Connect with us
Wednesday,09-July-2025
تازہ خبریں

(جنرل (عام

اسوہ رسول اللہ پر چل کر دونوں جہاں میں حاصل کی جا سکتی ہے کامیابی

Published

on

All India Muslim Festival Committee

ربیع الاول کے مہینے کو ہر سال کی طرح امسال بھی آل انڈیا مسلم تہوار کمیٹی نے پیغام انسانیت کے نام سے منسوب کیا ہے۔ پرچم کشائی کے ساتھ بارہ ربیع الاول تک ہر روز اسوہ رسول اللہ صل اللہ علیہ پر روشنی ڈالنے کے ساتھ سرور کائینات حضرت محمد مصطفی کے پیغام انسانیت کو عام کرنے کے لئے بھی پروگرام کا تسلسل کے ساتھ انعقاد کرنے کا سلسلہ شروع کیا گیا ہے۔ بھوپال کے اشوکا گارڈن سے سبز پرچم کے ساتھ جلوس نکالا گیا۔ جلوس میں بلا لحاظ قوم وملت سبھی قوموں کے لوگوں نے شرکت کی، اور سرکار دو عالم صل اللہ علیہ وسلم کی آمد کو دنیا کے تمام انسانوں کے لئے نجات کا ذریعہ قرار دیا۔

آل انڈیا مسلم تہوار کمیٹی کے صدر ڈاکٹر اوصاف شاہمیری خرم نے بتایا کہ ربیع الاول وہ مبارک مہینہ ہے جس میں نبی کریم حضرت محمد مصطفی صل اللہ علیہ وسلم کی آمد ہوئی تھی۔ ہمارے لئے یہ بات باعث فخر و سعادت ہے کہ ہم ان کے امتی ہیں، اور ان کا پیغام حق دنیا کے ہر انسان تک پہنچانا ہماری ذمہ داری ہے۔

ربیع الاول کا چاند دیکھنے کے بعد پروگرام کا سلسلہ شروع ہوجاتا ہے اور بارہ ربیع الاول تک تسلسل کے ساتھ مختلف پروگراموں کا انعقاد کیا جاتا ہے تاکہ سسکتی ہوئی انسانیت کے بیچ پیغام حق کو عام کیا جا سکے۔

وہیں مسجد ثقلینی کے منتظم نور الدین ثقلیتی نے نور ایٹین اردو سے بات کرتے ہوئے کہا کہ دونوں جہاں کی کامیابی کا راز اسوہ رسول اللہ صل اللہ علیہ وسلم میں ہے ۔آپ صرف مسلمانوں کے لئے ہادی و رہبر بناکر دنیا میں نہیں بھیجئے گئے بلکہ عالم انسانیت کے لئے آپ کی تعلیمات رہمنائے ہدایت ہے۔ ہم لوگ اسی پیغام حق کو دنیا کے گوشے گوشے میں پہنچانے کاکام کر رہے ہیں، اور ہمیں خوشی ہے کہ ہمارے مشن میں سبھی قوموں کے لوگ شامل ہوتے ہیں۔

پرچم کشائی تقریب میں شامل امبریش ترپاٹھی نے کہا کہ جب سے سیرت طیبہ کا مطالعہ کیا ہوں ان کا شیدائی ہوگیا ہے۔ دنیا آج ہیومن رائٹس کی بات کرتی ہے میں تو کہتی ہوں کہ اگر خطبہ حجۃ الوداع کو یواین او کے ذریعہ ہومن رائٹس کا چارٹر بناکر کام کیا جائے تو دنیا سے ساری تفریق ختم ہو جائے گی، اور پوری دنیا امن کا گہوارہ بن جائے گی۔

(جنرل (عام

پٹنہ سے دہلی جانے والی انڈیگو کی پرواز 6ای 5009 پرندے سے ٹکرا گئی، طیارے میں 169 مسافر سوار تھے، واقعے کے فوری بعد طیارے کو لینڈ کر دیا گیا۔

Published

on

Indigo

نئی دہلی : پٹنہ سے دہلی جانے والی انڈیگو ایئر لائن کی پرواز (6ای 5009) بدھ کی صبح ٹیک آف کے فوراً بعد ایک پرندے سے ٹکرا گئی۔ پرواز میں سوار 169 مسافروں میں خوف و ہراس پھیل گیا۔ طیارے کی جے پرکاش نارائن انٹرنیشنل ایئرپورٹ پر ہنگامی لینڈنگ کی گئی۔ پٹنہ ہوائی اڈے کے ڈائریکٹر کرشنا موہن نہرو نے کہا، ‘فلائٹ میں سوار تمام مسافر محفوظ ہیں اور جہاز ٹیک آف کے فوراً بعد پرندہ ٹکرانے کے بعد بحفاظت واپس لوٹ گیا۔’ یہ طیارہ صبح 8:42 بجے پٹنہ ایئرپورٹ سے اڑان بھرا تو ایک پرندہ اس سے ٹکرا گیا اور اسے واپس لوٹنا پڑا۔ ہندوستان ٹائمز کے مطابق طیارے کو فی الحال پٹنہ ایئرپورٹ پر روک دیا گیا ہے, جبکہ مسافروں کے لیے متبادل انتظامات کیے جا رہے ہیں۔

پٹنہ ہوائی اڈے کے قریب پھولواری شریف کے علاقے میں مذبح خانے چلتے ہیں، جو پرندوں کو اپنی طرف متوجہ کرتے ہیں۔ ایئرپورٹ اتھارٹی آف انڈیا نے کئی بار ریاستی حکومت کو ہوائی اڈے کے قریب مذبح خانوں کی موجودگی سے آگاہ کیا ہے۔ ساتھ ہی، بہار حکومت نے مرکز سے درخواست کی ہے کہ وہ مسائل کو حل کرنے کے لیے ایک کثیر الضابطہ ٹیم بھیجے۔ بہار کے چیف سکریٹری امرت لال مینا نے اس معاملے میں جون میں شہری ہوا بازی کی وزارت کے سکریٹری کو خط لکھا تھا۔

Continue Reading

سیاست

قانون کا مذاق بنا دیا… مہاراشٹر سماجوادی پارٹی کا ایم این ایس کی غنڈہ گردی اور مراٹھی مورچہ پر تبصرہ

Published

on

ممبئی مہاراشٹر میں مراٹھی ہندی تنازع پر میراروڈ میں تشدد پر مہاراشٹر سماجوادی پارٹی لیڈر اور رکن اسمبلی ابوعاصم اعظمی نے تبصرہ کرتے ہوئے کہا کہ ایم این ایس نے قانون کا مذاق بنا دیا ہے۔ اس سے قبل بھی ایم این ایس نے غنڈہ گردی کی تھی, لیکن سرکار اس پر کوئی کارروائی کرنے سے قاصر ہے۔ ایسے سرکار کو چاہئے کہ وہ تشدد برپا کرنے والوں کے خلاف سخت کارروائی کرے۔ انہوں نے کہا کہ میراروڈ میں جس بیوپاری اور تاجر کو ایم این ایس نے تشدد کا نشانہ بنایا وہ راجستھانی تھا, اسلئے اس کی حمایت میں دوسرے تاجر بھی کھڑے ہوئے, اگر یہی واقعہ کوئی رکشہ ٹیکسی ڈرائیو کے ساتھ پیش آتا تو کوئی آواز نہیں اٹھتی اور معاملہ کو دبا دیا جاتا تھا۔ انہوں نے کہا کہ ایم این ایس کی غنڈہ گردی کے خلاف تاجروں نے جو احتجاج کیا وہ ضروری تھا, لیکن اس پر ایم این ایس کا احتجاج غیر قانونی ہے۔ انہوں نے کہا کہ قانون کسی کو بھی ہاتھ میں لینے کی اجازت نہیں ہے, اس لئے میری وزیر اعلیٰ دیویندر فڑنویس سے مطالبہ ہے کہ وہ ایم این ایس کے غنڈوں پر کارروائی کرے اور قانون کی حکمرانی قائم ہو۔ انہوں نے کہا کہ مراٹھی اور ہندی کا تنازع میں تشدد ناقابل برداشت ہے, ایسے میں سرکار کو ایسے عناصر پر کارروائی کرنا چاہیے۔

Continue Reading

ممبئی پریس خصوصی خبر

سمیر وانکھیڈے کو رشوت ستانی میں راحت

Published

on

sameer-&-high-court

‎ ممبئی مرکزی نارکوٹکس بیورو این سی بی کے سابق زونل ڈائریکٹر آئی آر ایس سمیر وانکھیڈے کو بامبے ہائیکورٹ نے ایک بڑی راحت دی ہے اور کیس خارج کرنے کی درخواست کو سماعت کے لئے قبول کر لیا ہے۔ دستور ہند کے آئین کے آرٹیکل 226 کے تحت دائر درخواست میں، این سی بی کے زونل ڈائریکٹر کے طور پر وانکھیڈے کے دور میں رشوت طلبی اور سرکاری عہدے کے غلط استعمال کے الزامات پر مرکزی تفتیشی بیورو (سی بی آئی) کے ذریعہ ایف آئی آر کے اندراج کو چیلنج کیا گیا ہے۔

‎ملزم نے استدلال کیا کہ ایف آئی آر بدتمیزی اور سیاسی طور پر محرک و انتقام کا نتیجہ تھی، وانکھیڈے نے زور دے کر کہا کہ اس نے آرین خان ڈرگ کیس کی ہائی پروفائل تفتیش کے دوران قانون کے مطابق اپنی ذمہ داریاں نبھائی ہیں۔ انہوں نے اس بات پر زور دیا کہ آرین خان کے خلاف کوئی بھی غلط کام نہیں ہوا اور پھر بھی انہیں ڈیوٹی کے دوران پیشہ ورانہ اقدامات کی وجہ سے نشانہ بنایا جا رہا ہے۔

‎یہ بھی دلیل دی گئی کہ تمام طریقہ کار پر عمل کیا گیا، اور کوئی غیر قانونی مطالبہ نہیں کیا گیا۔ درخواست میں وانکھیڈے کے مثالی سروس ریکارڈ پر روشنی ڈالی گئی اور دعویٰ کیا گیا کہ انسداد بدعنوانی ایکٹ کی دفعہ 17 اے کے تحت پیشگی منظوری کے بغیر ایف آئی آر کا اندراج غیر قانونی اور غیر پائیدار تھا۔ مزید جسٹس گڈکری نے سیکشن 8 کے مافذ ہونے کے بارے میں استفسار کرتے ہوئے کہا کہ اس شق کے تحت جس شخص کو رشوت کی پیشکش کی جاتی ہے (‘شاہ رخ خان’) اسے بھی چارج شیٹ میں ملزم بنایا جا سکتا ہے۔

‎گذارشات کا نوٹس لیتے ہوئے، عدالت نے عبوری راحت دیا اور تفتیشی افسر کا بیان ریکارڈ کیا، جس نے عدالت کو یقین دلایا کہ تین ماہ کی مدت میں تفتیش مکمل کر لی جائے گی۔

Continue Reading
Advertisement

رجحان

WP2Social Auto Publish Powered By : XYZScripts.com