Connect with us
Thursday,10-July-2025
تازہ خبریں

(جنرل (عام

کرونا وائرس سے بچاؤ کیلئے مساجد میں صفائی و جراشیم کش دواؤں کا چھڑکاؤ

Published

on

(نامہ نگار )
کرونا وائرس کے جان لیوا خطرے کو محسوس کرتے ہوئے مقامی رکن اسمبلی آکاش دادا فونڈکر کی رہنمائی میں کھام گاؤں نگر پریشد کے چیف آفسر بوریکر بذات خود خصوصی دلچسپی لیکر کرونا وائرس سے بچنے کیلئے مختلف حفاظتی اقدامات اٹھا رہے ہے۔ جس میں انہیں صدر بلدیہ انیتا تائی ڈورے، نائب صدر بلدیہ سنجے منا پروار، اور انکے ساتھی اراکین بلدیہ کا بھی بھر پور تعاون مل رہا ہے۔ چیف آفسر نے شہر کا دورہ کرکے صاف صفائی کا جائزہ لیا۔ کرونا وائرس کے خطرے کے پیش نظر ملازمین کو حفاظتی انتظامات کے تعلق سے رہنمائی کی۔ جس کے بعد نگر پریشد ملازمین نے جنگی پیمانے پر حفاظتی انتظامات و اقدامات کرتے ہوئے پورے شہر کی صاف صفائی، گلیوں، نالیوں میں جراشیم کش دواؤں کا چھڑکاؤ کیا، سبزی فروشوں کے لئے مناسب و موزوں جگہ دیکر مجمع کم کرنے کی کوشش کی، نالیوں، کے صفائی اور گندے پانی کی نکاسی کا انتظام کیا، پینے کے پانی جمع کرنے والی شہر کی دونوں بڑی ٹنکیوں کی صفائی کی۔
آج مورخہ 28 مارچ سے شہر کی تمام مساجد کو جراشیم سے پاک کرنے کیلئے مسجدوں کو فائر برگیڈ کی مدد سے پانی سے دھویا گیا، صاف صفائی کی گئی اور جراشیم کش دواؤں کا چھڑکاؤ کیا گیا۔ آج شہر کی تقریبا چھ مساجد لی گئی۔ کل شہر کی باقی مساجد کو بھی جراشیم سے پاک کیا جاۓ گا۔ اس دوران نگر پریشد کے عملے کے ساتھ پانی پروٹھا سبھاپتی حجن شہر بانو کے فرزند گل زماں شاہ اور مہلا بال کلیان سبھاپتی ذکیہ بانو کے شوہر انیس جمعدار ہر جگہ موجود رہے کر اپنی نگرانی و رہنمائی میں کام کرارہے ہیں۔ شہر میں دفعہ 144 نافذ ہونے کی وجہ سے مساجد میں صرف 5 لوگوں کو نماز پڑھنے کی اجازت انتظامیہ نے دی ہے، لیکن انہیں بھی کرونا وائرس کے بچاؤ کےلئے حفاظتی اقدامات پر عمل پہرا ہونے کو کہا گیا۔
کرونا وائرس سے بچاؤ کے لئے ضروری حفاظتی اقدامات میں مساجد کی طرف بھی توجہ دینے پر مسلم حلقوں میں نگر پریشد انتظامیہ و عہدداران کے کاموں کی سرہنا کی جارہی ہے۔

ممبئی پریس خصوصی خبر

ممبئی سابق پولس کمشنر پرمبیر سنگھ کو بڑی راحت، سی بی آئی نے تھانہ کا کیس بند کر دیا، کورٹ میں کلوزر رپورٹ داخل

Published

on

parambir singh

‎ممبئی کے سابق پولیس کمشنر پرمبیر سنگھ کو مرکزی تفتیشی بیورو (سی بی آئی) نے تھانے کے کوپری پولیس اسٹیشن میں درج ہفتہ وصولی اور دھمکی کے معاملے میں کلین چٹ دے دی ہے۔ سنگھ نے سابق وزیر داخلہ انیل دیشمکھ پر سنگین الزامات لگانے کے ساتھ کئی سنسنی خیز انکشافات کیے تھے۔ سی بی آئی نے اس معاملے میں چیف جوڈیشل مجسٹریٹ کو کلوزر رپورٹ پیش کی ہے۔ سی بی آئی کے مطابق 2016-17 میں پیش آئے اس معاملے میں جرم ثابت کرنے کے لیے ثبوت دستیاب نہیں ہے اور نہ تھےنہ ہی یہ کوئی متنازع معاملہ ہے۔

‎سی بی آئی نے اپنی رپورٹ میں کہا کہ شکایت کنندہ اگروال کی مالیاتی لین دین میں بے ایمانی رونما ہوئی ہے اور وہ جھوٹے دیوانی اور فوجداری مقدمات کے ذریعے لوگوں کو پھنسانے کے لیے معروف ہے۔ اس کے علاوہ، تحقیقات سے پتہ چلا ہے کہ اگروال اور بلڈر سنجے پنمیا کے درمیان تصفیہ بغیر کسی دباؤ یا زبردستی کے ہوا تھا۔

‎پرم بیرسنگھ کے خلاف ممبئی کے میرین ڈرائیو، گورےگاؤں، اکولا اور تھانے نگر تھانوں میں کل پانچ مقدمات درج کیے گئے تھے۔ ان میں سی بی آئی نے کوپری پولیس اسٹیشن میں ہفتہ وصولی کے معاملے کی تحقیقات کو بند کر دیا ہے، لیکن دیگر چار معاملات کی تحقیقات ابھی جاری ہے۔

Continue Reading

سیاست

قانون ساز کونسل میں غدار پر ہنگامہ 10 منٹ تک کارروائی ملتوی

Published

on

parliament

ممبئی مہاراشٹر قانون ساز کونسل میں اس وقت ہنگامہ برپا ہوگیا, جب قانون ساز کونسل میں مراٹھی مانس کو ترجیحی بنیادوں پر گھر فراہمی کے مسئلہ پر بحث جاری تھی۔ شیوسینا لیڈر انیل پرب نے ایوان میں مراٹھی مانس کے گھر اور فلاح کے لئے کام کرنے کی سرکار کو تلقین کی اور ان سے متعلق قانون سازی کا مطالبہ کیا, اس پر وزیر سنبھو راج دیسائی اور انیل پرب میں لفظی جھڑپ ہوئی اور کیونکہ انیل پرب نے سوال کیا کہ سرکار مل مزدوروں کے لئے قانون سازی کب کرے گی, اس پر سمبھوراج نے کہا کہ ۲۰۱۹ سے ۲۰۲۲ تک قانون سازی کیوں نہیں کی گئی, اسی دوران انیل پرب نے ایوان میں غدار لفظ کا استعمال کیا جس پر سنبھوراج دیسائی برہم ہو گئے اور کہا کہ “آئی لا غدار کو نلا منتے” یعنی غدار کس کو کہا اس پر انیل پرب نے کہا کہ اس وقت آپ جس کی جوتے چاٹتے تھے۔ اس دوران کونسل میں ہنگامہ ہوا اور ایوان کی کارروائی کو 10 منٹ کے لئے ملتوی کرنا پڑا, اس کے بعد ایوان میں یہ واضح کیا گیا کہ ایوان کے کام کاج ریکارڈ سے یہ لفظ حذف کر دیا گیا۔ مراٹھی مانس کو گھر ترجیحاتی بنیادوں پر فراہم کرنے سے متعلق ۲۰۲۱ اور ۲۰۲۲ میں کوئی قانون نہیں تھا۔ اس پر انیل پرب کو غصہ آیا اور لفظی جھڑپ شروع ہو گئی۔

Continue Reading

ممبئی پریس خصوصی خبر

سنجے سرشاٹ کو انکم ٹیکس محکمہ کا نوٹس، الیکشن میں حلف نامہ میں مندرجہ جائیداد کی تفصیلات پیش کرنے کا حکم

Published

on

Sanjay-Shirsat

ممبئی رکن پارلیمان اور وزیر اعلیٰ ایکناتھ شندے کے فرزند سریکانت شندے کو انکم ٹیکس کی نوٹس سے متعلق شندے سینا کے وریر سنجے سرشاٹ نے یہ واضح کیا ہے کہ میرے حوالہ سے جو خبر نیوز چینل میں نشر کی جارہی ہے کہ سریکانت شندے کو انکم ٹیکس محکمہ کی نوٹس موصول ہوئی ہے, میں اس سے لاعلم ہوں, لیکن مجھے نوٹس موصول ہوئی ہے اور یہ نوٹس مجھے اپنے ۲۰۲۴ کے الیکشن میں حلف نامہ میں جائیداد سے متعلق تفصیلات پیش کرنے پر دی گئی ہے, اور اس میں جائیداد کی تفصیلات بھی طلب کی گئی ہے۔ انہوں نے بتایا کہ میں نے ایسا نہیں کہا ہے کہ سریکانت شندے کو نوٹس ملی ہے یا نہیں مجھ سے یہ دریافت کیا گیا کہ سریکانت شندے اور سنجے سرشاٹ کو انکم ٹیکس کی نوٹس سیاسی دباؤ کا نتیجہ تو نہیں ہے اس پر میں نے اپنا موقف واضح کیا تھا, البتہ میرے نام سے گمراہ کن خبر نشر کی جارہی ہے کہ میں یہ بتایا ہے کہ سریکانت شندے کو نوٹس موصول ہوئی ہے یہ سراسر غلط ہے, مجھے جو نوٹس موصول ہوئی ہے اس کا جواب میں کچھ دنوں میں ارسال کروں گا۔ انکم ٹیکس محکمہ کا کام وہ کر رہا ہے اور میں اپنا کام کروں گا۔

Continue Reading
Advertisement

رجحان

WP2Social Auto Publish Powered By : XYZScripts.com