(جنرل (عام
مالیگاؤں میں محرم کی رسومات کا پر امن اختتام
(خیال اثر)
کورونا بیماری کے چلتے لاک ڈاؤن کی وجہ سے گزشتہ پانچ مہینے میں جو تہوار اور مواقع آئے، سب پابندی کی نذر ہو گئے. عرس، اجتماع، وعظ کے پروگرام تو دور، عیدالفطر اور عیدالاضحیٰ کی نماز کی بھی اجازت نہیں دی گئی. اس لئے محرم الحرام کی رسومات اور تعزیہ داری کی اجازت مل سکے گی یا نہیں؟ اس تعلق سے تعزیہ داروں کے علاوہ عام مسلمان بھی فکر اور تشویش میں مبتلا تھے. ایسے وقت میں دیگر لوگوں کے ساتھ ساتھ سنی تعزیہ کمیٹی کے نے بھی مہاراشٹر حکومت تک اپنی بات پہنچائی. جس کی وجہ سے حکومت نے اپنی گائیڈ لائن میں واضح طور پر تعزیہ رکھنے کی اجازت دے دی. اب مسئلہ یہ تھا کہ بیماری نا پھیلے، اس کی روک تھام کے لئے تعزیہ کے پاس بھیڑ بھاڑ کو روکنے کے لئےمناسب احتیاط اور انتظام کرتے ہوئے قانون کی پاسداری کرتے ہوئے رسومات ادا کی جائے. سب سے بڑا مسئلہ تعزیہ کو لے کر جانے کا تھا. کیونکہ اس کی اجازت سرکار نے نہیں دی.
سنی تعزیہ کمیٹی نے اپنی حکمت عملی کے تحت بھرپور نمائندگی کرتے ہوئے سرکاری انتظامیہ، محکمہ پولیس اور میونسپل کارپوریشن سے ہر ممکن سہولیات اور چھوٹ حاصل کرنے کی کوشش کی، اور مناسب انتظامات کرنے کا مطالبہ کیا.اور اللہ نے سنی تعزیہ کمیٹی کے ارکان کی زبان میں وہ اثر دیا کہ ہر جگہ ہماری بات سنی بھی گئی اور مانی بھی گئی.اور آج محرم الحرام کی تمام تقریبات خصوصاً تعزیہ داری کی تمام رسومات قانون کی مکمل پاسداری کرتے ہوئے پوری احتیاط کے ساتھ پر امن طریقے سے اور اپنی روایتی شان و شوکت کے ساتھ انجام دی گئی.اور آخری مرحلہ تعزیہ کو کربلا یا امام باڑے تک لے جانے کا بھی کارپوریشن کے تعاون سے مکمل کیا گیا.اس طرح سنی تعزیہ کمیٹی نے ہر جگہ مناسب نمائندگی کرتے ہوئے جس طرح کی سہولیات اور انتظامات فراہم کروائے، اس کے لئے تعزیہ داروں کے ساتھ ساتھ شہر کے ہر مکتبہ فکر کے مسلمانوں کی جانب سے اطمینان کا اظہار کیا جارہا ہے.
درمیان میں کچھ ایسے لوگ بھی منظر عام پر آئے، جو سال بھر کہیں نظر نہیں آتے. اور سنی تعزیہ کمیٹی کے بر خلاف خود کو نمایاں کرنے کی کوشش کی. اس کے لئے کچھ اخبارات میں ایسے بیانات دیئے، مانو گاڑی انہیں لوگوں نے کھینچی ہے. جبکہ حقیقت یہ ہے کہ انہوں نے اپنی حرکتوں سے صرف مشکلیں بڑھائیں تھی. گنپتی وسرجن کے لئے جس طرح تیرہ جگہوں پر پوائنٹ بنا کر گاڑیوں کا انتظام کارپوریشن نے کیا، اسی طرح کا کوئی انتظام تعزیہ کے لئے کرنے کا مطالبہ جب سنی تعزیہ کمیٹی نے پولس کنٹرول روم کی میٹنگ میں کیا، تو وہ لوگ مخالفت میں خوب چینخ وپکار کر رہے تھے، مگر سنی تعزیہ کمیٹی کے مطالبے کو منظور کرتے ہوئے عملی کاروائی شروع ہوئی تو اخبارات میں ایسے بیان شائع کروائے گئے کہ سب ان کا ہی کارنامہ ہے. جبکہ شہریان بخوبی جانتے ہیں کہ کون کام کرتا رہتا ہے، اور کون کام کروانے کی صلاحیت رکھتا ہے.
بہر حال! اراکین سنی تعزیہ کمیٹی اللہ تعالیٰ کا شکر بجا لاتے ہیں، کہ سب کچھ اطمینان کے ساتھ اختتام پذیر ہوا. اسی طرح تمام سرکاری آفیسران، کارپوریشن محکمہ اور خصوصی طور پر پولیس محکمہ کا شکریہ ادا کرتے ہیں کہ پولس ڈپارٹمنٹ نے شہر کے امن کے لئے اپنے ڈیوٹی سے محنت بھی کی اور تعاون کیا. ہم شہر کی عوام کے بھی شکر گزار ہیں کہ عوام کے تعاون کے بغیر تو یہ ممکن ہی نہیں تھا.
ریاض احمد عطر والے(صدر سنی تعزیہ کمیٹی )، جاوید انور(سکریٹری) اور تمام عہدے دار و اراکین سنی تعزیہ کمیٹی، مالیگاؤں کی جانب سے تمام ہی لوگوں کا شکریہ ادا کیا گیا.
(جنرل (عام
راجستھان میں گیس سلنڈر میں آگ لگنے سے 21 افراد جھلس گئے، 15 زخمیوں کو جے پور ریفر کر دیا گیا

جے پور : راجستھان کے کوٹ پتلی-بہروڑ ضلع میں بانسور کے گاؤں بڈھ ملک پور (رسنالی) میں ہفتے کی صبح تعزیتی تقریب کے دوران گیس سلنڈر سے لیکیج کے باعث آگ لگ گئی، جس کے نتیجے میں کم از کم 21 افراد جھلس گئے۔ زخمیوں میں سے 15 افراد کو تشویشناک حالت میں جے پور منتقل کر دیا گیا ہے، جبکہ 6 افراد کوٹ پتلی ڈسٹرکٹ ہسپتال میں زیرِ علاج ہیں۔ یہ واقعہ صبح تقریباً 11 بجے پیش آیا جب اس گھر میں، جہاں تعزیتی تقریب جاری تھی، ایک خاتون نے چائے بنانے کے لیے گیس چولہا جلایا۔ بتایا گیا ہے کہ صحن میں رکھا ہوا گیس سلنڈر لیک ہو رہا تھا۔ جیسے ہی چولہا جلایا گیا، آگ تیزی سے پھیل گئی اور اس نے سلنڈر، خیمے اور صحن میں بچھائی گئی دریوں کو اپنی لپیٹ میں لے لیا۔
اس گھر میں تقریباً 50 مرد و خواتین جمع تھے جو بڈھ ملک پور کے رہائشی 80 سالہ جے رام کسانا کی تعزیتی تقریب میں شرکت کے لیے آئے تھے؛ جے رام کسانا کا جمعہ کے روز انتقال ہو گیا تھا۔ بھارتی کسان سنگھ کے کوٹ پتلی-بہروڑ ضلعی صدر اشوک کمار گھنگھل کے مطابق، اہل خانہ کو گیس لیک ہونے کا علم نہیں تھا۔ اچانک آگ بھڑک اٹھی جس کی زد میں آ کر تقریب میں شریک کئی افراد جھلس گئے۔ آس پاس کے دیہاتی فوری طور پر موقع پر پہنچے اور پانی ڈال کر آگ پر قابو پایا۔ زخمیوں کو ایمبولینسوں اور نجی گاڑیوں کے ذریعے ہسپتال پہنچایا گیا۔ واقعے کے بعد، بانسور کے ایس ڈی ایم (ایس ڈی ایم) نونیت کمار اور تحصیلدار صورتحال کا جائزہ لینے اور حادثے کی تفصیلات جاننے کے لیے سب ڈسٹرکٹ ہسپتال پہنچے۔
گھنگھل نے بتایا کہ زخمیوں کو ابتدائی طور پر کوٹ پتلی اور بانسور کے ہسپتالوں میں لے جایا گیا تھا۔ کوٹ پتلی لے جائے جانے والوں میں سے 12 افراد کو جے پور ریفر کر دیا گیا، جبکہ بانسور لے جائے جانے والوں میں سے 3 افراد کو بھی جے پور منتقل کیا گیا۔ بانسور سے 2 دیگر زخمیوں کو کوٹ پتلی منتقل کیا گیا۔ فی الحال، 6 زخمی افراد کوٹ پتلی ڈسٹرکٹ ہسپتال میں زیرِ علاج ہیں۔ کل 15 مریضوں کو خصوصی علاج کے لیے جے پور بھیجا گیا ہے۔ ایس ایم ایس (ایس ایم ایس) ہسپتال کے قائم مقام سپرنٹنڈنٹ ڈاکٹر راشم کٹاریا نے بتایا کہ زیادہ تر زخمیوں کے جسم کا 20 فیصد سے 40 فیصد حصہ جھلس گیا ہے، جبکہ کچھ مریضوں کے جسم کا 50 فیصد تک حصہ جل گیا ہے۔ ڈاکٹر تمام مریضوں کی حالت کا جائزہ لے رہے ہیں۔ زخمیوں کو برن آئی سی یو (برن آئی سی یو) میں داخل کر دیا گیا ہے اور ان کا علاج شروع ہو چکا ہے۔
ممبئی پریس خصوصی خبر
پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔
ممبئی پریس خصوصی خبر
کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
جرم7 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست1 year agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
ممبئی پریس خصوصی خبر7 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
(جنرل (عام1 year agoمالیگاؤں دھماکہ کیس میں سادھوی پرگیہ ٹھاکر اور کرنل پروہت سمیت تمام 7 ملزمین بری، فیصلے کے بعد بی جے پی نے کانگریس کے خلاف کھول دیا محاذ
-
بین الاقوامی خبریں1 year agoچینی وزیر خارجہ وانگ یی 18-19 اگست 2025 کو آ رہے ہندوستان، ایس جے شنکر اور اجیت ڈوبھال سے ان مسائل پر ہوگی بات چیت
-
سیاست1 year agoملک میں سیاسی ماحول گرم ہو گیا ہے… الیکشن کمیشن کل کی پریس کانفرنس میں راہول گاندھی کے ووٹ چوری کے الزامات کا جواب دے سکتا ہے۔
