ممبئی : ممبئی مہاراشٹر سماجوادی پارٹی لیڈر و رکن اسمبلی ابوعاصم اعظمی نے کہا کہ بی جے پی کے آنجہانی وزیر اعظم اٹل بہاری واجپئی نے فلسطین کی آزادی کی حمایت کی تھی اور اس پر ظلم و جبر کی مخالفت کی تھی, لیکن آج ملک اسرائیل نواز ہے۔ انہوں نے اسرائیل اور ایران جنگ کے حالات پر ایران کی حمایت کرتے ہوئے ایران کے لئے دعا کی اور کہا کہ ایران مظلومین کیلئے میدان عمل میں اللہ اسے کامیابی عطا کرے, میں یہی دعا کرتا ہوں ایرانی مذہبی پیشوا اور سربراہ آیت اللہ خمینی کی جراتمندی اور حمیت کو ابو عاصم اعظمی نے سلام پیش کرتے ہوئے کہا کہ ایران ظلم کے خلاف کھڑا ہے, اس لیے ہم اس کے لئے دعا گو ہے۔ اعظمی نے کہا کہ ایران سے جس طرح سے ہندوستانی شہریوں کو ہندوستان لایا گیا ہے, اسی طرح سے اسرائیل میں جنگ کا شکار ہندوستانیوں کو بھی وطن واپس لایا جائے۔ کرناٹک سرکار کے ہاؤسنگ سوسائٹی میں ۱۵ فیصد مسلمانوں کو ریزرویشن دینے کے فیصلہ کا بھی اعظمی نے خیرمقدم کیا اور کہا کہ ہاؤسنگ سوسائٹی میں اگر ۱۵ فیصد ریزرویشن دیا گیا تو اس میں غلط کچھ نہیں ہے, یہاں سب کے ساتھ مساوی انصاف کا حق و اختیار ہے۔

بہرائچ : ایران اور اسرائیل کے درمیان جنگ میں شدت کے باعث 150 کے قریب مزدور کئی شہروں میں پھنسے ہوئے ہیں۔ جس کی وجہ سے گھر والوں میں بھی بے چینی پائی جاتی ہے۔ اسرائیل میں پھنسے ایک کارکن نے فون پر کہا کہ یہاں حالات ٹھیک نہیں ہیں اس لیے میں ہندوستان واپس جانا چاہتا ہوں۔ تاہم، اس وقت پروازیں دستیاب نہیں ہیں، اور اس وجہ سے ان کے لیے سیکیورٹی کا بڑا بحران پیدا ہوگیا ہے۔ میہی پوروا علاقے کے پورینا رگھوناتھ پور کے رہنے والے سندیپ نے اسرائیل کے ہیڈیرا سے بتایا کہ یہاں میزائل گر رہے ہیں لیکن میزائل گرنے سے پہلے ہمیں الرٹ ملتا ہے اور سائرن بجنے لگتا ہے۔ ہم بنکروں میں چھپ جاتے ہیں۔ روزمرہ کے ان حالات کی وجہ سے ڈیوٹی بھی متاثر ہو رہی ہے۔ اب ہم گھر واپس جانا چاہتے ہیں۔

کم و بیش دیگر کارکنوں کا بھی یہی حال ہے۔ گوپال کی بیوی کملاوتی جو اسرائیل گئی تھی نے کہا کہ میرے شوہر ایک سال سے وہاں کام کر رہے ہیں۔ میں حکومت سے مطالبہ کرتا ہوں کہ انہیں بحفاظت وطن واپس بھیجا جائے۔ اب اسرائیل کی حالت دیکھ کر ڈر لگتا ہے۔ فی الحال وہ لوگ محفوظ ہیں لیکن کسی بھی وقت حادثہ ہو سکتا ہے۔ سندیپ اور سنجے کے اہل خانہ کا کہنا ہے کہ دونوں بھائی ایک سال سے اسرائیل میں رہ رہے ہیں لیکن اب ایران اور اسرائیل کے درمیان جاری خوفناک جنگ کو دیکھ کر ہم چاہتے ہیں کہ ہمارے بیٹے بحفاظت واپس آئیں۔

آپ کو بتاتے چلیں کہ بہرائچ کے میہی پوروا علاقے سے تقریباً 1500 کارکن مختلف علاقوں میں اسرائیل گئے ہیں۔ ان میں سے اکثر کے اہل خانہ اس وقت شدید مخمصے کا شکار ہیں۔ اگرچہ اچھی تنخواہ کی وجہ سے خاندان کی مالی حالت بہتر ہو رہی ہے لیکن اسرائیل میں بگڑتی ہوئی صورتحال کی وجہ سے اہل خانہ پریشان ہیں۔

ممبئی : ممبئی سابق وزیر اور این سی پی لیڈر دھننجے منڈے کو ہائیکورٹ نے زبردست جھٹکا دیا ہے۔ منڈے کو ان کی اہلیہ کو گزرا بھتہ نان و نقفہ دینے کا حکم جاری کیا ہے, دھننجے منڈے کو ۵۰ فیصد نان و نفقہ کی ادائیگی کا حکم چار ہفتوں میں ممبئی ہائیکورٹ نے جاری کیا ہے۔ کرونا منڈے نے صحافیوں سے گفتگو کرتے ہوئے منڈے پر سنگین الزام عائد کئے ہیں, انہوں نے کہا کہ منڈے بہتر ہے لیکن ان کی دلال گینگ انہیں بہکاتی ہے۔ اس فیصلہ کا کرونا منڈے نے خیر مقدم کیا ہے۔ سابق وزیر دھننجے منڈے کا کیس باندرہ فیملی کورٹ میں جاری تھا, منڈے سے نان و نقفہ کا مطالبہ کرونا نے کیا تھا۔ منڈے پر 2 لاکھ روپیہ گزرا بھتہ نان و نفقہ کا دعویٰ کیا گیا تھا, اس عرضداشت پر سماعت کرتے ہوئے منڈے کو ہائیکورٹ نے زبردست جھٹکا دیا ہے۔ باندرہ کورٹ نے کئی ماہ قبل کرونا شرما کو گزرا بھتہ کے طور پر ایک لاکھ ۲۵ ہزار روپے ادائیگی کا حکم دیا تھا۔ اس کو ہائیکورٹ کو میں چیلینج کیا گیا تھا۔ اس پر جسٹس منجو شاہ دیشپانڈے کی یک رکنی بینچ نے سماعت کی۔ اگست ۲۰۲۲ تا جون ۲۰۲۵ یا ۳۴ مہینے کا کل ۴۳ لاکھ ۷۵ ہزار روپے بقایا ادا کرنے کا حکم اور ۲۱ لاکھ ۸۷ ہزار ۵۰۰ روپے یعنی ۵۰ فیصد رقم باندرہ کورٹ میں چار ہفتوں میں جمع کرنے کا حکم صادر کیا ہے۔ کرونا منڈے نے دھننجے منڈے پر اذیت دینے اور دھمکانے سمیت موبائل فون پر فحش ویڈیو ارسال کرنے کا بھی سنگین الزام عائد کیا ہے۔