Connect with us
Friday,11-July-2025
تازہ خبریں

(جنرل (عام

مسلم او بی سی ایس بی سی کی جانب سے قصوروارپولس افسر و اہلکاروں کو معطل کرنے کا مطالبہ

Published

on

عطاؤ الرحمٰن ، دھولیہ
بھارت بند کے دوران 29 جنوری 2020 کو شہرمیں تشدد برپا ہوا تھا، اسی ضمن میں پولس نے گرفتاریوں کا سلسلہ شروع کیا تھا۔ اچانک چھیالیس سیکنڈ کی ویڈیو سوشل میڈیا پر وائرل ہونے سے پولس کی یکطرفہ کاروائی پر سوالیہ نشان لگنے لگا ہے۔ مسلم او بی سی ایس بی سی نے ضلع انتظامیہ کو ایک میمورنڈم پیش کیا جس میں مطالبہ کیا گیا ہے کہ قصوروار پولس افسر و اہلکاروں کو فوری طور پر معطل کیا جائے۔ مزید لکھا ہے کہ ویڈیومیں دو لوگوں نے تشدد برپا کرنے کی غرض سے تلوار ہاتھوں میں لے کر بھیڑ کے درمیان چل رہے ہیں۔ بی جے پی کارپوریٹر کا فرزند پولس کے سامنے پتھراؤ کررہا ہے، لیکن اس کے خلاف ایف آئی آر درج نہیں کی گئی ہے۔ بھیڑ میں لوگوں کو امن امان قائم رکھنے کی اپیل کرنے والوں کے خلاف ایف آئی آر درج کی گئی ہے۔ جو لوگ سو فٹ روڈ، چالیس گاؤں روڈ پولس اسٹیشن کی حدود میں داخل ہی نہیں ہوئے ان پر بھی ایف آئی آر درج کی گئی ہے۔ سو فٹ روڈ کے سماج دشمن عناصر پر ایف آئی آر درج نہیں کی گئی ۔ جن کے خلاف پختہ ثبوت موجود ہیں صرف ان لوگوں کے خلاف ہی ایف آئی آر درج ہونا چاہیے معاملہ تشویش ناک ہوچکا ہے۔ کچھ قصوروار پولس والوں کی وجہ سے پورا پولس محکمہ بدنام ہوتا ہے۔ اس لئے قصوروار پولس والوں کو فوراً معطل کرنے کا مطالبہ مسلم او بی سی ایس بی سی کے صدر شیخ اشفاق اور ان کی ٹیم نے ضلع انتظامیہ اور ریاستی حکومت سے کیا ہے۔ ضلع انتظامیہ کو میمورنڈم پیش کرتے ہوئے سمیتی کے صدر اشفاق شیخ، جمیل شاہ، عبدالحفیظ انصاری، شاہد انصاری، سعید شیخ، عارف انصاری، ریاض پٹھان وغیرہ اراکین موجود تھے۔

ممبئی پریس خصوصی خبر

ممبئی سابق پولس کمشنر پرمبیر سنگھ کو بڑی راحت، سی بی آئی نے تھانہ کا کیس بند کر دیا، کورٹ میں کلوزر رپورٹ داخل

Published

on

parambir singh

‎ممبئی کے سابق پولیس کمشنر پرمبیر سنگھ کو مرکزی تفتیشی بیورو (سی بی آئی) نے تھانے کے کوپری پولیس اسٹیشن میں درج ہفتہ وصولی اور دھمکی کے معاملے میں کلین چٹ دے دی ہے۔ سنگھ نے سابق وزیر داخلہ انیل دیشمکھ پر سنگین الزامات لگانے کے ساتھ کئی سنسنی خیز انکشافات کیے تھے۔ سی بی آئی نے اس معاملے میں چیف جوڈیشل مجسٹریٹ کو کلوزر رپورٹ پیش کی ہے۔ سی بی آئی کے مطابق 2016-17 میں پیش آئے اس معاملے میں جرم ثابت کرنے کے لیے ثبوت دستیاب نہیں ہے اور نہ تھےنہ ہی یہ کوئی متنازع معاملہ ہے۔

‎سی بی آئی نے اپنی رپورٹ میں کہا کہ شکایت کنندہ اگروال کی مالیاتی لین دین میں بے ایمانی رونما ہوئی ہے اور وہ جھوٹے دیوانی اور فوجداری مقدمات کے ذریعے لوگوں کو پھنسانے کے لیے معروف ہے۔ اس کے علاوہ، تحقیقات سے پتہ چلا ہے کہ اگروال اور بلڈر سنجے پنمیا کے درمیان تصفیہ بغیر کسی دباؤ یا زبردستی کے ہوا تھا۔

‎پرم بیرسنگھ کے خلاف ممبئی کے میرین ڈرائیو، گورےگاؤں، اکولا اور تھانے نگر تھانوں میں کل پانچ مقدمات درج کیے گئے تھے۔ ان میں سی بی آئی نے کوپری پولیس اسٹیشن میں ہفتہ وصولی کے معاملے کی تحقیقات کو بند کر دیا ہے، لیکن دیگر چار معاملات کی تحقیقات ابھی جاری ہے۔

Continue Reading

سیاست

قانون ساز کونسل میں غدار پر ہنگامہ 10 منٹ تک کارروائی ملتوی

Published

on

parliament

ممبئی مہاراشٹر قانون ساز کونسل میں اس وقت ہنگامہ برپا ہوگیا, جب قانون ساز کونسل میں مراٹھی مانس کو ترجیحی بنیادوں پر گھر فراہمی کے مسئلہ پر بحث جاری تھی۔ شیوسینا لیڈر انیل پرب نے ایوان میں مراٹھی مانس کے گھر اور فلاح کے لئے کام کرنے کی سرکار کو تلقین کی اور ان سے متعلق قانون سازی کا مطالبہ کیا, اس پر وزیر سنبھو راج دیسائی اور انیل پرب میں لفظی جھڑپ ہوئی اور کیونکہ انیل پرب نے سوال کیا کہ سرکار مل مزدوروں کے لئے قانون سازی کب کرے گی, اس پر سمبھوراج نے کہا کہ ۲۰۱۹ سے ۲۰۲۲ تک قانون سازی کیوں نہیں کی گئی, اسی دوران انیل پرب نے ایوان میں غدار لفظ کا استعمال کیا جس پر سنبھوراج دیسائی برہم ہو گئے اور کہا کہ “آئی لا غدار کو نلا منتے” یعنی غدار کس کو کہا اس پر انیل پرب نے کہا کہ اس وقت آپ جس کی جوتے چاٹتے تھے۔ اس دوران کونسل میں ہنگامہ ہوا اور ایوان کی کارروائی کو 10 منٹ کے لئے ملتوی کرنا پڑا, اس کے بعد ایوان میں یہ واضح کیا گیا کہ ایوان کے کام کاج ریکارڈ سے یہ لفظ حذف کر دیا گیا۔ مراٹھی مانس کو گھر ترجیحاتی بنیادوں پر فراہم کرنے سے متعلق ۲۰۲۱ اور ۲۰۲۲ میں کوئی قانون نہیں تھا۔ اس پر انیل پرب کو غصہ آیا اور لفظی جھڑپ شروع ہو گئی۔

Continue Reading

ممبئی پریس خصوصی خبر

سنجے سرشاٹ کو انکم ٹیکس محکمہ کا نوٹس، الیکشن میں حلف نامہ میں مندرجہ جائیداد کی تفصیلات پیش کرنے کا حکم

Published

on

Sanjay-Shirsat

ممبئی رکن پارلیمان اور وزیر اعلیٰ ایکناتھ شندے کے فرزند سریکانت شندے کو انکم ٹیکس کی نوٹس سے متعلق شندے سینا کے وریر سنجے سرشاٹ نے یہ واضح کیا ہے کہ میرے حوالہ سے جو خبر نیوز چینل میں نشر کی جارہی ہے کہ سریکانت شندے کو انکم ٹیکس محکمہ کی نوٹس موصول ہوئی ہے, میں اس سے لاعلم ہوں, لیکن مجھے نوٹس موصول ہوئی ہے اور یہ نوٹس مجھے اپنے ۲۰۲۴ کے الیکشن میں حلف نامہ میں جائیداد سے متعلق تفصیلات پیش کرنے پر دی گئی ہے, اور اس میں جائیداد کی تفصیلات بھی طلب کی گئی ہے۔ انہوں نے بتایا کہ میں نے ایسا نہیں کہا ہے کہ سریکانت شندے کو نوٹس ملی ہے یا نہیں مجھ سے یہ دریافت کیا گیا کہ سریکانت شندے اور سنجے سرشاٹ کو انکم ٹیکس کی نوٹس سیاسی دباؤ کا نتیجہ تو نہیں ہے اس پر میں نے اپنا موقف واضح کیا تھا, البتہ میرے نام سے گمراہ کن خبر نشر کی جارہی ہے کہ میں یہ بتایا ہے کہ سریکانت شندے کو نوٹس موصول ہوئی ہے یہ سراسر غلط ہے, مجھے جو نوٹس موصول ہوئی ہے اس کا جواب میں کچھ دنوں میں ارسال کروں گا۔ انکم ٹیکس محکمہ کا کام وہ کر رہا ہے اور میں اپنا کام کروں گا۔

Continue Reading
Advertisement

رجحان

WP2Social Auto Publish Powered By : XYZScripts.com