ریلائنس فاونڈیشن ممبئی میں رہنے والے مالی اور سماجی طور سے پسماندہ طبقات کو 3 لاکھ ٹیکے مفت لگائے گا۔ ممبئی کے 50 سے زیادہ مقامات پر ’میونسپل کارپوریشن آف گریٹر ممبئی‘ (ایم سی جی ایم) کے اشتراک سے، سر ایچ این ریلائنس فاونڈیشن اسپتال یہ فری ٹیکے لگائے گا۔ اس فری ویکسی نیشن مہم کا فائدہ دھاراوی، ورلی، وڈالا، کولابا، پرتیکشا نگر، کماٹھی پورہ، مان خورد، چیمبور، گوونڈی اور بھانڈوپ کے دبے کچلے اور کمزور لوگوں کو ملے گا۔

اس سلسلے میں اظہار خیال کرتے ہوئے ریلائنس فاونڈیشن کی بانی اور چیئرپرسن شریمتی نیتا ایم امبانی نے کہا ”ریلائنس فاونڈیشن کووڈ-19 وباء کے خلاف اس لڑائی میں، ہر قدم پر ملک کے ساتھ کھڑا ہے۔ لوگوں کو وائرس سے بچانے کیلئے مجموعی ٹیکہ کاری واحد اور سب سے بڑا ہتھیار ہے۔ ہر ہندوستانی کو جلد سے جلد ٹیکہ کاری کی سہولت ملے، یہ یقینی بنانے کیلئے ہم ہر ممکن کوشش کرنے کیلئے پابند عہد ہیں۔ مجھے یقین ہے کہ ہم ساتھ مل کر اس چنوتی بھرے وقت کا سامنا کر سکیں گے۔“ ممبئی اور ملک بھر میں مالی اورسماجی طور سے کمزور کمیونٹی کیلئے اس مشن کا توسیع، ریلائنس فاونڈیشن کا عزم اور اس کے ’وی کیئر‘ کے وعدے کو واضح کرتا ہے۔

سر ایچ این ریلائنس فاونڈیشن اسپتال ممبئی کے چنندہ مقامات پر ٹیکہ کاری مہم کیلئے جدید موبائل وہیکل یونٹ تعینات کرے گا۔ جبکہ ایم سی جی ایم اور بیسٹ اس مہم کیلئے بنیادی ڈھانچہ اور لاجسٹک سپورٹ دیں گے۔ یہ پہل ممبئی سے سر ایچ این ریلائنس فاونڈیشن اسپتال کی ریگولر ہیلتھ آوٹ ریچ پروگرام پر مبنی ہے، جو موبائل میڈیکل وین اور میڈیکل یونٹس کے ذریعہ مالی اور سماجی طور سے کمزور آبادی کی ابتدائی طبی ضروریات کو پوری کرتی ہیں۔ یہ ٹیکہ کاری پروگرام ریلائنس فاونڈیشن کے مشن ’ویکسن۔ سُرکشا‘ پہل کا حصہ ہے اور اگلے تین مہینوں تک اسے چلایا جائے گا۔ آنے والے کچھ مہینوں میں ملک بھر کے محروم طبقوں کیلئے بھی اس پہل کے تحت ٹیکے لگائے جائیں گے۔

اس وباء کی شروعا ت سے ہی ریلائنس فاونڈیشن کووڈ-19 کے خلاف لڑائی میں ملک کے ساتھ کھڑا ہے۔ پچھلے 16 مہینوں میں ریلائنس فاونڈیشن نے شریمتی نیتا ایم امبانی کی قیادت میں بہت سے مہم چلائی ہیں۔ جس میں ٹسٹنگ سے لیکر ہیلتھ سروس، آکسیجن سے لیکر مفت بھوجن اور کمزور برادریوں کیلئے ماسک بانٹنے جیسی پہل شامل ہیں۔ ان پہلوں اور مہمات کے تحت کئے گئے کاموں کی لمبی لسٹ میں سے کچھ خاص کام ہیں : روزانہ ایک لاکھ مریضوں کی ضرورتوں کو پورا کرنے کیلئے آکسیجن مفت دستیاب کرانا۔ پورے ملک میں 2000+ سے زیادہ کووڈ۔ کیئر بیڈز کو چلانے میں مدد، وباء سے متاثر کمزور کمیونٹی کو 7.5 کروڑ سے زیادہ بھوجن دستیاب کرانا۔ تحفظ کیلئے ایک کروڑ سے زیادہ ماسک کی تقسیم اور بیداری پیغامات کو عوام تک پہنچانا۔ مشن ویکسین۔ سُرکشا کے تحت ریلائنس کے ملازمین، ان کے خاندان کے ممبروں اور منحصرین کو 10 لاکھ سے زیادہ کوڈ-19 ویکسن دی گئی ہے۔ اب تک سبھی اہل ملازمین میں سے 98 فی صد سے زیادہ کو کووڈ-19 ویکسین کی کم سے کم ایک ڈوز لگ چکی ہے۔