Connect with us
Sunday,22-November-2026

ممبئی پریس خصوصی خبر

ممبئی : خوانچہ فروشوں کو عارضی جگہ فراہم کی جائے ریاستی سرکار کو ہدایت، رئیس شیخ نے تشویش کا کیا اظہار

Published

on

ممبئی: مرکزی حکومت نے 2014 میں اسٹریٹ وینڈرس ایکٹ منظور کیا گیا اور ریاستی حکومت نے 2016 میں اسکی قوانین سازی کی۔ اہل اسٹریٹ وینڈرز کے نام اور تعداد طے شدہ ہے اور انہیں فروخت کرکے روزی کمانے کا پورا حق ہے۔ لہٰذا، ٹاؤن وینڈنگ کمیٹی کی تشکیل کا انتظار کیے بغیر اور سپریم کورٹ میں کیس زیر التوا ہونے کے باوجود، ممبئی میونسپل کارپوریشن کو چاہیے کہ وہ خوانچہ فروشوں اسٹریٹ وینڈرز کو عارضی فروخت کی جگہیں فراہم کرے، اسمبلی اسپیکر راہل نارویکر نے ریاستی حکومت کو حکم دیا۔سماج وادی پارٹی کے بھیونڈی ایسٹ کے ایم ایل اے رئیس شیخ نے جمعہ کو اسمبلی میں ممبئی میونسپل کارپوریشن کے افسران کی جانب سے گلیوں کے دکانداروں سے ہفتہ وصول کرنے پر تشویش کا اظہار کیا تھا۔ اس سلسلے میں بات کرتے ہوئے ایم ایل اے رئیس شیخ نے کہا کہ ممبئی میں 32,415 اسٹریٹ وینڈرز کو ووٹر کے طور پر اہل قرار دیا گیا ہے۔ یہ 2014 میں ایک قانون بنایا گیا تھا، 2016 میں، ریاستی حکومت نے قوانین بنائے۔لیکن ممبئی میونسپل کارپوریشن نے ابھی تک سٹی وینڈر کمیٹی نہیں بنائی ہے۔
نتیجتاً، گلیوں میں دکانداروں کے لیے کوئی مقررہ جگہ مختص نہیں کی گئی۔ اہل گلی خوانچہ فروشوں کو ہر روز محکمہ تجاوزات کے خاتمے کے چھاپوں و کارروائی کا سامنا کرنا ہے۔ اس کا ناجائز فائدہ کچھ خوانچہ فروش اٹھا رہے ہیں۔ ممبئی میونسپل کارپوریشن کے ملازمین بھی اسٹریٹ وینڈرز خوانچہ فروشوں سے ہفتہ وصول کر رہے ہیں۔ ایم ایل اے رئیس شیخ نے ممبئی میونسپل کارپوریشن پر الزام لگایا کہ اہل اسٹریٹ وینڈرز کا روزگار کا مسئلہ پیدا ہوا ہے۔توجہ طلب نوٹس کا جواب دیتے ہوئے، صنعت کے وزیر ادے سمنت نے کہا کہ ممبئی میں اسٹریٹ وینڈر قوانین بنائے جانے کے بعد، 1,28,443 درخواستیں موصول ہوئیں۔ میونسپلٹی کو 99,435 درخواستیں موصول ہوئیں۔ 10,360 اسٹریٹ وینڈرز کو سرٹیفکیٹ دیے گئے ہیں۔ تاہم جنوادی ہاکرس ایسوسی ایشن کی جانب سے سپریم کورٹ میں دائر پٹیشن کی وجہ سے سٹی وینڈر کمیٹی انتخابات کے بعد بھی وجود میں نہیں آسکی۔ نائب وزیر اعلیٰ ایکناتھ شندے نے 2024 میں ممبئی میونسپل کارپوریشن کو حکم دیا تھا کہ وہ اہل گلی خوانچہ فروشوں کو بے دخل نہ کریں، وزیر سامنت نے وضاحت کی۔اس کے بعد اسمبلی اسپیکر راہل نارویکر نے معاملے میں مداخلت کی۔ پچھلے دس برسوں سے ممبئی میونسپل کارپوریشن نے سڑکوں پر دکانداروں کو لاتعلق چھوڑ رکھا ہے۔ اہل گلی فروشوں کو کیسے زندہ رہنا چاہئے؟ انہوں نے دریافت کیا ۔ ممبئی میونسپل کارپوریشن کو فوری طور پر اہل اسٹریٹ وینڈرز کو فروخت کی اجازت اور عارضی جگہیں مختص کرنے کی ہدایت دی ۔ اسپیکر نارویکر نے حکم دیا کہ سپریم کورٹ میں مقدمات کے حل کے بعد مستقل بنیادوں پر جگہیں فراہم کی جائیں۔

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading

ممبئی پریس خصوصی خبر

کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

Published

on

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔

Continue Reading

ممبئی پریس خصوصی خبر

ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

Published

on

high-crout

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔

Continue Reading
Advertisement

رجحان