(وفا ناہید)
لگن سچی ہو تو آنکھوں میں خواب ہو تو کٹھن سے کٹھن حالات سے جاسکتا ہے. تاریخ گواہ ہے کہ بڑے بڑے عہدوں پر زندگی کی سنگلاخ راہوں سے گزرنے والے ہی فائز تھے . دل میں ایک چھوٹی سی امید کی چنگاری بھی منزل مقصود پر پہنچانے میں بہت بڑا رول ادا کرتی ہے. ایسے ہی ناسازگار حالات سے لڑکر 2017 میں سول سروسیز کا امتحان پاس کرنے والے صافین حسن نے محض 22 سال کی عمر میں آئی پی ایس بننے کے لئے 570 واں رینک حاصل کیا۔ اپنے اس دیرینہ خواب کو شرمندہ تعبیر کرکے حقیقت کا روپ دینے کے لئے انہوں نے کتنی مشکلات اٹھائیں اس کا اندازہ لگانا مشکل ہی نہیں ناممکن ہے ۔ صارفین کی والدہ گھر گھر جاکر روٹیاں بنانے کا کام کرتی تھیں۔ کبھی کبھی تو حالات اس قدر سنگین ہوجاتے کہ نہ جانے کتنی راتیں انہوں نے بغیر کچھ کھائے گزار دی.
لیکن اس کے باوجود اس ننھے سپاہی نے اپنی حکمت عملی اور قلم کی مدد سے جنگ کی اور اس طرح کے مشکلات کو شکست دے کر آج عروج ثریا پر اپنا اور اپنے والدین کا نام روشن کیا. ۔ ہم آپ کو بتادیں کہ ملک کے سب سے کم عمر آئی پی ایس افسر بننے والے صافین حسن کو جام نگر میں تعینات کیا گیا ہے ۔ جہاں وہ 23 دسمبر سے پولس سپرنٹنڈنٹ کا عہدہ سنبھالیں گے ۔
صافین کا تعلق گجرات کے ضلع سورت سے ہے ۔ ان کے والدین ہیرے کی ایک یونٹ میں نوکری کرتے تھے ۔ ایک بار پرائمری اسکول میں جب
کلکٹر تشریف لائے تھے تو ، سب نے ان کا استقبال کیا تھا . کلکٹر کا اتنا احترام دیکھ کر صافین کو حیرت کا شدید جھٹکا لگا تھا ۔ صافین نے جب اپنی خالہ سے اس موضوع پر بات کی تو خالہ نے بتایا کہ کلکٹر کسی ضلع کا بادشاہ ہوتا ہے ۔ اچھی تعلیم حاصل کر کے کلکٹر بنا جاسکتا ہے ۔ تب صافین حسن نے کلکٹر بننے کا عزم مصصم کیا. صارفین
حسن کے مطابق سن 2000 میں ان کا مکان تعمیر ہورہا تھا ۔ ان کے والدین دن میں مزدوری کرتے اور رات کے وقت گھر کے لئے اینٹیں ڈھوتے تھے ۔ اسی دوران مندی کی وجہ سے والدین اپنی ملازمت سے ہاتھ دھو بیٹھے . اپنے اہل خانہ کی کفالت کے لئے ان کے والد دن میں الیکٹریشین کا کام کرتے تھے اور
رات کے وقت ٹھیلہ لگاکر ابلے ہوئے انڈے اور کالی چائے بیچتے تھے. دوسری طرف صافین حسن کی والدہ دوسرے گھروں کی روٹیاں بناکر اپنے ان نامساعد حالات میں اپنے شوہر کا ہاتھ بٹاتی تھیں پتہ نہیں کتنے گھنٹے وہ صرف روٹیاں ہی بنایا اپنے تھیں ۔ اپنے والدین کے اس جدوجہد کو دیکھ کر صافین حسن کو بہت دکھ ہوت تھا وہ ہمیشہ سوچتے تھے کہ والدین کے لئے کچھ کرنا ہے ۔ صارفین حسن کو بچپن سے ہی پڑھائی کا شوق تھا لیکن اس کے ساتھ ہی وہ دوسری سرگرمیوں میں بھی حصہ لیتے تھے ۔ صافین حسن نے اپنی پرائمری تعلیم گجراتی میڈیم کے گورنمنٹ اسکول میں حاصل کی۔ صافین حسن نے دسویں بورڈ کا امتحان %92 کے ساتھ پاس کرکے اپنے آہنی حوصلوں کو ظاہر کردیا تھا. صافین حسن کہتے ہیں کہ اس سال ان کے ضلع میں ایک پرائمری اسکول کھل رہا تھا . بقول حسن اس اسکول کی فیس بہت زیادہ تھی لیکن ان کی نصف سے زیادہ فیسں معاف کردی گئی ۔ انہوں نے 11 ویں جماعت میں انگریزی سیکھنا شروع کیا ۔ حسن اپنے ہاسٹل کے اخراجات کے لئے بچوں کو ٹیوشن تھے ۔ UPSC کی پہلی پیشی کے وقت ان کا ایکسیڈنٹ ہوگیا تھا . اس کے باوجود صارفین نے ہمت نہیں ہاری اور وہ امتحان دینے گیا ۔ بعد میں اسے اسپتال میں داخل کرایا گیا ۔ سچ ہے اگر دل میں امنگوں کا جہاں آباد ہے تو کامیابی افق ایسے افراد پہنچ سے دور نہیں رہتا-