نئی دہلی : گینگسٹر لارنس بشنوئی کے بھائی انمول بشنوئی کو امریکہ سے لایا گیا اور دہلی کی پٹیالہ ہاؤس کورٹ میں پیش کیا گیا، جہاں عدالت نے اسے 11 دن کے لیے این آئی اے کی تحویل میں دے دیا۔ این آئی اے اب سخت پوچھ گچھ کرے گی۔ انمول بشنوئی کے خلاف اٹھارہ مقدمات درج ہیں۔ ان پر ممبئی کے ممتاز سیاستدان بابا صدیقی کے قتل کا الزام ہے۔ ان پر پنجابی گلوکار سدھو موس والا کے قتل میں بھی ملوث ہونے کا الزام ہے۔ ان پر بالی ووڈ سپر اسٹار سلمان خان کے گھر پر فائرنگ کا بھی الزام ہے۔

قبل ازیں منگل کو یو ایس ڈپارٹمنٹ آف ہوم لینڈ سیکیورٹی (ڈی ایچ ایس) نے بابا صدیقی کے اہل خانہ کو مطلع کیا تھا کہ انمول بشنوئی کو امریکہ سے ہندوستان ڈی پورٹ کر دیا گیا ہے۔ صدیقی کے اہل خانہ نے ای میل کا اسکرین شاٹ بھی جاری کیا۔ انمول بشنوئی لارنس بشنوئی کا بھائی ہے اور ایک عالمی مجرم گروہ کا حصہ ہے جو لارنس کے احمد آباد، گجرات کی سابرمتی سینٹرل جیل میں قید ہونے کے باوجود سرگرم رہتا ہے۔ لارنس بشنوئی گینگ ببر خالصہ انٹرنیشنل (بی کے آئی) سمیت خالصتان کے حامی گروپوں سے بھی گہرا تعلق رکھتا ہے اور ایجنسیوں کا خیال ہے کہ انمول بشنوئی اور گولڈی برار بھی ان گینگ کو چلاتے ہیں۔

انمول نے اپریل 2024 میں بالی ووڈ اداکار سلمان خان کے گھر کے باہر شوٹنگ کی ذمہ داری بھی قبول کی تھی، جس کے بعد ممبئی پولیس نے ان کے خلاف لک آؤٹ سرکلر جاری کیا تھا۔ تحقیقات سے پتہ چلا ہے کہ این سی پی لیڈر بابا صدیقی کے قتل میں انمول بھی ملوث تھا، کیونکہ وہ سنیپ چیٹ کے ذریعے بابا کے شوٹروں سے رابطے میں تھا۔ ‘بھانو’ کے نام سے مشہور انمول مئی 2022 میں گلوکار سدھو موس والا پر قاتلانہ حملے کا حکم دینے میں بھی ملوث تھا۔

ممبئی : ممبئی میونسپل کارپوریشن الیکشن میں پورے دم خم کے ساتھ سماجوادی پارٹی تنہا الیکشن لڑے گی یہ دعوی آج یہاں اسلام جمخانہ میں منعقدہ پریس کانفرنس میں مہاراشٹر سماجوادی پارٹی لیڈر ور کن اسمبلی ابوعاصم اعظمی نے کیا ہے. انہوں نے کہا ہے کہ گوونڈی میں حالات انتہائی خراب ہے یہاں فنڈ کی قلت ہے اور فنڈ کی فراہمی میں دشواریاں پیدا ہوگئی ہے. اگر کوئی فنڈ طلب کیا جاتا ہے تو یہ عذر پیش کیا جاتا ہے کہ فنڈ لاڈلی بہن یوجنا میں صرف ہوچکا ہے اور فنڈ میسر نہیں ہے انہوں نے کہا کہ سماجوادی پارٹی مہاراشٹر میں ضلع پریشد اور گرام پنچایت الیکشن میں بھی حصہ لے رہی ہیں, اس کے ساتھ ہی بی ایم سی الیکشن میں تقریبا 150 نشستوں پر تنہا الیکشن لڑنے کا اعلان بھی ابوعاصم اعظمی نے کیا ہے۔

ابوعاصم اعظمی نے کہا کہ 20 نومبر سے سماجوادی پارٹی اپنے امیدواروں کو اے بی فارم تقسیم کریگی اور یہ سلسلہ 5 دسمبر تک جاری رہے گا. سماجوادی پارٹی انہیں حلقوں میں اپنے امیدوار کھڑے کریگی جہاں اس کے امیدواروں طاقت کے ساتھ الیکشن میں حصہ لینے کے قابل ہوں گے. انہوں نے کہا کہ جس طرح سے سماجوادی پارٹی نے گزشتہ مرتبہ کانگریس اور مہاوکاس اگھاڑی سے سمجھوتہ کیا تھا لیکن اس کے ساتھ دھوکہ ہوا ہے, انہوں نے کہا کہ اسمبلی الیکشن میں فارم بھرنے کی تاریخ ختم ہونے تک سماجوادی پارٹی کو نشست نہیں فراہم کی گئی اور پھر دو نشست دیدی گئی اور ہم سے اس متعلق کوئی گفتگو تک نہیں کی گئی تھی۔ مہاراشٹر میں الیکشن کیلئے سماجوادی پارٹی فیصلہ لینے کیلئے آزاد ہے اس کی پوری ذمہ داری قومی صدر اکھلیش یادو نے دیدی ہے, انہوں نے یہ واضح کیا ہے کہ فرقہ پرست طاقتوں کو اقتدار سے دور رکھنے کیلئے سیکولر پارٹیوں کے ساتھ سمجھوتہ کرنے کیلئے مہاراشٹر میں وہ آزاد ہے, لیکن اس کے باوجود کانگریس جیسی بڑی پارٹی کا رویہ اپنے حلیف پارٹیوں کے ساتھ رویہ مناسب نہیں ہے اور عین الیکشن میں سمجھوتہ ختم کر دیا جاتا ہے اس لئے اب سماجوادی پارٹی نے تنہا بی ایم سی الیکشن لڑنے کا فیصلہ کیا ہے۔ انہوں نے کہا کہ مہاراشٹر میں گرام پنچایت ضلع پریشد الیکشن میں بھی سماجوادی پارٹی کے امیدوار میدان عمل میں ہے اس کے ساتھ ترقیاتی کاموں پر سماجوادی پارٹی الیکشن لڑے گی. انہوں نے کہا کہ گوونڈی میں ایک مرتبہ نائب وزیر اعلی اجیت پوار نے دورہ کیا تھا تو انہوں نے یہاں کی گلیوں کی حالت زار پر تشویش کا اظہار کیا تھا اس کے بعد ہم نے اجیت پوار سے فنڈ کا تقاضہ کیا تو انہوں نے زیادہ فنڈ کی فراہمی کا وعدہ کیا لیکن جب ہم نے ان سے بات کی تو کہا کہ فنڈ لاڈلی بہن یوجنا میں صرف ہوچکا ہے. انہوں نے کہا کہ چار برسوں سے الیکشن منعقد نہیں کیا گیا ہے اس لئے کارپوریشن سمیت دیگر اضلاع کی حالت انتہائی خراب ہے انہوں نے الزام لگایا کہ ہمارے پارٹی کے سابق اراکین کو فنڈ کی فراہمی نہیں کی جارہی ہے, لیکن اگر کوئی اجیت پوار گروپ یا شندے سینا میں شمولیت اختیار کرتا ہے وہ کارپوریٹر تھا یا نہیں کوئی فرق نہیں پڑتا اسے فوری طور پر فنڈ کی فراہمی کی جاتی ہے ایسے میں یہ تفریق ختم ہونی چاہئے اور تمام سابق کارپوریٹروں کو فنڈ کی فراہمی ہونی چاہئے کیونکہ یہ اپنے علاقوں کے مسائل سمجھتے ہیں۔

انہوں نے کہا کہ گوونڈی شیواجی نگر میں ایس ایم ایس کمپنی کے سبب عوام کی زندگیاں اجیرن ہوکر رہ گئی ہے, ہائیکورٹ نے کمپنی کو مزید مہلت دیدی ہے جس کے سبب عوام میں مایوسی ہے اس مسئلہ پر سپریم کورٹ سے رجوع کیا جائے گا۔ ابوعاصم اعظمی نے ایک مرتبہ پھر سرکار سے ایس ایم ایس کمپنی بند کرنے کا پر زور مطالبہ کیا ہے اور اس کیلئے ہر ضروری اقدامات کرنے کا بھی یقین دلایا ہے اور عوام سے گزارش کی ہے کہ وہ سماجوادی پارٹی کو مستحکم کرے۔ اس پریس کانفرنس میں سماجوادی پارٹی لیڈر ایڈوکیٹ یوسف ابراہانی، رکن اسمبلی رئیس شیخ، اور دیگر لیڈران شریک تھے۔

ممبئی : 19 نومبر کو کرلا ویسٹ میں ایل آئی جی کالونی میں مبارک کمپلیکس کے قریب ایک زبردست آگ لگ گئی، مبینہ طور پر گیس پائپ لائن پھٹنے سے لگی۔ سوشل میڈیا پر گردش کرنے والی ویڈیوز میں شعلے تیزی سے پھیلتے ہی گھنے سیاہ دھوئیں کو ہوا میں دیکھا گیا۔ منظر کے مطابق آگ ایک رہائشی عمارت کے گراؤنڈ فلور پر واقع دکان میں دیکھی گئی اور فائر فائٹنگ اہلکار موقع پر موجود آگ پر قابو پانے کی کوشش کر رہے تھے۔ جس گلی میں آگ لگی وہاں کئی رہائشی عمارتیں نظر آ رہی ہیں، جس سے رہائشیوں کے لیے حفاظتی خدشات پیدا ہو گئے ہیں۔ میڈیا کے مطابق آگ لگنے سے کوئی جانی نقصان نہیں ہوا۔