سیاست
تجاوزات مکت مالیگاؤں گروپ کور کمیٹی کے سرکردہ ذمہ داران کی وارڈ نمبر 12 کے کارپوریٹروں کے ساتھ کارپوریشن کمشنر کشور بوروڈے سے ملاقات
(وفا ناہید)
تجاوزات مکت مالیگاؤں گروپ کی کل رات کی مشورتی مٹینگ میں طے پایا تھا کہ کارپوریشن کے انہدامی عملے نے وارڈ نمبر، 12 قدوائی روڑ، احمد رضا روڑ، مچھلی بازار، بہادرشاہ ظفر روڑ پر سے تجاوزات اٹھایا ہے مگر نا پی ملبے کی صفائی کی اور نہ ہی دوبارہ تجاوزات کرنے والوں پر ضبطی کاروائی کی اس لئے ہمیں وارڈ کے کارپوریٹرس کی معاونت لینی چاہئے دراصل وارڈ نمبر 12 شہر کاوہ واحد وارڈ ہے جہاں سب سے زیادہ تجاوزات ہے اور ہر مرتبہ کارپوریشن کا انہدامی دستہ یہیں سے شروعات کرتا ہے مگر بغیر منصوبہ بندی کے کاروائی ہونے کے سبب تجاوزات مافیا دوبارہ دوکانیں لگا کر عوام کے دیرینہ مطالبے پر پانی پھیر دیتے ہیں اور پھر عوام الناس کو یونہی دشواریوں کا سامنا کرنا پڑتا ہے اس کمی کے ازالے کیلئے تجاوزات مکت مالیگاؤں گروپ کے ممبران نے چاروں کارپوریٹروں کو مدعو کیا اور ان سے اس بارے میں بات چیت کی اور اب تک کی کارکردگی بتاتے ہوئے ان سے درخواست کی تھی کہ آپ کے وارڈ میں دوبارہ اتی کرمن نہ ہو تو دوسری جگہوں پر کاروائی ہونے پر وہاں بھی دوبارہ ناجائز تجاوزات نہیں ہوگا. جس پر انہوں نے آج کارپوریشن کمشنر کشور بوروڈے سے ملاقات کی حامی بھری تھی اور آج بروز پیر کو ٹھیک 1 بجے راشد ایوب، مستقیم ڈگنیٹی، رشید بیڑی والا کے ساتھ کور کمیٹی کے سرکردہ افراد نے کمشنر سے ملاقات کی اور ان سے پرزور مطالبہ کیا کہ جہاں سے بھی اتی کرمن اٹھے وہاں دوبارہ اتی کرمن نہ ہو، ان کے سامان ضبط کئے جائیں اور ان پر فوجداری مقدمہ درج کیا جائے، ملبے کو جلد از جلد صاف کیا جائے اور پیرا ڈائز اسکول کے بازو میں پانی کی ٹانکی کا گیٹ جوکہ روڑ پر بنا ہوا ہے اس کو توڑ کر شاپنگ گالے کی قطار میں کیا جائے، نمیرہ ھائٹس کے ٹھیکے دار نے سروے نمبر 10 کی عوامی بیت الخلاء کی گٹر کا رخ پانی کی ٹانکی کے کمپاؤنڈ کی طرف کردیا ہے جس سے شہریان کی صحت کو خطرہ ہے اسلیے جلد از جلد ان سے باز پرس کی جائے اور وجہ بتاؤ نوٹس جاری کرتے ہوئے عوام کو راحت دی جائے، نمیرہ ھائٹس کے بازو سے جو 20 فٹ کا راستہ مچھلی بازار میں نکلتا ہے اسے جاری کیا جائے تاکہ اسکول کے بچوں کو راحت ملے اور بہادر شاہ ظفر روڑ کا ٹریفک کم ہو ساری باتوں کو بغور سننے کے بعد کمشنر نے بھروسہ دلایا کہ ہم آپ کی تمام جائز مانگوں کو پورا کریں گے اور بدھ کے روز ان جگہوں کا معائنہ کرنے آئینگے. کل کے وفد میں کارپوریٹراعجاز بیگ، عرفان شاہد، ارشد پٹھان، شکیل حاجی، عبدالاحد، غفران مولانا کمپاؤنڈ کے علاوہ گروپ کے سرکردہ افراد بھی شامل تھے.
ممبئی پریس خصوصی خبر
ممبئی میں 14 جولائی کو بارز اور ریسٹورینٹس بند رہیں گے، ٹیکس میں اضافے کے خلاف ہوٹل انڈسٹری کا احتجاج
ممبئی، 12 جولائی 2025* – حالیہ ٹیکسوں میں اضافے کے خلاف شدید احتجاج کرتے ہوئے مہاراشٹرا بھر کے ہزاروں بارز، ریسٹورینٹس اور پرمٹ رومز پیر، 14 جولائی کو بند رہیں گے۔ یہ ریاست گیر بند انڈین ہوٹلز اینڈ ریسٹورینٹس ایسوسی ایشن (اے ایچ اے آر) کی جانب سے بلایا گیا ہے۔ ہوٹل انڈسٹری کے رہنماؤں کا کہنا ہے کہ یہ ٹیکس اضافہ اس شعبے کے لیے وجود کا مسئلہ بن چکا ہے۔
تین گنا ٹیکس کا بوجھ
یہ بند اس سال انڈسٹری پر لگنے والے تین بڑے مالی دباؤ کے خلاف ہے :
- شراب پر ایکسائز ڈیوٹی میں 60 فیصد اضافہ
- شراب پر ویلیو ایڈیڈ ٹیکس (وی اے ٹی) 5 فیصد سے بڑھا کر 10 فیصد کر دیا گیا
- سالانہ لائسنس فیس میں 15 فیصد اضافہ
اے ایچ اے آر کے مطابق، ان اقدامات نے چھوٹے اور درمیانے درجے کے کاروباروں کو، جو پہلے ہی وبا کے اثرات سے نکلنے کی کوشش کر رہے تھے، مزید تباہی کے دہانے پر پہنچا دیا ہے۔
انڈسٹری دباؤ میں
مہاراشٹرا کی ہوٹل اور ریسٹورینٹ انڈسٹری ملک کی سب سے بڑی انڈسٹریز میں سے ایک ہے، جو 20 لاکھ سے زائد افراد کو روزگار فراہم کرتی ہے اور تقریباً 50,000 سپلائرز کو سہارا دیتی ہے۔ بڑھتے ہوئے آپریٹنگ اخراجات کے ساتھ، نئے ٹیکسوں نے متعدد کاروباروں کو مالی بحران میں ڈال دیا ہے۔
اے ایچ اے آر کے صدر سدھاکر شیٹی نے کہا، “یہ صرف ٹیکس کا مسئلہ نہیں، بلکہ ہمارے زندہ رہنے کا سوال ہے۔ ہر طرف سے دباؤ بڑھ رہا ہے — لاگت میں اضافہ، ٹیکس میں اضافہ اور صارفین کی آمد میں کمی۔ اگر حکومت نے پالیسیوں پر نظر ثانی نہ کی تو بہت سے کاروبار مستقل طور پر بند ہو جائیں گے۔”
وسیع پیمانے پر شرکت متوقع
*20,000 سے زائد بارز اور ریسٹورینٹس، جن میں سے تقریباً *8,000 صرف ممبئی ریجن میں ہیں، اس بند میں حصہ لیں گے۔ اس احتجاج کو دیگر ہوٹل اور تجارتی تنظیموں کی حمایت بھی حاصل ہوگی، جس سے یہ حالیہ برسوں کا سب سے بڑا منظم بند بننے جا رہا ہے۔
حکومت سے اپیل
انڈسٹری کے رہنماؤں نے وزیر اعلیٰ اکناتھ شندے اور نائب وزیر اعلیٰ و وزیر خزانہ اجیت پوار سے مطالبہ کیا ہے کہ وہ فوری طور پر ان ٹیکسوں پر نظر ثانی کریں۔ اے ایچ اے آر نے خبردار کیا ہے کہ اگر حکومت نے کوئی قدم نہ اٹھایا تو یہ ایک دن کی علامتی ہڑتال مستقبل میں غیر معینہ مدت کے بند میں تبدیل ہو سکتی ہے۔
شیٹی نے مزید کہا، “ہم لڑائی نہیں چاہتے، ہمیں صرف جینے کا حق اور منصفانہ سلوک چاہیے۔ ہوٹل انڈسٹری ریاست کی معیشت اور سیاحت میں اہم کردار ادا کرتی ہے۔ ہمیں پائیدار طریقے سے کام کرنے کا موقع دیا جانا چاہیے۔”
*صارفین کے لیے اس کا مطلب
14 جولائی کو صارفین کو درج ذیل کا سامنا ہو سکتا ہے :
- مہاراشٹرا بھر میں زیادہ تر بارز اور پرمٹ رومز بند رہیں گے
- شراب پیش کرنے والے ریسٹورینٹس میں کھانے پینے کی سہولت محدود ہوگی
- ہوٹل انڈسٹری سے جڑی سپلائی چین میں تاخیر کا امکان ہے نتیجہ
14 جولائی کا بند مہاراشٹرا کی ہوٹل انڈسٹری کے لیے ایک اہم موڑ ثابت ہو سکتا ہے۔ جب لاکھوں لوگوں کی روزی روٹی اور مقامی معیشت داؤ پر لگی ہو، تو انڈسٹری کے رہنما امید کر رہے ہیں کہ یہ متحدہ احتجاج حکومت کو ایک متوازن اور قابل عمل ٹیکسیشن پالیسی کی طرف مائل کرے گا۔ تب تک، گرمی صرف کچن تک محدود نہیں رہے گی۔
جرم
داعش آئی ایس آئی ایس پونے سلیپر ماڈیول کیس میں 11واں کلیدی سازشی اور مطلوب ملزم این آئی اے کے ذریعے گرفتار
قومی تحقیقاتی ایجنسی (این آئی اے) نے آئی ایس آئی ایس پونے سلیپر ماڈیول کیس میں مطلوب ایک اور اہم سازشی کو گرفتار کیا ہے۔ رضوان علی @ ابو سلمہ @ مولا کیس RC-05/2023/NIA/MUM میں گرفتار ہونے والے 11 ویں ملزم ہے اور اس پر۳ لاکھ روپے کا انعام تھا۔ این آئی اے کی خصوصی عدالت نے رضوان کے خلاف اسٹینڈنگ غیر ضمانتی وارنٹ (این بی ڈبلیو) بھی جاری کیا تھا، جو نامزد غیر ملکی دہشت گرد تنظیم، اسلامک اسٹیٹ آف عراق اینڈ سیریا (آئی ایس آئی ایس) کی دہشت گردانہ سرگرمیوں کو فروغ دینے میں سرگرم عمل تھا۔
آئی ایس آئی ایس کی بھارت مخالف سازش کے ایک حصے کے طور پر، جسے مختلف دیگر ناموں سے بھی جانا جاتا ہے، رضوان نے دہشت گردوں کے ٹھکانے کے طور پر استعمال کرنے کے لیے مختلف مقامات کی جاسوسی اور سراغ رسانی میں فعال کردار ادا کیا تھا۔ اس کیس میں این آئی اے کی تحقیقات کے مطابق، وہ فائرنگ کی کلاسیں کرنے اور دیسی ساختہ دھماکہ خیز آلات (آئی ای ڈی) کی تیاری میں بھی شامل تھا۔
اس کیس میں این آئی اے کی تحقیقات کے مطابق، وہ فائرنگ کی کلاسیز منعقد کرنے اور دیسی ساختہ دھماکہ خیز آلات (آئی ای ڈی) کی تیاری میں بھی شامل تھا۔ پہلے سے گرفتار اور عدالتی حراست میں 10 دیگر ملزمان کے ساتھ، رضوان نے ملک کو غیر مستحکم کرنے اور فرقہ وارانہ انتشار پھیلانے کے لیے دہشت گردانہ کارروائیوں کی سازش کی تھی۔
رضوان علی کے علاوہ سلیپر سیل کے دیگر گرفتار ارکان کی شناخت محمد عمران خان، محمد یونس ساکی، عبدالقادر پٹھان، سیماب ناصر الدین قاضی، ذوالفقار علی بڑودوالا، شمل ناچن، عاکف ناچن، شاہنواز عالم، عبداللہ فیاض شیخ اور طلحہ خان کے نام سے ہوئی ہے۔ تمام ملزمین کو این آئی اے نے یو اے (پی) ایکٹ، دھماکہ خیز مواد ایکٹ، اسلحہ ایکٹ اور آئی پی سی کی مختلف دفعات کے تحت چارج شیٹ کیا ہے۔ حکومت ہند کے خلاف جنگ چھیڑ کر تشدد اور دہشت کے ذریعے ملک میں اسلامی حکمرانی قائم کرنے کی داعش کی سازش کو ناکام بنانے کی کوششوں کے ایک حصے کے طور پر این آئی اے اس معاملے میں اپنی تحقیقات جاری رکھے ہوئے ہے۔
ممبئی پریس خصوصی خبر
ممبئی فوٹوپاس بنوانے کی فیس میں تخفیف ہو، رکن اسمبلی ابوعاصم اعظمی کا ایوان میں مطالبہ
مہاراشٹر قانون ساز اسمبلی میں عوام کی سہولت کے لئے فوٹو پاس شناختی کارڈ بنوانے کی فیس میں تخفیف کا مطالبہ آج رکن اسمبلی ابوعاصم اعظمی نے کیا ہے۔ مانخورد شیواجی نگر علاقے میں جھونپڑیوں اور دکانوں کی منتقلی کی فیس کو کم کرنے، فوٹو پاس کے لیے کرایہ کلکٹر عملہ اور کالونی آفس میں تعینات کرنے اور 2000 تک کی رسید رکھنے والوں کو جلد فوٹو پاس جاری کرنے کے مطالبہ اعظمی نے کیا ہے, تاکہ علاقے کے مکینوں کو سہولت ملے اور حکومت کو محصول حاصل ہو سکے انہوں نے کہا کہ گھر کے فوٹو پاس کی فیس 40 ہزار اور دکان کی 60 ہزار روپے ہے جو غریبوں کے لئے کافی زیادہ ہے, اس لئے اس فیس کو کم کیا جائے۔
ناگپاڑہ میں لاؤڈ اسپیکر نکالنے پر تنازع کشیدگی کے بعد پولس الرٹ، نائب وزیر اعلیٰ اجیت پوار سے مسلم نمائندہ وفد کی میٹنگ
بھیونڈی پڑگھا داعش امیر ثاقب ناچن کی موت
تلنگانہ میں بی جے پی کو بڑا جھٹکا… ٹی راجہ سنگھ نے بی جے پی سے استعفیٰ دے دیا، جانیں وجہ۔
معروف اداکارہ اور بگ باس 13 کی مدمقابل شیفالی جری والا 42 سال کی عمر میں دل کا دورہ پڑنے سے اس دنیا سے انتقال کر گئیں, اس بیماری کی دوا کیا ہے؟
مرکزی حکومت کا بڑا فیصلہ… نتن گڈکری کے ‘ٹول فری’ اعلان کے بعد یوپی کے آگرہ-لکھنؤ، پوروانچل، بندیل کھنڈ ایکسپریس وے پر کیا اثر پڑے گا؟
ناگپاڑہ میں لاؤڈ اسپیکر نکالنے پر تنازع کشیدگی کے بعد پولس الرٹ، نائب وزیر اعلیٰ اجیت پوار سے مسلم نمائندہ وفد کی میٹنگ
بھیونڈی پڑگھا داعش امیر ثاقب ناچن کی موت
تلنگانہ میں بی جے پی کو بڑا جھٹکا… ٹی راجہ سنگھ نے بی جے پی سے استعفیٰ دے دیا، جانیں وجہ۔
معروف اداکارہ اور بگ باس 13 کی مدمقابل شیفالی جری والا 42 سال کی عمر میں دل کا دورہ پڑنے سے اس دنیا سے انتقال کر گئیں, اس بیماری کی دوا کیا ہے؟
مرکزی حکومت کا بڑا فیصلہ… نتن گڈکری کے ‘ٹول فری’ اعلان کے بعد یوپی کے آگرہ-لکھنؤ، پوروانچل، بندیل کھنڈ ایکسپریس وے پر کیا اثر پڑے گا؟
-
سیاست9 months agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years agoابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years agoریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years agoبھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years agoعبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا