ممبئی: ممبئی مئیر آف ممبئی ریتو تاوڑے کی کار پر بتی اور بی ایم سی عہدیداروں کے وی آئی پی کلچرل کی ویڈیو وائرل ہونے کے بعد بی ایم سی نے تمام سرکاری عہدیداروں کی کار سے بتی اور چمکتی ہوئی لائٹیں نکالنے کا دعوی کیا ہے بی ایم سی کے مطابق میڈیا میں میونسپل کارپوریشن کے عہدیداروں کی گاڑیوں پر چمکتی ہوئی لائٹیں لگانے کی خبریں نشر ہوئی تھی اس حوالے سے انتظامیہ کی جانب سے واضح کیا گیا ہے کہ عہدیداران کو عہدہ سنبھالنے کے بعد گاڑیاں فراہم کی جاتی ہیں۔ جیسے ہی ان گاڑیوں پر چمکتی ہوئی بتی روشنی کا معاملہ سامنے آیا تو عہدیداران کی گاڑیوں پر لگی چمکتی روشنیاں (فلشر لائٹس) ہٹا دی گئیں۔ واضح رہے کہ بی ایم سی اس وقت حرکت میں آئی جب میئر ریتوتاوڑے کی کار پر نصب وی وی آئی پی کلچرل سے متعلق سوشل میڈیا پر بحث چھڑ گئی تھی اور اب بی ایم سی انتظامیہ نے اس مسئلہ پر وضاحت کر کے کاروں سے بتی ہی ہٹا دی ہے وزیر اعظم نریندر مودی نے وی وی آئی پی کلچرل کے خلاف وزراسمیت دیگر کی کاروں سے لال بتیاں نکالنے کا حکم دیاتھا اس کے بعد بی ایم سی میئر کی کار پر بتی کی تنصیب پر تنقیدیں شروع ہو گئی تھی اب یہ تمام کاروں کی بتیاں نکالنے کا دعویٰ بی ایم سی نے کیا ہے۔

ممبئی: اگلا ہفتہ بھارتی اسٹاک مارکیٹ کے لیے اہم ہوگا۔ امریکہ-اسرائیل-ایران جنگ، غیر ملکی سرمایہ کاروں کے جذبات، خام تیل کی قیمتیں، اور فیڈ ریزرو کے اجلاس کا فیصلہ مارکیٹ کی نقل و حرکت کا تعین کرے گا۔ شرح سود پر امریکی فیڈ کا دو روزہ اجلاس 17 مارچ کو شروع ہوگا اور اس کے فیصلوں کا اعلان 18 مارچ کو کیا جائے گا۔ موجودہ جنگ اور خام تیل کی بڑھتی ہوئی قیمتوں کے پیش نظر فیڈ کی اس میٹنگ کو انتہائی اہم قرار دیا جا رہا ہے۔ اس ہفتے مارکیٹ کے لیے خام تیل کی قیمتیں بھی اہم ہوں گی۔ گزشتہ ہفتے، سپلائی چین میں رکاوٹوں کی وجہ سے، بین الاقوامی خام تیل کی قیمتوں میں تقریباً 11 فیصد اضافہ ہوا ہے۔ نتیجتاً، خام تیل کی قیمتوں میں اتار چڑھاؤ اگلے ہفتے مارکیٹ کی سمت کا تعین کرنے میں کلیدی کردار ادا کر سکتا ہے۔ امریکہ اسرائیل ایران جنگ مسلسل تیسرے ہفتے میں داخل ہو گئی ہے۔ امریکی صدر ڈونلڈ ٹرمپ نے ہفتے کے روز کہا تھا کہ امریکہ ایران کی تیل کی برآمدات کے لیے ایک اہم مرکز خارگ جزیرے پر اضافی فضائی حملے کر سکتا ہے۔ نتیجتاً، جنگ اور تناؤ کا امکان مارکیٹ کی نقل و حرکت میں کلیدی کردار ادا کر سکتا ہے۔ غیر ملکی سرمایہ کار ہندوستانی اسٹاک مارکیٹ میں مسلسل فروخت کر رہے ہیں۔ غیر ملکی ادارہ جاتی سرمایہ کاروں (ایف آئی آئیز) نے مارچ کے پہلے پندرہ دن میں ایکویٹی مارکیٹ سے 52,704 کروڑ روپے نکال لیے۔ نتیجتاً، FII کا جذبہ مارکیٹ کے جذبات کا تعین کرنے میں کلیدی کردار ادا کرے گا۔ گزشتہ ہفتہ مشرق وسطیٰ میں کشیدگی کی وجہ سے ہندوستانی بازار کے لیے ایک اہم نقصان رہا ہے۔ اس مدت کے دوران، سینسیکس 4,354.98 پوائنٹس یا 5.52 فیصد گرا، اور نفٹی 1,299.35 پوائنٹس یا 5.31 فیصد گرا۔ 9-13 مارچ کے درمیان کمی کی وجہ سے، بمبئی اسٹاک ایکسچینج (بی ایس ای) میں درج تمام کمپنیوں کا مارکیٹ کیپ ₹ 20 لاکھ کروڑ کی کمی سے ₹ 430 لاکھ کروڑ پر آ گیا ہے، جو ہفتے کے آغاز میں تقریباً ₹ 450 لاکھ کروڑ سے کم ہو گیا ہے۔ اس ہفتے کے دوران آٹو انڈیکس میں سب سے زیادہ کمی دیکھی گئی۔ تمام اشاریہ جات میں، نفٹی آٹو 10.64 فیصد گر کر سرفہرست رہا۔ اس کے ساتھ ہی نفٹی پی ایس یو بینک 7.27 فیصد، نفٹی انڈیا ڈیفنس 7.01 فیصد، نفٹی پرائیویٹ بینک 6.96 فیصد، نفٹی میٹل 5.90 فیصد، نفٹی فائنانشل سروس 5.68 فیصد، نفٹی انڈیا مینوفیکچرنگ 5.60 فیصد اور نفٹی انفرا 7 فیصد 5.5 فیصد گر کر بند ہوئے۔

ممبئی: ملا ڈ ریلوے اسٹیشن پر نماز ادائیگی پر پولس نے کریٹ سومیا کی شکایت کے بعد کیس درج کرلیا ہے اور اس معاملہ ریلوے کی ملکیت پر نماز ادا کرنے پر ملزمین کو نوٹس بھی ارسال کردی ہے بی جے پی لیڈر کریٹ سومیا نے ریلوے اسٹیشن پر نماز کی ادائیگی پر اعتراض کرتے ہوئے فرقہ پرستی کا مظاہرہ کیا تھا اتنا ہی نہیں ہے اسے مراٹھی ممبئی کو مسلم ممبئی قرار دینے کی سازش بھی قرار دیا تھا اس کے بعد کریٹ سومیا نے جائے وقوع کا بھی معائنہ کیا اور پھر ریلوے پولس میں شکایت درج کروانے کےلیے ایک تحریری شکایت بھی کی تھی ایک مسافر نے سوشل میڈیا پرنماز کا ویڈیو جاری کرتے ہوئے کارروائی کا مطالبہ کیا تھا جس کے بعد کریٹ سومیا نے اس پر نوٹس لیا اور پھر کیس درج کر لیا گیا ہے۔ ممبئی میں جس طرح سے نماز پر کریٹ سومیا نے اعتراض درج کرایا ہے اسی طرز پر کیا وہ ریلوے میں بھجن منڈلی اور دیگر خرافات پر بھی کارروائی کا مطالبہ کریں گے۔ ریلوے پولس نے ملاڈریلوے اسٹیشن پر نماز
کے خلاف کارروائی شروع کردی پولس نے اس معاملے میں اسٹیشن ماسٹر کی شکایت کے بعد مشتاق بابو لون (عمر 35) ہاکر، صہیب صداقت ساہا (عمر 25) ہاکر، بسم اللہ دین انصاری (عمر 43) ہاکر اور دیگرکے خلاف کیس درج کرلیا گیا ہے ۔ ریلوے پروٹیکشن فورس آر پی ایف نے ریلوے ایکٹ کی دفعہ 147 کے تحت شکایت درج کی ہے۔ریلوے پولیس جی آر پی نے بی این ایس کی دفعہ 168 کے تحت نوٹس جاری کیا۔ مزید تفتیش جاری ہے۔ پولس کی اس کارروائی کے بعد اب یہ سوال پیدا ہوتا ہے کہ ریلوے پولس نے جس طرح کریٹ سومیا کے دباؤ میں کارروائی کرتے ہوئے کیس درج کر لیا ہے کیا اسی طرز پر ریلوے میں غیر قانونی بھجن منڈلیوں کے خلاف کارروائی ہو گی ۔ اس معاملہ میں جن ملزمین پر کیس درج کیا گیا ہے وہ خوانچہ فروش ہے اور اس کے ساتھ پولس اس معاملہ مزید تفیش میں مشغول ہے۔