Connect with us
Monday,13-October-2025

جرم

شمال مشرقی دہلی میں تشدد سے مرنے والوں کی تعداد 23 پہنچی، حالات کشیدہ

Published

on

شمال مشرقی دہلی میں شہریت ترمیمی قانون (سي اے اے ) کے خلاف رونما ہوئے تشدد سے اب تک مرنے والوں کی تعداد 23 ہو گئی ہے۔ علاقے میں دفعہ 144 نافذ ہونے کے باوجود بھی گوکل پوری میں آج صبح کچھ فسادیوں نے ایک دکان میں آگ لگا دی۔ پورے ضلع میں اضافی سکیورٹی فورسز کو تعینات کیا گیا ہے اور پولیس کے اعلی افسران مسلسل حالات پر نظر بنائے ہوئے ہیں لیکن حالات اب بھی کشیدہ ہیں۔ گرو تیغ بہادر اسپتال کے میڈیکل سپرنٹنڈنٹ سنیل کمار گوتم کے مطابق 189 زخمی افراد کو اسپتال میں داخل کرایا گیا جس میں سے 23 لوگوں کی موت ہو چکی ہے۔ اسپتال ذرائع نے بتایا کہ دس سے زائد افراد کی حالت اب بھی نازک بنی ہوئی ہے۔ اس سے مرنے والوں کی تعداد بڑھنے کا خدشہ ہے۔ دہلی کے وزیر اعلی اروند کیجریوال نے شمال مشرقی دہلی کے کچھ علاقوں کی صورتحال کو سنگین قرار دیتے ہوئے لوگوں میں اعتماد پیدا کرنے کے لئے فوج تعینات کرنے کا مطالبہ کیا ہے۔ مسٹر کیجریوال نے آج ٹویٹ کر کے کہا کہ تشدد سے متاثرہ علاقوں میں فوری طور پر کرفیو نافذ کیا جانا چاہیے۔ انہوں نے کہا کہ وہ اس سلسلے میں مرکزی وزیر داخلہ امت شاہ کو خط لکھ رہے ہیں۔مسٹر کیجریوال نے کہا کہ وہ شب بھر بڑی تعداد میں لوگوں کے رابطے میں تھے۔ حالات انتہائی سنگین ہیں۔ پولیس کی تمام کوششوں کے باوجود حالات قابو میں نہیں آرہے ہیں۔ واضح ر ہے کہ اتوار کو بی جے پی کے لیڈ ر کَپل مشرا کی اشتعال انگیز تقریر اور معمولی خشت باری کے بعد پیر کو دن بھر پورے ضلع میں پر تشدد واقعات رونما ہوتے رہے۔ شوروم سے بڑی چھوٹی دکانوں میں آگ لگا دی گئی۔ ایک پٹرول پمپ کو بھی نذر آتش کردیا گیا۔ گوکل پوری میں ٹائر مارکیٹ میں آگ لگا دی گئی جسے بجھانے میں فائر بریگیڈ کے عملے کو سخت مشقت کرنی پڑی۔ اس مارکٹ کی تقریباََ سبھی دکانیں جل کر خاکستر ہو گئیں۔

(جنرل (عام

درگاپور اجتماعی عصمت دری کیس : مرد دوست کا کردار زیر تفتیش، پولیس کا کہنا ہے۔

Published

on

crimeeee

کولکتہ، پولیس کو میڈیکل کی طالبہ کے مرد دوست کے بیان میں تضاد پایا گیا ہے، جس کے ساتھ وہ 10 اکتوبر کو مغربی بنگال کے درگا پور میں واقع اس کے کالج کے قریب جنگلاتی علاقے میں پانچ افراد کی طرف سے اجتماعی عصمت دری کرنے سے پہلے باہر گئی تھی۔ اس رات اس کی کچھ حرکتوں نے تفتیش کاروں کے ذہنوں میں شکوک و شبہات کو جنم دیا تھا، پولیس ذرائع کے مطابق میڈیکل کی طالبہ کی شکایت کی بنیاد پر پتہ چلا کہ یہ واقعہ رات 8 بجے کے درمیان پیش آیا۔ اور 8.45 شام پہلے تو تین لوگوں نے نوجوان خاتون کو گھیر لیا۔ اس وقت جب نوجوان خاتون نے اپنے کالج کے دوستوں کو اطلاع دینے کی کوشش کی تو اس کا فون چھین لیا گیا۔ بعد میں دو اور لوگ آئے۔ اس واقعے میں مجموعی طور پر پانچ افراد ملوث تھے۔ الزام ہے کہ بعد میں ملزم نے نوجوان خاتون سے 5000 روپے کے عوض اپنا فون واپس لینے کو کہا۔ تفتیش کاروں کے مطابق طالبہ کا مرد دوست لڑکی کو پانچ افراد کے گھیرے میں لینے کے بعد فرار ہوگیا۔

متاثرہ کے والد نے بحران کے وقت اپنی بیٹی کو چھوڑنے میں مرد دوست کے کردار پر سوال اٹھایا۔ انہوں نے اس سلسلے میں پولیس کو شکایت بھی دی تھی۔ انہوں نے دعویٰ کیا کہ اس سارے واقعے میں ہم جماعت بھی ملوث ہے۔ ذرائع کے مطابق طالب علم کو خطرے میں دیکھ کر دوست جس طرح سے بھاگا اس نے کئی سوالات کھڑے کر دیے۔ اتنا ہی نہیں، تفتیش کار حیران ہیں کہ کیا وہ طالب علم کو بچانے کے لیے کالج کے دوسرے دوستوں کو بھی بلا سکتا تھا۔ کچھ تفتیش کاروں کے ذہنوں میں یہ سوال بھی ہے کہ اس نے ایسا کیوں نہیں کیا۔ آسنسول-درگاپور پولیس کمشنریٹ کے ایک سینئر افسر نے کہا، “تفتیش جاری ہے۔ ہم تمام ممکنہ زاویوں سے جانچ کر رہے ہیں۔” جمعہ کے روز، اڈیشہ کی میڈیکل کے دوسرے سال کی طالبہ کے ساتھ مبینہ طور پر درگاپور کے کیمپس کے باہر اجتماعی عصمت دری کی گئی جب وہ اپنے مرد دوست کے ساتھ رات کے کھانے کے لیے باہر گئی تھی۔ اسے مقامی ہسپتال لے جایا گیا، جہاں اس کا علاج جاری ہے۔ درگاپور نیو ٹاؤن شپ پولس میں پانچ افراد کے خلاف شکایت درج کرائی گئی ہے۔ اس دوران، پولس نے اجتماعی عصمت دری کیس کے سلسلے میں ایک اور شخص کو گرفتار کیا ہے، جس سے گرفتاریوں کی کل تعداد چار ہوگئی ہے۔

Continue Reading

جرم

سرکاری نوکری کے نام پر کروڑوں روپے کی ٹھگی، ملزم دلی سے گرفتار… سینکڑوں بے روزگاروں سے ملزم نے پیسہ وصول کیا تھا

Published

on

Crime

ممبئی : مہاراشٹر کے متعدد اضلاع میں مرکزی سرکار اور ریاستی سرکار میں سرکاری نوکری دلانے کے نام پر دھوکہ دہی کے الزام میں ممبئی اقتصادی ونگ نے ملزم کو گرفتار کرنے کا دعوی کیا ہے. نئی ممبئی کا تاجر سنتوش گنپت نے شکایت درج کروائی کہ سرکاری نوکری کے لئے اس سے ملزم نلیش کانشی رام راٹھور نے پانچ لاکھ روپے وصول کئے اور میڈیکل ٹیسٹ و اپوائمنٹ تقرر نامہ کے لئے پانچ سے ۱۵ لاکھ روپے وصول کئے. اس کے خلاف ای او ڈبلیو نے کیس درج کیا کیونکہ اس نے نوکری کا لالچ دے کر 2.88 کروڑ روپے کی دھوکہ دہی کی ہے اور تفتیش میں یہ انکشاف ہوا کہ اس نے ۱۰ کروڑ کا دھوکہ کیا ہے, اقتصادی ونگ نے مفرور ملزم کو گرفتار کرنے کے لئے ٹیم تشکیل دی اور آکولہ سمیت دیگر علاقوں میں اس کی تلاشی لی گئی ملزم نے ۲۰۲۲ میں سینکڑوں نوجوانوں کو آر سی ایف میں تقرری کے لیے دھوکہ دیا اس کی شکایت ای او ڈبلیو میں کی گئی. ای او ڈبلیو کو اطلاع ملی کہ ملزم دلی سے فرار ہونے کی سعی کر رہا ہے اس پر پولس نے اسے دلی سے گرفتار کیا ملزم کے خلاف ممبئی ای او ڈبلیو اور پونہ ڈکن میں مجرمانہ معاملہ درج ہے اس کی مزید تفتیش جاری ہے. ای او ڈبلیو کے سربراہ نشت مشرا کی سربراہی میں یہ کارروائی انجام دی گئی ہے۔

Continue Reading

جرم

ممبئی انڈرورلڈ ڈان ڈی کے راؤ ہفتہ وصولی کی پاداش میں گرفتار

Published

on

Arrest

ممبئی : ممبئی انڈورلڈ ڈان چھوٹا راجن گینگ کا رکن گینگسٹر ڈی کے راؤ کو ممبئی کرائم برانچ نے ہفتہ وصولی کے الزام میں گرفتار کرنے کا دعویٰ کیا ہے. اس کے ساتھ پولس نے اس کے دو ساتھیوں انیل سنگھ اور میمت بھوٹا کو بھی گرفتار کیا ہے گینگسٹر نے میمت بھوٹا کے ساتھ مل کر سرمایہ کار سے ایک کروڑ ۲۵ لاکھ روپے وصول کئے تھے اور انہیں برے نتائج کی دھمکی دی تھی, جس کے بعد اس کی شکایت شکایت کنندہ نے پولس میں درج کروائی. پولس نے کارروائی کرتے ہوئے ڈی کے راؤ کو گرفتار کر کے اس کا ریمانڈ حاصل کر لیا ہے. ممبئی کرائم برانچ نے اس سے بھی ڈی کے راؤ کو ایک ہوٹل مالک کو دھمکی دے کر ۲ کروڑ ۵۰ لاکھ روپے ہفتہ وصولی کے الزام میں گرفتار کیا تھا اس کے ساتھ اس کے ساتھیوں کو بھی گرفتار کیا گیا تھا


مضافاتی ساکی ناکہ علاقہ میں ہوٹل مالک کو دھمکی دی گئی تھی اور جبرا ہوٹل پر قبضہ کو بھی الزام ہے. اس معاملہ میں ایک کیس درج کیا گیا تھا اس میں ڈی کے راؤ ضمانت پر ہے. گزشتہ شب ڈی کے راؤ اپنے پرانے کیس کی سماعت کے سلسلے میں سیشن کورٹ میں حاضری کے غرض سے گیا تھا, اسی دوران پولس نے اسے گرفتار کر لیا. اس معاملہ میں پولس اس سے اور اس کے ساتھیوں سے باز پرس کر رہی ہے. بتایا جاتا ہے کہ ڈی کے راؤ کا دھاراوی علاقہ میں اب بھی دبدبہ اور دہشت ہے اور وہ ہفتہ وصولی سمیت دیگر غیر قانونی سرگرمیوں میں ملوث ہے. اس پر کرائم برانچ نے اب اپنا شکنجہ کس دیا ہے. جس سے انڈرورلڈ میں دہشت پائی جارہی ہے. اس معاملہ میں کرائم برانچ ڈی کے راؤ کے ساتھیوں سے بھی باز پرس کرے گی, اس کے ساتھ ہی کرائم برانچ ان متاثرین سے بھی باز پرس کرے گی جو ڈی کے راؤ کے عتاب کا شکار تھے

Continue Reading
Advertisement

رجحان

WP2Social Auto Publish Powered By : XYZScripts.com