کوٹ پتلی ڈسٹرکٹ ہسپتال میں زیرِ علاج ہیں۔ کل 15 مریضوں کو خصوصی علاج کے لیے جے پور بھیجا گیا ہے۔ ایس ایم ایس (ایس ایم ایس) ہسپتال کے قائم مقام سپرنٹنڈنٹ ڈاکٹر راشم کٹاریا نے بتایا کہ زیادہ تر زخمیوں کے جسم کا 20 فیصد سے 40 فیصد حصہ جھلس گیا ہے، جبکہ کچھ مریضوں کے جسم کا 50 فیصد تک حصہ جل گیا ہے۔ ڈاکٹر تمام مریضوں کی حالت کا جائزہ لے رہے ہیں۔ زخمیوں کو برن آئی سی یو (برن آئی سی یو) میں داخل کر دیا گیا ہے اور ان کا علاج شروع ہو چکا ہے۔
ممبئی پریس خصوصی خبر
پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔
ممبئی پریس خصوصی خبر
کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
جرم7 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست1 year agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
ممبئی پریس خصوصی خبر7 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
(جنرل (عام1 year agoمالیگاؤں دھماکہ کیس میں سادھوی پرگیہ ٹھاکر اور کرنل پروہت سمیت تمام 7 ملزمین بری، فیصلے کے بعد بی جے پی نے کانگریس کے خلاف کھول دیا محاذ
-
بین الاقوامی خبریں1 year agoچینی وزیر خارجہ وانگ یی 18-19 اگست 2025 کو آ رہے ہندوستان، ایس جے شنکر اور اجیت ڈوبھال سے ان مسائل پر ہوگی بات چیت
-
سیاست1 year agoملک میں سیاسی ماحول گرم ہو گیا ہے… الیکشن کمیشن کل کی پریس کانفرنس میں راہول گاندھی کے ووٹ چوری کے الزامات کا جواب دے سکتا ہے۔
